Ads by Google X

رواية اسمي جميله الفصل الثاني عشر 12 - بقلم حروف كاتب

الصفحة الرئيسية

 

رواية اسمي جميله (كاملة جميع الفصول) حصريا عبر دليل الروايات بقلم حروف كاتب

رواية اسمي جميله الفصل الثاني عشر 

الحلقة الثانية عشر ❤ الحلقة الثالثة عشر

فجاة جت بنت تجري عليهم وبدات تنهج جامد وقالت: جراله حاجة 
حصله حاجة 
اتفاجات مي واتسعت عيونها من الدهشة لما شافتها
مي بصدمة: انتي؟  
ماجد: سارة؟  
مي: انتي مش.. انتحرتي 
سارة: اناااا؟  مين قال الكلام ده 
مي: ما..جد 
سارة: انا كنت فعلا ناوية انتحر بس رجعت في قراري في اللحظة الاخيرة بعد ما لحقني ماجد وعرفت بالصدفة انه راح البيت وعرفت اللي حصل لبابا فجيت جري 
المهم هو كويس 
عجزت مي عن النطق 
فجاة بدا ماجد يضحك 
في وقت مش مناسب مع موقفهم 
وصل الغضب بمي ذروته جمعته في ايديها وادت ماجد صفعة قوية كانت هتوقعه على الارض 
مسح ماجد الدم اللي سال من شفايفه واتفاجا بمي زي الاعصار 
وصرخت مي : انت ايه جبلة حجر جبل؟  
مبتحسش مش شايف اللي احنا فيه 
عارف لو بابا جراله حاجة هيبقى بسببك 
لا بسببكوا انتو الاتنين 
انتو الاتنين مالكو كدة مبتحسوش 
مش كفاية اللي عملتوه فينا زمان مش كفاية اللي  حصل لاحمد اخويا وعيلته مش كفاية اللي حصل لماهر مش كفاية اللي حصل لسمعة العيلة 
كفاية بقا بالله عليكو كفاية 
استغرب الاتنين من لهجتها الجادة ووقف ماجد عن الضحك 
سارة: مي اهدي 
وبدات تطبطب عليها 
مي: متلمسنيش سيبيني 
سيبيني اقول اللي جوايا كفاية كدة 
بابا جوا بين الحياة والموت بسببكوا 
كنتو بتتعاملوا معاه كانه الشيطان لكن الشياطين الحقيقة هي انتو الاتنين 
بابا طول عمره عايز مصلحتكوا لكن 
وزادت دموعها وقالت: كنت عايزه يعمل ايه 
وهو عرف ان ابنه الوحيد مات قدام عينيه مع عيلته وحفيده الاكبر اتعمى 
لكن اللي مكانش يعرفه ان السبب في اللي حصل ده هو ابنه التاني 
هو انت يا ماجد 
اتصدم ماجد وسارة 
                                **** 
في الصالة وقفت جميلة بتشوف صورة الجد 
جميلة: انت كنت قاسي عليا في الاول لكن انا لا يمكن استحمل انك تموت دخلت فاتن 
جميلة: فاتن 
بصت فاتن على الصورة وقالت بدموع: كنت فقيرة اوي زمان ابويا وامي ماتو بمرض واتبهدلت في الشوارع كتير لحد ما جه مدلي ايده بالخير وسمحلي اشتغل معاه 
كان انسان طيب اوي 
اوي 
طبطبت عليها جميلة وقالت: ربنا يشفيه ويرجع وسطينا يا فاتن 
فاتن بدموع : يا رب. 
                         **** 
سارة: لحظة يا مي 
كلنا عارفين ان سبب موت احمد هو ان العربية انقلبت بيهم لانهم مشيوا في ليلة كلها عواصف 
ماجد ملوش دخل 
مي بدموع: ده السبب الخفي للحقيقة 
لكن بعد الحادثة بشهرين طلبت منهم يصلحوا العربية وعارفه اكتشفوا ايه 
اكتشفوا ان الفرامل كانت بايظة 
عارفة ليه 
وكملت بزعيق وشاورت على ماجد: لان الاستاذ ده كانت معاه العربية بعد ما استلفها من احمد وباظت منه لكنه مقالوش على العطل اللي فيها 
وقع ماجد على ركبه من الصدمة 
مي: وده كله ليه 
لانك كنت غيران من تميز احمد اخويا عليك مش كدة 
كنت عايز تموته بايديك الاتنين وتموت كل حاجة من صلبه 
لكن للاسف ماهر عاش 
ومش كدة وبس 
انت كنت عايز تحبك خطتك 
فجبت شهادة مزورة بخطورة اي عملية على ماهر 
واقنعت بابا بيها 
كل ده انا اكتشفته حديثا 
بصت سارة بصدمة لاخوها وقالت: انت عملت كل ده 
