رواية اسمي جميله (كاملة جميع الفصول) حصريا عبر دليل الروايات بقلم حروف كاتب
الحلقة السادسة عشر والحلقة السابعة عشر
ابني احمد كان اول ولد يجيلي بعد بنتي مي
كنت انا وامه فرحانين بيه جدا اكتر من ما اي حد يتخيل
عنيد من صغره ومكانش حد يقدر يرفضله طلب ورغم عنده الشديد الا انه حنين جدا
في يوم من الايام اعجب ببنت من البنات
مكنتش من عيلة غنية ولا بنت حسب ولا نسب
لكنه كان بيحبها اكتر من اي حاجة
كان اسمها امل "
استمعت جميلة للحوار وقاطعت الجد لما وصل الحتة وقالت: هي كانت فقيرة
هز الجد راسه وقال: لكن كان عندها قلب من ذهب
يمكن مكانتش جميلة لكن شخصيتها كانت حلوة جدا
كانت طيبة وحبوبة كانت زيك بالظبط يا جميلة
اتفاجات جميلة لما قال كدة وقالت: كانت زيي
بسيوني: ايوة كانت نفس شخصيتك
لدرجة اني حاسس ان روحها انتقلت ليكي من كتر الشبه بينكم
بس للاسف انا مكنتش بحبها في الاول
ضحكت جميلة وقالت: زي ما كنت معايا في الاول
ضحك بسيوني وقال: ايوة
جميلة باهتمام: وبعدين
بسيوني: ولا قبلين اتجوزوا رغم اني كنت رافض بس زي ما قولتلك
احمد ابني كان عندي ويعمل اللي في دماغه
وبعد سنة
جالنا ماهر حفيدي الاول
كنت فرحان بيه فرحة كنت طاير في السما
كنت فرحان بيه اكتر من امه وابوه
كانت الحياة سعيدة وبعد سنتين جه حفيد تاني
هو اللي في الصورة دي
بصت جميلة على الصورة وشافت الولد اللي واقف جمب ماهر
ابتسم بسيوني وقال: زياد
جميلة بحنان : الصورة دي حلوة اوي حلوة اوي بجد لموت عيون بسيوني وقال: الصورة دي اسوا ذكرى
جميله بدهشة: ليه؟
بسيوني: لانهم اتصوروها قبل الحادثة بيوم
اتصدمت جميلة
ساب بسيوني لدموعه العنان وقال: في اليوم اللي بعده ماتو ومفضلش غير ماهر اللي للاسف اتعمى
راحو وسابوا في قلبي جرح عميق محدش قدر يشفيه
نزلت دموع جميلة من غير ما تحس
بسيوني: كانت ليلة عاصفة ممطرة
كان ماهر صغير وضغط عليهم يروحو السيرك
ولان احمد كان بيحبوا مقدرش يكسر طلبه
والعربية انقلبت بيهم و
ونزلت دموعه اكتر
اما جميلة فمسحت دموعها وبدات تطبطب عليه علشان يكمل ويهدى
بسيوني: وبعدها ماهر فضل حاطط اللوم على نفسه
فاكر انه هو اللي قتلهم
حاولنا كلنا تقنعه العكس لكن
ماهر ابني دخل في دوامة الحزن والانطواء
وانا بتفرج عليه بيضيع
لحد ما جيتي يا جميلة
جميلة: انا
هز بسيوني راسه
بسيوني: كنت فاكر اني ممكن اخليه يخرج من الحزن اللي هو فيه لو جوزته ولكن
رفض كل البنات اللي جوله
الا واحدة بس
واحدة جرحته وكسرت قلبه
جميلة بحزن: هي مين دي
بسيوني: كان اسمها ليلى
وانتفضت جميلة لما سمعت الاسم
جميلة بصدمة: ليلى
بسيوني: ايوة
عايرته بعجزه وتركته في صدمة اكبر
لحد ما جيتي
وابتسم وقال: كنتي الوحيدة اللي قدرتي ترجعيه يضحك ويخرج ويتعامل مع الناس تاني
جميلة بحزن: بس ماهر
مش
بسيوني: اوعي تقولي كدة
بصتله جميلة بصدمة
كمل بسيوني: ماهر عمره ما حب في حياته بنت زيك ولا هيحب
انا عارفه كويس
ماهر بيحبك اكتر مني انا شخصيا
انتي الوحيدة اللي قدرتي تعالجي الجرح اللي سببهوله موت اهله
وعشان كدة
مسك بسيوني ايديها: خليكي معاه
مش تسيبييه يا جميلة وسامحيه
لو عمل اي حاجة
بستحلفك باغلى حاجة عندك
انصدمت جميلة من طريقة كلامه
