رواية معذبي كاملة بقلم مروان فرج عبر مدونة دليل الروايات
رواية معذبي الفصل العشرون 20
انا…حاضر ماما ومشيت لعند الباب فتحت الباب وكان في شخص عطاني بظهره ولما التفت كان شخص مدايره لحيه ومنظره غريب😳
انا….قعدت نشوفله باستغراب
الشخص….عرفيتيني ي تقوي…🔥
انا…كنت مش مصدقه يلي نشوف فيه قدامي كان محمد اي هوا يلي جاي بس منظره غريب بكل مدايره لحيه كبيره وحسيتا زي يلي متغير شوي💔🥺
محمد…وقرن حواجبه فيااا شن بتخليني ع الباب هنا والل كيف توا
سعاد….من يلي ع الباب يا تقوي
انا…محمد ياماما
عبدالجليل…..ناض وصبه وكان مش متوقع انا محمد يجي بكل😳🔥 بابا قوليلي يتفضل ف المربوعه نبي نحكي معاه
انا…حاضر تمام ودخلت محمد للمربوعه وجيت بنطلع مسكلي يدي وقالي استاحشتك ي حبي💋
انا…وسع يدك تحكيش معاه وفكيت يدي منه وطلعت وسيبتا تلاقيت معا بابا ف الممر
عبدالجليل…ديري قهوه ي تقوي وماتخشيش لين انادي عليك فاهمه
انا…حاضر وخش بابا وقعد يحكو معا بعض وكان كل مره يعلي بابا ف صوته علي محمد
ومحمد مش قادر يرد عليه لانا عارف انا بابا مريض ومايبيش يخليه يزيد يتعب ويتعب💔
محمد….معليشي ي عمي وحقك عليااا بس ساعه غضب وكلما نغلطو ماكنتش متوقع انا يصير هكي ونضرب تقوي بس إنشاء الله تقدر نصلح غلطي
عبدالجليل…مش عارف بس القرار توا بيد تقوي هيأ يااما توافق تروح معاك يااما كل واحد في طريق
محمد…وهوا مستغرب من كلامه عبدالجليل وكان يفكر معقوله تقوي معاش تحبني معقوله هوا انا تاخرت للدرجه هادي قعد مقعمز ف مكانه ومرتبك شوي لعند ماعبدالحليل نادي ع تقوي وقاللها تعالي
انا…كيف كملت القهوه سمعت بابا ينادي علياا ويقولي تعالي وحيبي معاك القهوه❤️
انا…حاضر بابا خديت وشاح وحطيتا ع شعري وهكي وخديت القهوه ومشيت وكنت خايفه من محمد هلبااا خصوصا وانا بالمظهر هدا يلي كان يخوف🔥😅
خشيت وحطيت القهوه علي الطاوله وقعمزت جنب بابا وكنت منزله راسي لوطا
عبدالجليل… شاف انا وجوه مخلي الامر معقد شوي استادن وطلع وقالو حلو موضوعكم توا اهني وطلع الجليل
انا…كنت مقعمزه ويدي مشبكات ف بعض وراسي لوطا وخايفه من داخلي🔥
محمد…وكان ساكت وفجاه نااض من مكانه وقعمز بحداي ومسك يدي محمد حبيبي زعلانه مني قاعده صح
مش بقصدي والله وانتي تعرفيني كم نحبك بس يومها ماقدرتش نتحمل روحي ولا اعصابي وهدا يلي صار ونا جيت عشان نحاول نصلح يلي صار 🔥
انا…وشفت لعيون محمد تاخرت هلباا ي محمد معقوله اسبوعين ليك مسيبني هنا وتوا جيت
محمد…صح معاك الحق بس مش بارادتي صعبه راهو نجي نعتدر وهكي
انا…بس انا مرتك خساره فيااا لو اعتدرت مني وانتا الغالط اصلا
محمد….لا ي قليي وقرب مني باسني ع راسي وكنت نشم ف ريحته كانت دخان كان محمد وقتها يدخن هلبااا وواضح عليها وكان لحيته كبيره
انا….مش عارف بس توا مانقدرش نسامحك لانا قلبي وجعني منك يومها لما ضربتني كف 💔🥺
