Ads by Google X

رواية اسكريبت جديد الفصل الثالث و الاخير 3 - بقلم امنية يوسف

الصفحة الرئيسية

  رواية اسكريبت جديد كاملة بقلم امنية يوسف عبر مدونة دليل الروايات 


 رواية اسكريبت جديد الفصل الثالث و الاخير 3

بعد ما ضربتها بالقلم كانت واقفه بصدمه هي وعيلتها طبعا مامتها كانت هتتعصب عليا وقبل ما تتكلم اتكلمت وقولت 

_لما ابقي صحبتك عشرة عمرك عرفاني وعارفه كل حاجه عني وان بحب عمر وتروحي تقوليله الكلام اللي قولتيه دا تبقي متستاهليش تبقي صحبتي 

امها كانت باصه بصدمه وقالتلي..ايه يا بنتي الكلام اللي بتقوليه دا! 

رنيم بتوتر...كدا..به كدا..به يا ماما مفيش حاجه 

_أكدب عليكم ليه اتفرجي يا طنط بنتك وهي بتقول اني بحب علي ابن عمها واني ب.دور علي كل واحد شويه  

وفعلا شافت كل حاجه والاسكرينات وكل حاجه ...سحبت الفون منهم وقولت 

_تشرفت بمعرفتك يا طنط وبصيت علي رنيم اللي بتبكي وقولت اما انتِ ربنا يهديكِ ويوريكي وجع القلب عامل ازاي لما صحبتك تعمل كدا فيكِ 

كنت انا ونازله سامعه زعيق مامتها .

سبتهم ومشيت وانا قلبي بيتقط.ع عمري ما تخيلت انها تعمل كدا انا خسرت كل الناس عشانها كنت دايما معاها في المره قبل الحلوه مكنتش متخيله انها تعمل كدا

وصلت البيت ودخلت من غير ولا كلمه فضلت ابكي معرفتش نمت ازاي وامتي بس اللي استغربته ان ماما جات تصحيني وهي بتقولي اطلعي برا عمر عايزك 

فعلا قومت ولبست سدالي وطلعتله مع اني مكنتش عايزه اشوفه ..

عمر بتوتر...ياسمين عايز اقولك حاجه 

ياسمين...اتفضل يا ابن خالتي 

عمر ...ياسمين انا اللي بعت الرساله وكل حاجه مقدرتش امنع نفسي اني اعرف الحقيقه 

ياسمين ببرود ...وعرفتها 

عمر ..ايوه عرفتها انا آسف ليكِ اني مسمعتكش ولا حاولت اعرف الحقيقه منك والله بحبك 

ياسمين ببرود ...معدش الكلام دا يهمني في حاجه انت مش واثق فيا من الاول ومفيش اي ثقه بينا يبقا مش مهم 

عمر بزعيق ...مش مهم ايه بقا ان شاء الله ياسمين دي صحبتك واقرب حد ليكِ اكيد قيلالها علي كل حاجه يعني انا لو اعرف حاجه عنك هي تعرف عشره فاهمه ياسمين رنيم كانت اقرب حد ليكِ قدري موقفي انتِ عندك حق تقولي حد بس فكري شويه ..وهسيبك تاخدي راحتك بس اعرفي انك مش هتبقي لغيري فاهمه وسابها ومشي 

ياسمين ببتسامه...يابن القمر اي تا انا ممكن اتجوز القمر دا 

امها من وراها ...قفشتك بتعاكسي ابن اختي يا بت  

ياسمين ببرود ...اصلا اصلا انا مش هكلمه تاني كفايا كدا اللي حصل بسببه 

امها بحزن علي بنتها ...ما ممكن اللي حصل دا يكون خير ليكِ انك تعرفي اللي بيحبك بجد وتعرفي صحبتك نيتها ايه من ناحيتك

ياسمين ببكاء...عندك حق بس برضو ابن اختك هيتعاقب يعني هيتعاقب 

امها ...وفاكره يعني اني هاجي معاه تؤتؤ انتِ بنتي واكيد هنربيه واكلم خالتك بقا اقولها 

ياسمين بصيت عليها وضحكت ماما لازم تقول كل حاجه لخالتي ..

عدا اكتر من شهرين وعمر كل يوم يجي متعصب من بيتهم ويهب فينا ويمشي.كل يوم لازم ننكد عليه 

مره مامته تقوله ان ياسمين خطوبتها انهارده ويجي جري ويعرف ان مفيش حاجه ..

مره تقوله ان ياسمين خارجه وحدها وطبعا بيخاف عليا ويجي جري ..

يووه حاجات كتشيره اووي بس المهم انه اتربي ...

انهارده بقا كتب الكتاب اصله عارف انه لو مكتبش الكتاب ممكن اغير رأيي ..انا طيبه اووي 😂💚

عرفت ان رنيم عيلتها بتحاسبها علي كل حاجه ومنكديين عليها ومامتها اتأسفت ليا وكانت صعبانه عليا بجد وهي بتقول علي غلط بنتها وبتبكي..

  • تمت بحمد الله

 رواية اسكريبت جديد الفصل الثالث و الاخير 3 - بقلم امنية يوسف
nada eid

تعليقات

ليست هناك تعليقات
إرسال تعليق
    google-playkhamsatmostaqltradent