جميلة: حاضر يا عمي ان شاء الله
بسيوني: شكرا انة سمعتيني يا جميلة
جميلة بدموع: لا يا عمي
شكرا انك حكتلي
ابتسم بسيوني
***
قعدت جميلة تحت شجرة الورد وبدات تفكر
ماهر عاش ماضي مؤلم وعيلته ماتت قدامه وحمل نفسه ذنب كبير
بس
وضمت ركبتها لصدرها وحطت راسها عليها ونزلت دموعها وقالت: انا مش قادرة اسامحه
مش قادرة انسى منظره وهو شايلها ولما باسته
هو كان بيحبها اكيد
واكيد لو كان بيشوف عمره ما كان هيحبني
انا بالنسباله ايه
مجرد خدامة
ايوة هضحك على مين ولا على مين
انا ولا حاجة جمبها
ابدا
وانهمرت دموعها اكتر
***
قعدت سارة في كافيه من افخم الكافيهات المطلة على النيل
سارة؟
سمعت سارة الصوت وجت صاحبته قعدت قدامها
سارة: بونجور
ردت عليها بهدوء : بونجور
كنتي عايزاني في ايه
اتعدلت سارة في قعدتها وابتسمت
سارة: انتي خطتك ايه يا ليلى
ليلى بسخرية: خطتي؟
خطة ايه
سارة: متفكريش اني مش فاهماكي
انا عارفة انتي غرضك ايه كويس
ليلى: هههه
غرض؟ وانا هعوز ايه بقا
سارة: خلينا صرحاء مع بعض
انتي زمان رفضتي تتجوزي ماهر وصدمتيه
ودلوقتي جاية تجري عليه زي الكلبة
ليلى بضيق: مسمحلكيش
هزت سارة كتفها بهدوء وقالت: هو الحق بيزعل اوي كدة
ليلى: وافرض اني زي ما بتقولي
ليه اصلا هجري على ماهر وهو متجوز واحدة
سارة: لانك عارفة انه ملهاش فرصة قدامك
ليلى: بس حسب اللي سمعته ماهر بيحبها بجنون
سارة: ممكن
وقربت منها وقالت: ده وهو مش شايفها
ليلى: وهو هيفرق ايه
سارة: معرفش
اللي عايزة اقوله كلمة واحدة بس
وقالت بجدية: ابعدي عن ماهر
اتصدمت ليلى من طريقة كلامها وقالت: ولو مش عايزة
سارة: يبقى هتبعدي عنه بالعافية
قامت سارة ومسكت ليلى ايديها وقالت: استني احنا ممكن نتفق
سارة: نتفق على ايه
ليلى: اقعدي بس
قعدت سارة
ليلى: سارة انا عارفاكي من زمان وعارفه انك عمرك ما همك مصلحة حد غير نفسك
وخوفك على ماهر ده غريب
انتي مخبية حاجة مش كدة
سارة: ويهمك في ايه بقا
ليلى: انتي عايزة الفلوس برضو مش كدة
سارة: فلوس؟
ليلى: اه
انتي عارفة انه ماهر هيتكتبله كل الفلوس باسمه
وصعبان عليكي بنت زي جميلة تلهف الفلوس لوحدها صح
سارة باستغراب: انتي عرفتي موضوع الفلوس منين
مردتش ليلى
ليلى: لكن لو جاتلي فرصة اني اتجوز ماهر كلنا هنفوز
انا وانتي و
كملت بسخرية: وماجد
سارة في نفسها : كنت عارفة ان الحقير ده ليه علاقة بالموضوع
ليلى: هاه ايه رايك
سارة: وانا ايه الي يخليني اضمن انك مش هتخنصري الفلوس لنفسك
ليلى: متقلقيش ثقي فيا
قعدت سارة تفكر وقالت: امم
عرض مغري فعلا
بس للاسف
وكملت بسخرية: انا مش موافقة
قامت سارة مم مكانها وقالت بسخرية: شكرا انك كشفتي نواياكي الحقيقية يا حلوة
وشاورتلها بايديها وقالت: باي باي
ومشيت وسابت ليلى تعض شفايفها من الغيظ
****
في اوضة جميلة
بعد خناقة ماهر وجميلة رجعت جميلة تقعد في اوضتها القديمة
قعدت جميلة عالسرير بتسرح شعرها وانفتح الباب
جميلة: مين
ماهر: انتي هنا
بصت جميلة وراها وقالت بصدمة: ماهر،؟
وكملت بضيق: ايه اللي جابك هنا
ماهر: كنت عايز اكلمك
قامت جميلة من وراحت عند التسريحة وقالت: مش عايزة اكلمك يا ريت تمشي
ماهر بحزن: هتفضلي زعلانة مني كتير
جميلة بضيق : وانت شايف اللي عملته شوية
