Ads by Google X

رواية حب على متن سفينة الفضل السادس 6 - بقلم صفاء حسني

الصفحة الرئيسية

 رواية حب على متن سفينة كاملة بقلم صفاء حسني عبر مدونة دليل الروايات 


رواية حب على متن سفينة الفضل السادس 6

كان صوت زين بيتكلم بحدة وقال:

انا مش قلت محدش يتكلم

معه ولا يساعده بحاجة علشان يتعلم الادب

ا

بتسم عمر وقال :

محسن ولد كويس وشاطر وهيسمع الكلام

اتعصب زين وقال :

انت بتهرج يا عمر

ابتسم عمر وقال :

براحة علينا يا بشمهندس مش احسن ما اطق انت مزودها وهو فافي اوي

اتنهد زين واتكلم :

ايه اللي جابك هنا روح انقل حاجاتك واتنقل علي غرفة عامر بلع ريقه عمر:

انا جيت اديله ده لمحسن وماشي الجو متقلب وهم مش عبيد هنا يا مهندس زين

مسك الشي زين وضحك بسخرية :

ماشي يا ابو قلب طيب روح نفذ المطلوب

تنظر نور الي زين دون ان تتحدث:

كان زين يشعر بحاجة غريبة وكانى عيونها تتحدث معه وكاد قلبه يرق لكن تراجع وبصوت جهور عالي وقال:

وانت خليك في عنادك يا

قطع حديثه عمر وقال:

اسمه من اليوم ده محسن

ضحك زين وقال :

فعلا الاسم ماشي عليه ونظر إلى نور وقال

هعرفك مين المتعجرف والمغرور يا محسن

أنصدم عمر وقال:

اخ ده سمعك يا محسن اروح انا تصبحوا علي خير ويتركهم

نظر زين إلى نور عيونهم تنظر الي بعض لمدة دقائق ثم يشعر بتوتر يترك المكان

كانت نور استغربت من نظرت عيون زين عتاب أو لوم أو توعد لكن تنفست لم مشي وتحدث مع نفسها

آخرين انا ماصدقت اخد نفسي هو مش عارف خادمني ازاي بالعقاب ده لمجرد عمر قرب واتكلم الكلام الأبيح ده حسيت بضيق ،طيب لو نمت في غرفة واحدة مع الا اسمه زين ده اعمل ايه المهم خرجت رواية ودخلت داخل الحافظة اه كانت حافظة

هي عبارة عن شنطة كبيرة بطول جسمي من البلاستك والجلد ومتبطن من الداخل بقماش وبيقفله بسوسته

فعلا دفئتني مش احتجات لبطانية وكمان حماية

دخلت نصف جسمي وجاي افتح الكتاب لاقيت شاب تاني بيتسحب يمين ويسار

ثم يقترب ناحيتي الصراحة كلهم اجمل من بعض انا مش عارفة بجد ازاي اتعامل معاهم

ساله الشاب وقال :

انت الشاب الجديد ولم شافها مش معقول انت

نظرت له نور بضيق وقالت:

اي خدمة

نظر لها الشاب وقال

انت نسيتنى انا الا أنقذتك لم وقعت لم دفعك زين فى الشركة انا ادهم

نظرت له نور وهى مصدومة وقالت

اهلا يا بشمهندس خير

جلس بجوارها ادهم وقال:

الصراحة انا زهقان ومش جاي لي نوم قلت اخرج من الكابينه واجي اقعد اتعرف عليك

ابتسمت نور وقالت:

اهلا وسهلا بيك بس اعذروني انا جوه الكابينه الخاصة بيا ومش هخرج

ضحك ادهم وقال :

انت طلعت دمك خفيف، انا عرفتك بنفسي انت اسمك ايه

ابتسمت نور وقالت :

عاوز الاسم الحقيقي ولا الاسم الجديد

استغرب ادهم وساله:

هو انت عندك اسمين

ابتسمت نور وقالت :

واضح كدة انا كنت جاي باسم اختاروا ليا اسم تاني

ضحك ادهم وقال :

طيب قولى اسمك الحقيقي وبعد كدة الاسم الجديد ايه وانا اقرر

هزت راسها وقالت

نور رافت

ابتسم ادهم وقال :