ماجد: مكنش قصدي اقتله 
مي: ايه 
ماجد: مكنتش اعرف انه هيخرج بيها 
نسيت انها باظت 
مكنش قصدي اقتله 
مكنش قصدي اقتل احمد اخويا ولا كان في نيتي 
شدته سارة من الجاكيت بتاعه 
سارة: انت عملت كل ده وكنت مفهمني انك ملاك 
مي: متتحمقيش اوي كدة 
بصتلها سارة
مي : انتي كمان مش ملاك 
انتي ملامة زيك زيه على اللي حصل 
انتي تاني سبب في نكسة بابا بعد اللي الراجل ده عمله 
سارة: قصدك ايه 
مي: جوازتك الشنيعة من محمود 
غصب عنا كلنا رغم الف تحذير منا 
وبدات تمسح دموعها و قالت بعصبية 
: ده غير الفضيحة اللي الزفت ده عملها لعيلتنا 
كل دي حاجات جابت لبابا القلب والضغط وملايين من الأمراض 
بابا كان كل همه يشوف اسرة سعيدة مش اسرة مليانة هموم وتعيسة 
بس خلاص 
ان شاء الله بابا هيفوق بالسلامة وهقنعه نسفر ماهر برا ويعمل العملية 
وبعد كدا هنرجع زي الاول 
سارة بعصبية : وانتي فكرك لو عملتي كدة ان العيشة هتطيب وهتحلوا 
مي: يعني اللي احنا عايشين فيه تسميه ايه 
اسمعوا كويس 
لو بابا جراله حاجة انا هتبرى منكم ليوم الدين 
وكل اللي قدامنا اننا ندعي ربنا يعدي الازمة دي على خير 
مفيش حاجة في ايدينا غير كدة 
وفجاة خرج الدكتور من العمليات 
                                  *** 
كان ماهر واقف في البلكونة 
خرجت جميلة ولقته 
شالت جميلة الشال من على كتفها وغطته بيه 
جميلة: انت ممكن تاخد برد كدة 
ماهر: جميلة 
حضنها ماهر وقالها: انتي دافية اوي 
ضحكت جميلة بخجل
بعد عنها وقال بحزن : انا قلقان على جدو اوي 
اتنهدت جميلة وقالت: وانا كمان قلقانة اوي 
بس 
ماهر: بس ايه 
كان الهوا شديد وبدا يطير شعر جميلة 
جميلة: تفتكر هتمطر؟  
ماهر: الهوا الشديد بيقول كدة 
جميلة: المطرة دايما بتدل على الخير 
مش كدة 
ماهر: ايوة 
جميلة: انا عندي احساس بيقولي انه هيبقى كويس
وعارف بيقولي ايه كمان 
ماهر: ايه 
جميلة: ان عيلتكوا هترجع زي الاول 
اتنهد ماهر بحزن وقال: انا بكره المطر 
جميلة: بتكرهه 
ماهر: ايوة 
لان في ليلة ممطرة خسرت اغلى حاجة على قلبي 
خسرت فيها كل الحاجات الحلوة 
جميلة بقلق: ليه ايه اللي حصل 
ماهر بحزن: لو مكنتش زنيت عليهم 
كان زمانهم معايا دلوقتي 
جميلة: هما مين دول 
نزلت دمعة من عيون ماهر وقال: عيلتي 
انصدمت جميلة وراتعشت مرة واحدة 
جميلة بحزن: هما 
ايه اللي حصلهم 
كان ماهر لسه هيقول وفجاة دخلت فاتن تجري بلهفة 
فاتن بفرحة: مكالمة من المستشفى 
بيقولوا بسيوني بيه فاق وعايزينكوا بسرعة 
جميلة: انتي بتتكلمي جد 
فاتن: ايوة 
جميلة: ماهر يلا بينا بسرعة 
                                ****
في المستشفى 
في اوضة بسيوني 
دخلت مي لقت ابوها نايم وحاطط انبوبة الأوكسجين 
نزلت دمعة من عيون مي وجريت وقفت جمبه 
مي: بابا انا مي سامعني 
فتح بسيوني عيونه 
مسكت مي ايديه وبدات تعيط 
شال بسيوني انبوبة الأوكسجين وقالها: متعيطيش يا مي 
مي: دي السعادة يا بابا انا فرحانة انك في وسطينا تاني 
بسيوني: بتفولي عليا يا مي 
ضحكت مي 
وفجاة دخلت سارة 
سارة: بابا 
وجريت وحضنته 
سارة بدموع: انا اسفة يا بابا 
بسيوني: اهدي عليا شويه 
مي: سارة براحة على بابا 
سارة: ملكيش دعوة 
قعدت جمبه 
سارة: بابا انت مسامحني صح 
بسيوني: انتي عايشة ازاي 
سارة: متفولش عليا يا بابا 
مي: دي كانت مجرد كذبة يا بابا 
بسيوني: الحمدلله انك بخير 
سارة بفرح: يعني انت مسامحني 
