رواية حلم كاملة بقلم ايمان شرقاوي عبر مدونة دليل الروايات
رواية حلم الفصل السادس 6
محمد ببرود : مراتي .
رحمة بصدمة : مراتك ازاي يعني ؟.
محمد لرضوي زوجته اتفضلي في الصالون يا رضوي وانا شوية وهحصلك رضوي بهدوء : حاضر .
رحمة بغضب : تتفضل فين يا محمد انت اتتجننت وكمان جايبها بيتي .
محمد بهدوء : اولا دي مراتي علي سنة الله ورسوله وثانيا ده بيتي وبقي بيتها كمان .
رحمة بجنون وهيا تدور حول نفسها : بيتها ... مراتك وانااا اللي استحملتك العمر ده كله هيا دي جزاتي يعني .
محمد بحنان :اهدي يا رحمة وافهميني انا فعلا اتجوزت بس جوازي ده ليه اسباب... وبتعب ... انا تعبت بجد منك ومن اسلوبك معايا ومع اولادك بقيت مش عارف اتكلم معاكي لم بتكلم معاكي في موضوع مهم بتعملي ايه فاكرة ولا افكرك .
فلاش باك :.
رحمة : بتعمل ايه يا محمد .
محمد باهتمام : بشوف الاخبار يا رحمة ربنا يستر فيه حروب كتير في الدول الايام دي والموضوع ميطمنش ده غير احوال الناس اللي هتتبهدل دي .
رحمة بملل : طب واحنا مالنا يا محمد بالكلام الفاضي ده .
محمد بتفهم : يا رحمة يا حبيبتي احنا مالنا ازاي بس لو فيه حروب في الدول ده هيأثر علينا جامد اولا فيه ناس هتتشرد والاستيراد والتصدير هيوقف ولو فيه هيبقي ضعيف جدااا وبسعر مضاعف معني كده فيه غلاء اسعار جامد وكمان ...
رحمة بمقاطعة : ايه يا محمد كل ده كبر دماغك ... شوفت اللي حصل جارتي ام علي عارفها انت اتخانقت النهاردة مع البنت رضوي اللي جمبينا بهدلتها عارف السبب ايه .
محمد بغضب : دايما شاغلة بالك بالناس وبس معرفش اتكلم معاكي في موضوع كل حياتنا بقيت عن الناس عملت الجيران قالت وبس بجد انااا تعبت منك ...... تعبت جدااا .
رحمة بصراخ : طبعا مش طايق تسمع صوتي حتي عمرك ما سمعتني هيا كانت جوزاة مهببة من الاول .
عودة من الفلاش باك :.
محمد بسخرية : افتكرتي ولا لسه طيب فاكرة يوم ما جبتلك هدية عيد ميلادك .
فلاش باك :.
محمد بصوت عالي : رحمة يا رحمة .
رحمة بزهق : مالك يا محمد بتزعق ليه كده .
محمد بحب : مفأجاة... شوفي جبتلك ايه هدية عيد ميلادك " كل سنة وانتي طيبة يا حبيبتي ".
رحمة بفرحة: بجد ربنا يخليك ليا وتفتح رحمة الهدية .
رحمة بقرف : ايه ده يا محمد دي هدية دي ايه القرف ده وترمي الهدية في الارض .
محمد بحزن : مالها الهدية يا رحمة انتي عارفه بقالي قد ايه بفكر فيها .
رحمة بزهق : انااا يا محمد جايبلي كتب في طريقة التعامل وكمان كتب تأسيس في الدين الاسلامي ليه شايفني جاهلة... وكمان ايه الدريسات دي من امتي بلبس دريسات انا .
محمد بهدوء : اولا الكتب دي عشان تزود معلوماتك وثقافتك عشان الاولاد بيتعلموا منك لازم يتعلموا صح ... والدريسات دي انا قاصد اجيبها ليكي لان لبس البنطلون ده من زمان مبحبوش وكمان حرام وبعدين انتي مدايقة انك هتلبسي واسع وتبقي محتشمة اوماال انتي عاوزة ايه شوفي حلم اهو صحبتك اتعلمي منها .
رحمة بغضب : حللمم عاوزاني انا ابقي زي حلم واعمل التخلف اللي بتعمله ده انت اكييد اتجننت .
عودة من الفلاش باك :.
محمد بهدوء : انا حاولت معاكي بكل الطرق بس للاسف مفيش فايدة عشان كده اتجوزت واحدة تفهمني وابقي ضامن انها هتعلم اولادي وتربيهم كويس .
رحمة: خليها تنفعك ووعد مني مبقاش انا رحمة لو ما خليتك تندم علي الجوزاة دي .
محمد بهدوء :............
رحمة بغضب : علي جثتي الكلام ده يحصل .
عند شيماء صديقة حلم .
ام شيماء : قومي يا بنتي خدي علاجك .
شيماء بحزن : حاضر يا ماما ... هو احمد مجاش ليه سأل عليا الفترة دي كلها .
الام بكدب : لا سأل وجه كذا مرة وأخد الاولاد معاه عشان ترتاحي شوية منهم .... يلا يا حبيبتي نامي وارتاحي دلوقتي .
وتخرج الام فتري زوجها عبدالله وهو حزين .
عبد الله بلهفة : عاملة ايه دلوقتي .
الام بحزن : خدت العلاج ونامت... هيا هتفضل كده مش هنقولها الحقيقة .
عبد الله بحزن : لا مش دلوقتي لم تتحسن شوية مش هتستحمل اللي حصل ده ربنا يتولانا .
الام بحزن : مش عارفة هقولها ايه ... هقولها جوزك اتجوز وخد العيال دي ممكن تروح فيها .
شيماء بصدمة : اتجوز ......... احمد اتجوز .
- يتبع الفصل التالي اضغط على ( رواية حلم ) اسم الرواية