فهمت يبقي عمر سماك محسن صح

استغربت نور وقالت

صح عرفت ازاى

ضحك ادهم وقال:

هقولك كان في شاب من سنتين كان اسمه رضا لكن مش استمر اسبوع ورجع

استغربت نور وقالت :

ليه بقي علشان اسمه ينفع شاب وبنت

هز رأسه ادهم :

مش كدة وبس لم يستطيع تحمل الضغط من الشباب انا مش بخوفك لسمح الله لكن بفهمك النظام

اتنهدت نور وقالت :

ومين قال اني خايف

لكن يصمتوا عندم يسمعون صوت حد بيقول

هو أنتم بتعملوا ايه

تلتفت نور وهي خايفه ليكون المهندس زين رجع تاني

يلتفت ادهم وقال

هو انت فزعتنى يا رجل افتكرت الاشكيف

ابتسم سيف وقال:

الاشكيف مرة واحد ياريت أمتلك ربع الاشكيف يا ابنى

سالت نور وهى مستغربا بيتكلموا عن مين :

هو مين حضرتك ومين الاشكيف

ضحك سيف وقال:

حضرتك مرة واحدة لا انت مشكلة

حضرتي بيكون سيف محمود

ا تمد ايدها نور :

أهلا بيك

سألها سيف وقال :

وأنت اسمك ايه وأيه إللي رماك الراميه دي

ضحك ادهم :

اسكت لحد يسمعك ده يا سيدى محسن

كان سيف يموت من الضحك :

هم لحقوا سموك محسن يبقي هتشرب يارب تقدر

كانت نور وصلت لمرحلة أنها عاوزة تصرخ وتقولهم سيبونى لوحدى ارجوكم لكن ردت :

هو ايه موضوع محسن ده

جلس سيف جانب نور ولزق فيها وقال

احكي ليك بس قولي اسمك الحقيقي

كانت نور تشعر بالضيق واحد الناحية دي وواحد من الناحيه التأني ردت

اسمي نور رأفت احمد

رد سيف :


عاشت الاسامي يا استاذ نور

متخرج من قسم ايه

ردت نور :

هندسة قسم حسابات ومعلومات

فهم سيف وقال:

انت جاى بخصوص تظبيط الموقع الخاص بالشركة

هزت نور راسها وقالت:

اه

ابتسم سيف وقال:

انت محظوظ انك تخصص مختلف، احنا بيطلع عنينا هنا

اتنهدت نور ومكنتش عارفة هم بيتمنوها والا بيخوفوها ولا اي الواقعة السود الا وقعتها ده وقالت :

اكيد انا سمعت عن المجال والتخصص بتاعكم وعارف انه مجهد جدا

ابتسم سيف :

واي اجهاد

تتنهدادهم :

الاصعب الصراحة ان ننحرم من الحياة الطبيعية اننا نشوف اصدقاءنا و أهلنا

ضحك سيف :

قوله بصراحة اتحرمت من البنات الحلوة

ضحك ادهم وقال:

انت بتقول فيها طبعا مفيش موزة حلوة والا جيبة ترفرف والا فستان والا حد عباية

فهمت نور ليه كان رافض زين أن بنت تيجى فى وسط الشباب ده كلهم وغيرت الكلام عن البنات وقالت

هو انتم بتنزلوا كل قد ايه

رد سيف عليها وقال :

علي حسب كل واحد وتخصصه فيه كل ٢١ يوم وفي شهر ونصف وفي شهرين وفي 3شهور وفي 6 شهور والا بيقعد المدة ديه كلها هو الاشكيف

انصدمت نور وقالت :

ايه ده ده اصعب من الجيش ومين الاشكيف

طلب ادهم يخفض صوته وقال :

مدير السفينة المهندس زين مش بينزل خالص ولم بينزل بيكون كل ٦شهور

استغربت نور واتكلمت بصوت منخفض وقالت :

ليه اشمعنا كدة

ضحك سيف :

انتم بتتوشوشوا علي ايه وبتتكلمو بصوت منخفض

ردت نور :

ولا حاجة

تدخل ادهم وقال:

بقوله الجيش ارحم يا ابني، كنا بننزل كل اسبوع وكل 15 يوم ولو اتاخرن بيكون شهر

ساله سيف وقال:

