رواية اسمعني كاملة بقلم فاطمة سالم حصريا علي مدونة دليل الروايات
رواية اسمعني الفصل الثاني 2
-يقين ..حبيب امه شن هالمخلوق ..غمتلي بككل ...طلعت من المدرسه نجري وهم كلهم يضاحكو..فجأة لقيت نفس السياره لي خبطت ليلى..نصدمت ..مشيت نجري جيهتها نتفحص فيها بعيوني مش مصدقه ..بس لقيت رقم الطارقه مش نفسها وفي اختلاف عنها ..شوي سمعت صوت وراي
:تحسابيني اني لي درت الحادث معاكم صح!
-يقين نصدمت والتفتت وراي
كاران :اطمني مش اني ..
-مشيت خشيت للمدرسه واني مستهزبه ...اووف ح نكشف روحي بتصرفاتي العبيطه ..شوي واني خاشه سحبتني ايد
:شني يا حلوه على شن ادوري "بصوت هادئ"
-رفعت راسي خايفه ..لقيت نزار مصكرلي فمي بايده وجيهتي واقف ..قلبي قعد يدق من الخوف
نزار :جايه تجسسي ولا تقري انتي!
-اني بلعت ريقي
:وانت شن دخلك نزار؟..انت جاي تقرا ولا تجسس على طلبه!؟
نزار تبعد عني خاف :ههه نبصر معاها خيرك ميليسا
ميليسا ابتسمت :هممم من امتى هادلاله مش كأنه مزال "وضرباته كف "
-التفتت لي شدتني من ايدي
ميليسا :اهلا كيف حال
يقين خايفه :ح حمدالله
ميليسا مبتسمه :هممم تعالي تأخرنا على الدرس
-وطلعت اني وياها ..واني مصدومه ..هدا من اول يوم وهك ..شن هالبشر المتعجرف ..
ميليسا وقفت قعدت تواسي في شعري ..وفكت توكه منها ولبستهولي
يقين :بس اني منحبش ناخد حاجات زي هك
ميليسا :همم بس بدون زعل شعرك بايخ ..اظن كان تخلي توكه خير ..دايره لقطه يعني
يقين ترددت :همم اوك
ميليسا بأبتسامه:تعالي للفصل
-مشينا اني وياها للفصل ..وقعدت حايره وين نقعمز
ميليسا :من ليوم هدا مكانك جنبي
-يقين ابتسمت ..وحطيت شنطتي على المقعد ..وقعدت ندور في عويشه وبوبكر وين مقعمزين ..لقيتهم قريبين مني بس مش هلبا
-وشوي وخش استاد ..اظن انه استاد الادب ..عشان شاد كتاب الادب
استاد :السلام عليكم...اني استادكم الجديد سليم بندر ..ح نقريكم في ماده الادب ...الأدب هو أحد أشكال التعبير الإنساني عن مجمل عواطف الإنسان وأفكاره وخواطره وهواجسه بأرقى الأساليب الكتابية التي تتنوع من النثر إلى النثر المنظوم إلى الشعر الموزون لتفتح للإنسان أبواب القدرة للتعبير عما لا يمكن أن يعبر عنه بأسلوب آخر
واما توا نبي كل حد منكم يكتب تعبير ارتجالي ..على موضوع الندم ..
-يقين ..جي على الجرح..اخخ واخيرا شي يفتح النفس في هالمدرسه ..
طلعت ورقه ..ونغمست فيها ..وقعدت نكتب بجميع حواسي وهواجسي ..
بمجرد ما كملت ..كمل وقت الحصه
وبما انه اول يوم قالولنا اطلعو للاستراحه..
خديت ادواتي وطلعت ..لقيت كاران قدامي فاتح الخزنه متاعه..انتابني الفضول ..جيت وراه
وننلققى نفس قناع المهرجج!؟؟؟
لاعااد شن هالصدفه ..كان قلبيي حاس انه هو ..كنت حااسه..
