رواية بئر كندراش (كاملة جميع الفصول) حصريا عبر دليل الروايات بقلم نورهان اسلام
رواية بئر كندراش الفصل الثاني عشر 12
ماذا لو انتهت ارض كندراش العظيمه !!
وانتهت معالم التهجين .. واصبح الانسان هو الشخص السائد فى الكره الارضيه!!!
اتكلمت نجمه عن العبارة اللى قرأتها فى مذاكرات الساحر وقالت: هل ممكن يكون الموضوع ده السبب ، هل هو خايف إن الأرض تنتهى!!
ادم ركز مع كلامها وقال: انتى متأكده من اللى قرأتيه ده!!!
هزت نجمه رأسها وهى بتتمشي فى الأوضه وقالت: بس ده ايه علاقته بيا انا !!
ادم: انتِ قرأتى من الكتاب ده قد ايه!!
نجمه: حوالى صفحه
ادم: حاولى تقرأى من الكتاب ده تانى .. شوفى الأرض هتنتهى ازاى ..وايه سبب خوف الملك من انتهاء الأرض!!!
سرحت نجمه وهى بتفكر ازاى هتقدر تجيب الكتاب من غير الملك ما يشك فيها
____________
*عند بيت نجمه
أسر بصلهم بإستغراب وقال: انتوا مين!! انا فاكر انى شوفتك قبل كدا !!
قال الكلام ده وهو بيشاور على هنا .. كانت هنا مدت ايدها وهى بتقوله ازيك ، رجعت ايدها مكانها وهى بتقول بتوتر: كُنا عايزين صورة ل نجمه تفضل معانا
اتكلمت دعاء : ذكرة يعنى.. علشان ملقتش صورة ليها فى المكتب بتاعها فى الشركة
هز أسر رأسه بتفهم دخل اوضة نجمة اللى تقريباً مدخلهاش غير مرة واحدة من ساعة ما جيه .. مسك صورة ليها كانت متعلقة على الحائط .. وسرح فى تفاصيل الأوضه وهو بيفتكر وهو بيرتبها هو ونجمه
__________________
هو أتأخر كدا ليه قالتها دعاء وهى واقفه ردت هنا عليها وقالت: ممكن يكون بيدور على صورة كويسه ولا حاجه
هزت دعاء رأسها بتفهم واتكلمت هنا وهى بتقول : تعرفى .. وحشنى اوى قعدتى مع نجمه .. اوقات بحس أن السبب فى كل اللى حصلها هى و والدتها اخوها .
نزلت رأسها واتكلمت: وقت العزاء المزيف بتاع اخوها قالتلى أن هو الوحيد اللى كان بيهون عليها اى حاجه تزعلها .. تخيلى بئا إن يكون هو اللى مزعلها .. دمعة نزلت منها مسحتها قبل ما دعاء تاخد بالها .. خرج أسر وهو ماسك صورة ل نجمة والصورة كمان كانت بتضم هنا صاحبتها .. بصت للصورة وضحكت وهى بتقول: صورة ليا انا وهى كمان .. شكراً جدا يا استاذ أسر. يالا يا دعاء..
مسكت ايد دعاء وهى بتحط الصورة فى شنطتها وبتمشي .. قفل أسر الباب وهو بيفتكر الكلام اللى سمعه من هنا كان حزين على نفسه وعلى اللى عمله فى اهله دخل الأوضة بتاعته وهو بيبص على كل الشارات اللى اخدها وهو بيخدم حاسس إن دلوقتى ملهاش قيمة قصاد الوحدة اللى هو عايش فيها .. مسك الشارات بتاعته وهو بيرميها على الأرض بحزن
_______________________
وقفت نجمه عند سور القصر وهى بتكلم قمر
قمر اتكلمت بخوف على نجمه: اى حاجه عايزه تعمليها حوالى محدش يعرفها غيرك .. الملك قلقان على عرشه .
