رواية عملي الاسود كاملة بقلم شروق الجندي عبر مدونة دليل الروايات
رواية عملي الاسود الفصل التاسع 9
كنت بسوق بجنون لدرجة أنى كنت هعمل كذا حادثة وقلبى بيدق جامد ومش شايف الطريق من كتر الدموع وحسام جمبى بيفرك فى ايده ومرعوب وطنط وراه بتعيط جامد وكلنا بندعى ربنا أنها متكنش هى وصلنا طريق السويس وطول الطريق بسأل نفسى ايه جاب رحمه هنا أصلا بس مكنش وقته أى كلام الأهم أنى أطمن عليها فوقت من شرودى على صوت حسام_أهى الحادثة أهى أقف ياحازم بسرعة”وقفت على جمب وغمضت عينى_طمنى عليها ياارب”نزلنا وكان فى زحمه وأسعاف وناس بتصور وشرطة وقربنا ع الفجر كنت بدور فالحالات زى المجنون لاقيت راجل الأزاز فى عينه ودى واحدة ميته هى وولادها وهى حضناهم وده راجل دماغة مشقوقة ووشة غرقان دم و والأسعاف بتشيل جثث من العربيتين وانا وطنط وحسام بندور وفجأة
لاقيت واحدة وشها غرقان دم ومتقطع من الأزاز اللى دخل فيها بس لابسه بلوزة نبيتى زى بلوزة رحمة ومعاها شنطة صغيرة مسكت دماغى_لالالا_فى ايه ياحازم”قولت بصدمة_رحمه”حسام بص وطنط بصوا عليها وحسام كان داخل العربيه لكن الاسعاف مانعوه ودخلوا هما صحيح خرجوها فى 5دقايق لكن كانت بالنسبالى سنه_دى نفس هدوم اختى ياماما_بنننتى”وقعت ع الأرض مكانى وروحى أنسحبت منى وقولت بضعف_رحمه…
- يتبع الفصل التالي اضغط على ( رواية عملي الاسود ) اسم الرواية