رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الرابع عشر
الحلقة الرابعة عشر والحلقة الخامسة عشر
في اوضة الجلوس
قعدت مي بتقرا في كتاب وقعدت سارة وجميلة جمب بعض على كنبة
سارة: صحيح عرفتوا ليلى عاملة حفلة عيد ميلادها النهاردة
مي: ليلى مين
سارة باستغراب: ليلى السيد مش فاكراها
افتكرت مي الاسم وقالت بضيق: اه هي البت دي
جميلة: انتو تعرفوها
مي: اه
وضمت حواجبها بضيق وقالت: كانت تربطنا بيها علاقة في يوم من الايام
جميلة: اصلها برضو بعتتلنا دعوة
ابتسمت سارة وقالت: ده طبيعي
مي: هتروحي يا جميلة
رفعت جميلة كتفها وقالت: مش عارفة
القرار في ايدين ماهر
فجأة ارتفع صوت راجل بيقول: لا انتو لازم تيجو
التفت التلاتة وراهم وشافوا ماجد
ماجد: دي وصتني انها عايزة تتعرف عليكي
شاورت جميلة على نفسها وقالت باستغراب: عليا انا
هز ماجد راسه
سارة باستهزاء: وانت عرفت كل ده ازاي
ماجد: كنت بتكلم مع ابوها عشان حاجة في الشغل وعزمتنا واكيد هنروح
سارة: انا هروح يعني هخسر ايه
قامت مي من مكانها بضيق وقفلت الكتاب وقالت: انا مش هروح
ومشيت من الاوضة بحركات سريعة
ماجد: اوف واضح ان مي مش هتتغير
وبص لجميلة وقال: طيب انا هروح بقا احسن عندي اجتماع مع ماهر وبابا عن اذنكم
وساب اوضة الجلوس ومشي
خدت سارة نفس عميق واسترخت في مكانها في حين كانت جميلة في ذروة توترها
لاحظت سارة توتر جميلة لكن معلقتش ورفعت كتفها كان الموضوع مش مهم بالنسبالها
جميلة بتوتر: سارة
ردت سارة من غير ما تبصلها
سارة: نعم
جميلة: هي ايه علاقتكم بليلى دي
سارة: تقدري تقولي صداقة قديمة
جميلة: طب وانتي هتروحي حفلتها
سارة بسخرية: مش سمعتي كلامي مع ماجد هروح طبعاً
وبصت على الساعة وقالت
: ياااه الوقت اتاخر اوي يا دوبك الحق اجهز
ومشيت وسابت جميلة في حيرتها
****
في اوضة جميلة و ماهر
ساعدت جميلة ماهر يقلع الجاكيت
جميلة بابتسامة: اخبار الشغل ايه
بدا ماهر يفكر الكرافتة وقال: مشي بسلاسة الحمدلله
بصت جميلة في الارض
جميلة: ماهر
ماهر: نعم
جميلة: احنا هنروح الحفلة دي
عقد ماهر حواجبه وقال: كان لسه عمو ماجد بيكلمني وقالي ان احنا لازم هنروح
فمش شايف فيها مشكلة
جميلة بضيق: طيب
****
في الريسبشن بتاع القصر
وقفت سارة وبدات تخبط الارض برجليها بعصبية
سارة: يادي العطلة الساعة جت سبعة ونص
فجاة سمعت صوت صفير
بصت وراها لفت ماجد
بدا ماجد يصقف وقال: ايه الحلاوة دي يا بت يا سارة انتي كدة هتخطفي الاضواء من صاحبة الحفل
حسست سارة على شعرها وقالت بغرور: طبعا انت عمرك شوفت واحدة في حلاوتي؟
ماجد: الصراحة لا
عارفة لو مكنتيش اختي كنت اتجوزتك
رفعت سارة حواجبها باستغراب وقالت بضحك : عيب عليك
نزل جميلة وماهر
جميلة باحراج: اسفة على التاخير
ماجد: لا ولا يهمك
سارة بضيق : طب يلا عشان منتاخرش اكتر
وسبقتهم للعربية
****
في قصر ليلى
وقفت العربية ونزل الاربعة
وقادهم رئيس الخدم لجوا القصر
اول ما دخلوا انبهرت جميلة
كانت الالوان ساطعة الموسيقى هادية القاعة كبيرة جدا
همست جميلة في ودان ماهر: عارف الحفلة دي فيها شبه من فرحنا
