رواية احبه و لكن كاملة بقلم مروان فرج عبر مدونة دليل الروايات
رواية احبه و لكن الفصل الثاني 2
بعتلي رساله قالي شن في ان شاء الله خير
نصدمت اني قولت مصح وجها شن في يعني
باهي حاضر هيا توا ياافالحه ردي عليه شن في
امممممم
ياهمي الأحرف شن درت في روحي ووووك علياااا
باهي خلاص تو نبعتله لا مافيش شي نبي نضمن عليك بس
علي اساس يامهبوله مقطعين مكالمات ومسجات لي بعضكم
لاكن هياا عادي تو نشوف اخرتها معاك
بعتله لا بس حبيت نضمن عليك ؟؟؟
🙄🙄🙄اهو يرد اهو يرد شي شي معاش يبي يبعت شي حرقلي دمي انتاا هكي باهي تو تشوف يا خالد
حياة ياغبيه شن درتي انتي شن درتي 😑😑
قعدت علي اعصابي للعشيه روحت مرت عمي نزلتلها قولت لما ندوي معاها نبي نفهم شن صاار
نزلت كيف حالك مرت نموووت
اهلين حيوته شن اخبارك
والله مش تمام
علاش خيرك
انتي قوليلي خيره خالد من يوم جيت اني اهني معاش روح ومايبيش يكلمني
لا والله عادي هكي طبعه ولدي خالد حشومي
باهي حشومي لكن اني مرته خلاص وهادا حوشهم يعني حتا لو احني زي المخطوبين اقل شي نتعرفو علي بعض يجي حتا في الأسبوع مره
والله شن بنقولك حيوته خليه توا ويوم الجمعه عمك مداير عزومه وشوايات وبنقولوله تعالى وتو تتعرفو وانتي وشطارتك كيف تقدري تجدبيه ليك واني نساعدك
باهي تمام تو نشوف 😉😉
ركبت فوق اني عاد وحاطه في راسي كيف نجيب رأسه ونخليه يحبني ويتعلق بيا
طلعت الحوايج الي شرتهملي امي وطلعت احلاا حاجه فيهم لبسه حلوه سروال اسود و بلوزه سبورت ورديه وشوز ابيض و راكبتها علي بعضها طلعت اتهبل اني بروحي مش مصدقه هادي بنلبسها ونراجي في يوم الجمعه كيف بيجي وكيف بنطلع
وكنت حاطه في راسي هلبا خطط نبي انديرها
وجي يوم الخميس طلعت مرت عمي و عمي يشرو في حاجات
واني قعدت نوتي في روحي اني لي غدوه ودرت قناع لي وجهي وفتله وحركات يعني باش نتغير رغم اني حلوه وجدابه لكن مش عارفه كيف نستغل جمالي ونجدبه ليا لاني غبيه ومش فالحه بوي معقدني وديمه نحس في روحي لو درت هكي معناها مش كويسه اني
المهم يوم الخميس في اليل اتصل عمي بي خالد وقاله باش غدوه تجي واستحشناك وامك زعلانه منك
المهم في الاول قعد يتسبل بعدين مع اصرار عمي وحلفله وافق وقال تمام الصبح تو انجي
طبحت عليا مرت عمي وقتلي توا انتي وشطارتك انتي الي بتخلي خالد يرجع للحوش ويحبك كيف مش عارفه كيف
قوتلها في خاطري
علي اساس اني الي نعرف تي ماهو اني احرف منك 🙄🙄
فات يوم الخميس واني نفكر اليل كله كيف بنكون غدوه ومانبيش نرتبك و كيف بنكون دلوعه ونلفتله نضره
وجي الجمعه 😍😍والصبح نضت دوشت وجبدت شعري و لبست ودرت مكياج بسيط و طلعت طرفوشه ونهبل قعدت نشوف لي روحي في المرايه ونقول هادي اني والله الا زي الفناتات يا فرخه حياة
وردت عطر ولبست اكسسوارت بسيطه
ونزلت ☺☺
مبتسمه لي اول مره نلبس هكي مرت عمي طول شبحتلي وضحكتك وقتلي غير هادا شني حيوته بشويه علي الولد
تحشمت اني خلاص
وقعدت اني واياه ومروي نضمناا الجو برا وكان الجو حلو يهبل وتقعميزه تهبل مع جردينتهم هماا معاش تفهمي شي
شويه وخشت مروي بتجيب العصاير ونشبح في الباب الرئيسي ينفتح مش مصدقه زعما هوا
اي هوا مني بيجي غيره ياغبو
قلبي طلع من مكانه وبديت نرعش تقول غير بيدخل عليا
تي ارزني يافرخه شن تفاهمناا امس علي اساس بطيحي راسه تي شكلك انتي الي بطيحي قدامه
يمي يمي هادا جاي جيهتي ووك علياا حسني بنهرب اقعدي ياحياة خليك عادي خيرك
ياحليلي جايني شن نقول شن نقول يااهمي الأحرف وخلاص يعطيني بكشه وخلاص في اليل الكلام كله يطلع وتوا كله هرب
وين وصل فياا
لقاني بروحي شبحتله 😊😊
شبحلي 🙄🙄🙄
وين العيله قوتله داخل امشي وخلاني
مصح وجهك حتا كيف حالك لا
😔😔😔😔😔
قداش ماوجعتني روحي علاش خيرني اني والله حلوه شن ناقصني هي
لكن مزال ياحياة اصبري
طلعت مرت عمي و عمي ومروي وقعمزت معاهم قعد يهدرز مع عمي بس وكلام مختصر وعينه ماجتش في عيني بكل