هز بسيوني راسه 
فجاة دخل ماجد 
اتصدمت مي 
مي: بابا اهدى 
ماجد: بابا 
وسكت فترة وقال: حمدلله على سلامتك 
سارة باستغراب: ماجد 
قرب ماجد من ابوه وقال: 
عارف اني غلطت كتير 
عارف ان مش من حقك تسامحني عارف وعارف 
انا مش عايز منك السماح انا جيت اعترف بكل اغلاطي 
واتطمن عليك قبل ما امشي 
مي بضيق : هتروح فين
اتنهد ماجد 
ماجد: هرجع لحياتي القديمة انا ظهوري كان سبب في تدمير عيلتكم يبقى ايه لازمتها وجودي 
سارة: ماجد 
بسيوني: استني هنا 
حاول بسيوني يقوم وساعدته مي وسارة 
ماجد: نعم 
بسيوني: لو رجعت تاتي لعيلة النمر 
هتعمل ايه 
ماجد: هكون اسعد واحد في الدنيا بس للاسف انا مستحقش الفرصة دي 
مي: بابا هتعمل ايه 
سارة بهمس: سامحه يا بابا 
بسيوني: انا مسامحك يا ماجد 
سارة بفرحة: بابا 
ماجد بفرح: انت بتتكلم جد 
بسيوني: للاسف اه 
ابتسمت مي وفي نفس اللحظة جت جميلة معاها ماهر 
سارة: ماهر 
قامت سارة وشدته وقالتله: يلا شوف جدك 
ابتسمت جميلة ووقفت على الباب 
ماهر: جدو 
بسيوني: انت جيت يا ماهر 
ماهر: ايوة حمدلله على سلامتك 
سارة: مش هتصدق يا ماهر 
اخيرا عمو ماجد هيرجع وسطينا 
ماهر: عمو ماجد 
مي: ايوة يا ماهر خلاص 
وقالت بحزن: احنا اصتلحنا 
قربت جميلة وقالت بفرح: حمدلله على سلامتك يا عمي 
الحمدلله على رجوعكم سوا 
ماهر: جميلة 
جميلة بخجل: تسمحولي اقول حاجة 
مي: ايه هي 
جميلة: اما صحيح مش فرد فس عيلتكم لكن كلنا 
كلنا غلطنا في الماضي وعملنا حاجات كتير وجعتنا ووجعت اللي حوالينا 
كلنا خسرنا حاجات كانت غالية علينا لكن هيفيد بايه نعاتب بعض 
هيفيد بايه نزعل من بعض 
هل ده هيرجع اللي  فات منا او الاشخاص اللي بنحبهم بالعكس 
هيزيدنا بؤس وحزن 
عشان كدة لازم نرجع سوا 
عشان نقدر نبني مستقبل سعيد 
كانو كلهم بيسمعوا باهتمام شديد وبعد ما خلصت صقف ماجد وقال: هايل 
سارة بسخرية: كاننا في محاضرة تنمية بشرية 
ضحكت جميلة بخجل 
وكان اكتر واحد فخور بيها هو ماجد 
كان كلامها لمس قلوبهم 
واتلم الشمل 
                             **** 
في قصر من القصور 
قصر فخم لكن مش بفخامة قصر عيلة النمر 
قعدت بنت جميلة جدا في البلكونة بتشرب الشاي بهدوء 
فجاة تدخل ست وشها غرقان مكياج وتقول بصوت عصبي: ليلي 
ترد ليلى: نعم يا ماما 
الام: سمعتي اللي حصل 
ليلى بهدوء: لأ 
الام: لا اما تلهفك 
عارفة الواد المليونير اللي في عيلة النمر 
ليلى : قصدك ماهر 
الام: الله ما انتي حلوة وذاكرتك فل اهو 
ليلى بسخرية: طول عمري 
الام: اتجوز يختي وعارفه مين اتجوزته 
ليلى: لأ محصليش الشرف 
الام: مش هتبطلي استهتارك ده 
ماهر اتجوز اتجوز واحدة من الشارع 
حطت ليلى الكوباية وبصت لامها باهتمام وقالت: ايه 
الام: ايوة وبيقولوا ان ماهر ده قريب اوي هيتكتبله كل حاجة 
ليلى: وانا مالي يعني 
الام: عارفة يعني ايه يتكتبله كل حاجة يعني القصر بتاعهم والعربيات والشاليهات اللي على اجمل الشواطئ وقصر في اسوان 
كل ده هتلهفوا واحدة من الشارع مش من مستواهم بس عارفة ليه 
عشان ذكية واستحملته الشوية دول 
وانتي عاملة نفسك ناصحة وسبتيه جاتك القرف كان زماننا دلوقتي من اكبر الملاك 
ليلى بهدوء شديد: متقلقيش يا ماما 
الفرصة مضاعتش من ايدينا ولا حاجة 
وابتسمت بخبث 
شديد 

    •تابع الفصل التالي "رواية اسمي جميله" اضغط على اسم الرواية 
google-playkhamsatmostaqltradent