هو انت مش دخلت الجيش يا نور صح

هزت نور راسها وقالت :

ها

ضحك ادهم على مظهرها :

في ايه اتصدم ليه ،هو انت اتهربت من الجيش ولا اخدت إعفا

بدأت تستوعب نور وقالت:

ولا ده ولا ده

استنتج سيف وقال:

يبقي اكيد مش عندك اخوات شباب

ردت نور وقالت :

اه انا وحيد اهلي

هز رأسه سيف :

توقعت كدة من شكلك وتصرفاتك

استغربت نور وقالت:

مش فاهم تقصد ايه

ضحك سيف وقال:

انهم ينادوا عليك محسن

لم يستطع مسك نفسه ادهم من الضحك :

محسن ايه قول حسنات او ذنوبة

تحدثت نور بغضب لكن من داخلها عاوزة تضحك معهم لكن كتمت ده وتقمصت دور شاب غاضب وقالت

هو ليه الكل بيستهزأ بيا هو انا فيا حاجة غلط

شعر ادهم من كلامه أنه زعل وقال :

انت زعلت احنا بنفك معاك والله

كمل سيف :

ياريت الواحد اتخلق بنت يا ابنى كانت ارتاح من الشقي ده

رفضت نور منطقهم وقالت :

ليه بالعكس الرجل واخد حريته وكل حاجة واى حاجه نفسه فيها بيعملها غير البنات

ضحك ادهم :

انت هتقول زي البنات يا عم الا أيده فى الماء مش زى الا أيده فى النار

وقال ايه بيقول الرجال قوامين علي النساء ،عشان يلبسونى في الحيط ومن يوم ما نبدا نكبر نشيل المسؤول واحنا بنشرب من الطين

أكد سيف كلامه وقال:

فعلا البنات والسيدات طول الوقت بتعمل في وجابات عزا ،فلان فرح فلانة ،طهور ابن فلانة ،وانا هنا اطق، ولم ارجع ليها بعد 3شهور، تقولي مرة عندي بريود ،مرة عندي برد، وانا يعيني اصوم طول الفترة دي، وفي الاخر تقول كدة اروح افطر براة انا

انصدمت نور من كلامه وسألته :

معلش هو انت بتتكلم عن مين

ضحك ادهم وقال:

عن مراته يا سيدي

انصدمت نور وقالت :

اسف يعني هو حضرتك بتكون صايم وهي فاطره

أنصدم سيف وبدأ يشعر بالغيرة على بيت أهله وقال: انت بتلمح علي اي ياابني

بدأت توضح نور وجهة نظرها :

احنا رجال مع بعض ومقصدش حاجة اعتذرت قبل ما اتكلم، وهفهمك وجهة نظرى انت اه طول اليوم بتشقي وتعبان ،لكن علي الاقل بدات تتقالم وسط اصدقاءك بيتسامروا معاك، وعلي ما فهمت كل اثنين في كبينة صح يعنى بيكون فى ونس

ساله نور وقال :

صح لكن عايز توصل لايه

وجهة نور سؤالها ل سيف :

هو حضرتك عندك اولاد

كان سيف مضيق من كلام نور وتلميحه لكن هو إلا غلط واتكلم عن أهل بيته وحب يعرف تفكير نور ورد

اه عندى بنت

بدأت تشرح ليه من وجهة نظرها بنت وهو بيترق على بنت زيها ونسيت أنها ولد وقالت:

دلوقتي اكيد زوجتك في الليل ده قاعدة في شقتك لوحدها ،ومولعه اضوء الشقة كلها، واقفلة بابا الشقة قفل ،وترابيس، ومفتاح، ورغم كدة خايفة وممكن تكون ماسكه صورتك وحضناها

أنصدم سيف من كلام نور وكان يشيط وكان عايز يضربه وزعق وقال :

عرفت ازاي انطق

بدأت تشرح نور وقالت

حضرتك انا اول مره اشفوك يعني معرفكش لكن رد على سؤال هى عمرها قالت ليك أنها بتعمل كده

هز رأسه سيف وقال

انا فاكر هي قالت كدة في وسط كلام كتير بتقوله

كملت نور كلامها :