محمد…حبيبيتي نبيك تروحي معاي اليوم لانا والله مش قادر نروح ونبات ف الشقه بروحي حاس بروحي غريب فيها ومتتشتت معاش قدرت نشوف حد او نحكي معا الناس بكل قعدت زي الغريب
انا…وقعدت ساكته ونشوف لعيونه يلي كانو قريب الدمعه ينزلو منهم بس محمد كان ماسك اعصابه
انا…ياقلبي خلاص سامتحك بس توعدني انا هادي اخر مره راهو ومعاش رح تعادها😐
محمد…اكيد ي عيوني وباسني بوسه ع خدي دافيه
انا…وسع توا يخش بابا هنا ومعاش تنحل بكل
محمد….ههههه مستاحشتك هلبااا هيا نوضي وتي روحك مش قادر نبي نروح بيك
انا….باهي ونضت طلعت وتلاقيت معا بابا قالي شن صار انا قولتا محمد اعتدر مني وقالي اخر مره ونا سامحته
بابا…يعني سامحتيه من خاطرك
انا…اي يابا
بابا… باهي تمام وتي روحك عشان تروحي معا راجلك ي تقوي
انا…تمام وخشيت لميت دبشي وخش بابا يحكي معا محمد شوي وطلع محمد وركبت معاه في السياره ورحنا لحوشنااا
وصلنا غادي وكان الساعه11في اليل خشيت ع طول لداري وكانت كل شي ف مكان والجو مش مرتب بكل
انا…كيف عايش هنا ي محمد ف المكان هدا لاتغسل ولاتنظف
محمد…اهو انتي جيتي وريني فلاحتك توا🔥😅
انا….هههه مصحك انا مش دايره شي بس ليش منظرك يخوف هكي حلق لحيتك شوي ونقص منها تولي احلي
محمدد…امم عن ادنك شوي بس توا ناخد المكينه ونساويها اصلا مستاحشتك هلباا ني وماعندك وين تهربي مني اليوم
انا…اسسس نتحشم محمدههههه شوي وجايك وخدي المكينه وقعد يساوي ف لحيته
وانا خشيت لداري لبست روب احمر خفيف وساويت روحي ودرت عشي وقعدت نستني ف محمد
محمد….طلع وشافني وقعد مستغرب بكل ماعرفنيش بكل
انا…هيا حبي اكيد جيعان تعال نتعشو
محمد…نبي نتعشي عليك قبل ممكن
انا…ههههه باهي تعال توا وحي محمد وتعشينا معا بعض وبعدها خداني ف حضني ومشينا لدار النوم كلمنا ليلتنا الحلوه غادي كنا مستاحشن بعض هلباا🙈💋
عند الساعة 8الصبح نضت وحسيت كبدي دارهه وشكلي بنرجع مشيت نجري للحمام ورجعت كل يلي في بطني ومن صوتي لما انرجع ناض محمد وقعدت يسال فيا
محمد… تقوي شن في خيرك اترجعي
انا طلعت من الحمام وقلت: لا حبيبي فيا شي بس شكلي امس كليت هلبا وتوا رديته
محمد… متاكده مفي شي يوجع فيك
انا: لا حمودي توا تمام
محمد: كان مريضة توا نرفعك للمستشفي ماتعانديش ي قلبي
انا..لا ي قلبي والله مافياا شي بس خاطري نمشي للمنتره شوي عندي نيه نشم ريحته الورد 💋🥰
محمد.. بلاش منا المنتزه اليوم نمشو للسوق خير
انا حبيبي بس مره خاطري نمشي للمنتزه في الصبح
محمد: اوكي بس مناش امطولين
انا: تمااام ….نوض نوتي روحي
محمد…بوستي قبل
انا….ههههه باهي قربت منه وبسته ف خده💋🥰ومشيت لبست قميص ابيض مع سروال اززرق وسبيدرو ابيض وكان الجو بارد شوي لبست جاكيت لعند الركبه وامشيت لعند محمد في الصاله
انا: هيا بلا تاخير
محمد: شوويه بس
انا: معاش نصبر خاطري فيه
محمد: اووس استني بس