ومن بين الصراع داخلي لا اراديا قلت ..
يقين :انت!؟
-رجف بمجرد سمع صوتي ..وصكر الخزنه ..والتفت لي ..
كاران :شن قصدك؟؟
-بلعت ريقي ..وهزيت راسي ..خاايفه..سرعت خطواتي ..وهو وراي ..قعدت نمشي بسرعه ..لعند ما طلعت من المدرسه بدون ما نحس ..نبي نطلع نهرب من هالمكان..الطريق زحمه بكل ..قعدت نشير بيدي محدش يبي يوقف
يقين :شن هالحظظ ...بسرعه بسرعه ح يق...تلوني ولا يديرو فيا مصيبه ..شن هالبليي اوقفووو
-قعدت نشير ونتلفت ..لين طاحت عيني على ..كارااانن...واقف بين السيارات بسيارته المشؤومه يشوفليي ...اووووف ..خلي ندير روحي عاديه هدا يراقب فيا ..نفضحت نفضحتتت ..مشيت درت روحي عاديه ..وقلبي يدق بسرعه ..
شوي وسمعت تبيب ..اخيراا الفرج جي ..التفت بنركب في تاكسي ..لقيته ...كارااانن...اووف شن هالمصيبه لاحقنيي
كاران :اركبببي
-اني كملت مشي ودورتاش
كاران يلحق فيا بسياره :اركبيي خيرك خايفه
يقين :مش خايفه ..من شن بنخاف منك انت مثلا !؟
كاران :تمام يا بطله اركبيي
"سكت شوي وقال"
لو مش خايفه اركبي !؟..بنوصلك للحوش بس
-اوووف هدا مش ح يخليني في حالي لين نركب ..ياارب يستر الله ياارب ..تعفلقت ..وفتحت باب السياره وركبت ..
يقين :ارتحت هكيي؟..هي يمينك ارفعني للحوش
-قعد يسوق وساكت مردش عليا
يقين :نكلم فيك؟
-مردش عليا ..وسكوته هدا زااد خوفنيي ...اوووف هدا شنييي ..شن درت في روحيي بسس ..وشوي ولقيته مغير اتجاه الطريق ..لااا هدا خييره..اني لازم نبينش خوفي لانه لو عرف اني خايفه ابصر شن ح يدير
يقين :احمم الطريق هدا مش طريق حوشنا ره؟
-ماردش عليا
يقين :نكلم فيك!؟
كاران :ح تعرفي وين ماشيين اسكتي ..وصلنا
-وشويي ونزل ..لقيته واقف على كافي
يقين :مش على اساس بتوصلني لحوشنا !؟
كاران :انزلي شوي ..أساسا باين انك مش وأكله شي وخايفه صح !؟ "قالها بهزوه ..وكمل "... انزلي وح نوصلك بعدين للحوش
-اوووف نبي نفهم من داعي عليا في هالصبح بسس ..نزلت واني ساكته ..وخش قدامي هو للكافي لحقته ..قعمزنا في طاوله ..
يقين :ايي وبعدين
راكان :شن تشربي
يقين :مانبيش منك شي ..اختصر شن تبي!؟
راكان :هازال !؟
-جت وحده مبتسمه ..مألوفه ليا شايفتها ..اهاا هذيي تقرا معانا!؟..
هازال :اهلا نورتونا "وعيونها على راكان "..همم شن تحبو تشربو
راكان ابتسم :بوجودك يا قدر ..على ذوقك جيبيلنا
هازال :تمامم والله في عصير مانجا لي يحبه قلبك ..من حظك عاد
راكان :ههه تسلميي..
هازال :اييي "وشبحتلي "..يقين صح!!
