رواية نفوس مريضه الفصل الحادي والعشرون 21 - بقلم تسنيم حمدي

 رواية نفوس مريضه (كاملة جميع الفصول) حصريا عبر دليل الروايات بقلم تسنيم حمدي

رواية نفوس مريضه الفصل الحادي والعشرون 21

يعني ايه مابتقدرش تدخلها وبقالك اكتر من شهر ماكلمتنيش ليه

ياباشا من ساعه ما الدكتور الجديد دا بقا مسؤول عنها مابقتش لوحدها خالص وديما موجود حاوليها 

مين الدكتور الجديد دا 

اهو دكتور وجي يظهر نفسه يومين. منع عنها اكل المستشفى و حتي المياه..هو اللي بيجبهم..ومابقتش اعرف احطلها الدواء..ولا ادخلها خالص..هي مره واحده دخلتلها..وربنا ستر. كان هيشوفني  ..وانت يا باشا... 

.. انت هاترغي بقولك مين الدكتور دا.. يعني اسمه ايه 

.. جاسر غنيم تقريباً اسمه كده

.. جاسر  !! هو رجع امته وانت ليه مابلغتنيش..ليه مابعتش رساله بكده.. اومال انا بدفعلك الفلوس دي كلها عشان ايه

..ياباشا ما انت تلفونك مقفول ديما..وبعدين الست دي خلاص مابقاش فيها عقل..سنه كامله.. وانا بديها الدواء  .. مش هتفرق علي شهر 

.. هو انت اللي هتقول تفرق ولا لاء  .. اسمعني يالا  معاك لحد بكره بليل تدخل عندها وتنفذ اللي كنت بتعمله.. اول مادخلت المستشفى  .. بعد ما تحقنها بالدوء فاهم.. وحسابي معاك لما ارجع

.. بس التسجيل اللي كان معايا اتمسح.. وبعدين انا اخاف.. دا مابيسبهاش لوحدها.. يا ام نايم عندها في الاوضه او علي الباب بيحرسها 

.. ايه مابيروحش.. لازق عندك 

.. لا بيخرج ساعتين اخر النهار.. و وقتها دكتور خالد او الممرضه بيكونا معاها 

.. بقولك ايه اتصرف.. دا شغلك مش شغلي.. والتسجيل هبعتهولك تاني دلوقتى.. ويلا غو.ر.. ولما تخلص ابقي كلمني 

قفل في وشه المكلمه وخبط الفون بغضب.. ايه اللي رجعه تاني.. بعد كل دا عايز ايه.. لسه عايزها.. لسه تهمك ..مش هسبهالك ياجاسر.. مش هسبهالك 

.......... 

حاول عادل يكلم لولا اكتر من مره بس تلفونها كان مقفول

عادل بعصبيه: هي قافله تلفونها لي دي..و بتعمل ايه كل دا  

...... 

لولا كانت قاعده مكانها من بعد مانزل معتز مع نور لسه حسه ان اعصابها سايبه بس قامت وبدات تبص علي الشقه وهي مستغربه صغرها 

وبقت تتحرك وهي بتتأملها

وخبطت في تربيزه عليها صوره  ل نور 

مسكتها وبصت فيها 

وشافت صوره ل معتز ومسكتهم قصاد بعض 

لولا: مش لاقيين علي بعض  خالص 

..مش عارفه عادل ليه هيتجنن  عليها كده

انا احلا منها و احلا منها بكتير اوي كمان  

ليه بس مش شايفني.. ولا الكلب بتاعها دا انا ماتخيلتش انه بالشكل دا .. ازاي معتز قادر يعيش معاهم.. بس هي شكلها طيبه

سمعت لولا صوت الباب وهو بيفتح ومعتز و نور بيضحكوا 

ركنت صورهم  مكانها وبعدت في اخر الشقه عشان جاك وبلعت رقها بخوف وهي شايفه داخل معاهم

لولا شاورت علي جاك بخوف : ابعده البتاع دا من هنا يا معتز.. هو داخل هنا يعمل ايه  .. خرجوا بره 

بصت نور ل معتز بغيظ: انا داخل احط ل جاك ياكل  

قالتها وبعدت عنهم ودخلت بي المطبخ 

معتز بص ل لولا وهو بيقفل الباب : لولا البتاع دا اسمه جاك.. وهو عايش معانا.. يعني دا بيته. مش عند معاليكي في بيتك عشان تطرديه

لولا: وانا مش هقدر اقعد مع الكلب دا في مكان واحد.. انت شايف شكله يخوف ازاي

معتز: لو مديقه من وجوده.. يبقي برحتك تحبي ارجعك شقتك دلوقتى 

لولا: انت عارف اني مقدرش ارجع الشقه.. 