افتكرت إمبارح وهو بيتوعدها إن لو شكه إتاكد هيقط_ع رقبتها
لاحظت نجمه إنها سرحت فاتكلمت وقالت: متخافيش .. انا بحاول بقدر الإمكان محدش يشوفنى .. بس انا عايزه اطلب منك طلب
بصتلها قمر وهى مستنية تقول الطلب ، اتنهدت نجمه وقالت: عايزه كتاب مذاكرات الساحر كِندراش
_______________________
*فى جناح عبد الرحمن.
قعد رميان وهو بيتكلم مع جده وقال: هى نجمه فين ؟..بقالى كتير مشوفتهاش
مسك الجد خدوده وهو بيتكلم بإبتسامه : خارج القصر ، بس اخر مره قابلتها قالتلى اقولك إنها بتحبك اوى ونفسها تشوفك
ابتسم راميان ابتسامة طفولية وقال: وهى كمان وحشتنى اوى يا جدو
حضنه عبد الرحمن وهو بيقول فى نفسه : ربنا يعدى الأمور اللى جايه على خير
_________________________
كان أسر قاعد بيأس على أرض الاوضه بتاعته وماسك اخر صورة اتصورها مع نجمة و والدته وحالة من اليأس مسيطرة عليه .. بص فى الصورة مره ثانية وهو بيقول بصوت مخذول : سامحونى، انا دلوقتى حاسس بالشعور اللى انتى كنتِ حاسه بيه ،حاسس بالوحده من غيركم
_______________________
قمر اتكلمت بصدمة من كلام نجمه: صعب يا نجمه ، الملك كل يوم بيدخل المكتبة يقرأ من الكتاب ده، إمبارح دخلنى وخلانى اقرأ من الكتاب معاه وحكت لنجمه على اللى حصل
فضلت نجمه تفكر وبعدين اتكلمت وقالت: هحاول افكر فى طريقة ناخد بيها الكتاب من غير الملك ما ياخد باله
قمر: ماشي
نجمه مشيت قبل ما حد يشوفها
___________________
* فى كوخ أدم
*يعنى الأرض ممكن تختفي!!
قالتها ماندريانا وعلامات الصدمة كانت مسيطرة عليها
هز أدم رأسه وقال: اه .. ده اللى نجمه قرأته فى الكتاب.
ماندريانا بتساؤل:طب وسكان الأرض الأصليين !! هيكونوا فين!؟
ادم: هل ممكن شكلكم يتحول لشكل سكان الأرض وتكونوا معانا ..!
بصت ماندريانا على جناحها وهى بتحركه وقالت: مش هنعرف نطير!
ادم: ده اللى فارق معاكى .. انتى اغلب الوقت بتكوني ماشيه اصلاً.
فتحت نجمه الباب ودخلت ،خلعت القناع اللى كانت مركباه على وشها علشان يخفى ملامحها
اول ما دخلت ماندريانا سألتها بجدية: بجد الأرض ممكن تختفي يا نجمه!
بصت نجمه لأدم وماندريانا اللى عيونهم عليها ومستنين منها إجابة بتوتر وهى بتقول: معرفش
ادم بإستغراب: متعرفيش ازاى!!
قعدت نجمه بتوتر وقالت: معرفش الأرض هتنتهى ازاى وامتى .. معرفش حاجه انا كل اللى قرأتها من الكتاب صفحه معرفش اكثر من كدا
__________________
_ انت مبقتش كائن طبيعى، انت ازاى قابل إنك تعيش كدا ..ها.. فهمنى يا اخى!!؟
رد عليها بتكبر وهو بيقعد على السرير وبيولع سيجارة: مش لما تبقى بتفهمى يا ريم .. وبعدين عايز افهم انتى ازاى طايقه نفسك اصلاً .
اتكلمت ريم بسخرية وقالت: طايقه نفسي!!
انت عايز اللى يعيش معاك يكون عامل ازاى .. ده لو مشربش من انانيتك و وقحاتك يبقى مش طبيعى
قام من مكانه وهو بيخرج من الاوضه وقال:انا مبقتش طايق العيشه معاكى.. انتى مبقتيش طبيعيه
خرج من الأوضه وسابها وهى فضلت واقفه مكانها .