اكيد مش كنت مركز في اى كلمة ومعتقد كل الكلام فارغ وفاضي وهي غاوية تزهقك وتطفشك وممكن تتعصب وتسيب البيت وتنزل كمان

أنصدم سيف من تحليل نور كأنه معهم وقال :

فعلا هو ده اللي بيحصل بكون مصدع وعايز هدوء

أكملت نور حديثها ببعض من العتاب :

هفهمك هي بتكون تقصد تحكيلك وعمرها ما تقصد تزهقك ولكن بتكون محوشه كل الكلام ده كل تفصيله عملتها كبيرة اوصغيرة، وهي متاكدة انك مش سمعت ولا كلمة ،ورغم كدة بتكررها علشان طول غيابك مش بتلقيك جنبها، بتشاركها الحاجات التافهة دي ،واحيانا بتكون بتحفظ حركاتك مرحبا ورفضك وردك عليها ،علشان وقت ما هترجع تسافر هترجع مرة تاني تتكلم مع نفسها، او تحضن صورة ليك او هدومك

بدأ يصفق ادهم ل نور :

ايه الكلام الكبير ده يا عم نور عرفت كل ده من فين يا واد

كان سيف محتاج يسمع نور ويفهم منه وقال:

سيبك عرف من فين انت عارف يا نور انت فوقتني لحاجة كبيرة، كنت بقع فيها فعلا

مراتى اسمها ولاء ،حب عمري من ايام الثانوي ودخلنا الجامعة مع بعض، صبرت علي واقنعت أهلها برغم ظروفي بعد التخرج ،واشتغلت وكنا ايد واحدة لغاية ما اقدرنا نجهز بيتنا ،وعشت معاها اجمل اللحظات بعد الزواج ،ولما طلبت تسيب الشغل وافقت علشان مشاعري ،ولما جيه الشغل ده شجعتني رغم أنها كانت دائما تقولى انتى بتوحشني رغم كدة خافت اني اخسر مرتب زى ده

وانا مع كل ده نسيت ،وبشتكي من حاجات تافهة وعارضة ،مش بتحصل كتيرة بالعكس احيانا، كانت بتكون منتظراني باحسن حالة ،ولم تحضني وتقول مشتاقة ليك بنسي كل وجعي

اوقفهم ادهم وقال :

براحة علينا يا عم سيف احنا عذاب انا ونور

بس الوقت نور طلع مصلح اجتماعي، وانا مش عارف .

وضحت نور وقالت :

ولا مصلح اجتماعي ولا حاجة لكن عمتي كانت بتحكي لامي، احيانا كنت بسمع شكوها لان زوجها مسافر هو كمان، واتعود علي الهدوء لم بيرجع مش بيكون مضايق يسمع كلمة منها وهى كمان الهدوء بدأ يجننها لدرجه بتفضل طول الليل ترتب هى هتحكى ايه واحيانا تتخيل انها بتتكلم معه عشان لم كانت بتتصل بيه يقفل على طول

أنصدم سيف وقال :

يخبر ولاء قالت الكلام ده كمان

هزت راسها:

تقريبا وهو ده قصدى وكان اختصر الكلمة الا قولتها ليك زي ما انت بتحتاج لها ،هي كمان بتحتاج ليك

هز سيف رأسه وقال:

فهمتي وشكره

شكرا يا اخى

وقام من مكانه ويمد ايده اشكرك يا اخي ومن اليوم ده احنا اصدقاء

هزت راسها نور

اكيد يا اخي

ساله ادهم :

رايح فين

اتنهد سيف اتصل بزوجتي ،واطمنها لغايه ما تنام ويتركهم ويمشي

بدأ يحسده ادهم :

يا ابن المحظوظ يا بختك

سالت نور ادهم :

وحضرتك مش اتجوزت ليه بتجهز نفسك

ضحك نور :

لا انا جاهز وكل حاجة، لكن النصيب مش لقيت اللي تدخل مزاجي.

