رواية صراع عائلي كاملة بقلم رنا سليمان عبر مدونة دليل الروايات
رواية صراع عائلي الجزء (2) الفصل الثاني 2
نور:دادة!……..الحمدلله انك كويسه يا حبيبتي
رحمة:مالك يا نور يا حبيبتي…….انا كويسه اهو متقلقيش……..هيحصلي ايه يعني
نور:معلش يا دادة اصلي…….اصلي شوفت كابوس وحش اوي……بس مش مهم……..اهم حاجة انك كويسة وبخير…….اي حاجة تانيه مش مهمة يا حبيبتي……..احنا لازم نمشي من هنا…….قومي حضري شنطتك علشان نمشي من هنا بسرعة
رحمة:نمشي فين بس يا نور……..مش انتي اللي قولتي ان مفيش اي حد هيمشي من هنا وكلنا هنعيش مع بعض هنا يا حبيبتي
اتكلمت وهي بتطلع الشنطة من الدولاب وبتحط فيها هدومها
نور:غيرت رأيي يا دادة ……..احنا لازم نمشي من هنا……..انا مش مستغنية عنك يا دادة ولا انتي ولا حازم……..احنا هنمشي من هنا وهنبدا حياة جديدة…….حياة فيها احنا التلاتة وبس……..حياة مفيهاش خوف ولا قلق ولا كره……..حياتنا هتبقي كويسة يا دادة بس احنا لازم نمشي من هنا
قربت منها وابتسمت…….اخدت منها الشنطة وحطتها علي الارض……مسكت ايديها……..قعدتها علي السرير وقعدت جمبها
رحمة:مفيش مشكلة هتتحل ب انك تهربي من مواجهتها يا نور……..المفروض اما تقابلك مشكلة تواجيها وتحاولي تحليها مش تسيبي كل حاجه ولا ضهرك وتمشي……..لو مع كل مشكلة تقابلك هتعملي كده حياتك هتدمر اكتر مش هتتصلح……..انتي عمرك ما هربتي من مشكلة يا نور……..اوعي تعملي كدة يا نور في مرة……..انا بنتي عمرها ما تسيب كل حاجة ورا ضهرها وتهرب كدة……..بنتي اقوي من كدة ………وبعدين انتي شكلك تعبانة وعايزه ترتاحي……..خليكي مرتاحة هنا وانا هنزل واجيبلك الفطار لحد عندك يا حبيبتي
سابتها وقامت من جمبها……مشيت خطوتين……قامت بسرعة وجريت عليها……..مسكت في ايديها بسرعه……..بدات تتكلم بخوف
نور:لا……لا يا دادة انا مش هسيبك لحظة بعد كده……..انا هبقي معاكي في كل لحظة مش هسيبك ابدا
رحمة:في اية يا نور……..انتي محسساني انك لو سبتيني هتخطف يا حبيبتي…….متخافيش يا حبيبتي انا كويسة ومش هتخطف متقلقيش…….اقعدي بقي في سريرك لحد ما اجيبلك الفطار لحد عندك وارتاحي
قعدتها علي السرير…….خرجت وقفلت الباب وراها…….فضلت باصة علي الباب شوية……..هزيت راسها ب لا ……..قامت وقربت من الباب……..حاولت تفتح الباب بس معرفتش……..بدات تفتح الباب بخوف وبدات تخبط ب ايديها الاتنين وهي بتنده عليها
نور:دادة……..يا دادة انتي سمعاني……..دادة
قامت من نومها بقلق وهي بتنده عليها بصوت عالي
نور:دادة
قربوا منها بقلق……..طبطبت علي كتفها وهي بتحاول تهديها
داليدا:في اية يا نور يا حبيبتي…….انتي كويسة
بصيت حوليها وكان عندها امل ان يكون اللي شافته دا حقيقي مش حلم…….بصيت علي الارض ملقيتش الشنطة…….بدات تتكلم بحُزن
نور:يعني اية……….يعني كل اللي حصل دا كان حلم………يعني دادة ماتت بجد………انا كنت فاكره ان كل دا كان كابوس وانا فوقت منه……..ازاي يطلع حلم دا انا كنت صدقته
فاطمة:اهدي يا نور يا حبيبتي…….دا قضاء ربنا……..واكيد هي في مكان احسن دلوقتي…….ادعيلها انها تكون في مكان احسن من هنا
علياء:وبعدين يا حبيتي انتي دلوقتي حامل والزعل دا وحش عليكي
بصيتلهم بصدمة وعدم فهم
نور:حامل؟!
