رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل السادس
الحلقة السادسة والحلقة السابعة
وقفت جميلة مذهولة لحظات
وبصت على الصورة العائلية
وقالت لنفسها بصدمة: ماهر
ق...تل عيلته
بعدين هزت راسها وقالت: لا طبعا مستحيل
ازاي انسان رقيق زيه يعمل كدة
ثم ازاي وهو اعمى اصلا
وليه سارة تقولي حاجة زي كدة
وفجاة جه صوت من وراها بينادي عليها
بصت جميلة وراها في رعب
فاتن: مالك يا مدام جميلة
جميلة: ف...فاتن
راحتلها فاتن وقالت: انتي كويسة
كانت جميلة عرقانة جامد في الوقت ده
جميلة: ايوة
فاتن: تعالي معايا
وسندتها لحد المطبخ
شربت جميلة كوباية المياه
فاتن: بقيتي احسن
جميلة بابتسامة: متشكرة اوي
فاتن: العفو
جميلة: الله في ريحة حلوة اوي
فاتن: اصلنا بنحضر الغدا
جميلة: بجد
وقامت تبص على البوتاجاز
جميلة: الله يظهر هتطبخولنا حاجة حلوة
: اطلعي ليها يا جميلة هانم
بصت جميلة وراها لقت راجل وسيم لابس لبس الطباخين
جميلة: يعني انت اللي بتطبخ الاكل كله اللي هنا
فريد: تقدري تقولي كدة
فاتن: الشيف فريد ممتاز حدا وهو في القصر بقاله اكتر من 10 سنين
جميلة: وااو
انحنت جميلة بذوق وقالت: تشرفنا
فريد انحنى زيها وقال: ده الشرف كله ليا انا
******
ماهر: كنتي فين يا جميلة
اتفزعت جميلة لما سمعت صوته وقفلت باب الاوضة
جميلة بتوتر: نزلت اقعد تحت شوية
ماهر: من غير ما تقوليلي
جميلة: اسفة
ماهر: خلاص ولا يهمك
جميلة: كنت عايزة اسالك سؤال
ماهر بابتسامة : اسالي
كانت جميلة عايزة تساله عن الكلام اللي قالته سارة ليها لكن الكلمات وقفت على لسانها
ماهر: جميلة
جميلة بضحك مصتنع: خلاص خلاص انسى الموضوع
وقامت من مكانها وقالت: انا هغير هدومي غمض عينيك
ضحك ماهر وقال: هي هتفرق يعني
جميلة: اعمل اللي بقولك عليه من غير لماضة
ماهر: حاضر
غمض ماهر عيونه
ابتسمت جميلة وبدات تشكك في كلام سارة
لا يمكن ملاك ببراءته وقلبه الطيب يعمل كدة
ابدا. ! 💔
***
في مكان تاني بعيد
قعدت سارة على كنبة وبدات تهز رجليها بعصبية
فجاة دخل راجل وقال: اسف اتاخرت؟
سارة: معقولة يا ماجد سايبني ساعة كدة
ماجد: معلش يا سارة ثم ان زيارتك مفاجاة
طلعت سارة من شنطتها رزمة فلوس ورمتها في وشه وقالت بضيق: انت متعرفش انا عملت ايه عشان اخد الفلوس دي من بابا
ماجد: قولتيله انها عشاني
سارة بفزع: طبعا لا كنت عايزه يرميني من الشباك
بدا ماجد يعد في الفلوس وقال: اصيلة يا اختي طول عمرك
بعد ما خلص
سارة: كاملين؟
ماجد: تمام
تشربي حاجة
سارة: لا مش عاوزة
وسكتت وبدات تهز رجليها بتوتر وقالت بعصبية: مش ناوي ترجع بقا؟
رفعلها ماجد راسه وبصلها بسخرية وقال: ارجع فين؟
كملت بنفس التوتر: ترجع القصر
ترجع لعيلة النمر
ماجد: مبفكرش
سارة: ليه بقا ان شاء الله
ماجد: انتي عارفة اللي فيها
ابوكي مش طايقني من ساعة الموضوع القديم ده وعمره ما هيسامحني
سارة: ماجد يا حبيبي بابا عقله مش فيه زي زمان يعني مش في دماغه اللي عملته اصلا وتقدر تقنعه ترجع
ماجد: وهعمل ايه عشان يسامحني
سارة: اتحايل عليه واعتذرله
ماجد بسخرية: انا جتتي نحست من كتر المحايلة والاعتذار بقالي 10 سنين بتحايل عليه
سارة: خلاص قوله انك اتجوزت
ماجد: ما انتي عارفة اني طلقتها من زمان
سارة: اتصرف يا ماجد ايه مخك مفيهوش افكار