انصدمت نور من كلمته :

يعني ايه تدخل مزاجك شوفت بنات ولكن قلبك مش دق

ضحك ادهم وقال:

انا زي الفراشة بطير من وردة لوردة مش بحب القيود

هزت راسها نور:

اه قول كدة. كازينوف

ابتسم ادهم :

يعني بزمتك مش بتعمل زيي

رفعت يدها وقالت :

لا يا اخي حدا الله

ضحك ادهم :

يا واد اطلع منهم واتعدل كدة هو انا بقولم اشرب خمرة تقول حد الله

وضحت نور وقالت :

ده ذنبه اعظم من الخمرة

أنصدم ادهم وقال:

ليه بقي

بدأت تشرح نور وقالت :

لانك بتلعب بمشاعر البنات وممكن فعلا بنت فيهم بتحبك بصدق وانت مش حاسس بيها

ضحك ادهم :

انا مابفكرش اتجواز دلوقتي عشان زى ما انتى شايف معظم وقتنا هنا

تقطع كلامه نور وقالت:

يبقي تصوم زى ما ربنا أمرنا يا اخى ام تخرج مع ده وتعلق بده وبعد كده عايز تقابل بنت

تكون مخرجتش معاها ومؤدبه واخلاق كويسه طيب ازى ربنا يبعتلك بيها وانت بتلعب ببنات الناس ولو جات هتفضل تشك فيها عشان اتعود تشوف السهلة

رك ادهم :

فهمت عايز تقول ايه لكن

ردت نور وقالت :

يبقي مش هتلاقي يا ادهم لو قولت كلمة لكن مضربتوهمش على أيديهم لا ضربتهم

ضحك ادهم :

ليه بقي مش المفروض البنت الكويسة مش تتكلم مع ولد

هزت نور راسها بالنفي:

لا العيب فيك انت يا ادهم

استغرب ادهم :

ليه بقي

بدأت تشرح نور وقالت :

لان كل بنت بتكون مانعة في البداية وانت تبدا بالكلام الحلو لغايه ما تشغل عقلها

اندهش ادهم من كلام نور وقال:

منكرش ده وفعلا فى واحدة تقع بسرعة واحدة بزود العيار شوية

ابتسم نور وقالت :

شفوت ازى والبنت اللي بتقع في حبك بتكون وثقت فيك وبتحبك بجد الا اذا

فهم ادهم وقال:

تقصد سلمت نفسها ليا

انصدمت نور وسألته :

اه لكن اوعى بيكون حصل معاك

نظر له ادهم :

اكيد لو حصل كدة احتقرها ،واخاف علي نفسي من النوع ده ،لان شغلي بغيب بالشهور لو هي سلمتلي بسهولة هتسلم لغيري

صفق نور وقالت:

في دي عندك حق ،لكن انت بتكون مش حبيتها بجد لان لو حبيتها هتخاف عليها، اكتر منها هترفض تخرج معاك عشان مش عايز يطلع كلام عنها هتخاف من كل حاجه تضرها

ينظر ادهم إلى نور وقال

عندك حق سلام

سالته نور وقالت :

رايح فين

اتكلم ادهم بجدى

امسح الصفحة اللي كنت بصطاد البنات بيها ،من علي الفيس ،وادخل بصفحة جديده، نظيفة مفهاش بنت سهلة او اوقع بنت وهدور في الواقع ممكن القيها

ابتسمت نور وقالت :

خير ما تفعل لكن لو الصفحة القديمة فيها بنات اتعلقت بيك ومش قربت منها وبنات اولاد ناس لكن تعلقت بيك اكتب اعتذر قبل ما تقفل علشان هما كمان يفوقوا

هز رأسه ادهم :

اكيد يا اخي تصبح علي خير

ايه ده الساعة واحدة حرام عليكم بس ممكن هما اللي يصحوا 5 اكيد مش انا وشالت الرواية في الحقيبة، لاني مش محتاجها انا مع كل روايات العالم واصحى الشباب ينظر إلى الواقع مش الخيال اللي بنوهم نفسنا بي كل بنت بدور علي فارس احلامها اللي في الرواية ولم تقع في الحب تلاقي الواقع غير

انام بقي عشان بكرة اعيش مغامرة جديدة على السفينةوتنظر الي اسم السفينة منحوت علي الجدار zin sea اي ده مش ده اسم الاشكيف المكتوب هى السفينة ب اسم الاشكيف

وفجأة يظهر زين وصرخ في

اشكيف مين يا محترم انت لسه منمتش وكمان متكبر تعتذر بكرة ،اعرفك مين الاشكيف علي اصوله

google-playkhamsatmostaqltradent