رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثالث والعشرون 23
الحلقة الثالثة والعشرون.............
كان ماهر واقف ساند على الباب وبيقول: هايل
يظهر اني جيت في الوقت المظبوط
تعيد الكلام اللي قولته ده تاني
وظهرت من وراه سارة وهي بتبتسم وبتقول: مش قولتلك يا ماهر
فايز ده اكبر الخونة اللي هنا
وكانت صدمة المحامي كبيرة
جدا
مقدرش يتحمل الصدمة ووقعت سماعة التليفون من ايديه
اما ماجد فقد ينادي عليه من سماعة التليفون
اتقدمت سارة وحطت سماعة التليفون مكانها
قعد ماهر وسارة قدام مكتبه
فايز بصوت مرتعش: استاذ ماهر انا..
شاورله ماهر بايده وقال بعصبية: ولا كلمة
ابتسمت سارة وقالت: تقدر تقولنا بقا انتو وصلتوا فين في خطتكوا الملعونة
فايز: الرحمة
انا هقولكو على كل حاجة
ماهر: احنا سامعين اهو
فايز: انا. كل حاجة كنت بعملها مع ماجد بيه وباتفاقياته
انا مليش دخل
سارة: بس ده ميمنعش انك خاين ومعندكش ضمير
وانك حاولت تزور اوراق رسمية
مردش فايز
ماهر: الغي كل اللي عملته
فايز بلعب: مقدرش.. ماجد بيه
ماهر بغضب: بقولك الغي كل اللي عملته
فايز: حاضر
طلع فايز اوراق من مكتبه
فايز: ده ورق بيثبت ان بسيوني بيه الله يرحمه كتبلك كل حاجة كانت ملكه
وده كمان خاص بباقي الورثة
فجاة ارتفع صوت خبط على الباب
سارة بابتسامة: اخيرا وصلت
انفتح الباب ودخلت مي وهي بتنهج جامد
ماهر بابتسامة: اتاخرتي يا عمتو
ابتسمت مي وقالت: سيبتلكوا انتو الدخلة الكبيرة
قعدت مي جمبهم
فايز: انا مش فاهم حاجة نهائي
ابتسم ماهر لسارة
ورجعت سارة بذاكرتها لورا
فلاش باك
مي: ممكن افهم ايه سر زيارتكم السعيدة لاوضتي
سارة: اهدي يا مي واقعدي كدة وروقي وفوقي معانا
قعدت مي
ماهر: عمتي احنا اكتشفنا حاجات خطيرة
مي بقلق: حاجات ايه
ماهر: عمو ماجد
مي: ماله
سارة: ماجد بيلعب بفلوسنا لعب واحنا مش حاسين
ماجد ناوي ياخد كل حاجة لنفسه ومتفق مع فايز المحامي
مي: انا مش فاهمة حاجة
ازاي كل ده حصل
سارة: للاسف هي دي الحقيقة يا مي
مي: ماهر انت متأكد من الكلام ده
هز ماهر راسه
ماهر: عمتو
انا حطيت خطة نوقع بيها المحامي ونرجع كل حاجة لصالحنا
سارة: خصوصا انهم مبداوش يزوروا الورق ولازم نلحقهم قبلها
هزت مي راسها وقالت: وانا معاكم في اي حاجة
نهاية الفلاش باك
ماهر: دلوقتي بقا
احنا كلنا هنمضي على الورق
سارة: عشان كل حاجة تمشي قانوني
فايز: اه طبعا طبعا
تحت امركم
مضى التلات على الورق
فايز وهو بينشف عرقه بمنديل: كدة الاستاذ ماهر استلم ممتلكاته وحضراتكم كذلك
ماهر: مبروك يا عمتو مي
وليكي كمان يا عمتو سارة
الاتنين في صوت واحد: الله يبارك فيك يا ماهر
فايز بتوتر : اي خدمة تانية
ماهر: اه في الحقيقة ليه فاضل خدمة اخيرة
وقبل ما يكمل جملته اقتحم اربعة من رجال الشرطة المكتب
فايز: ايه ده فيه ايه
واحد من رجال الشرطة: لا ولا حاجة يا استاذ
بس احنا جايين نقبض عليك بتهمة محاولة تزوير اوراق رسمية
وصرخ في الباقيين: هاتوه
قبض الباقي عليه
سلم المفتش على ماهر وقاله: شكرا انك بلغتنا وقدرنا تنقذ الموقف
ماهر: الشكر ليكم انتو
ابتسم المفتش وساب الموضة ومشي
تنهدت مي في ضيق وقالت: طيب
بتهيالي كدة مهمتنا خلصت
ماهر: اسوة دوركم كدة خلص
سارة: لسه يا ماهر
انت ناسي ماجد
هز ماهر راسه وقال: لا مش ناسيه
بس احنا كدة خلصنا الجزء الاكبر
ورجعنا فلوسنا لمكانها الطبيعي
مي بفرحة : الحمدلله
***
وقفت العربية قدام القصر ونزلت منها مي وسارة
قالت مي لظاهرة اللي كان قاعد جمب السواق: ماهر
متنساش لازم ترجع جميلة
ابتسم ماهر وقال: متقلقيش
ومشي بالعربية
****
في بيت جميلة
منى: جميلة!