ماجد: حتى لو اقنعته وسامحني
اختك مي هنعمل فيها ايه دي بتكرهني اكتر من بابا نفسه
سارة: دي اختك وتقدر تسامحك عادي
ماجد: مظنش
سارة: ماجد انت لازم تسمع اللي هقولهولك كويس
ماهر خلاص اتجوز وبابا خد قراره بانه يكتب كل حاجة باسمه متخيل ماهر هياخد كل حاجة وبابا معندوش مشاكل انت عارف بيحبه بجنون
ماجد: انا عارف
سارة بعصبية: وعارف ده معناه ايه
معناه القصر والعربيات والاراضي والفلوس كلها هتبقى تحت تصرفه
ماجد: والمطلوب يعني
سارة: انت جبلة ولا ايه بقولك ماهر هياخد كل حاجة من ايدينا يعني قريب اوي ممكن انا وانت نبقى مفلسين رسميا
ماجد: وتفتكري هنهون على ماهر
سارة: انت هتهزر
ماجد: انا بتكلم بجد
اتنهدت سارة
سارة بضيق: المشكلة الاساسية مش في ماهر المشكلة في ام اربعة واربعين اللي اسمها مي
ماجد: ومي هتعمل ايه هتوافق على اللي هيحصل ده
سارة: مي لسه عايشة في صدمة زمان ومش فارق معاها ثم انت عارف ماهر بيحبها اد ايه ومستعد يعملها اي حاجة لكن انا وانت بقا
عايزهم يقسموا التورتة واحنا مناخدش منها حاجة لا يا حبيبي انا حقي هاخده ومش هسمح لحتة عيل يكوش على فلوس عيلة النمر كلها الكلام ده على جثتي
ماجد: وهتعملي ايه بقا
سارة: ملكش دعوة انت لازم تبقى معايا اتنين اقوى من واحد ثم انت مش شايف نفسك عامل ازاي مش شايف حالتك ابن بسيوني النمر يحصله كدة مش لاقية عليك
ماجد: انسي يا اختي انا انطردت من رحمة عيلة النمر ومش هرجع تاني
سارة باشمئزاز: طول عمرك جبان
بس انا مش زيك بقا
انا مش هسمح لحد يخنصر نصيبي وهاخد حقي كامل في كل حاجة وانت خليك مرمي زي الكلب كدة مستني الشفقة كل لحظة والتانية
ماجد: وتفتكري هتوصلي ازاي بقا
شالت سارة شنطتها وقالت: ليا طرقي يا حلو
سلام
*****
كانت جميلة رايحة اوضتها بليل وبالصدفة عدت على اوضة مي
كان الباب مفتوح وسمعت صوت عياط حزين
دخلت جميلة بسرعة وقالت: عمتو فين حاجة
اتفزعت مي ورمت الفستان اللي في ايديها وبدات تمسح دموعها
مي: لا يا جميلة مفيش
جميلة: متاكدة
وراحت مسكت الفستان اللي رمته مي
جميلة باستغراب: ده فستان فرح
مي: اقعدي يا جميلة
هحكيلك حاجة
قعدت جميلة وبدات مي تحكي
: لما كنت صغيرة تقريبا وانا قدك كنت البنت الكبيرة في العيلة وكان لازم اتصرف بحكمة ووقار طبعا عشان تقاليد عيلتنا خصوصا ان بابا كان شديد جدا علينا
كنت زي الالف في طريقي وعمري ما مشيت معووج
وفي يوم من الايام وعمري ما تخيلت انه يحصل خفق قلبي بالحب
جميلة: الحب؟
مي: ايوة الحب
كان جار لينا اكبر مني ب3 سنين تقريبا ودايما كان يبص عليا من بعيد وفي مرة قابلني وانا جاية من برا واعترفلي بحبه وانا كنت مكسوفة وسيبته بعدها رجعت قابلته تاني
وبدأنا نتقابل ونتكلم وفي مرة قالي انا عايز اتجوزك
قلبي طار من الفرحة في الوقت ده خصوصا انه كان من عيلة غنية زيي وكنت متاكدة ان بابا هيوافق اتقدملي واتخطبنا فعلا ومحدش ابدا عرف بقصة حبنا لانها فضلت سر بينا
وهو بنفسه اللي اختارلي الفستان ده
جميلة: ده فستان فرحك
مي: بالظبط
جميلة: وايه اللي حصل بعد كدة
اتنهدت مي وكملت: طه معاد الفرح وتمت التجهيزات وعرفت قبلها انه هيروح يجيب اصحابه من اسكندرية
كنت فرحانة اوي ومتلهفة اعرف اخباره وفجاة
سابني
جميلة بصدمة: سابك!