عند الساعة 9الصبح ركبنا في السيارة وامشينا وطول الطريق واني فرحانه لاني نحب المنتزه هلبا دررس محمد السيارة علي مقهي خدينا منها فطور وامشينا علي اساس نفطرو في المنتزه بس لقينا زحمه شوي محمد قالي خلينا نفطرو ف السياره ونطلعو نتمشوو
انا..حاضر فطرنا ف السياره وكملنا وطلعنا برا قعدنا نتشمو وكان المكان ف زحمه شوي وكان ف مكان من المنتزه جايين فيه كبار السن هكي تغيروهم ف الجو متاعههم قعدت نتمشي انا ومحمد وبعدها محمد جاه تلفونه من الشركه رد عليهم وقعد يحكي بالتلفون ونا قولتا بنسبقلك ع الكرسي يلي قدام
محمد ….تمام ي قليي ونا ماشيه وفي لحظه هكي مشي من جنبي شخص وكان يساعد ف راجل عمره55انا يمشي ع رجليه والمفاجاه لما رفعت راسي الشخص هدا كان يشبه بابا عامر هلبااا😳💔
انا….فتحت عيوني ع الاخير وقعدت نشوفله والشخص هدا قعد يشوفلي وكان يمشي بصعوبه وماحولش عيونه من علياا بكل
انا قعدت نشوفله لين مشي من بحداي وهوا نفس الشي وفي اللحظه تخيلت انا هوا بابا بس ماكنتش متاكده لانا مر عليه وقت طويل ونا نسيت شكل بابا وخصوصا انا كنت صغيره وقتها قعمزت ع الكرسي وقعدت شارده في تفكيري لعند جي محمد وماحستيش بيه بكل
محمد…شن ياحبي عجبك المكان هدا والل نمشو للسوق
انا..ساكته وشادره في تفكيره وماكنتش نسمع فيه بكل
محمد…هييي ي تقوي وين مشيتي نحكي معاك نا وحط يديه عليااا
انا…انتبهت ع روحي وقولت اي حلو المكان هلباا خلوني نتمشو معا بعض شوي
محمدد..امممم باهي عادي وقعدت نتمشي انا ومحمد وكنت نبي نرجع نشوف الشخص يلي شفته بس للاسف معاش تلاقينا بكل لفيت المنتزه كامل لين محمد رجليه وجعوه وقالي بنقعمز😂❤️
انااا….هههه باهي وقعمزنا وقالي شن رايك نمشو للبحر شوي
انا…عادي نمشو هي
محمد…تمام ومشينا للبحر وقعمز قدامهم وكان الجو حلو وشوي محمد قالي توا من اليوم بادن الله رح نكون معاك زي ماتبيني ولو نصلح كل اخطائي يلي فاتوو وهدا اول غلط رح نصلح وقططلع تلفونه من جيبه
انا..قعدت نشوفله ومستغربه
محمدد…فتح التلفون وقالي هادم صورك صح يلي زمان كانو عندي هاك امسحيهم كلهم ومعاش نبي شي عليك بكل
انا…مش مصدقه بكل وخديت التلفون ومسحت كل الصزر وحضنته محمد حضن دافي
ومحمد….خدي التلفون وكسره ولوحه ف نص البحر وقالي من اليوم مش رح يكون في شي عليك يجبرك انا اديرلي شي
انا…ربي يخليك ليااا ومشو الايام واسابيع لعند مافي يوم كنت نغسل في الماعين وتعبت هلباا وفقدت الوعي رفعني محمد للمستفشي ودخلوني للعينانه وجو اهلي
عند الساعة 12جو اهلي عد ما كلمتهم خشو وهما مرعوشين ويبكو عليها
بابا… كيف صار هكي ليش بنتي ديما منكده عليها ليش
محمد… اهدا عمي كلنا خايفين ومتوثرين
ماما… لو صارلها شي متلوم الا نفسك فهمت….وكملو تهديداتهم واسئلتهم علي محمد ومحمد كان قدامهم مش خايف ولا مرعوش عليها بس من داخله نبضه بوقف من الخوف والتخميم
عند الساعة 2 الظهر طلع الدكتور وجو هلي
الدكتور: وين محمد