جميلة: نعم يا ماما
منى: خدي
طلعي ده برا
ادتها منى كيس بلاستيك
جميلة باستغراب: ايه ده يا ماما
منى: ايه
زباله خدي طلعيها
جميلة بنفاذ صبر: حاضر
طلعت جميلة وابتسمت منى ابتسامة خبيثة
جميلة: ياه يعني ماما مطلعاني ده كله عشان الكيس ده
سمعت جميلة صوت بيقول: صباح الخير
انصدمت جميلة لما سمعت الصوت
وبصت وراها
وقالت بصدمة: ماهر
ماهر: ايه شكلك مش مبسوطة عشان شوفتيني
مردتش جميلة ومشيت ناحية الباب ولقته اتقفل
جربت تفتحه معرفتش
زهقت جميلة: ماما افتحيلي
فجاة شدتها ايدين ماهر ودخلها العربية بالغصب
وركب جمعها وقال للسواق: المكان اللي اتفقنا عليه
صرخت جميلة بغضب: انت عملت ايه
وواخدني على فين كمان
ماهر: مكان نتكلم فيه بهدوء
جميلة: مكان ايه؟
وشاورت على هدومها وقالت :'
ومش شايف انا لابسة ايه
بصلها ماهر باستغراب وضحك
وحط ايده على كتفها وضمها ليه وقال: بقالي كتير مضحكتش كدة
اضايقت جميلة وبعدته عنها وقالت
: نزلوني هنا
نزلوني والا هصوت والم عليكم الناس
ضحك ماهر تاني
احمر و جميلة من الغضب وقالت: متضحكش بقولك
ماهر: حقيقي شكلك لطيف جدا لما تغضبي
اضايقت جميلة وبصت ناحيه الشباك وضمت شفايفها بغضب
وقفت العربية
نزلت جميلة منها بسرعة
نزل ماهر وقالها: على فين العزم
وقفت جميلة وانتبهت انها متعرفش هي فين وده اللي زاد غضبها اكتر
قرب منها ماهر
جميلة: متقربش مني
اضايق ماهر
ومسك كتفها ودورها ناحيته
وباسها فجاة
اتسعت عيون جميلة
بعد ماهر عنها
بعدت جميلة عنه وحطت ايديها على بوقها وقالت: انت عملت ايه
ماهر بابتسامة : اصلك وحشتيني اوي
احمر وش جميلة بالخجل وقالت: اصلك منحرف
اندهش ماهر
كانت اول مرة يشوف جميلة وهي مكسوفة
ضحك ماهر وقال بخبث: بعد اكتر من 8 شهور جواز بتتكسفي من بوسة
بصتله جميلة باستغراب وقالت بضيق: انت فاكرني زيك ولا ايه
ضحك ماهر تاني ولمحته جميلة
كانت نفس الضحكة الطفولية العابثة بتاعته
ابتسمت جميلة تلقائي وقالت: ضحكتك متغيرتش
وقف ماهر عن الضحك
ومسك ايد جميلة وقالها: جميلة ارجعي معايا
تعالي نرجع لحياتنا القديمة
واوعدك اني هحكيلك كل حاجة
بصت جميلة في الارض وقالت: انا عرفت كل حاجة
عرفت اهلك ماتو ازاي
ماهر بصدمة: عرفتي
هزت جميلة راسها
ماهر: طيب انتي وفرتي عليا كلام كتير
جميلة: انت مسامحني؟
ماهر: طبعا
انا عرفت
عرفت اللي عمله ماجد وتهديد ليلى ليكي وعرفت كل حاجة عنهم خلاص
جميلة النهاردة انا دمرت كل اللي عمي كان بيخطط ليه ورجعت فلوسي وانتصرت عليه
وبصلها بحنان وكمل: وانتصاري الحقيقي هيبقى برجوعك جمبي تاني
لمعت عيون جميلة وقالت: بس انا
حط ماهر صباعه على شفايفها عشان يمنعها تكمل وقالها: انا مسامحك
انا اصلا مش زعلان منك
انتي الوحيدة اللي عمري ما زعلت ولا هزعل منها مهنا عملت