ماهر: ليكي حق تكرهيني وتعملي اكتر من كدة بس صدقيني اللي حصل كان غصب عني
جميلة بعصبية: يا سلام وليه شلتها بقا
شهامة ولا حب ولا يمكن عجبتك
ماهر بضيق: انا قولتلك الف مرة ان محدش بحبه غيرك واني عمري ما هحب واحدة غيرك
جميلة بدموع: كدب
انت كداب ولعبت بمشاعري
ماهر: انا مش كداب صدقيني
جميلة: امال ايه
ماهر: انا بحبك ليه مش عايزة تصدقيني
جميلة: لانك جرحتني
تخيل اي واحدة شافت جوزها بيعمل كدة قدامها المفروض تعمل ايه يعني
قرب منها ماهر ووقف وراها
ادورت جميلة وزقته
اتصدم ماهر ووقع على السرير
ماهر: اه انتي عملتي ايه
مسحت جميلة دموعها وقالت: يمكن ده يخفف من غضبي شوية
فجاة لمحت جميلة علبة قطن وقعت من جيبه على الارض
مسكتها جميلة وفتحتها
لقت خاتمين فضة واحد محفور عليه جميلة والتاني ماهر
جميلة باستغراب: ايه دول
ماهر: ايه ده انتي شوفتيهم
قام ماهر وقال: دول دبلتين
جميلة: ليه
ماهر: احنا مجلناش دبل جواز وعشان كدة انا طلبتها مخصوص عشانا احنا الاتنين
هاتي ايدك
جميلة بضيق: مش عايزة
ماهر: هاتيها بس
اخد ماهر ايديها و لبسها الدبلة المحفور عليها اسمها
ماهر: مش هتلبسيني دبلتي
جميلة بضيق : امري لله
لبسته جميلة في صباعه
جميلة: مبسوط كدا
ماهر: ده اثبات انك.مراتي واني مبحبش غيرك
جميلة: ده.كلام وبس
اضايق ماهر
ماهر: انتي نكدية بشكل
جميلة: انا.؟
انا مش نكدية انت اللي مش متربي
ماهر: انا
جميلة: اه
ماهر كدة
مسك ماهر ايديها وزقها على السرير
جميلة باحراج: انت بتعمل ايه سيبني
ماهر: مش هسيبك الا لما تسامحيني
جميلة: لا هتسيبني
ونزلت دموعها
جميلة: لانك مبتحبنيش
باسها ماهر فجاة
زقته جميلة
جميلة: بلاش حركاتك دي
ماهر: انا مش بمثل انا بحبك بجد
انا ممكن اولع في نفسي لو ده هيرضيكي
ارجوكي انتي بالذات مش عايزك تزعلي مني
ولمعت عيونه وقال: من زمان وانا بجرح اقرب الناس عليا
انا خسرت اكتر ناس بحبهم ومش هستحمل اخسرك
حست جميلة بالحزن
قامت جميلة ومسكت ايديه وقالت: طيب
انا هسامحك
ماهر: بجد
جميلة: للاسف اه بس بشرط
ماهر: ايه هو
جميلة باحراج: متلمسش اي ست على كيفك
عشان لو حصل تاني مش هرحمك
ضحك ماهر وقال بخجل: ماشي
ضحكت جميلة
ماهر: تسمحيلي اخد بوسة بقا
جميلة: اقسم بالله انك منحرف
ماهر: انا المنحرف بتاعك وبس
جميلة بخجل: اييييه
ضحك ماهر
جميلة: اوف مبتتغيرش
وبصت على الخاتم اللي في ايديها وقالت: الخاتم ده جميل اوي
ماهر: مبسوط انه عجبك
بصتله جميلة بحنان وباسته من خده
ابتسم ماهر وقال: واحدة من النص بقا
ضربته جميلة في كتفه وضحكوا سوا
****
في اليوم اللي بعده على الفطار
مي: ياه يا جميلة ليكي وحشه كبيرة
جميلة بفرحة: وانتي كمان يا عمتو اسفة على اللي حصل في الايام اللي فاتت
مي: لا ميهمكيش
المهم ان انتي وماهر رجعتوا سوا
وفجاة قطع كلامهم صرخة جت من الدور التالت
مي بقلق: ايه اللي حصل
قام الكل من على الفطار
وراحو لمكان الصرخة
كانت اوضة بسيوني
دخلت مي ولقت ابوها نايم
الخدامة: بسيوني بيه مبيصحاش
مبيصحاش خالص
مي: انتي بتقولي ايه
وبدات تهزه وقالت
بابا بابا رد عليا
بابا
وعيطت وصرخت باسمه
وموصلهاش رد
•تابع الفصل التالي "رواية اسمي جميله" اضغط على اسم الرواية