رواية احبه و لكن كاملة بقلم مروان فرج عبر مدونة دليل الروايات
رواية احبه و لكن الفصل الخامس 5
جي جنب ودني بدرقه وقالي بعدين بنتصل بيك مترقديش وخش لي داره
وخشيت اني لي داري غيرت حوايجي علي السريع وقعمزت حطيته تليفوني جنبي وقعدت نراجي ساعه بزبط واتصل بياا
رديت عليه قالي تراجي فياا قتله اي مش قتلي بنتصل بيك قولت بالك يبي حاجه قالي اي نبي حاجات مش حاجه
قوتله زي شني قالي خيرك مش مرتي من حقي نطلب منك اي شي ومتقدريش اتقولي لا قوتله اي مرتك صح لكن انتا قوتلي علي الورق بس قالي اي اني هكي قولت لكن توا غيرت راي
قوتله كيف قالي علي الورق مرتي وفي القلب مرتي وفي الحوش مرتي وفي كل مكان مرتي
حي يا حي اني وربي نسمع ومش مصدقه قريب فتحت باب داري ومشيتله من الفرحه
قتله باهي وحبيبتك الاوله شن وضعها قالي خلاص انتي بتعوضيني كل شي صار معاي
انتي تنسيني حبيبتي الأوله واني انسيك حبيبك الأول
اني قولت شن حبيبك الأول انسيت بيك هاداكا الولد
بعدين تفكرت قعدت نضحك قالي خيرك صعب تنسي قصدك قتله
نقولك حاجه قالي شني قوتله انتاا قاعد تحبها قالي ابدأ والله ماعدا عندي ليها خلوق وكاره حتا اسمها قوتله باهي نقولك حاجه تانيه قالي شني قوتله اني مافيش حد في حياتي
قالي وهادكا مني قوتله والله منعرفه نبي نشوف ردة فعلك شني بس قالي تراا احلفي قوتله والله العظيم مافي في قلبي غيرك
قالي قصدك اني في قلبك قوتله في
#قلبي
#عيوني
#روحي
#انتاا نبضي
قالي بشويه علياا حياة قتله شوفت انتا شن بالنسبه لياا
قالي قصدك تحبيني من قبل قوتله نمووووت فيييييييك
وقعد يضحك فرحان مش مصدق قالي وعلاش ماقلتيش قوتله هكي لاناا انتاا عندك حبيبه قالي خلاص توا انتي حبيبتي وعمري وروحي والقلب كله
ياعيني ياعيني ياعيني
💃💃💃💃💃💃💃
نوضت نرقص علي السرير
قالي متقوليش خيرك تتحركي شن في جنبك قوتله مافي شي غير واسيت روحي قالي اها باهي تمام
فرحااااااااااانه بنطير يااااااناااااس معقوله بسرعه هادي
قالي خلاص من غدوه معاش نبي نقولك حياة
وله علاش من غدوه من تواا انتي حبيبتي قلبي
قوتله خالد قالي حبيبت قالب خالد
يا حي عليااا غير اصبر
انتاا متإكد من الي تقول فيه
قالي كيف
قتله يعني انتاا حبيتني بسرعه هادي
قالي ومن قالك حبيبتك اليوم اني قوتله املاا كيف احكيلي قالي
تدكري يوم ما قريتي علياا اول مره قوتله اي قالي جاني احساس غريب وفقت لقيتك راقده جنبي قعدت نشبحلك ومعاش رقدت لصبح حسيت اني ضالمك معاي وفي نفس الوقت حسيتك خشيتي قلبي لاكن لما جس الصبح و خشيت دوشت حسيت باحساس تاني غريب اناا نبي نخطب اكرام
قوتله كيف معاش فهمتك قالي فوتي فوتي مش راح تفهميني اصلا
المهم توا نبيك تكوني جنبي ومعاي ديمه قوتله باهي حاضر قالي تمام
وقعد يتغزل فيااا تهبلي سحرتيني يا بنت شن درتي فياا انتي وليت كانا نلقا معاش نطلع من الحوش
قعدت نضحك قالي ايوا ديمه اضحكي تهبل ضحكتك
قوتله تمام ديمه بنضحك قالي احلاا شي
قوتله مزال ماتبيش ترقد قالي انتي معاي ونبي نرقد اني قوتله باهي اني غدوه عندي جامعه قالي اي حقه نوضيني الصبح باش نرفعك قوتله باهي تمام