قالتها لولا وهي بتقعد علي الكنبه و متابعه باب المطبخ بتوتر  خايفه من خروج جاك عليها وهي بتتخيلي انه هيطلع يهجـمها 

معتز: يبقي حاولي تتاقلمي علي الوضع دا.. ووجود جاك.. معانا

لولا: اتقلم معا ازاي.. دا بيبصلي بطريقه ترعب.. اكنه عايز يا.كلني..خليه بره  عشان خاطري يامعتز.. لحد ما امشي بس 

خرجت نور من المطبخ بعد ما حطت  اكل و مياه ل جاك 

واقعدت قصاد لولا

نور: بصي يا لولا جاك بنسالي صاحب وباعتبره اقرب حد ليا.. هتفهميها او لا دي بتاعتك.. وانا هبعده عنك علي قد مقدر..عشان مقدره احساسك وخوفك دا.. و عشان خاطر معتز..انا وفقت بوجودك ورحبت بيه كضيفه . بس جاك خط احمر .مش هسمحلك حتي تغلطي فيه.. وانا مابسبهوش بره الشقه

لولا:  دا مجرد كلب مش هيتخطف يعني.. وطبيعي ان مكانه يبقي بره.. انتي ليه محسساني انه بني ادم.. وخايفه علي مشاعره ل تتجرح.. وكانه بيفهم

نور: اممممم.. بصي الكلب اكيد بيفهم.. وبيحس.. بدليل انه بدلك الكره.. لانه حس انك بتكرههي.. والكلب دا بالنسبالي احسن من ناس كتير  ..  

لولا: انا ماليش دعوه بكل دا انا هقعد هنا يومين وهمشي 

.. مش عايزه اتعامل معا ولا حتي اشوفه بس

نور اتنهدت بغيظ بس مش عارفه ليه.... اكيد  من كلام لولا علي كلبها واللي هو طبيعي في حالتها وهي عارفه دا كويس بس ليه مديقه 

نور: انا هدخل اغير هدومي 

قالتها نور وقامت دخلت  الاوضه

معتز: بطلي تستفزيها بالكلام يا لولا 

لولا: هو انا عملت حاجه.. هي اللي مش طبيعيه.. بص انا تعبانه.. وعايزه انام.. هو صحيح انا هنام فيه

معتز: هنا مكانك علي الكنبه اللي قاعده عليها.. برغم انها تعز عليا.. بس ماتغلاش عليكي

لولا: نعم كنبة ايه اللي انام عليها.. شوفولي اوضه انام فيها يا معتز . وعشان اقفل علي نفسي ل  جاك دا يعمل فيا حاجه

معتز  : لولا الشقه كلها اوضه واحده..و كل يوم اتخانق انا والمسكينه دي مين اللي هينام فيها

قالها معتز وهو بيرمي الكلام علي نور بتسليه لما شافها خرجه من الاوضه 

لولا ابتسمت بتهكم : هو انتم لسه مابتنموش جانب بعض في اوضه وحده.. لسه كل واحد في مكان

نور وشها احمر باحراج وبصت ل بعيد.. من غير ماترد

ومعتز رد بغيظ: لا بنام.. احنا بس بنتخانق لما يبقي في عزول مابنا 

لولا: طيب انا اكيد هنام علي السرير لاني مابعرفش انام علي كنبه او الارض ..ما انا ضيفه بقا.. ونور رحبت بيا..واكرام الضيف واجب 

مش كده يا نور..وكمان عشان اقفل الباب عليا وابعد عن الكلب دا خالص 

معتز: ايوه لما انتي تنامي علي السرير 

انا ونور ننام في الشارع 

لولا: معرفش اتصرفوا ..واه كنت محتاجه شاحن... موبيلي فصل هلقيه في الاوضه صح..انا هقوم اشوفه

قالتها ودخلت لولا الاوضه ونور ومعتز بيبصه لبعض 

نور: البيت بيتها ها 

معتز: دا كان تعبير مجازي مش اكتر

خرجت لولا ببطانيه ومخده 

لولا: ممكن تفرشه دول تناموا عليهم علي الارض.. ولا شوفه هتعملوا ايه

يلا تصبحوا علي خير 

قالتها ودخلت قفلت الباب عليها

معتز وهو بيشورلها: وانتي من اهل الخير يا روحي.. تعبناكي معانا والله.. كتر خيرك

نور خبطت علي راسها بضحك : هو انا ايه اللي وقعني معاك بس 

يابني دي لو مسكه عليك شيكات كان هيبقي في رد فعل عن كده

..... 

