رواية معذبي كاملة بقلم مروان فرج عبر مدونة دليل الروايات
رواية معذبي الفصل الثاني و العشرون 22
محمد….كان يسمع فيهم ومباش يخش وكان يبي يعرف شن يحكو علي تقوي وشوي وسمع لين قالت لريان انا تقوي هادي تكون مش من عليتنا وهيا من عيلته تانيه وانا بروحي سمعته وهيا تحكي لماما هكي
محمد…..وقف وهوا مصدوم 😳
ريان……كيف يعني مش من عليتنا مالا منو عيله من😱🔥
لين …مش عارف هكي يلي سمعته نا بس وقالت تبي تعترف لمحمد علي هادي بس خايفه من ردت فعله
محمد …وفتح عيونه ع الاخير وكان مصدوم من كلام لين ويفكر هل معقوله يكون الكلام هدا صح قعد براا شوي وبعدين رجع لسيارته ركب فيها وكان مش مصدق يلي سمعه بكل ولع سبسي وقعد يفكر ف الكلام هدا
كمل محمد السبسي وقدم السياره وحطها قدام الباب ونزل كانه وصل توا وخش طقق ع الباب جت ماما وفتحت الباب ونادت عليااا وقالتي محمد جاي🔥
انا….نضت بسرعه ماكنتش متوقعه انا محمد يروح توا😍❤️كنت فرحانه هلبااا جيت وسلمت عليه انا كيفك محمد
محمد….اهلين تقوي تمام شن حالك انتي وشن حال البيبيات
انا….كويسسين راقدين توا
محمد ….اممم باهي كويس هيا وتي روحك بنروحو
انا… في خاطري غريبه😳 مش من عوايدك يامحمد تجي طول وتقول بنروحو قبل يقعد شوي بس قولت مرات عنده شغل🔥انا هي شوي نوتي روحي ونوتي الصغار
محمد….هي نستني فيك في السياره
ماما…خيرك ي محمد مستعجل خليك تغدا معانا شوي وروحو بعدين
محمد ..معليشي ي عمتي والله عندي شوي حاجات بنديرهم توا ومش فاضي
عمتي .. باهي ع راحتك
محمد….هي نستني فيك ف السياره ي تقوي وطلع محمد ركب ف السياره ونا جيت وحطيت حاجاتي ف السياره وحطيت مهي وعليوه وركبت معا محمد وطلع محمد من قدام الحوش وكان شكله مش عاجبني بكل وكانه في شي😐
وطول الطريق واحني ساكتين ع عكس محمد يلي قبل كان يهدرز معاي ويغيرلي ف جوي ف الطريق قولت خيره بالك من الخدمه وهكي
محمد…كان راقيله بكل واي حد يشوفه ف الطريق او شي يقعد يسب عليه وكان اعصابه بكل
انا…حطيت يدي ع يد محمد وقوتله خيرك حبيبي فيك شي😳❤️
محمد…حول يده من يدي ومباش يرد عليااا بكل وصلناا قدام الحوش ونزل محمد وقالي تعالي فوق للشقه نبيك في موضوع
انا…اااء باهي
نزل محمد ورفع معاه عليوه ورقي بيه ونا خديت مهي وحضنتها وكنت خايفه شن الموضوع يلي يبيه يبينيه ف محمد رقيت وحطيت مهي ف الدار ولقيت محمد مقعمزه ف الصاله ويستني فيااا
انا….قعمزت جنبه وكنت ساكته وفي نفس الوقت خايفه هلبااا
محمد …..تقوي وشافلي نبيك تحكيلي شن داسه عليااا وماتكدبيش عليااا فاهمه
انا…كيف شن بندس عليك يعني معقوله انا هكي ندس عليك شي ي حبي
محمد…تقوي اخر مره نقولك احكيلي شن داسه عليااا ونزيد نوضحلك للموضوع يلي خايفه مني ندير منه مشكله ويلي كنتي تحكي فيه لسناء
انا …. انصدمت🔥😳كيف هكي كيف محمد عرف ومن يلي قاله كككييييف بس قعدت ساكته ومش قادره نحكي ولا حرف بكل