بدات مي تبكي
مي: ايوة يا جميلة سابني ساب الدنيا كلها
جميلة: ازاي
ازدادت دموعها وقالت: العربية انقلبت بيهم وسبحان الله الاتنين عاشو وهو مات
بعدها انا بقيت زي المجنونة ودخلت في اكتئاب ونوبات صرع وقعدت فترة اتعالج
جميلة بحزن: ومتجوزتيش بعده
مي: مقدرتش ابدا كنت بحبه اوي
اوي
والنهاردة بقا هو تاريخ فرحنا المشؤوم
حست جميلة بالحزن وبدات تطبطب عليها وقالت: كل ده يا عمتو شايلاه في قلبك
بعد ما هديت مي
مي: جميلة انت متشكرة انك سمعتيني بس سيبيني لوحدي شوية
جميلة: حاضر
خرجت جميلة برا الاوضة وقفلت الباب وراحت عند ماهر
دخلت جميلة الاوضة ملقتش ماهر
جميلة: ماهر انت فين
فجاة خرج ماهر من الحمام شبه عريان مش لابس غير فوطة مغطية وسطه
صرخت جميلة
ماهر: جميلة انتي هنا
جميلة باحراج: انت ازاي تخرج كدة بالمنظر ده وانت عارف ان في بنت عايشة معاك في الاوضة
ماهر: ماهي البنت دي مراتي ولا انا بتهيالي
جميلة: خلاص انا هخرج برا لحد ما تغير
ماهر: وتخرجي ليه بس
جميلة: مش قولتلك قبل كدة انك منحرف اخلاقيا انا حقيقي بكره المنحرفين
ماهر بضحك : اسف اسف
بعد ما غير ماهر نام على السرير
جميلة: ماهر
ماهر: نعم
جميلة: لو مش هيضايقك هطلب طلب
ماهر: طلباتك كترت اوي على فكرة
جميلة: ماهر انا عايزة ازور ماما واخواتي
ماهر: تزوريهم
جميلة: ايوة بقالي اسبوع مش شفتهم غير ان يوم الفرح ملحقتش اقعد معاهم
فكنت عايزة ازورهم بكرة
هتبقى فاضي
ماهر: فاضي ليه
جميلة: عشان تيجي معايا طبعا
ماهر باستغراب: انا
جميلة بابتسامة : ايوة انت هتيجي معايا
لازم تتعرف على عيلتي وهما كمان يشوفوك
****
في اليوم التاني
وقفت العربية قدام بيت جميلة المتواضع
نزلت جميلة من العربية وساعدت ماهر ينزل فجاة خرج اخوات جميلة من البيت وصرخوا كلهم في صوت واحد: جميلة
حضنتهم جميلة كلهم بلهفة
ميز ماهر صوت الاطفال وابتسم
مسكت جميلة ايد ماهر وقالت لاخواتها: ده ماهر جوزي
ندى: هو ده الامير اللي اتكلمتي عنه
جميلة باحراج: هسسس
ابتسم ماهر بحرج
فجاة خرجت منى
منى: بفرحة: جميلة
جميلة: ماما
وحضنوا بعض
منى: ياه يا جميلة وحشتيني يا بت تصدقي
وبعدين بصت لقت ماهر واقف
منى: استاذ ماهر اتفضل
ساعدت جميلة ماهر يدخل ودخلوا
قعد ماهر على الارض وقعدت جميلة جنبه
منى: ثواني هعملكوا الشاي
جميلة: ماهر اعرفك على اخواتي
يا عيااال
جم اخوات جميلة
جميلة: ندى تعالي اقعدي هنا
قعدت ندى قدام ماهر
خدت جميلة بايدين ماهر وحطتها على وش ندى
جميلة بحنان: دي اختي ندى.
