رواية اسمعني كاملة بقلم فاطمة سالم حصريا علي مدونة دليل الروايات
رواية اسمعني الفصل الرابع 4
سبب ان كتبت قصه هذي عشااان في بنت قصتها نفس قصه مسلسل ..فااا اني بديت بطريقه هذي لكننن الاختلاف موجووود..
......لنبداا
....
الطبع غلاب وللي أصله نظـيف متغيراش الأيام🤎.✌️
.......
-اني نهرت وقعدت نعيط ساعدونااااااا..
بوبكر :بنموتوو حد يساعدنا ياهووو
اني :ليووم ح نموت وح نموت بفضيحه هكي كبرها ..يا متت هنا يا فالحوش
وفجأة يتكسر الباب ..التفتت مصدومه وخايفه..ونلقى راكااان
بوبكر :اطلعي هياا
-خديت الزي احتياطي من الخزنه لبسته وطلعت ..لقيت الكل في ساحه كان اني بس كيف طلعت ..
يقين :ميليسااا
ميليسا بضحكه :عيونها يا عيونييي
يقين : عطيني تليفونييي
ميليسا : تليفون ؟؟ اما تليفون اهاا قصدك تليفونك..يا بناتتت يقين تليفونها راح دوروه
-قعدن يضحكن لبنات
يقين :ميليسااا
ميليسا :اعصاببك حبيبتي ..قوليلي شن نوعه تليفونك باش نعرفوه؟؟...
-يقين نحرجت
:عطيني تليفوني
ميليسا :اااخ اني بنروح.."خدت شنطتها ومشت "
-لحقتها وشديتها من ايدها
:ميليسا هاتي تليفوون احسنلك
ميليسا بهزوه :شن بديري يعنيي
:هاتييي
استاد اكرم :يا طالبات خيركنن
ميليسا :شي استاد نطمن عليها خافت من لحريق
استاد اكرم :ماشيي يومين هذين خدوهن عطله
ميليسا :تمام عن اذنك استاد بنروح
-معاش عرفت كيف ندير ..لباين خلاص ح نموت ليوووم ..روحتتت واني خايففه ..ولو بنقول لاداره شن بنقول ترا ؟..اصلا ح يدافعو عليها لان ميليسا بنت النقيب عاااد ..قعدت كل شوي نشوف للكمبيوتر ..وامي مهناش ..طبعا امي تخدم في لحيشان تنظف وهك باش تحصل ما ناكلو ..
وناخدو في راتب بوي نمشو بيه روحنا ..اما بوي متوفي ..
بقلم فاطمه سالم الورفلي
..........
راكان يدخن ..فتح تليفون وفتح الواتس ..
"لاقيني في اخر الشارع جيهة بيستا"
....
تن تن
:هممم على شن ناوي يا راكان ...
"تمام بعد الغدي"
....
بعد ساعات ..
:شني يا راكان خيرك
راكان :تو قعدت راكان ؟
ميليسا قعدت تشبحله ورافعه حاجبها
راكان :ماشي الحق فيا "وفتح باب السياره وطلع اكياس "
ميليسا لين عيونها ضحكو :حبيبيييي
راكان ضحك
ميليسا بضحكه:ايي هكي انت حبيبي "وخدت لاكياس فيهن هدايا وعطورات "....اييي احكيلي
راكان بخبث :اممم وين تليفون يقين !
ميليسا :اممم "وطلعاته من الشنطه .."..خيره؟
راكان :خلي باقي الشغل عليا تمام "وغمزلها "
ميليسا :تم😚
.....................
-بين ما اني نفكر ..ونحسب في ساعات ..وكل شوي نشوف في الانستا ..جتني رساله
"شنيي يا حلوه تفكري في تليفونك؟"
-اوووف الموضوع تسرب ..مني هدا التانييي
جتني رساله تانيه "لو تبي تليفوني تعالي في الحديقه"
-اووف لا لا مستحيل نمشي ..اكيد هذي من الاعيب الصفرا هذي ميليسا
"تعالي متخافيش "
-اووف لو مشيتش ح ينتشرو الصور ..اصلا شن مزال بيصير بعد هك..لبست طول ..ومشيت للحديقه وحاسه الكل شاف صوري الخوف قاتلنييي ..قعمزت في اول مقعد قابلني ..وبديت نفرك في ايديا ونفكر
:اهلا !