محمد….قرب عليااا وقالي احكي وماتخافيش مني مش رح نديرلك ولا شي وعد مني❤️
انا….حاضر وقعدت نحكي لمحمد من اول ماجينا لطرابلس لعند اليوم هدا حكيتله كل شي بالتفصيل 😐✋وقوتلا هدا هوا ونا من وقت نبي نحكيلك بس ماكنتش قادره والله لانا ماضي كان مش حلو فاانا ماقدرتش نحكي ولا شي
محمد….كان مصدوم 😳خصوصا من بابا يلي كيف قدر يدير هكي ويلوحني قدام حوش نااس تانيين هكي بدون شى محمد هكي دسيتي علياا ي تقوي لتوا بس ليش هكي ليش
انا…. ماكنش بقصدي والله بس قوتلك ي قلبي نا والله ماهك بكل وتعرفني كم نحبك ونموت فيك بس كان ماضي صعب وماقدرتش ندكره وقعدت نبكي وتوقعت انا محمد يحضني بس صااار العكس🔥🥺
محمد…حسيتا زي يلي زعل مني وناااض صبه وقعد يشوفيلي بنظرات غريبه وطلع من الشقه ومشي
انا…قعدت نبكي ومعاش عرفت شن ندير بكل رنيت ع محمد بس مباش يرد علياا قولت نتصل بسناء ونكلمها رنيت ع سناء ردت عليااا وقوتها علي يلي صار بالحرف وانا محمد عرف بكل شي مش عارف منو يلي قاله بس عرف
سناء…قعدت تهدي فياا وقاتلي ماتشغلش بالك ي تقوي وتوا نكلم بابا يكلمه
انا…ياريت ي سناء لانا والله حسيتا زعلان هلبا وحتي لما نتصل بيه مايردش علياا
سناء…خلاص خلي الموضوع علياا وسكر الخط وعلي طول كلمت بابا عبدالجليل وحككته علي يلي صار
واتصل بابا بي محمد رد عليه ومشاله في الشركه وقعدو يحكي معاه ف الموضوع هدا
#عند تقوي
مشي الوقت عليااا وطول النهار ونا نفكر كيف محمد بيكون ردت فعله لما بيروح هل بيكرهني هل بيتغير معاته معاي قعدت خايفه الحق ونفي نفس الوقت نستني فيه امتي يروح لاني مش قادره نبي نحكي معاه نخاف يكون فهمني غلط وهكي🥺🔥
جي اليل ونضت درت عشي حلوو زي مايحب محمد ياكل وتيت السفره وكل شي وحطيتها ع الطاوله وقعد نستني ف محمد امتي يروح اتصلت سناء قوتلاها شن صار معاك
سناء…كلمت بابا وباابا مشي لمحمد وكلمه وقال كل شي تمام
انا….قصدك محمد مش زعلان ولا شي
سناء…مش عارفه بس ع حسب كلام بابا قال مافي شي
انا…يارب وسمعت صوت الباب انفتح انا خلاص سناء توا نحكي معاك ف وقت تاني باي توا
سناء….تمام وسكرت الخط روح محمد وكان عادي جدا حسيتا زي يلي مش زعلان او شي قعدت نشوفله ومستغربه
خش محمد غير دبشه وقعمز ع الطاوله وقعد ياكل 😳😅وكان واضح انا حيعان هلباا ونا نشوفه ومستغربه كيف طلع بكري وكان مضايق وتوا روح وعادي
محمد….كولي ي تقوي وبعدين توا نحكو ف موضوعنا هدا
انا….امممم باهي وقعدت ناكل وهكي ونشوف لمحمد كيف ياكل 😁كملنا وتعشينا ونضت لميت السفره وقالي محمد ديريلي قهوه وتعالي
انا….حاضر درت القهوه وحيت قعمزت جنب محمد وكنت بحد خايفه
محمد ..خدي قهوته ولو سبسي وقالي ليش درتي هكي ي تقوي ليس من البدايه ماقوتلي لي درسيتيه علياا الموضوع هدا بس
انا…مش بيدي ي حبيبي والله غصباا عني والله🥺💔ارحوك سامحني ي محمد
محمد…انا مسامحك بس عندي منك وعد توعديني انا مره تانيه معاش ادسي عليااا شي بكل باهي ي تقوي
