رواية عملي الاسود كاملة بقلم شروق الجندي عبر مدونة دليل الروايات
رواية عملي الاسود الفصل الاول 1
“كنت نايمة وبحاول أفوق لكن دماغى تقيلة أوى ولا كأنى أخدت مخدر إمبارح وكنت مصدعة اوى حاولت أفتح عينى بصعوبة ولكنى سمعت صوت راجل بيقول_صباح الفل ياقمر”أنصدمت وفتحت غصب عنى وبصيت فى الأوضة لاقيتنى فى أوضة غريبة وفى راجل بيصفر قدام المرايا وبيسرح شعره_يانهار أزرق أنا مخطوفه!! وصرخت فيه_أنت مين”بصلى بذهول_نعم ياختى!!_ردعليا أنت مين وايه جابنى هنا أنت خطفتنى ليه_خطفك ايه يامجنونه يابنت المجانين هى الحالة أشتغلت ولا ايه أنا جوزك ياعملى الأسود_جوزى!!_اه ياختى ومن سنه كمان”لاقانى بخبى نفسى تحت البطانيه وخايفه منه جه شد البطانيه من عليا وقال بسخرية_بتغطى ايه ياعملى الاسود ده انتى لابسه عبايتين وتحتهم بيجامه وجوز شربات”مسكنى من قفايا زى حرامى الغسيل قدام المرايا_بذمتك أنتى شايفه منك حاجه ده أنا نفسى اشوف صوابع رجلك ومش عارف بقى انتى رحمه ده انتى جحيم ياشيخة_أحم كابتن لوسمحت ده منظر غير حضارى أنا معترضه انا أنوثتى بقت فالارض”فجأة أتحول لخالتى الشرشوحه وصقفلى”انوثه!أنوثه مين يابت ده جعفر صاحبى فيه انوثه عنك_هو سكتناله دخل بحماره ولا ايه أنا مؤدبه اه بس لسانى اطول منك_مصدقك طبعا_طب اسمك ايه_نعم!!
- يتبع الفصل التالي اضغط على ( رواية عملي الاسود ) اسم الرواية