بابا..مقعمز قاعد هوا …طمني علي بنتي
ماما..بنتي شن حالها قول
الدكتورخلونا نمشو لمحمد قبل .. وجي لمحمد وكان محمد حاط اعيونه لوطا وخايف ايكون صار شي لتقوي
الدكتور: عندها الحق تهبل منك
محمد مارديتش علي الدكتور وجي بنوض وبمشي
الدكتور..تقوي بخير والجنين حتي هوا بخير
محمد.. فرح ويلي فرحت اكثر ان تقوي حامل وفي جنين رح يكون بيناتهم
الدكتور: الف مبروووك
محمد: يبارك فيك
ماما واسراء..تقوي حامل
الدكتور…اي وفي الشهر التالث حتي
ماما: الحمدلله ياربي عالنعمة
سناء… يا سلام نبو ولد
محمد: ههههه تحت امرك
عند الساعة 5 العشيه نضت من التخدير خايفة انخمم علي محمد فتحت اعيوني لقيتهم كلهم الا محمد
انا.. وين محمد نبي انشوفه بسرعة
ماما: خيرنا احني مش معبيين اعيونك…الف لاباس عليك يا عمري❤️
سناء ..: لاباس عليك يا تقوي
انا.. الله يسلمكم بس وين محمد قولولي
سناء…جاه اجتماع في تونس وامشي وقاللنا انديرو بالنا عليك
ااني: لا كذب محمد مستحيل يسيبني ويمشي
سناء: هذا يلي صار اصبري شوي انتي
اني: لااا توا نبي محمد مدخلنيش
محمد: معقوله نمشي وانسيبك ….حمدلله علي سلامتك يا عمري انتي💋😅
انا.. من الفرحة حولت الغطاء وجيت بنوض لعنده بس هوا سبقني وجي لعندي يجري
محمد: سادك اهبال يا مجنونة مشعفتيش من الحركة يلي درتيها امبكري
انا: خفت هلبا عليك لو صارلك شي والله انموت
ماما: احم احم شكلنا بنطلعو
انا: ههههه لا ماما قاعدين صابرين
محمد… هههههه كان انتي تقوي
انا…محمد
ومرن الايام والاسابيع والشهور واني كنت فيهن اسعد انسانه كنت نستني في التوام يلي معنرفش جنسهم امتي بيجو ويملو حياتي حب وفرح وسعادة كنت انراقب في نموهم وتحركاتهم في بطني واني في منتهي الشوق ليهم كانت احلي ايام عشتها مع محمد واهلي واهله يلي سامحوني وسامحتهم وعرفو من خلال شخصيتي وتعاملي معاهم اني انسانه بسيطة متواضعة انحب الاخلاص والتعامل والصدق في حياتي❤️
بعد مرووور 7شهور
عند وقت الغدي
عمتي…تقوي قالولك امتي موعدك
انا.. بعد اسبوعين لو ماجبتش بديرو عملية خلاص
عمتي: يارب تولدي بالسلامة وانشوف احفادي
محمد: قصدكم بطارية الراحة والنوم اخده في الانخفاض
اسراء… اي ومش واحد اتنين فوق راسك
محمد: معناها بنحجز في سفرة لتركيا 3شهور
انا.. من توا امشي شن اتراجي
محمد: هههههه خلاص تو نتصل
انا: بايخ ….وجيت بنوض منرفع الصونية في حاجة شدتني في ظهري مقدرتش انوض منها قعدت توجع فيا لحتي صرخت باقوي صوتي😳🔥
انا اااااااه خلاص ياربي معاش نقدر محمد شكلي بنولد توا
محمد: لا تبصري مستحيل
عمتي:خلاص البنت معاش تقدر امشي افتح السيارة وانتي اسراء جيبي الشنطة والعباية من فوق
اني: لاااااااا ارحموني خلاص ياربي شن هذا
عمتي: تحملي شوي زوز حتي هما مش واحد …..ورفعتني عمتي واسراء للسيارة وامشينا وطول الطريق واني نتقطع ونتوجع وفي واحد شكله نزل خلاص