ابتسم ماهر بحنان
وراح ماجد بتلقائية يسلم على ايو ليلى بعد ما عرفوا من وسط معازيم كتير
سارة بضيق: اوف بقا احنا هندننا واقفين كدة كتير
ابتسمت جميلة بخبث وحطت ايديها على بوقها وقالت بسخرية: حتى سارة بكل جهبزتها وعظمتها مش عارفة تعمل
سارة باحراج: اخرسي انا بس مبحبش الزحمة
ماهر بضيق : ايه يا جماعة هنتخانق هنا برضو
فجاة ارتفع صوت انثوي بيقول: ماهر
بص التلاتة وراهم ولقوها
عقدت جميلة حواجبها وحاولت تستنج هي مين
اما سارة فقالت بسخرية: ليلى
اتصدمت جميلة اول ما سمعت الاسم وراتعشت
راحت سارة عندها وسلموا على بعض
ليلى بهدوء: سارة عدى ايام وسنين على اخر مرة شوفتك فيها
سارة: هما سنتين بس يا روحي
انتي عاملة ايه
ليلى: تمام اوي
اضايقت جميلة من الحديث الداير بينهم ومسكت في ايد ماهر اكتر
ماهر: جميلة؟
بعد ما خلصت ليلى مع سارة بصت على ماهر
ليلى: عن اذنك اروح احيي باقي ضيوف الحفلة
سارة بسخرية: اه اكيد
وقالت لنفسها: لازم جميلة تاخد بالها من اللي جاي
راحت ليلى عند ماهر وقالتله بفرح: ماهر ازيك
لاحظت ليلى التوتر اللي ظهر على وش ماهر
ليلى بحزن مصتنع: انت مش فاكرني ولا ايه
ولصدمة جميلة عملت ليلى حركة ضايقتها
حضنت ليلى ماهر
بعفوية وقدام دهشة كل الموجودين
اتصدم ماهر
اما سارة فمعملتش حاجة غير انها ابتسمت بخبث
فده اللي كانت متوقعاه
اما ليلى فبعدت عن ماهر وقالتله: هاه افتكرتني كدة
اتصدم ماهر وسرت في اطرافه الاربعة قشعريرة
كان سببها ذكريات من الماضي
مردش ماهر
ابتسمت ليلى وبصت لجميلة وقالت
انا اسفة اوي منتبهتش ليكي
وشدت ايديها من ايدين ماهر ومسكت ايدين جميلة الاتنين وقالت بعفوية: انتي مراة ماهر مش كدة
بصتلها جميلة باحتقار واتمنت لو تضربها بالقلم لكنها اكتفت بانها بعدت وشها وقالت بضيق: المفروض
ابتسمت ليلى وقالت: طيب اسيبكم بقا
تابعتها جميلة وهي ماشية وانعقدت حواجبها
كانت اول مرة تفرح جميلة ان ماهر اعمى
من اول ما شافت ليلى
على الرغم من انها متاكدة انه ماهر بيحبها لكن
مانكرتش جمال ليلى
كانت طويلة متناسقة الجسم
شعرها كستنائي محمر وعيونها لون اصفى من البحر
ولاول مرة اشتعلت الغيرة في اعماق جميلة
ماهر بقلق: جميلة انتي كويسة
جميلة بعصبية: اه انا تمام
قربت منها سارة وهمست في ودنها بسخرية: احمدي ربك انه اعمى
وغمزتلها ومشيت
جميلة: ودي مالها دي كمان
ماهر: في حاجة
جميلة بعصبية: لا مفيش
****
في قصر عيلة النمر
جريت فاتن ودخلت اوضة مي بعد استئذان
فاتن: مدام مي انا تحت امرك
اتعدلت مي ووقفت وراحت قدام فاتن
مي: فاتن هما راحوا الحفلة
رفعت فاتن راسها وقالت: ايوة حصل
اخدت مي نفس عميق وظهر التوتر في صوتها وهي بتقول: ربنا يستر
فاتن: فيه حاجة
مي: فاتن عايزاكي تروحي هناك
فاتن بصدمة: ايه
مي: انا مش مطمنة للي اسمها ليلى وعايزاكي تروحي الحفلة بدالي وتراقبيلي جميلة وليلى
فاتن: ايوة بس انا مقدرش
راحت مي عند دولابها وفتحت فيه درج وطلعت منه جواب وادته لفاتن
مي: دي دعوة الحفلة
خديها وروحي بدالي
اتسعت عيون فاتن من الرعب
لكن هزت راسها وخرجت برا الاوضة