اناا ..وعد ي قلبي وعلي طول حضنتنا
محمد ….قعد يهدي فيااا ويقولي معاش تبكي ي قلبي
انا…نبي نقولك ع شي ي محمد
محمد…شنو انا….تعرف يامحمد اول مامشينا يومها للمنتزه لقيت شخص يشبه لبابا هلبااا وكان في شخص يحاول يساعده انا يمشي
محمد…قصدك يومها المره الاولي يلي مشينا فيه للمنتزه
انا….اي هيا 😐
محمد…ماعليك خلي الموضوع علبااا توا غضوا نمشي للمنتزه ونسال عليه واكيد رح يعطوني عنوان المكان متاع دار الرعايه
انا…قصدك بتدور ع بابا ي محمد
محمد…. إنشاء الله اسمه عامر زي ماقوتلي صح 🔥
انا.. اي .ربي يخليك لياا ي قلبي وحضنته وقعدت طول الوقت ونا في حضن محمد وكان كل مره يحكيلي ع شي وبعدها مشيت وجبت عليوه ومهي وقعدنا نلعبو عليهم لين خداني النوم🤤💋🔥
#تاني يوم الصبح
نضت ولقيت محمد طالع بكري الصبح نضت دوشت وفطرت وقعدت نغير لمهي وعليوه ونفطر فيهم وهكي حوسه الخوش وشوي ورن علياا محمد وقالي وتي روحك انا ف الطريق جاي بنطلعو مشوار ع السريع
انا….مغير شن في بس🔥
محمد…توا نقولك توا بتجيك نور وبتقعد معا الصغار ولما نرن عليك انزلي تلقيني تراجي فيك بالسياره لوطا
انا…حاضر وتيت روحي ولبست وقعدت نستني في محمد شوي وصل ونزلت وركبت معا محمد ونا مستغربه
محمد…طلع وقالي توا تعرفي ونا طول الطريق مش فاهمه شي لعند ماصول قدام زي المركز وقالي محمد لقيتك بوك إنشاء الله يكون هوا
انا…بحد بابا قاعد هنا وعيوني دمعو 🥺
محمد….مانبوش دموع عاد توااا انا سالت عليه وعطيتهم الاسم وقالولي اي موجود هنا وسالتهم ع حاله قالولي احسن وتوا يمشي كويس ويتكلم
انا….باهي يعني نقدر نشوفوف توا
محمد…اي هي نخشوو وخشينا للمكان وكان عباره علي مكان متاع الناس الكبار ويلي ماعنداش حد وهكي خشينا وكلم محمد الدكتور وقاله استنو هنا وبعد شوي توا نجيبوهلكم
انا…ودموعي ع خدي وكان كل تفكيري في المواقف يلي صارو معاي من وانا ضغيره وكيف لما كان يضرب فيااا وكيف لما ماتت ماما قدامي وكيف نظره بابا لياا لما شافني انا كنت نشوفاه
دموعي نزلوو ع خدي وقعدت نبكي وحسيت بيد محمد كانت دافيه وحنونه عليااا مسكني محمد من يدي وقالي شن قلنا عاد نا معاك ي تقوي خلاص وعطاني منديل وقالي امسحي دموعك
انا..حاضر مسحت دموعي وفتح الباب وخش الدكتور وكان محمد شخص وخش وكان هوا نفس الشخص يلي شفته يومها ف المنتزه ولما ركزت فيك اكثر كانت المفاجأة هنا هدا باابا عامر 😍🥺🔥
عامر….خش معا الدكتور وماكنت يعلم بشي بكل ولا الدكتور قاله ع شي كان يحاسب كشف طبي زي العاده وخلاص ولما لقي زوز وحدين ف الغرفه استغرب
عامر….كان يشوف للبنت هادي وفي تفكيره نفس عمر بنته يلي حطها قدام حوش ناس تانين😍
الدكتور… قعمز ع كرسي وقعمز عامر جنب الدكتور وكان مستغرب خير البنت هادي تشوفله وبس🥺
انا….وفي لحظه ومعاش قدرت نشد روحي قوتلا بااابا انا تقوووي عرفتني
عامر….انصدم وناض صبه ع طول🔥
- يتبع الفصل التالي اضغط على ( رواية معذبي ) اسم الرواية