قوتله ليلتك سعيدة
قالي ليلتك اسعد حبيبت قلبي
قوتله باي
قالي غير اصبري بنقولك حاجه قوتله شني قالي 😍😍😍نحبك من الفرحه سكرت في وجهاا
سكرت منااا وبديت
💃💃💃💃💃💃💃💃💃💃💃💃💃💃💃💃💃💃💃💃💃💃💃💃💃💃💃👏👏👏👏👏👏👏👏
اسعد يوم في حياتي
عشت فيه ليله من احلا اليالي
نضت الصبح لبست وتكمت واتصلت بيه ماباش يرد قوتله كيف هكي خلي نمشيله مشيتله خبطت علي الباب ماباش يرد
نشغلت عليه قولت شني سبقني زعما فتحت الداار ويااريتني مافتحت
لقيته كيف طالع من الدوش لابس سروال بس ومن فوق شي قعدت نشبح زي الغبيه مش سكرت الباب مصدومه 🙊🙊🙈🙈🙈🙈🙈🙈
قالي خشي قوتله نتصل بيك ومادريتش عليه نشغلت
وندوي بسرعه قلبي بيطلع من مكانه
دخلني لدار وسكرهاا
قالي باهي بشويه غيرك انتي كنت اندوش
قتله باهي اسفه قالي علي شني قوتله فتحت الباب قالي اي احلا حاجه درتيها
قوتله باهي البس اني برا قالي لا افتحي الدولاب طلعيلي حاجه علي دوقك انتي قوتله باهي فتحت الدولاب نلقاا الدنياا مستفه اشكال والوان وكلهم حاجه صح
طلعتله تيشرت ابيض وهوا لاباس سروال جينز ازرق حكلي
ولبس معاه شوز ابيض طلع انهار احرف حسدت روحي فيه زي الغزال
قالي تعالي اما عطر اندير قوتله الي يعجبك قالي انتي عجبتيني قوتله نوزيلك اني قالي اي وزيتله واحد صنته تهبل تشميها من قريب وبعيد
قعدت دايخه قالي خيرك قوتله ريحتك قالي باهي تعالي ضمني علي صدره وحق الله قريب طحت عليه قوتله خلاص بننزل اني قالي تمام راجيني لوطه قوتله باهي ننزل من الدروج وقريب انطيح شن صارلي اني حضن دار فياا حاله
نزلت قتلي مرت عمي مروى مش ماشيه مريضه قوتلها والله قتلي اي معناها بنمشي اني واياه بروحنا
طلعت قعدت نراجي فيه لين طلع يشبحلي ويضحك لابس نضارة وفتحلي الباب قالي اركبي هي
قعدت واقفه مش مصدقه تي شني مش ليبي هادا ولا شني
ركبت مشيت طول الطريق وهوا يشبحلي ويتغزل فياا قالي امس احلا ليله في حياتي
قوتله حتا اني قالي بعدين مافيش مروح بنمشي اني واياك لي مكان قوتله وين قالي مفجاء قوتله تمام
خشيت الجامعه لقيت الحماره مروى قبلي وأصله غادي قوتلها مش مريضه قتلي هادا تخطيط مرت عمك
قوتلها باهي وبعدين في المرواح قتلي اسكتي متقوليش لي خالد لما قبل مايجيك انتي بنطلع طول اني
كملت محضراتي طلعت بنتصل بيه لقيته بعتلي مسج
نحبك
يااحليله يهبل لقيته واقف قدامي
والحمد لله ماشافش مروي كيف طلعت
ركبت السياره قالي بنغديك برا بعدين بنرفعك للمكان الي قتلك عليه قوتله تمام
رفعني غداني في احلاا مكان فيك ياطرابلس
وكان منضم وكل شي حلو
كملناا الغدي قعدنا نهدرزو شويه قالي عقبال ما نتغدو في حوشنا اني واياك بروحناا ونروح نلقاك مش مطيبه نقولك معقوله يا حياة هكي تقوليلي والله ولدك ما خلني اندير حاجه نقولك باهي خلاص تو اني نخش نوتيلك احلاا تغدايه علي كيف كيفك
ويضحك وضحكته خدتلي قلبي وعقلي و مشيت في حاله
قالي هي شني نوضو قتله اي قالي هياا حبيبي
ورفعني لي مكان ولا في الخيال
- يتبع الفصل التالي اضغط على ( رواية احبه و لكن ) اسم الرواية