رواية بئر كندراش (كاملة جميع الفصول) حصريا عبر دليل الروايات بقلم نورهان اسلام
رواية بئر كندراش الفصل الواحد و العشرون 21
دخل الملك سِرداب تحت القصر وهو بيعمل شعلة بإيده للنور فتح اكثر من باب سري موجودين تحت الأرض لحد ما وصل للباب اللى هو عايزه .. فتح الباب وهو بينور المكان لحد ما الرؤية أصبحت واضحة إبتسم وهو بيقول بسعادة: كيف حالك أبى!؟
___________________________
ركزت نجمه وأدم مع صوت الشخص اللى اتكلم .. بصلها تانى وهو بيعيد السؤال: إذا .. لماذا ترتدى القناع!!
أدم بصله : ما شأنك !!
إتقدم خطوتين لحد ما أصبح على مقربة منهم وهو بيبص لنجمة وقال: لقد كُشف أمرك أمامنا يوم العيد ، لماذا ترتدى القناع إذا!!
بصله أدم بإستغراب لتدخله المُفأجى: ما شأنك!!
مسك الشخص قطعة خشبيه من اللى صنعها أدم وهو بيقول: لقد سألتُها هى .. ما شأنك انت!!
لاحظت نجمه إن أدم بدأ يتعصب فإتكلمت: هو صديقى .. ما شأنك انت .. سأُخبر الملك بإنك تعترض طريقى وحتماً سيقطع رقبتك!!
ضحك الرجل بسخرية وقال: لو كان يهمه أمرك لجعلكِ فى قصره.
أدم بصوت عال نسبياً: اترك القطعه وانصرف .
نجمه ابتسمت وقالت: إذا كان الملك لا يهمه أمرى فالملكة قمر هى من ستعرض الأمر على الملك وهنا حتماً سيتم قطع رقبتك ..
نظره اتحول ما بينهم وهو عارف إن ملك الأرض بيحب قمر وبينفذلها طلباتها دائماً ، ساب القطعه الخشبيه من إيده وهو بيقول : دخيلة
أدم: إنفض الأمر لماذا تقفون إذا .. هيا .. فلترحلوا!!
كان فيه ناس وقفوا يتابعوا الموقف.. فأتكلم أدم علشان يمشيهم .. وقفت نجمه وهى بتبص لأدم اللى بدأ يجمع القطع الخشبية اللى صنعها فى شنطة ..فبصلته نجمه بإستغراب وهى بتقول: بتلم الحاجة ليه!!
أدم وهو مركز: حالياً محدش هيشترى بسبب اللى حصل .. فالأحسن نروح ..
نجمه حست بإنها السبب : انا اسفة..
أدم: انتى ملكيش ذنب ، الذنب عليهم هما ..
ساعدته فى نقل الحاجه لحد ما خلصوا و وصلوا لحد الكوخ بتاع أدم
_______________________
= أقدر أقابلك علشان اديكى الشنطة إمتى!!
كان أسر كتب الرسالة ديه على الواتساب وبعتها ل هنا ..
إستنى شوية فردت: أى وقت ،مش هتفرق..
ظهر نوتفيكشن على الجهاز ..إبتسم وهو بيرد: مش هتفرق !! انتِ متضايقة من حاجه!
كانت هنا ماسكة الموبايل وشايفة كلمة يكتب ومستنية الرد لحد ما وصلها الرد ده .. قلبت عيونها وهى بتفكر تتكلم معاه ولا لا .. ظهرت عنده إنها اونلاين وشافت الرسالة فبعت علامة إستفهام .. بصت للموبايل مره ثانية وكتبت: لا مفيش عادى .. إترفدت من الشغل .
اسر: يبقى تقابلينى بكرا بئا .. الساعه ٢
هنا بعدم إهتمام: خلاص تمام
عمل ريأكت قلب وهو بيقفل الشات بينها وبيتصل بصديق ليه …
*قفلت هنا الموبايل وهى بتبص لصورتها فى المرأة بحزن.. لإن بالنسبالها ده الشغل اللى كانت بتحلم بيه .. فاقت من شرودها على صوت والدتها بتناديها .. فقامت وهى بتردد كلمة قدر الله ما شاء فعل
=والله يا بنى شاطرة جداً وعلى ضمانتى.
كان أسر بيكلم صاحبه فى الموبايل فرد : طيب يا أسر ، مقدرش أرفض طلب للمقدم وصاحب الطفوله إنت عارف بئا
إبتسم أسر وقال: تسلم يا مازن .. مش عارف اقولك ايه
مازن بضحك:يا عم متقولش بس إبقى اعزمنا على الفرح ومتنسناش..
ضحك أسر وقال: يا بنى شعارنا السنجله جنتله
مازن : كل واحد فى الدفعه بتاعتنا قالى الجمله ديه لبس واتجوز يالا يا عم مبروك عليك .. هتودع العزوبية .. يارب تبقى العروسة حلوه بس
أسر: ما تلم نفسك يالا .. ما انت كدا كدا هتشوفها بكرا
ضحك مازن: شوفت إبتديت تغير اهو .. سلام دلوقتى علشان داخل إجتماع ..
قفل أسر معاه السطة وهو بيمدد على السرير وبيبص للسقف ويبتسم ..
________________________
* داخل قصر الملك
كانت قمر بتتمشي فى طرقة القصر فى طريقها لجناح راميان .. مسك حد إيديها وهو بيشدها ناحية جزء من الطرقه .. حط إيديها على فمها علشان تسكت وهو بيقول: لا تتحدثِ!