دخل مكتبه وقعد وهو بيحط ايده على رأسه "مصدع" فتح الدرج وهو بياخد دواء وقعت عينه على صورة نجمه اللى اخدها من المكتب
__________________________
*فى جناح عبد الرحمن
كانت قاعده قمر مع والدها وبتتكلم عن نجمه وطلبها لكتاب الساحر
اتكلم عبد الرحمن وهو بيقول فكرته: تقدرى تحفظى الكتاب فى عقلك !!
قمر فكرت بأن القدرة ديه عندها فعلاً وإنها تقدر تعمل كدا بس نجمه معندهاش القدرة ديه
قمر: بس نجمه مقدرش انقلها المعلومات اللى هخدها من الكتاب .. لازم هى يمكن تكسب السحر ده
عبد الرحمن: اتكلمى معاها وهى هتحاول تكسب السحر ده بأى طريقه.. طالما عندها إراده هتقدر تعمل اى حاجه
بصت قمر قدامها وهى مش لاقيه اى حل غير ده
_____________________
كانت نجمه قاعده بتتكلم مع ادم بعد ما ماندريانا مشيت على الكتاب
رد ادم: بس انتى كدا هتعرضي اختك للخطر، الملك لو عرف ممكن يؤمر بق_طع رأسها .
سكتت نجمه وهى بتفتكر الحلم اللى حلمته
نجمه وهى بتحاول توجد اى حل: مفيش طريقه اقدر اخد بيها الكتاب او مثلاً اصوره .. اعمل اى حاجه
هز أدم رأسه بالنفس وقال: لا ، مفيش عندنا إمكانية التصوير غير بالعقل
__________________
*فى جناح قمر
كانت قاعده وهى بتحاول تتواصل مع قمر .. نطقت اسمها ثلاث مرات وهى بتفكر فيها .. وصل لنجمه إشارات قمر فغمضت عيونها وهى بتكلمها فى عقلها
قمر: مفيش غير طريقة واحده علشان تاخدى الكتاب
نجمه: ايه هى!!
قمر: الذاكره الفولاذيه، عبارة إنك بتقدري تحفظى او تفهمي اى حاجه وتخزينهم فى عقلك لمدة طويلة .. انا قدرت اكسب السحر ده من زمان ..
نجمه: هحاول اكسب السحر ده
قمر: وانا هقرأ الكتاب وهخليه فى عقلى لحد ما تقدرى تكسبِ السحر
فتحت نجمه عيونها وكان ادم مركز معاها وفاهم إن فيه حد بيتواصل معاها ..فضل ساكت لحد ما قالت نجمه: الذاكره الفولاذيه
ادم: لكن النوع من السحر ده صعب حد يكسبه بسهوله .
نجمه بعدم يأس من كلامه: انا هحاول
__________________________
كانت نجمه بتقرأ من الكتب اللى موجوده عند ادم وبتزور قمر من وقت للثاني تقرأ كتاب من مكتبة القصر بدون علم الملك ومنهم كتاب الساحر ..
عدى شهر وهى بتحاول تكسب السحر ده ..
كانت قاعده فى مكان مخصص فى الأرض لقراءة الكتب مقابل السحر وهى بتقرأ الكتاب لمعت ايدها وده دليل إنها كسبت سحر جديد .. ابتسمت بسعاده وهى بتسيب الكتاب وبتروح لأدم علشان تقوله على الخبر ده
____________________
كانت قمر قاعدة فى مكتبة القصر وهى بتقرأ الكتاب دخل عليها الملك وقعد قصادها اتحول نظرها من الكتاب ليه وهى مستنية منه يتكلم
حاولت اطو البارت على قد ما اقدر .. مستنية رأيكم 🤍🤍🤍🌸
•تابع الفصل التالي "رواية بئر كندراش" اضغط على اسم الرواية