-رفعت راسي ولقيتت راكااان ..شن يبي هدااا
راكان قعمز :كيف حال
يقين تنرفزت :اوووف
راكان :امم حتى اني حمدالله
يقين :شن تبييي
-مدلي ايده شفتلها ولقيت ..
يقين :ليش تبي تساعدني ؟
راكان :خودي تليفونك
يقين :اكيد خديتو صور صح؟
راكان :لا خودي تليفونك ..ومره تانيه معاش تدخلي في شي انتي اكبر منه
-سكتت
راكان :كان بامكاني ان نساعدكش عشان من حقي عاد ليش نساعد وحده تظلم فيا وتبلغ عليا الشرطه
يقين :كملت ؟
راكان :همم هدا واجبي عفوا ..حسيت مواقف زي هك لازم تنشكر "وناض تبعد عني "
-اوووف منين طلعلي هدا من وييين ..فتحت كول تليفوون لقيت صور قاعدات ..وتليفون مش ساخن معناها ما نقربش ..قعدت نشوف في الصور عااار ..فضييحه ..هادو لو ينتشرو نرييح فيها ..العار اطول من العمر ..قعدت نمسح ونبكي ..ونبكي نبكي ليييين عيوني تنفخو ..والله الا ما ندمك يا ميليساا وراكان هدا ح ناخده مكر فيك وكسره خشممم
...................
....
-روحت ..درت بحث على ايميل راكان ..ضفت خواته وعيلته وبنات خاله وخالاته ودنيا كلها ..وعرفت من ايميلاته كلهن عرفت يحب اغاني كامي كازي والراب ومرسكاوي ..وبرجه الحمل ..وقريت على برج الحمل ..وجبت رقمه ..وعيد ميلاده ..وقعدت نهدرز مع خواته..ونديرلهن في تاقاتت
-طحتي في وحده حرررفه يا ميليسااا
.....
"سرااج نبيك تهكرلي "
-بعتت لسراج على واتس ..شوي وشافها طول رد
"مني؟..وحاضر "
بعتله "تو نمر عليك في المحل ونحكيلك "
رد عليا "تم هاتي الايميلات "
-بعتله الايميلات ..وهكييي يا ميليسااا اجلك قرربب ...ح تشوفي مع من تلعبييي
..............
...
صورت الهدايا وسلسله ضوء القمر وقفاطين ..
وكتبت عليهن "الله لا يحرمني منك حبيبي راكان"
And send ..
وبدو الرسايييل والتعليقات بالهببلل
ميليسا :هههه مرجوعك لياا يا راكان
.......
...
-مشيت لسراج في المحل ..وحكيتله كل شي
سراج :ولاد الل... توو نظملك الجوو وتشوفي شن يصير فيهمم
يقين ابتسمت :تماام ..لازم ندمهممم لازم ..
سراج :وبعدين هذا راكان حكايته بسيطه ههه
يقين :لازم نجيب راسه مكره فيها هالصفراا
سراج :ههه تستاااهل
يقين :اييي عطيني سمينسه وشبسات خلي نمشي لي ليلى يناري اكيد مكيده بروحها
سراج :تمام "وحطلي من كل شي في كيس "..هذي هديه مني خودي وعمتي نجيه تو نقوللها لما نجي
يقين :بعتلها رساله ..لكن تمام صحيت
-وطلعت مشيت لي ليلى ..سلمت على حداها وخشيتلها
يقين :كيفوو الحلوو
ليلى :اووف تعبت من العلاج تعرفي
-كلمات ليلى هادو وتعبها خلانيي نزيد اصرار على انتقامي
يقين :ياعمررري هااانت والله ..وشوفي شن جبتلك كل ما يحببه قلبك
ليلى :ههههه ياعمري سلمها هاتي هاتي اصلا خاطري فيهم
يقين :ههههه اييي احكيلي كيفو القمر شجو
ليلى :كساد والله الحكايه عندك احكيلي على المدرسه
يقين :اخيي بلاكك ..هيا هي عارفتك قويه نوضيلنا وخلي نمشو جميع للمدرسه ونرجعو لهبالنا😂
ليلى :اييي ان شاء الله...تعرفي سخفتني عيوش بوها بطلها وقعدت تبيع في لحار مع مركز
يقين :الله؟
ليلى :هكي قالت جداي
-وقعدنا نهدرزو ونتفرجو على فيلم تايتانيك
..بس حاسه بي ليلى ابصر كيف متغيره ..لكن مابيتش نضغط عليها بأسئله وروحت ..هدرزت مع امي شوي ورقدت
........