واللي لو حتى ضربتني بالنار هفضل احبها
بصتله جميلة بعيون دامعة
وارتمت في حضنه وقالت بعياط: انا كمان بحبك اكتر انت وحشتني جدا
الايام اللي فاتت
متعرفش عدت عليا ازاي
كنت فقدت الامل ومكنتش عارفة اعيش
سامحني على غبائي
انا هفضل معاك لاخر يوم بعمري
حضنها ماهر وبعد مدة بعدها عنه برفق ومسح دموعها بايديه وقال: انا خليتيك تعيطي كتير
بس وعد مني مش هسمح لدموعك دي تنزل تاني ابدا
انا هحميكي بكل ما املك انتي
و ابني اللي هييجي
اندهشت جميلة وقالت: انت عرفت
هز ماهر راسه
جميلة: اكيد ماما قالتلك
باس ماهر راسها وقالها: بحبك
ابتسمت جميلة بسعادة
فجاة جت نسمة هوا
شال ماهر جميلة بين دراعاته
جميلة: انت بتعمل ايه
بصلها ماه. وقال: كان نفسك اشيلك مش.كدة
وغمزلها بعينيه
ضحكت جميلة
خدها ماهر لحرف الجبل اللي كانو واقفين عليه
جميلة: مكنتش اعرف ان احنا واقفين على جبل
ماهر: من النهاردة ورايح المكان ده هيكون مكان ذكرياتنا
واعتبريه المكان اللي هنبدا منه
بصتله جميلة باستغراب
نزل ماهر جميلة وبدا يدور على حاجة في جيبه
جميلة: انت بتعمل ايه
طلع ماهر علبة قطيفة من جيبه وركع على ركبته
وفتح العلبة وقال لجميلة بحب: تتجوزيني
اندهشت جميلة ونزلت من عيونها دموع السعادة
كان جوا العلبة الخاتم اللي ادهالوها في مرة
جميلة: موافقة اكيد موافقة
قام ماهر ولبسها الخاتم
بصتله جميلة بحب
ماهر: هنبدا من جديد من هنا
هزت جميلة راسها
واتعلقت في رقبته وباسته من بوقه
( احم احم.😂😂😂😂اعذروني بقا)
وامتلا الجو حواليهم بالحب
****
في قصر عيلة النمر
تحديدا في اوضة ماجد
فتح ماجد جواب وبدا يقراه وظهر التوتر على وشه
كان مفاد الجواب انه فايز المحامي اتقبض عليه
سمع ماجد دوشة جاية من تحت من الريسبشين الرئيسي
نزل ماجد يشوف
دخل ماهر من الريسبشين وكانت مي وسارة مستنيينه وكانت مفاجأة مفرحة لبقية الخدم
مي بفرحة : ماهر انت رجعت
هز ماهر راسه وقال: ايوة
بس مش لوحدي
معايا مراتي
ونادى باعلى صوته: جميلة
ظهرت جميلة وطلعت السلالم ودخلت القصر
كانت لابسة فستان وكانت في احلى الاشكال
انصدم الكل واتسعت عيونهم
ماهر: من النهاردة جميلة هترجع تعيش هنا
مسكت جميلة ايدين ماهر وبصتله وابتسمت
نزل ماجد وقال بتوتر: الله الله
ده الشمل كله اعلم اهو
بص ماهر وسارة لبعض وابتسمتله سارة
نصب ماهر قامته وبعد عن جميلة ووقف قدام ماجد
ماهر: ايوة فعلا الشمل اتلم
بس للاسف
ابتسم بخبث وقال: انت مش هتكون معانا
اندهش ماجد واتصدم الكل بما فيهم جميلة
كمل ماهر بصوت عالي: بصفتي انا ماهر النمر الوريث والمالك الشرعي للقصر ده بامرك وبكل هدوء انك تمشي من القصر ده
وكمل بجدية: ومتعتبوش تاني
وساد الصمت المكان
يتبع في الحلقة الجايه
•تابع الفصل التالي "رواية اسمي جميله" اضغط على اسم الرواية