نقعد اندير في حركات دلع و عايشه وندير في لقطات زي المهبوله علي اساس سرحانه زي الفنانات الي في الصور
ومتوقعه انا خالد يشبحلي ويتأمل فياا نتلفت نلقاا ولا علي باله قاعد يهدرز مع بوه ومش خاطر عليه يشبح جيهتي بكل
يااخساره ياحياة الشبحات مشو علي الفاضي عاودي تاني
نعاود زي المهبوله
وهوا زي الحيط الي قدامي
تي برااا روح امشي تحسابني طتيحتلك يااامعفن اخس اخس شن تحساب روحك
نوضي مروي نحهزو الفطور مروي هي تمام نوضت
جهزناا الفطور وكل مره نقول بالك يشوفلي خليك مرتبه حياة مرات يشبح حتا غفله
قداش ما نسخف وخلاص قعدناا عل الوضوع هادا
😑😑😑😑
فطرنا وقمنا حوسة الفطور
وبعدين شويه وادن الضهر خش عمي بيصلي
وقعد خالد مقعمز بروحه 😍😍
هادي فرصتك ياحياة
مشيت قعمزت جنبه
ناض هوا قال
حقه بنشوف زيت السياره ماداما فاضي فاضي
اني
😔😔😔😔😔
خيره هادا علاش مش معدل عليا تو مش حلوه اني ولا شني اه اه ياقلبي اه
قعدناا انجهزو في الدجاج الي نبو نشوه
كل شي واتي مزال غير النار تبي التوليع قولت هادي فرصتك بري قوليله خالد تعالى ولع النار
قالي
🙄🙄
ياسبحان الله متعرفوش حتا تولعو نار
اني
واني وين نعرف شن كنت نشوي في السبول علي البحر اني
قالي بري تو شويه ونجيك
حي شن قال هادا شويه ونجيك
بيجني اني زعمااا
تي خيرك انتي بيولع النار يااسر من الوهم ترا
شكله طوبو هادا وحياة اتزبكتي فيه
ياشينك حصله وخلاص 😑😑😑
شويه وجي ولع النار وقعد يحوس عليها لين ولعت قتله مرت عمي اوو خالد يبي يشويلنا قاله لا لا ولعتها بس
شوفو من يشوي
😏😏
مصح وجهك وخلاص من بيشوي قول اني وخلاص
قصدكم اللبسه هادي كلها والعطر والمكياج بيمشي في صنة الشواء والحطب
تي براااااااا درق وجهك تو نشوي اني
خلاص هات ياخالد تو نشوي اني
قالي تمام ومشي قعدت واقفه نشوي ودمعتي قريب تنزل معاش عرفت كيف نتصرف شن بندير معاه هادا مزال الحكايه طويله
الصبر وخلاص
قعدت ومشي اليوم ممل الحق الي كنت مخططه ليه مصار مناا شي 😔😔😔
وجي اليل وبيروح خالد عمي قاله والله ماك مروح اليوم مزال ماشبعنااا منك
اني طول عيوني طلعو قلوب قلوب 😍😍
حي بيقعد وهوا سكت قاله باهي من غير حتاا ماعارض
اني طول خششششششي ياااحيياة مدامه قعد اكيده عجبته ويبي يستفرد بيا في اليل
وقعدت نحلم عاد مفلحني فيه
المهم مع الساعه!11خشو الكل داخل وقعد هواا براا بروحه شاد تليفونه قتلي مرت عمي هي بري توا هدرزي عليه بشويه بشويه مش تخشي فيه زي الحادت
قوتله تمام
ركبت علي السريع غيرت حوايج الي صنتهم ناار و حطب ولبست توته حلوه ودرت عطر
ونزلت طلعت في جردينه لقيته مقعمز قوتله
بست 🤗🤗
شبحلي 😒😒
قعمزت وهوا مزال حتا كلمه
بديت اني عاد قوتله خلود شن ادير حط التليفون وهدرز عليا شويه
حطه وقالي ماهو همااا حاجه من الزوز
يااانتي تعرفي وتستعبطي
يااانتي متعرفيش ومضلومه
قوتله شن نعرف وشن نستعبط خيرك تدوي معاي هكي قالي اهاا معناها متعرفيش
اهو نقولك اني
اني قريت فيك الفاتحه باش نرضي بوي وناخد البنت الي اني نبيها يعني انتي بتقعدي معاي لين امك تروح وكل شي ع الورق بس
ومش مافيش حد يتكلم عليك
وانتي وراحتك لو تبي ترضي هكي تمام يعني مافيش دوه بيني وبينك انتي بنت عمي واني ولد عمك
غير هكي لا
تمام
وانتي وراحتك شن تبي اديري ديري
😔😔😔😔😔😔😔😔😔😔😔😔😔😔😔😔😔😔😔😔
نصدمت دموعي بينزلو خلاص ياارب شن يقول هادا كيف جري هكي وعنده عادي
ياااعليك حظ عندي وخلاص مافيش حد يفكر فيااا كل واحد يفكر في مصلحته امي تفكر في القرايه امتعاها
وخالد يفكر كيف ياخد البنت الي يحبها
وعمي يفكر كيف يبعد خالد علي البنت هادي
وحياة مافيش حد فكر في مشاعرها علاش هكي باه قعدت ساكته شويه بعدين قولت كيف بنبرد علي قلبي ترا طلعت في بالي فكره زي وجهي لكن مشت امورها
- يتبع الفصل التالي اضغط على ( رواية احبه و لكن ) اسم الرواية