ليوم تعلمت ان لازززم ما نخليش شي يأثر فيا ولاازمم نلقى ليه حلل احسن من لبكاء ..
.....
تاني يوم ..
نضت على اتصالات وتهديدات من راكان
"الحق فيا لي ساعدتك "
"تو نوريييك تلعب بالنار راهي تحرقك "
"الحق مش فيك تو توو تشوفيي "
-قلبي قعد يدق بقوه ..شفت الانستا ولقيت ميليسا منزله صور ..شفت تعليقات لقيت تعليق مكتوب فيه "ديرو شن تبو يا كمشه مج..ارم شكلكم نسيتو حق ليلى"
-تو يحاسبني اني هدااا خيره المريضضض ...اوووف لبست الزي واني خايفه ..المدرسه قعدتلي كابووس ..ومشيت بلا فطور من الخوف ..لقيت الكل يشبحلي ..شوي وحد نخصني "
-التفت بخوف
:انتي تبي تم..وتي ولا شني؟
يقين:انت شن قاعد تقول؟
راكان :شن تهددي ولا شن شن تعليق لي دايرتيه
يقين :اني مادرت شي حل مشاكلك بعيد عنيي
راكان :امم تو نشوفو لكن لو طلعتي وراه ما تلومي الا نفسك "ومشي "
-شن هالمتخلف هداا..مش عارفه من وين يطلعلي وفجأة يختفي كيف الج..ن
.......
راكان :مش هي وراه الموضوع
نزار :وشن يخليك متأكد ؟
راكان :اني عارف
ميليسا :مهما كان يكون لازززم نعرفوه ولازم يتربى
راكان :ديرو رايكم اني بنمشي
نزار خلاه لين يمشي وقال :هدا يتستر عليها
ميليسا :لازم نقرص ودنها من جديد هذي
نزار : شن بديري
ميليسا :خليها عليا
-جيداء تمشي للبنات وتعزم على عيد ميلادها
ميليسا :جيجي
جيداء :همم شن تبي دام قلتي جيجي وراك شي
ميليسا: الله على الحب لي يفهمني
جيداء :اختصري
ميليسا :اعزمي يقين
جيداء :ناقصنييي خمج خيرك ميليسا لاباس
ميليسا :اعزميهاا بس عندي موضوع معاها
جيداء :ميليسااا
ميليسا :على خاطري جيجي حبيي
جيداء :اوووف بااه
-ومشت بالفعل عزمتتني
...........
جيداء ما دارتلي شي الحق ..فا قلت خلي نمشي كساد كساد وماما اشبح لعند وين تروح وليوم مافيش افلام لا مسلسلات نكسد عليهم ملل بكل ....فا لما روحت من المدرسه ..استغربت ما صار شي ..وتيت روحي واتصلت بي ماما ما وافقت لين خليني ونخليك ..ومشيت بعد العصر ..
يا ويلييي حوشها ما هو حوش قصررر..يخي قصر ظلم فيه ..يهبببل خدم وحشم يهبببل ...بس واني خاشه لقيت مااما ..اووووف عليك بختت ..وليت على وراي بنروح
:يقيننن
-اووف شافتني جيداء ووك ..
يقين :اهلا جيداء كل عام وانتي بخير وعقبال الف شمعه يارب
جيداء:اهلا بيك تفضلي خشي
-خشيت بدو الناس تخش وخشت ميليسا ودنيا زحمت بككل ..
جيداء :تعرفي يا ميليسا الخدامه لي جبتيها تهببل ساعدتني في عيد ميلادي كل شي نسقاته ماما من مبكري تشكر فيها
ميليسا :سلمك سلمك
جيداء :عطيني رقمها باش نتعاملو معاها ..تنظف الله يبارك باش كل ما نستحقوها نكلموها
ميليسا :عيب منك عرفتيهاش معقوله ؟
جيداء :مني؟
ميليسا بصوت عالي:هذي ام يقين كيف عرفتيهاش
-الكل قعد يضحك ويتهزا ...موقققف باايييخ بكل
هيفاء :صارلنا هبوووط وين الغداء يا يقين
-كلهم قعدو يضحكو
ميليسا :اي كلمي امك وعاونيها
اني:.
- يتبع الفصل التالي اضغط على ( رواية اسمعني ) اسم الرواية