****
اشتغلت الموسيقى العربية الرومانسية
ماجد: واضح ان فقرة الرقص ابتدت
فجاة قرب واحد وانحنى لسارة وقال: تسمحيلي بالرقصة دي يا جميلتي
حطت سارة ايدها في ايده ومشيت
همست جميلة في ودن ماهر وقالتله: انا مبعرفش ارقص
سمعها ماجد ومسك ايديها وقال: تعالي ارقصي معايا
جميلة بصدمة: نعم
جت في الل
فجاة جت ليلى وخدت بايدين ماهر وقالتله: تعالى احنا كمان نرقص
ماهر: لا استني بس
ليلى: يلا بس
تابعت جميلة الموقف واشتعلت من الغيظ
ماجد: يلا بينا
جميلة بعصبية: اه
ماهي مش فارقة
بدات ليلى ترقص مع ماهر
ماهر: انتي ليه عملتي كدة
رفعت ليلى كتفها وقالت: من غير سبب
ماهر: انتي حتى مطلبتيش رايي
مردتش ليلى
عند جميلة وماجد
حط ماجد ايده على وسطها
جميلة: انت بتعمل ايه
ماجد: هو الرقص كدة
اتحرجت جميلة لكنها افتكرت اللي عمله ماهر فقررت تكمل معاه
****
بعد مرور حوالي نصف ساعة
جميلة: انا تعبت خلاص
ماجد: خلاص نرتاح شوية
خدها ماجد لمكان بعيد
وقعدوا على كرسيين
بدات جميلة تاخد نفسها
جميلة: انا عطشانة اوي
صبلها ماحد كاس وقالها: خدي
اخدت جميلة منه الكاس
جميلة: هو ايه ده
ماحد بخبث: اشربيه بس هيروي عطشك
*****
عند ليلى وماهر
ماهر: احنا فين
ضمت ليلى الشال بتاع فستانها وقالت: مفيش
حسيت انك تعبت من الرقص فقلت نيجي نرتاح هنا
ماهر: جميلة فين
ليلى بسخرية: مراتك
ماهر بعصبية : هي فين
ليلى: معرفش اخر حاجة فاكراها انها راحت ترقص مع عمك
اتفزع ماهر لما سمع كلمة عمه وقام من مكانه وقال: جميلة مستحيل
مسكت ليلى ايديه وقالتله: على فين
شد ماهر ايديه منها وقال: هحاول الحق جميلة
ليلى: انت اصلا متعرفش هي فين
ولا بتعمل ايه
بصلها ماجد بصة غضب شديدة وقال بعصبية: اياكي تغلطي في جميلة
جميلة ضفرها برقبتك
اتصدمت ليلى من لهجته الحادة معاها وقامت وقالت: انت عارف اصلا شكلها ايه
دي متلقش بيك
دي بنت فقيرة
ماهر بغضب: انا ميهمنيش شكلها ولا مستواها
على الاقل نضيفة من جوا
ضحكت ليلى بعصبية وقالت: ايه
نضيفة من جوا
دي متجوزاك عشان فلوسك يا حبيبي
وساد الصمت المكان
****
بعد ما شربت جميلة الكاس اللي ادهالوها ماجد حست بدماغها نقلت فجاة
وسكرت جميلة
ماجد قعد جمبها
بدات جميلة تعيط وتقول: هو ده جزائي
هي تفرق عني ايه
اكمنها احلى مني
هو ده جزائي عشان وقفت معاه
بيخوني معاها الخاين
كان ماجد بيسمع كلامها باهتمام
وفجاة مسك ايديها وقال: جميلة
بصتله جميلة برعب
قرب منها ماجد اوي بوشه
زقته جميلة وقامت من مكانها برعب وقالت: انت بتعمل ايه
بدات جميلة ترجع وماجد يتقدم منها اكتر لحد ما وصلت الحيطة
حط ماجد ايديه على جانبينها وقال: سيبي ماهر مش يستاهلك
ومسك دقنها بايديه
جميلة بعياط: لا سيبني سيبني
وصرخت باعلى صوتها: ماااهر
فجاة انضرب ماجد ضربة قوية على راسه وظهر من وراه جسم لبنت
اتالم ماجد وبص وراه لقى فاتن
رمت فاتن العصاية اللي في ايديها
وجريت لجميلة
فاتن بقلق: جميلة جميلة انتي كويسة
بصتلها جميلة بدوخة ومقدرتش ترد ووقعت بين ايديها فاقدة الوعي
***
ماهر: انتي بتقولي ايه
ابتسمت ليلى بخبث وقالت: زي ما سمعت