نور  مساكت البطانيه والمخده في اديها 

و بتريقه: تحب نفرشهم في يا معتز باشا.. انهي فيو يعجبك

معتز:  ممكن هنا 

قال وهو بيشاور علي ركن في اصاله

نور خدت البطانيه وهي بتعض علي شفايفها بغيظ 

وبدات تفرشها

معتز: هو انا ليه حاسس اننا اتعرضنا ل حـ.ـتلال 

بالمعني الحرفي.. حد خبط علي بابك زي القضا المستعجل.. ودخل من غير استاذان بالمسكنه والدموع.. وبعدها بالقوه 

وفجاءه تلقيه هو نايم مكانك وكتر خيره انه سابلك الارض تنام عليها

نور ضحكت : كنا بنتخانق انا وانت مين هينام في الاوضه.. جيه اللي طردنا منها احنا الاتنين.. 

معتز: وادينا هنام  علي الارض سوا

.. بس الحمد لله مافيش مخده هتتحط في النص مابنا..

قالها معتز وهو بيخد المخده من  الارض 

معتز:هي مخده واحده الحمدلله

نور بغيظ:هو دا اللي شاغل تفكيرك 

معتز ببلاها: تقريبا.. اصلها كانت عملالي عقده وهي مابنا الصراحه 

نور شدت من ايده المخده ورامتها فوق البطانيه وهي نفسها تدخل تجيب لولا من شعر.ها ترميها بره الشقه  .بس دا ممنعش احساسها انها سعيده  بوجود معتز جانبها هي مش جانب لولا.. زي ما هي كانت متخيله

نزلت نور نامت علي الأرض 

ومعتز ابتسم ونام جانبها ولسه 

هيقرب يحضنها لقا جاك نام في النص مابينهم 

معتز  : لا كده كتير اوي... هو انا معملي عمل بوقف الحال ولا ايه

مسح جاك راسه في حضن معتز  بلطف وهو بينبح

معتز: لا مش للدرجادي ياجاك.. تنام كمان في حضني كملت  …طيب ماتجيب صحبتك بدلك جدعنه 

نور : نام يا معتز نام عشان عندي شغل الصبح 

معتز: هي اجازتك خلصت كده

نور: اه ولازم انزل بدري تصبح علي خير

..... 

عادل: اخيرا افتكرتي  انك ترد عليا..كل دا تلفونك مقفول ليه 

لولا: كان فاصل شحن اعملك ايه يعني

عادل: لا ماتعمليش حاجه.. معتز وافق انك تفضلي عنده 

لولا: اكيد وافق.. وانا في اوضتهم حاليا هنام.. والحمد لله هربت من جاك دا باعجوبه.. 

عادل بستغرب:.. انتي في اوضتهم.. اومال هم فين 

لولا: نايمين مع بعض بره 

... اصل شقتهم طلعت صغيره اوي . مجرد اوضه وصاله بس تخيل 

عادل:اه متخيل .. يعني انتي نايمه في الاوضه بتعتهم وسيبهم هم نايمين في حضن بعض في مكان تاني.. اومال انا بعتك ليه

لولا: اعمل ايه يعني يا عادل..انام وسطهم.. 

عادل: لولا اتعدلي.. انا مش عايز معتز يقرب من نور خالص انا بعتك عشان كده . مش عايزه حتي يتكلم معاها.. تعرفي تعملي دا.. تعرفي تكرهيهم انهم حتي يبصوا في وش بعض 

لولا: دا اعمله ازاي دا.. عادل هو انت بتغير عليها من جوزها.. دي جديده.. اول مره اشوفها

عادل:.. اه بغير عليها منه . ومالكيش دعوه..و كفايه سبتهم الكام يوم دول لوحدهم

لولا بتهكم:.. لا كتر خيرك الصراحه جي علي نفسك 

عادل: اه جي علي نفسي وبطلي تريقه.. واعمل اللي بطلبه منك.. عشان اجوزك حبيب القلب

لولا:.. عادل انا زهقت بجد خلاص زهقت .انت عارف اني مابحبش معتز ولا هو بيحبني.. 

عادل انا مش عايزه بس غير اني اصلح غلطتنا . تعال نتجوز  حتي لو يوم واحد بس وطلقني.. وانا مش عايزه منك حاجه  وطلعني من كل دا.. انا كل اللي عايزه ان ابني لما يجي للدنيا يكون  لي اسم اب.. سيب معتز ونور في حالهم يا عادل.. معتز مايستهلش مننا كده

عادل: وانا بردوه شايف كده 

لولا: يعني موافق علي كلامي 

عادل: لا.. هو انتي حامل في الكام دلوقتي 

لولا: في اخر الشهر التاني.. وتعبانه يا عادل ياريت تحس بيا شويه.. 

عادل: خلاص يا لولا هانت و كفايه فعلا كده علي صحبنا جي الوقت اللي  يتحمل في مسؤليتكم 

.ويهتم بيكي.. انتي وابنه.. ويعرف بوجوده.. عشان ابنكم يكون لي اسم اب  

........ 

    •تابع الفصل التالي "رواية نفوس مريضه" اضغط على اسم الرواية