عند الساعة 4وصلت للمستشفي ودخلوني للولاده
محمد :اووووووف معاش نصبر اكثر هيا
اسراء…صبرت 9شهور اصبر ساعة
محمد: ساعة شني هادي بعد ربع ساعة كان مطلعش الدكتور بنخش اني وانولدها
اسراء..ههههه حتي اني معاك انت اتولد واني انلبسهم
محمد: تحسابيهم بنابيل امالا😅🔥
اسراء اي هما بيبي واني نعتني بيهم
محمد: ياربي هيا شن هذا
وجت امي سعاد وخش معاها بابا
اسراء ..بعد شوي يتصير اب وقاعد طايش
محمد…اسراء والله بننفجر مش وقتك توا بكل
ماما: ياربي اتنوض بالسلامة …ها صوت بيبي يعيط محمد
محمد :ياالله يارب تقوي بخير بس
اسراء…: البيبي الاول جي هيييي
اسراء: ان شاء الله التاني يجي علي خير
عمتي: يارب سلم
لين: التاني جي هييييي
ومحمد من الفرحة ومن خوفه. علي تقوي لين حضن اخته اسراء وحضن بابا قعدو برا يستنو في الدكتور لعند شوي وطلع الدكتور
الدكتور: مبروووك توم ولد وبنت يتربي في عزكم
بابا وماما: الحمدلله ياربي
عمتي : ماشاء الله ربي يبارك
الدكتور: وين محمد طول الوقت والمدام اتنادي عليه
محمد: طمني عليها دكتور
الدكتور: الحمدلله صحتها كويسه تعال خود مني التوم
محمد: لا منقدرش خلي امي تاخد البنت وعمي ياخد الولد …..وخدو وعمي وامي اولادي وقعدو ياذنو في وذانهم
عمي: سبحان الله يشبهلك ماشاء الله
عمتي ….اممم البنت شبه ل تقوي هلبا
محمد: هههههه صار هكي القسمة عادله
اسراء اعطوني انشوفهم
عمتي… تحسابيهم لعبه بعدي غادي
محمد: هههههه
#عند تقوي
عند الساعة 7نضت من التخدير وكان راسي يوجع فيا هلبا فتحت اعيوني وملقيت حد قعدت انشوف لبطني لقيتها مافيهاش حد وين الاولاد مهناكش وينهم😅🔥 وفجاة قعدت انشوف شبحت للباب لقيت احلي صورة ممكن انشوفها بحياتي لقيت محمد واقف ومبتسم وفي يده اليمين كروسه لونها زهري وفي يده اليسار كروسه لونها ازرق وبالشوي قعد يمشي لحتي وصلولي❤️
محمد: الحمدلله علي سلامتك ومبروووك لقب الام وشكرا لمنحك لقب الاب ليا
انا:الله يبارك فيك مبروووك ليل وليك
محمد: هادم التوام حيكونو احلي اولاد بالعالم لانهم عندهم ام حنونة وصبوره وحلوة زيك
انا.. اكيد بيكونو احلي اولاد لانهم عندهم اب كامل بمعني الكلمة اب كلمته متتكررش ومسموعة بين الناس
محمد… في شي من زمان نبي نعطيهالك الشي هدا واليوم جي وقته…انا خديته منه وفتحتها لقيتها سلسله متاع دهب وكان فيها قلاده ف النص وكان مكتوب عليها اسمي ❤️ محمد…ي قلبي انا نبي نتعدر منك علي كل غلك صار مني ونبيك تسامحيني لاني عدبتك هلبا بس كلها كانت غلطه مني 💔
انا. . صح كانت غلطة بس كل يوم نحمد في ربي عليها لانها خلتني نعرف معني الحب والتضحية صح بدايتها عذاب بس خلتني انعيش سعيدة ومرتاحة مع الشخص يلي حبه قلبي ومستحيل يحب حد غيره
محمد: انحبك ونعشقك وانموت فيك
انا انحبك يا حب حياتي وعمري كله
وقعدنا في المستشفي لعند…..🔥🔥
- يتبع الفصل التالي اضغط على ( رواية معذبي ) اسم الرواية