رواية ضحية زواج الفصل الحادي عشر 11 - بقلم اسراء
رواية ضحية زواج الفصل الحادي عشر 11
ال11
يونس بصدمه: اتجوز اللي كانت مرات اخويا. ازاي
: هتتجوزها مؤقت لحد ما تتعافي وبعدين طلقها!
يونس بغضب: لالا انا مش موافق ع الكلام ده يا حج
: يابني دلوقتي هي فاكراك جوزها وانت مش عارف تتصرف معاها وممكن حالتها تتعب
يونس: بس ي... قاطعه.
: مفيش بس معندناش حل تاني يا يونس كفايه اللي اخوك عامله فيها يا بني
يونس بتنهيده: بس حمزه مستحيل يقبل بحاجه زي دي وغير انه هيكرهني
: حمزه لو كان عايزاها مكنش هيعمل كدا.. وبعدين جوازكم مؤقت
يونس: خلاص اللي تشوفه بس دلوقتي انا هكتب عليها ازاي وهي فاهمه اننا متجوزين!
طلع ورق م الدرج... و ادهوله: خد دي يا يونس براحه خليها توقع عليها وبكدا هتكون مراتك.
يونس: م غير علمها طب ازاي
: يابني احنا مضطرين اسمع الكلام.
يونس بيقوم واخد الورقه معاه: حاضر يا حج عن اذنك
: استني يا يونس.. انا عايزك ترجع رنا ع ذمتك كدا مينفعش يا بني
يونس بنفاذ صبر: لو سمحت يا حج كله إلا الموضوع ده
: يونس علشان خاطر ابنك رجعها.
يونس بتنهيده: ربنا يسهل عن اذنك.
.....
عند مالك كان قاعد.... ف اوضته وسرحان بيفكر ف زينه اللي شغلت باله اخر فتره وفرحهم اللي اتاجل بسبب حادثة شهد.
مالك بيطلع تلفونه وبيرن عليها: ممكن متقفليش زي كل مره يا زينه
زينه:عايز اي يا مالك
مالك: ممكن اقابلك يا زينه محتاج اشوفك
زينه: وانا برضو عايزه اتكلم معاك ف موضوع مهم
مالك: تمام انا هجيلك دلوقتي اخدك ونتكلم
بيروح مالك وبياخدها... وبيتمشه مع بعض ع رجلهم زي ما زينه طلبت.
مالك: احم اتكلمي انتي الاول
زينه: لا قول انت الاول
مالك بيقف عن المشي: زينه انا
زينه بمقاطعه: متكملش يا مالك انا كمان مش عايزه اكمل معاك
مالك بصدمه: زينه انا... قاطعته تاني.
زينه بدموع حاولت تداري فيها: هشش مش محتاج تبرر اصلا انا كمان مش عايزاك تقدر تطلقني وترجع ف كلامك.
زينه بتمشي وتسيبه وهو... واقف مكانه مصدوم.
مالك بيخبط ع دماغه: اي البت الغبيه دي هو انا لسه اتكلمت دي مشيت انا وانتي والزمن طويل يا زينه قال اسيبك قال بعينك.
.......
بيطلع يونس ل شهد... بيلاقيها قاعده زعلانه.
يونس: احم شهد اي مالك
شهد بزعل: مش عارف مالي بقالك قد اي مبتجيش تشوفني انا حاسه اننا مش متجوزين ده انت حتي مبتنمش معايا هنا.
يونس: ممكن تهدي عايزك ف موضوع
شهد: موضوع اي!
يونس: بتوثقي فيا يا شهد
شهد هزت دماغها:
يونس: عايزك توقعي هنا وم غير ما تشوفي اللي ف الورقه
شهد م غير تفكير ... اخدت الورقه وقعت عليها.
شهد باستغراب: بس اي الورقه دي يا يونس
يونس: ممكن متسأليش و وعد هتعرفي بعدين
شهد: حاضر مش هسال بس انا لسه زعلانه منك
يونس بضحك: زعلانه منى ليه
شهد قربت منه وحضنته وهو اتجمد مكانه: علشان انا حاسه انك بعيد عني مش المفروض انك جوزي
يونس بارتباك: اه ايوا يا شهد انا اسف بس كنت مشغول شويه
شهد ببكاء: هو انت كنت بتحبني قبل الحادثه يا يونس
يونس حس بحزن ع منظرها: اه ايوا يا شهد
شهد بكسوف: طيب ممكن تنام جنبي
يونس مكنش عارف يقول اي اتفجاء لما الباب اتفتح و دخلت رنا.
: اي يا خطافة الرجاله انتي عامله نفسك فاقده الذاكره وبتخطفي جوزي مني
قربت ومسكتها م شعرها... يونس بعد ايديها بغضب.
يونس بغضب: انتي اتجننتي بتعملي اي
رنا بحقد: ايوا اتجننت خلاص طلقتني علشان يحلي لك الجو معاها الخاينه خطافة الرجاله
شهد بدموع: يونس اللي بتقوله ده صح انت متجوز عليا
رنا: لا يا حبيبتي اتجوزك انتي عليا انا هنا قبلك ومش هتقدري تاخدي مكاني بطلي تمثيل
يونس بصوت هز المكان كله: بسسسسسسس اخرررسي
سحبها يونس م ايديها و... رماها بره الاوضه بعنف
يونس: لمي هدومك وامشي م هنا مش عايز اشوفك هنا تاني... قال كلامه و رزع الباب ف وشها.
بيبص ع شهد لاقها قامت... وبتلم هدومها.
يونس بنفاذ صبر: شهد انتي بتعملي اي بطلي هبل
شهد بجمود: انا مش هقعد هنا ولا لحظه طلقني!
يونس بغضب: بصي انا بقول كلمتي مره واحده مش بكررها تاني
شهد بتريقه: يماما خوفت انا كدا
يونس: متختبريش صبري اكتر م كدا يا شهد سيبي الهدوم مكانها علشان مش هتخرجي م هنا
بيجذبها يونس م ايديها وبيقيدها: ممكن تهدي علشان افهمك
شهد بعناد وغيره: سيب ايدي مش عايزه افهم حاجه روح ل مراتك الحقيقه اه اكيد كنت بتتهرب مني علشان تنام عندها
يونس كان مركز مع كل حرف بيخرج... منها وسرح ف ملامح وشها.. وجمالها.
بيقرب يونس و بيلتهم شفا"تيها بجنون.. بتتفجاء شهد وبتبعده عنها.
شهد بخجل وهي بتتكلم بصعوبه: ا انت قليل الادب
يونس كان مصدوم م نفسه.... وم اللي عامله بعدها عنه وخرج م الاوضه والقصر كله.
شهد بصدمه: معقول ل درجادي مبيحبنيش واكيد راحلها هي ماشي يا يونس انا همشي
شهد بتكمل لم هدومها... وبتاخدها وبتخرج م القصر كان وقتها الوقت متاخر جدا كانت ماشيه خايفه وبتتلفت حواليها بيطلع قدامها عربيه بينزل منها شخص.
الشخص بيبصلها بجراءه: رايحه فين يا مزه تعالي اوصلك
شهد بخوف: انت مين حد يلحقني.
بيقرب منها وبيمسكها ويقطع جزء... م هدومها وشهد بتقاوم وبياخدها معاه ناحية العربيه ووو... يتبع.
•تابع الفصل التالي (رواية ضحية زواج) اضغط على اسم الرواية