رواية قصر المغربي كاملة بقلم ريل محمد عبر مدونة دليل الروايات
رواية قصر المغربي الفصل السادس عشر 16
ملك : ماما ممكن تجي معايا عند الدكتورة النهاردة اصلا ياسين مشغول وانا مش عايزة اروح لوحدي
نرمين : اه طبعا من عنيا يا حبيبتي يلا اجهزي وانا كمان هروح اجهز نفسي
ملك وهي تحضنها : ربنا يخليكي ليا ♥️
نرمين : ويخليكي يا حبيبتي
ذهبت ملك إلى الدكتورة الخاصة بيها ومعها نرمين و قامت بالكشف
نرمين : هي يا دكتورة بطنها كبيرة عن المفروض ولا انا بيتهيائلي
الدكتورة : اه ما هي حامل في توأم
نرمين وملك بفرح : بجد
الدكتورة: ايواة انت مش عارفة؟
ملك : اه ما انتي ما قلتليش
الدكتورة بضحك : ما انتي ما سالتيش
ملك :طب ايه نوعهم
الدكتورة : ولاد
ملك : الاتنين بصي كويس يمكن تلاقي بنت
الدكتورة : لا الاتنين ولاد ربنا يرزقك بالبنت المرة الجاية
ملك : امييين
نرمين : فكرتيني بنفسي فكل مرة بقول للدكتورة بنت تقولي ولد لما كنت حامل في زين مرضتش اعرف نوعو ايه على أمل انه يكون بنت وطلع ولد بس كلهم حلوين ونعمة من ربنا
ملك : الحمدلله. انا مبسوطة اوي انهم توأم هكلم ياسين اقولو ولا اقولك هروح له في الشركة
نرمين : ربنا يفرحكو بيهم كمان و كمان
ذهبو إلى الشركة و رفضت نرمين انها تنزل
نرمين : هروح انا البيت و انت تعالى مع ياسين
ملك : اوكي
دخلت ملك وذهبت إلى مكتب ياسين ولكن لم تجد السكرتيرة في مكتبها دخلت إلى المكتب و نظرت بذهول عندما وجدتها تقف بالقرب منه و تضع يدها على الكرسي و تنحني قليلا و كان المنظر مستفز بالنسبة لها نطقت بغضب
ملك : ما تأخذها على حجرك احسن
رفع رأسه و نظر لها و لكن غضب بسبب جملتها : في ايه يا ملك احترمي نفسك
ردت بغضب وصوت عالي : مين فينا اللي يحترم نفسه انا و لا انتو.. لا و عامل فيها انك مشغول و انت مقضيها مع الحلوة و انتي ياسين بيه بس ولا لافة على كام واحد
ياسين وهو يجز على أسنانه بغضب : ملك اسكتي بلاش قلت أدب
ملك بغضب : انت تسكت خالص عشان انت لسه مشفتش قلت أدب
نظر ياسين فوجد مجموعة من الموظفين يقفون و الباب مفتوح فقال بغضب : ملك بطلي عشان مزعلكيش
مثلت إسراء البكاء لكي تزيد النار : انا عملت ايه عشان تقول عليا كدا و تشوهي سمعتي بين الموظفين
ملك: سمعت مين يا ام سمعة انا هوريكي و امسكتها من شعرها
غضب ياسين جدا من تصرفاتها و امسكها بالغصب و ابعدها عنها
إسراء : انا اتهنت جامد
ياسين وهو ينظر لملك : اعتذريلها
ملك : نعم
ياسين : بقولك اعتذري
ملك :اعتذر على ايه انا مغلطش هي وحدة خطافة رجالة و انا لسه هوريها اللي متعرفوش
ياسين بغضب وهو ممسكها من معصمها : بس يا ملك وبقولك اعتذريلها
وهي تنظر له بذهول : ايه هتضربني ولا ايه و مش هعتذر و اللي عندك اعمله
ياسين بزعل منها وحس انها صغرته : أن مش هضربك بس انا لو كنت بضربك فعلا كنتي احترمتيني و عملتيلي حساب
نظرت له بذهول و قالت بثبات : انت شايف كدا تمام…. و نظرت إلى إسراء التي كانت تنظر لها بشماتة خرجت من المكتب و أغلقت الباب بغضب
إسراء بحزن مصطنع : انا اسف لو سببت لك مشاكل
ياسين : لا يا اسراء انا اللي اسف على اللي حصل و بعتذر لك نيابة عنها
إسراء : مفيش مشكلة
وخرجت وهي تبتسم لأنها الان أتيح لها تنفيذ خطتها
عند ملك دخلت إلى القصر و الدموع على عينيها و ترتجف و تبكي بحرقة كانت تجلس نرمين و هدى في الصالة
نرمين بفزع على شكلها : يا لهوي في ايه يا بنتي فيكي ايه انا سايباكي كويسة و مبسوطة.. واخذتها بخضنها و هي تربت على كتفها :مالك ايه اللي جرالك يا ضنايا ايه اللي يخليكي تعيطي كدا
ظلت تبكي حتى أصيبت برجفة و جسمها هبط و أصبحت شبه دايخة فجريت هدى و جابت لها ماية بسكر شربوها ليها و بدأت تهدى شوية
نرمين :هاا يا حبيبتي ايه اللي حصل
حكت لهم ماحدث و هي تبكي
هدى : معلش يا بنتي أن كنت هتدخل بس لازم اقلك أنك اتسرعتي فرد فعلك و اتعصبتي و انتي عارفة انه مكنش منتبه انها قريبة منه و مشفش انها حاجة وحشة
ملك : انا كنت ههدا لو كان حد تاني بس البنت دي انا عارفة انها حاطة عينها عليه و حذرته قبل كدا