بدا ماهر يتحسس ملامحها وقالها: ازيك
ندى: انت بقا الامير بتاع اختي
بقولك هو انت اديتها قبلة الحياة زي اللي بيحصل في الروايات
اتحرجت جميلة جدا وضربت ندى بالقلم
جميلة: اخرسي يا حيوانه
ندى: اه وجعتيني
ضحك ماهر جامد ودمعت عيونه
جميلة بضيق: متضحكش
بعدين عرفته على باقي اخواتها وجت منى
منى: يلا الشاي جاهز
وقعدوا يشربوا الشاي
منى: قولي بقا يا ماهر جميلة عانلة معاك ايه اكيد مغلباك مش كدة
جميلة: ماما
ماهر: بالعكس
انا بعتبر نفسي محظوظ اني اتجوزتها
منى بفرحة : بجد والله
ماهر: اكيد بجد
منى: وانتي يا جميلة عاملة ايه
جميلة: انا كويسة يا ماما ومس قادرة اقولك انا فرحانة قد ايه
وفرحتي زادت اكتر لما شوفتكوا
بص ماهر للارض بحزن
لاحظت جميلة
مسكت جميلة ايديه وقالت: وطبعا لما بكون مع ماهر بنبسط جدا
ابتسمت منى لما شافت بنتها بتتكلم بسعادة
منى: اه متعرفيش احنا جبنا دفاية كهربا وبطاطين جديدة وحاجات كتير اوي
سالم: وجبنا لبس العيد كمان
جميلة: بجد مبروك عليكوا
بعد ما خلصت الزيارة خرج ماهر وجميلة برا البيت
فاطمة: هتمشي دلوقتي
جميلة: هبقى اجي ازوركم تاني وعد
ندى: هنستناكو ومتنسيش تجيبي الامير معاكي
جميلة: طبعا
باي
كلهم: باي
ركبوا العربية
ماهر: حقيقي عيلتك لطيفة اوي
جميلة: بجد
ماهر: ايوة وكمان على الرغم من كل حاجة عيلتكوا مترابطة اوي على عكس عيلتي
جميلة: خلاص اعتبر نفسك فرد منا
ماهر: ينفع
جميلة: طبعا انت مش شايف حبوك ازاي دول بيحبوك اكتر. مني
ماهر: شكرا انك خلتيني اتعرف عليهم
تعرفي انه بقالي كتير مخرجتش برا القصر
جميلة: خلاص لو الخروج بيفرحك اوي كدة وعد مني اني هوديك كل مكان
ماهر: بجد يا جميلة
جميلة: طبعا
حضنها ماهر وخلى راسها على كتفه
ماهر: ماشي هستنى
ابتسمت جميلة واسترخت وفجاة جه لذهنها كلام سارة بابتسامتها الخبيثة
" ماهر قتل عيلته "
بعدت جميلة عنه بسرعة
ماهر: جميلة
جميلة: لا مفيش اصل احنا وصلنا القصر
****
في اليوم التاني
في اوضة بسيوني سمع خبط على الباب
بسيوني: ادخل
دخلت جميلة
انحنت جميلة باحترام
جميلة: انت طلبتني
بسيوني: اقعدي يا جميلة
قعدت جميلة
جميلة: نعم
بسيوني: انتو لما اتجوزتوا مديتكوش هدية مناسبة ليكو
وانا الحقيقة شايف ان ماهر اتغير اوي قعد ما انتي جيتي في نفسيته وبقا بيخرج وبيضخك
وعشان كدة بقا انا عندي ليكو هدية
جميلة: ايه هي
خرج بسيوني من درج مكتبه تذكرتين سفر وحطها قدامه
بسيوني: دول تذكرتين سفر لانجلترا
ده غير اني حجزتلكوا في فندق خمس نجوم لمدة اسبوعين
هاه ايه رايك بقا
اتسعت عيون جميلة من المفاجأة
وابتسمت ابتسامة واسعة
😘 (
•تابع الفصل التالي "رواية اسمي جميله" اضغط على اسم الرواية