يقين :ايي
هازال :امم تعالي شوي نبيك في حاجه
راكان استغرب :لو في شي نساعدك اني!؟
هازال :هههه لالا ارتاح ارتاح حاجه هكي بينا احني لبنات
-راكان هز راسه وسكت
-مشيت معاها اني ومستغربه ..لين وقفنا على طاوله كاشير ..
هازال :نصيحه ردي بالك من راكان ..ح يحسسك انك مهمه عنده لعند تتعلقي بيه ويفوتك
يقين :شن تقولي انتي؟..بعدين اني مش متاع الجو هدا
هازال ابتسمت :ايي فاهمه ..لكن قلت نوقضك افضل!
-هزيت راسي وابتسمت :تمام شكرا ..
هازال :تقدري تمشي توا
-مشيت وخليتها ..وقعمزت في مكاني الاول ..
واني نفكر في كلام هازال ..وراكان مستغرب فيا كيف مشيت وجيت فيسع و وجهي متغير ..
..........
...
هممم ياعيني من اول يوم مواعيد يا يقين
خلي نصورك ونبعتك للست ميليسا خلي تشوف
-ثبت كاميرا تليفون ..وصور
And send
.....
في المدرسه ..
بعد الاستراحه ..
في حصه كيمياء ..
.....
سرحانه...
مَعاش متخيلة حياتي مِن غيرك ياراكان، مِن غير مَانزعل وترضيني ضحكتك، مِن غير مَانقلق ونجي نقولك شن صاير معاك، مِن غير مَانخاف ونجي نحكيلك، مِن غير مَانبكي ونجي نشكيلك، مِن غير مَانفرح ونجي مِن فرحتي نقسملك ..معاش في حد غيرك يا راكان ..انت حياتي كلها بعد امي توفت
مَعاش متخيلة أيام مَافيهمش إنت، وساعات قبل لا نرقد مَانقولكش فِيهم نحِبك، ولحظات مُميزة مَانشاركهمش مَعاك، وذكريات حلوة مَاتكونش برفقتك ..
مَعاش متخيلة وقتي بدونك ...وإنت مرة فرحان ومرة خايف ومرة مرتاح ومرة خاطرك تحكي ومرة متوتر ومرة قالق ومرة تضحك ومرة ساكت ومرة راضي ومرة مِن المسافات زعلان ..مركزه على كل تفاصيلك حافظتهم....اللي لما تتوتر تبدا اطربق في صوابعك
مَعاش متخيلة نكون بروحي، بعد مَابديت إنت روحي ..مش متقبله فكره انفصالنا..
مشكله بعد تجي عيني في عينك ما نقدرش نقولك ولا حرف من هالكلام ..بس ياريت تفهم من الأفعال..لي مهما صديتني نرجعلك
.........
تن تن
صوت رساله قطع حبل افكارها
رفعت حاجبها بإستغراب ..ورفعت تليفون ..
-تم ارسال صوره بواسطه majhool
فتحت على صوره ..
لقيييت راكان ويقين مع بعض في كافي لاتي..لقيت حب عمري مع غيري ..ومنييي يقين ..شن لي فيها زايد عني؟؟..شن لي فيها مش فيا!!!
رويدا :ميليسا ..خير وجهك اصفر
-دموع في عيوني ..وريتلها صوره
رويدا شهقت ..
...............
....
عند يقين :
-اوووف اني لازم نوض ..خلاص سايرته هدا بما فيه الكفايه ..
راكان :اييي قوليلي وين كنتي تبي تمشي ..شنيي تبي تبلغي عليا لمجرد شفتي القناع؟!
-همم وكيف تعرف انت ان هدا القناع نفسه ؟؟..اني لاززم نبلغ
يقين :لاا ابدا ..مريضه ونبي نروح ..وعن اذنك توا بنروح
-خديت شنطتي بدون ما خليته يتكلم ..ونضت ..نجري ..ومشيت طول للمخفر.....
:وين ضابط مخلوف !؟؟
ضابط :تلقيه لوطا
-نزلت تحت مقر ..