داليدا:ايوة يا حبيبتي حامل ………اغمي عليكي وكنتي تعبانه…….اتصلنا ب جمال علشان يجيب الدكتور……..والدكتور كشف عليكي وقال انك حامل
فضلت بصلها عليها وهي بتتكلم…….مكنتش عارفه تفرح ولا تزعل ………تفرح علشان هتبقي ام ل ابن الشخص اللي حبيته وكان اكتر واحد واقف جمبها في كل مشكلة كانت بتعدي بيها……..ولا تزعل علشان اهم اتنين بالنسبة ليها سابوها ومش هيكونوا معاها في اكتر وقت هي محتاجه ليهم فيه………بصيت علي بطنها……..بدات تقرب ايديها علي بطنها……..ايديها كانت بتترعش……..حطيت ايديها علي بطنها وابتسمت……..رجعت بصيت عليهم
نور:هو حازم فين
فاطمة:زمانه جاي يا نور……..احنا كلمناه من شوية وقال انه هيخلص شغل وجاي علطول
نور:هو معرفش اني تعبت وانتو جيبتولي الدكتور؟؟
داليدا:ايي…..لا يا نور محدش قاله……..قولنا منقلقهوش وهو وراه شغل يا حبيبتي……قومي بقي يا حبيتي علشان تاكلي……..انتي دلوقتي مسئولة عن شخصين مش شخص واحد وحرام اللي انتي بتعمليه في نفسك دا يا نور……..قومي يا حبيبتي علشان تتغدي
هزيت راسها وقامت معاهم
كان قاعد علي الكنبة……..واقفين قدامه وقلقانين من اللي ممكن يعمله
سيف:كنت واثق ان وراك حاجة كبيرة يا حازم ……..وكنت متاكد بردو انك تعرف مكانهم…….ونظرتي فيك طلعت صح……..اللي انا مش فاهمه انت ازاي قدرت تخون ثقة نور الكبيرة دي…….يا راجل دي بتثق فيك ثقة عامية ومش بتأمن لحد غيرك……..ازاي قدرت تخون الثقة دي وتتجوز عليها وكمان تكون عارف المكان اللي ولاد عمها هربوا عليه وتكون انت اللي مساعدهم علي الهروب دا
حازم:سيف انت مش فاهم حاجة…….انا هشرحلك كل حاجة
كريم:استني يا حازم………وحضرتك بقي جاي هنا وبتدافع اوي عن نور وخايف اوي عليها بصفتك ايه بقي………انا اللي سمعته انك خاطب علياء بنت عمي مش نور……..خوفك علي نور انا مش فاهمه بصراحه
سيف:حضرتك تقريبا ناسي حاجة مهمه اوي وهي اني ظابط……..وشغلي اصلا اني اقبض عليكم كلكم لانك هربانين من السجن………ثانيا بقي ودا الاهم……..انتو خطر علي علياء والباقي كلهم وانا لازم احميهم منكم……..وبعدين نور تبقي بنت عم خطيبتي وانا من حقي احميها من اي حد يستغلها او بيأذيها………وانا شايف ان جوزها اكتر واحد بيأذيها ولازم احافظ عليها منه
زياد:والله انا مش شايف انه عمل حاجة عيب ولا حرام…….حازم كل اللي عمله انه اتجوز علي سنةً الله ورسوله……..ودي حاجة لا فيها عيبولت حرام ……..هو حر في اللي عايز يعمله……..وبعدين انت عمال تقول خيانة خيانة……..وانت اصلا مش فاهم معني الكلمة دي……..مانت كمان خاين وخونت ثقة علياء ونور كمان فيك………بس الفرق انك كنت ذكي وكنت فاكر ان خيانتك عمرها ما هتتكشف ابدا بس للاسف انت غلطان……..بس تفتكر يا سيف بيه لو خيانتك دي اتعرفت للكل وانك اكتر انسان كداب وخاين ساعتها البنات هيكون رد فعلهم اية…….تفتكر انهم ممكن يسامحوك علي خيانتك دي
كريم:لو عايز رأيي فانا شايف ان البنات عمرها ما هتسامحك ولا هتصدق اي حاجة انت هتقولها من تاني………فانا بقول انك تعقل كده وتحط ايدك في ايدينا وتكون معانا وتساعدنا بدل ما تكون ضدنا وتخسر كل حاجة يا سيف بيه
زياد:قولت ايه يا سيف بيه……..تبقي معانا وتكسب ثقة البنات ومحدش فيهم يعرف خيانتك دي …….ولا تكون ضدنا وتخسر كل حاجة ومصيبتك تتعرف قدام الكل…….الفرار ليك في الاخر بردو
فضل باصص عليهم وساكت ومش عارف يرد يقول ايه ولا يتصرف ازاي…….عمره ما كان يتخيل ان اللي عمله دا ممكن يتكشف في يوم……..قام من مكانه…….وقف قدامهم …….بدا يعدل نفسه وهو باصص عليهم وساكت……..فضلوا باصين عليه ومستنين قراره الاخير
كانوا قاعدين بيتعشوا……..الباب خبط……..قامت وقفت…….بدات تتكلم وهي بتقوم من مكانها
داليدا:دا اكيد جمال وحازم……..وصلوا في وقتهم علشان ياكلوا والاكل سخن
راحت علشان تفتح……..تلفونها اتبعتله رسالة من رقم غريب……..مسكته وبدات تقرا الرسالة……..قامت وقفت بصدمة بعد ما قريت اللي مكتوب
“لو فاكرة ان جوزك بيحبك وشايفاه ملاك تبقي غلطانة…….انتي متجوزة شيطان مفيش حاجة تهمه غير نفسه وبس……..وعلي فكرة جوزك متجوز عليكي اتنين وكل واحدة متجوزها علشان المصلحة اللي جاية من وراها…….ولو مش مصدقة كلامي اتفرجي علي الصور دي وانتي تصدقي……..صدقيني انا واحدة خايفه علي مصلحتك وعايزاكي تعرفي اللي بيحصل من وراكي”
حاولت تحبس دموعها وتمنعها انها تنزل…….كانت هتفتح الصور وايديها بتترعش من الحُزن وبتدعي ان الكلام اللي قريته دا يطلع غلط او انه بيهزر معاها وبعتلها رسالة من رقم تاني وانه عمره ما يعمل كده……..وقفها صوته اللي سمعته……..اول ما سمعت صوته رميت التلفون علي الارض وبصيت ناحية الباب بسرعه…….اول ما شافتهم بصتلهم بصدمة وخوف
نور:انتو؟!
- يتبع الفصل التالي اضغط على ( رواية صراع عائلي ) اسم الرواية