هدى : انا فاهمة شعورك و عارفة انك مقدرتيش تتمهلي بس في الاخر غلطي يا بنتي الراجل راجل لو كان بيعشقك فعايز منك الاحترام بس انتي قولتي كل حاجة حصلت قدام الموظفين و لما طلب تعتذري رفضتي و بجحتي فيه
ملك : انا لايمكن اعتذر من وحدة زي دي
هدى : و هو حس بكدا انك صغرتيه و مسمعتيش كلامه
ملك : يعني انا اعتذر للي متسواش دي عشان هو يرتاح
هدى : بصي الغرض مش الإعتذار الغرض انك تكسبي جوزك فصفك تحسسيه انك بتسمعي كلامه عشان هو كمان يسمع كلامك
ملك : يعني انا مفروض اصالحه
هدى : ايواة الرجالة دول زي الأطفال بيضحك عليهم بكلمتين اما يرجع جوزك تصالحيه و تفهميه أن اللي حصل بسبب انك بتغيري عليه و كلي عقله بكلمتين انتو لسه صغيرين و بتبداءو حياتكم متخليش المشاكل تاخد حجم كبير في حياتكم خلي الرابط اللي بينكم يخليكم تهزمه المشاكل مش هي اللي تهزمكم و تفرق كم الحياة لسه قدامكم لازم تتعلمي الصبر و الحكمة و تعرفي مفاتيح جوزك
ملك : شكرا ليكم انا هطلع ارتاح شوية وهحضرله مفاجأة و اصالحه
ذهبت ملك إلى الأعلى
نرمين : شكرا بجد انك نصحتيها انا عارفة انها غلط بس مكنتش هقدر افهمها بالأسلوب دا و كنت هخاف تفهمني غلط هي اصلا حساسة زيادة عن اللزوم و الحمل زود من دا بس هي بطبعها طيبة اووي و بتحب ياسين جدا خفت أقلها انها غلطانة تفتكر عشان هو ابني انا بدافع له عشان كدا مقلتش حاجة و ياسين كمان غلطان و لما يجي انا هديله قرصة ودن
هدى : ولو هي زيها زي بنتي و لما أشوفها فغلط هنبها تلحق نفسها
عند ياسين في الشركة أعصابه فلتت و ما كانش قادر يكمل شغل و رغم أنه زعلان منها بس حس انها ممكن تكون بتعيط أو حاجة اتصل و لقا تلفونها مقفول فقلق عليها و طلع عشان يروح البيت
ياسين : انا راجع البيت لو في اي حاجة اجليها لبكرة
إسراء : تمام يا ياسين بيه
بعد قليل دخل ياسين إلى القصر
نرمين : ياسين
ياسين : نعم يا ماما.. هي ملك رجعت
نرمين : ايواة رجعت و كانت بتعيط و منهارة
ياسين بضيق : اكيد حكت لك اللي حصل
نرمين : ايواة حكت لي
ياسين : وانا اللي غلطان صح
نرمين : انا مقلتش انت غلطان ولا لا بس راعي انها حامل و متخليهاش توصل لمراحل زي دي
ياسين : هي اللي عملت مشكلة من خيالها و اعتقاداتها
نرمين : هي ست و بتغير و بتحس بالخطر على جوزها
ياسين : تمام يا ماما هي كويسة ولا منهارة اوي
نرمين : لا هي أحسن لما جات من برا داخت و تعبت بس بعد ما هديت و حكت لنا اللي حصل خالتك هدى فهمتها غلطها و دلوقتي هي زعلانة على زعلك و عايزة تصالحك ملك طيبة اوي يا ابني و ملهاش غيرك انت سندها بعد ربنا دي مراتك و ام عيالك هي متسرعة شوية بس دا عشان بتحبك وبتغير عليك و لو حاولت تصالحك ماتعاندش هااا
راق ياسين بعد حديث والدته و ابتسم حاضر يا ماما
نرمين : يحضر لك الخير يا حبيبي الجواز عايز تنازل من الطرفين مينفعش تعاندو بعض يلا روح لمراتك زمنها مستنياك
ياسين و هو يقبل رأسها : حاضر يا ماما
دخل ياسين إلى الغرفة وجدها نايمة على السرير و تحدث أطفالها و تضع يدها على بطنها
: بابا زعلان مني بس انا هرضيه.بصو هو زعلني كمان بس انا هسامحه ليه بقى عشان ماما طيبة و كيوت بس خليكم شاهدين لو زعلني تاني انا اسفة بس انت هتتيتمو
ضحك بشد فقامت من مكانها بفزع و اتكسفت انه سمعاها
ملك : دلوقتي يقول عليا مجنونة
ياسين : مش هقول انا عارف انك مجنونة بس عايزة تقتلني دي ما اتوقعتهاش
ملك : لا مش هقتلك دلوقتي اما تزعلني بقى
ياسين : نشوف الكلام ده بعدين تليفونك مقفول ليه
ملك : مش مقفول انا عملت لك بلوك
ياسين : عاملالي بلوك و عايزة تقتليني وانت الغلطانة
ملك : مش هقتلك دلوقتي و اقتربت منه و حضنته انا اسفة
حضنها هو كمان و بعد قليل احس بدموعها على كتفه فأبعدها عنه قليلا امسك وشها بين يديها و قبل رأسها : بس يا حبيبتي بلاش عياط عشان خاطري
ملك : انت مسامحني؟
ياسين : طبعا و انت كمان متزعليش مني
ملك : انا عندي ليك مفاجأة و حطت ايده على بطنها انا حامل في توأم
فرح ياسين و أخذها فحضنه 💗
- يتبع الفصل التالي اضغط على ( رواية قصر المغربي ) اسم الرواية