يقين :مخلوف اسمعنيي..هالمره لازم تسمعني ..اني من ضمن طلاب المنحه متاع مدرسه ...وليوم شفت قناع في خزنه واحد من طلبه ..اسمه راكان ..راكان غناي ..
مخلوف: اهديي اهدييي ..انتي عارفه شن قاعده تقولي ولا؟؟
يقين داهشه :اييي وعارفه كويسسس
مخلوف :تمام تمام ح نعرف شن ندير ..انتي توا روحي للحوش ..
يقين :نعبى عليك
مخلوف :هدا شغلي يقين ..خلاص تمام
يقين :شكرا ..
مخلوف :بس انتي متأكده ؟
يقين :اي اي متأكده والله
مخلوف :تمام تمام روحي خلاص "ورشف من القهوه ويفكر "
-طلعت واني حاسه اني درت انجاز حاسه بشعور حلوو ..اخخ ليلى واخيرا حقك ح تاخديه ..روحت للحوش واني في قمه فرحي
...........
..............
بعد ساعات ...
طق طق طق
رضا :في حد جايكم!
عزيز وراكان :لا
رضا :تمام تمام ..زليخه افتحي الباب
شوي وانفتح الباب ..
:هدا حوش راكان رضا!؟
زليخه :اي يا حضره ضابط
مخلوف :موجود راكان !؟
زليخه :اي موجود
رضا :مني على باب يا زليخه
زليخه :حضره يا ضابط يا استاد رضا
رضا ناض :تفضل تفضل يا ضابط مخلوف ..بشن نساعدوك ؟
مخلوف :في شكوى بخصوص ولدك راكان يا استاد رضا ..من ناحيه حادث لي صار
رضا :ولدي؟...راكان !
مخلوف :اي استاد رضا ولدك راكان
رضا :تمام تمام مافيش مشكله ...راكااان ..تعال ..وتفضل يا حضره ضابط شوف شغلك
مخلوف :لا ح نسأله كم سؤال ..
رضا :تمام تمام ما فيش باس ...تفضل تفضل ..راكان احكي لضابط مخلوف لو في شي احكيه..ممكن يساعده ..عاد اني في خدمه شرطه..ولي صار لي بنتنا ليلى يحزن والله وكلنا ودنا ان المتهم ياخد حقه على فعلته لي دارها
مخلوف :تمام بارك الله فيك يا استاد رضا
راكان هز راسه : تفضل حضره ضابط معاي ..
...
-خشو هم الاثنين للمربوعه ..
مخلوف :ايي يا راكان ..في حد شاهد عيان .. شاف قناع لي شافوه على المتهم صاحب سياره ..عندك في خزنه مدرسه
راكان : ايي ؟
مخلوف :ايي انت عارف شن معناه هدا ؟
راكان يطربق في صوابعه :وانت عارف بشن قاعد تتهم فيا؟
مخلوف: وشن يدير القناع عندك؟
راكان :اني ملياش علاقه بشي ..وزيي زيكم مصدوم
مخلوف :بس الخزنه خزنتك ؟
راكان :ساهل فتحها ؟..وتقدر تفتش الحوش ولو لقيت شي تفضل ..
مخلوف :امم لو عندك شي قوله راكان لان توا الشرطه في المدرسه وح تفتش خزنتك
راكان :اني ملياش علاقه بشي
مخلوف :تماام شكرا ..ولو عندك شي تقدر أضيفه لاقوالك
-راكان هز راسه
-طلع مخلوف ..
رضا :شني راكان ساعدت حضرة ضابط مخلوف
مخلوف :تمام شكرا استاد رضا
........
وبالفعل في هذي لحظات ..
شرطه كانت في المدرسه ...
اكرم :تفضلو فتشو ..
-ضربت قفل بي حديده ..ونفتحت الخزنه و......
- يتبع الفصل التالي اضغط على ( رواية اسمعني ) اسم الرواية