إتصدمت قمر من الموقف شال إيده بالراحة فأتكلمت: الأمير فارس .
هز رأسه بتأكيد وهو بيقول: حاولتِ الهرب منى أمس ولكن عثرت عليكى فى نفس اليوم.
كانت قمر واقفه مصدومة من اللى حصل فأتكلمت: لم أراك أمس ..إلا حين كنت مع الملك .. وكيف لك أن تفعل هذا معى ، سأُخبر الملك.
إبتسم لها وهو بيقول بمكر: إذا وأخبره انا بأنك تخرجين منن القصر تقصدين الغابة لتُجمعى الأخشاب ..
نزلت قمر إيده من جمبها وهى فاهمه إن قصده نجمه وإتكلمت بصرامة : إذاً، لا تعترض طريقِ ثانية ، ولتفهم ذلك جيداً .. حتى لا أُخبر الملك .
إتحركت قمر بإتجاه جناح راميان وكان فى اخر الطرقة دخلت وقفلت الباب وهى بتبصله نظرة أخيرة
_______________________
رفع رأسه وهو بيبص لراناش وقال : كيف حالك راناش !!
قعد راناش على مقعد قريب وهو بيقول بحزن ظهر فى عيونه: جئت إليك ككل مرة أطلب فيها نصيحتك .. لقد أرهقنى حُكم الأرض .. وأصبحت الأن بين نارين .. حُكم الأرض وشعبها و قمر .. تلك الطفله التى احببتها مُنذ الصغر وحتى الأن
وقف والد راناش ومسك عصاية من على الأرض وهو بيسند عليها لحد ما وصل لمكان جلوس راناش رسم بالعصاية خط مستقيم وقال: إذا أكملنا هذا الخط لن يكون له نهاية .. ولكن إذا رسمنا دائرة … رسم دائرة وكمل: سيكون بدايتها نهايتها .
رفع راناش رأسه بعدم فهم وقال: إذاً، ماذا تقصد!!
_ حين بدأت تلك الإمبراطورية تسببت فى
دمار شامل لأهل القرية التى جاء منها الساحر على مر السنين.. ولكن الآن جاء موعد قفل الدائرة .
بصله راناش بصدمه كونه تنبأ بمستقبل الأرض زى كتاب الساحر وقال: وكيف عرفت !!
والد راناش بحزن: لقد بدأ جسدى هزيل، فالملك دائماً بخير مادامت الأرض بخير
راناش وقف بغضب : ولكن انا الملك ..
إبتسم والد راناش بسخرية: ملك زائف.
نظرة راناش كانت بتدل على الغضب اللى تملكه فوقف وقال بغضب: كُنت مخطئ حين لم أقطع رأسك..
خرج راناش من الغرفة ولكن سمع الملك بيقول: لا تقاتل عدوك بل صحابه … وستعرف بماذا ينوى، تقدم منه وكن معه دائما .. لا تنسي ، الانوار اتقفلت والملك بيخرج
______________________
كان أدم ونجمه بيدوروا على نوع نادر من الأخشاب..إتكلمت نجمه: طيب، روح انت من الطريق ده وانا من الطريق ده علشان نخلص بسرعه
هز أدم رأسه بموافقة وحدد من أغصان الجزء اللى دخل منه مع نجمه .. كانت نجمه بتبص على الأشجار بأنبهار؟؟؟
لحد ما سمعت صوت وراها بيقول: تأكدت بأنكى سأراكِ هنا .. بصت بخوف للى بيتكلم فشافت فارس بيتكلم بمكر: ها انتِ إذاً
رفعت عيونها وهى بتقول : انت مجدداً
_لقد رأيت وجهك ،اعتقد بأنه لا داعى له الأن
كملت نجمه بحث بدون خوف منه: أعتقد بأنه من الأفضل لك أن ترجع مكان ما جئت حتى لا تتأذى مجدداً وهذه المره لن أشفى جرحك
إبتسم فارس وقال: مجدداً !! اعتقد بإنها الكلمة المفضله لديكِ.. ولكن أريد أن أعرف شئ كيف لا يعرف الملك بخروجك من القصر ملكة قمر .. وماذا تفعلين بكل الأخشاب الذى تجميعها!!
كان بيقول الكلام ده وهو بيلف حواليها بالحصان بتاعه ..
فهمت نجمه إنه ليه علاقة بالملك وقمر فأتكلمت وقالت: جيد أنك تعرف الملك .. أُريدك أن تخبره بأننى هنا إذا .
فارس نزل من على الحصان وهو بيقول: إذاً.. فلنذهب سوياً إلى القصر وتخبره!!
نجمه بزهق: أنت مُتدخل وممل لأبعد حد .. إرحل عن وجهى .
رقع حاجبه وقال: رأيت وجهك وأنتِ أميره أريد أن أراه وانتِ عاملة
شافت خنجر حديدى على الأرض..لفت وشها ليها وهى بتضربه بالخنجر فى ذراعه وبترفع القناع عن وشها فى نفس الوقت
___________________
_ نتقابل فى كافيه….. هبعتلك اللوكيشن .
رسالة بعتها أسر لهنا اللى ردت عليه فى ريكورد: ماما حالياً فى المستشفى ومش هقدر أقابلك أسفه ..
•تابع الفصل التالي "رواية بئر كندراش" اضغط على اسم الرواية