ماهر بضيق: انتي اكيد كدابة
فجاة جت سارة
سارة: ماهر يلا عشان نمشي من هنا
ليلى بدهشة : سارة
سارة: كانت حفلة لطيفة متشكرين
وسندت ماهر ومشيو
****
صحيت جميلة وهي حاسة بصداع فظيع
جميلة بالم: انا فين
اول ما سمع ماهر صوتها بصلها ماهر و قال: انتي صحيتي
قامت جميلة وخدت بالها انها في اوضتها وقالت: ايوة
وقامت من مكانها بضيق
ماهر: انتي رايحة فين
جميلة بضيق: ملكش دعوة
ماهر: عايز اكلمك
جميلة: لا مفيش بينا كلام
ماهر: ليه بس
جميلة: هو ايه اللي ليه
وكملت بعصبية:
انت مش عارف انت عملت ايه امبارح
ماهر: لا
جميلة: انا عارفة
انتي اعجبت بيها صح
يمكن تكون مش شايفها لكن هي احلى مني
بتعرف ترقص وفرفوشة عكسي خالص
وكملت بدموع: انت حتى روحت معاها بعد ما خلصتوا
اضايق ماهر وقال: انا كمان كنت عايز اقولك
انتي روحتي فين مه ماجد وليه مرقصتيش معايا
جميلة: لأنها جت خدتك مني
وصرخت بعصبية:
انا بكرهك
ماهر: انتي ملكيش حق لاني كمان مضايق منك
لانك كنتي مع ماجد ده كله
جميلة: انا معملتش حاجة
لكن الدور والباقي عليك
انا عمري ما حسيت كدة
انا كنت غيرانة عليك
مش كنت عايزاها تاخدك بعيد
مش كنت عايزة اروح هناك
قرب منها ماهر ومسك كتفها
جميلة: انت بتعمل ايه
حضنها ماهر وقال بحنان: اهدي متعيطيش
جميلة: مش تلمسني
ماهر: انا اسف
جميلة: انت كداب
ماهر: لا انا مش كداب
انا سبق وقولتلك اني بحبك انتي ومش حد تاني
مش كدة
جميلة: وانا ايش عرفني
ضمها ماهر ليه اكتر وقال: اسمعي دقات قلبي وهو هيقلك
جميلة: ماهر
ماهر هتخنقني
ضحك ماهر وقال: انا اسف
بدات جميلة تمسح دموعها
جميلة: انت لعوب على فكرة
ماهر بضحك: يعني مسامحاني
رفعت جميلة كتفها وقالت: امري لله
بس متعملهاش تاني
ماهر: حاضر يا حبيبتي
ومسك كتفها وقال: مش يلا تلبسي معاد الغدا قرب
جميلة بفرحة: حاضر
بدا ماهر يفكر في الكلام اللي قالته ليلى وعقد حواجبه وقال لنفسه: مستحيل اللي هي بتقوله
****
في قاعة الطعام
قعد الكل يتغدوا معادا بسيوني كان بياكل في اوضته
مي: عملتوا ايه امبارح
سارة: كانت حفلة حلوة
بصت مي لجميلة وقالت: وانتي يا جميلة
جميلة بابتسامة: كانت كويسة
ماجد: فعلا كانت حلوة اوي
مش كدة يا جميلة
بصتله جميلة باحراج وقالت: ايوة
قال ماجد بخبث: عجبك الواين
فجاة اتوقف الكل عن الاكل حتى ماهر وظهرت الصدمة على وجوههم
لاحظت جميلة اللي حصل فاتوترت وقالت: هو ايه الواين ده
مي بصدمة: جميلة انتي شربتي امبارح
جميلة بحيرة: شربت ايه
سارة بسخرية: خمرة
الواين ده خمرة
اتصدمت جميلة وراتعشت وافتكرت اللي حصل امبارح
مي: انت شربتها يا ماجد
ماجد بضحك: ده بوقين مش حاجة
ماهر: جميلة
اشتعلت جميلة من الغضب والغيظ وحست كانها بتغلي من جوه
ومسكت العصير اللي في ايديها ودلقته كله في وش ماجد
وسط دهشة الكل
جه شوية منه على سارة
سارة بعصبية: انتي عملتي ايه
بصت جميلة لماجد بعيون كلها كره
حط ماجد.ايده على وشه وحس بملمس العصير اللزج
وانفجر من الضحك
واشتعلت جميلة اكتر
يتبع في الحلقة الجاية
ارائكم
•تابع الفصل التالي "رواية اسمي جميله" اضغط على اسم الرواية