رواية احببت شخصا مجهولا الفصل السابع بقلم فرح
رواية احببت شخصا مجهولا الفصل السابع
العريس: مش يمكن انا اطلع احلي من السجاده يا ست الحُسن
فريده بصدمه: انت 😳
العريس بضحك: ايوا انا هاا حابه تسأليني عن ايه بقا يا ست الحُسن
فريده لسه فاتحه بوقها و في صدمتها
العريس بضحك: يابنتي اقفلي بوقك الدبان 😂
فريده بتوتر و كسوف نزلت وشها في الارض
العريس: هاا حابه تسأليني عن ايه؟
فريده: بتصلي؟
العريس: الحمدلله و كله في الجامع و حافظ القران كلهم
فريده بكسوف: مشاءالله
قامت وقفت و قالت ردي هيوصلك مع بابا
رد قالها هتوافقي ان شاءلله انا متاكد
قالت فريده: و ليه واثق كده
رد قالها: بعدين هتعرفي يا فري
سابته فريده و دخلت اوضتها و قفلت عليها بسرعه و قلبها بيدق جامد و مصدومه ان هو المجهول
قامت اتوضت و صلت استخاره و حست براحه كبيره كانت عايزه تروح تقول ل باباها انها موافقه دلوقت من الفرحه و الراحه اللي هيا فيها
خلصت صلاه و مسكت تليفونها و رنت علي سلمي
فريده: الوو سلام عليكم
سلمي: و عليكم السلام
هاا عملتي اي مع العريس
فريده: سلمي انتي مش هتصدقي مين العريس
سلمي: مين يا بت
فريده: المجهول
سلمي: والله قولي انك بتهزري لا لا عااااا احكي بسرعه كل حرف و كل كلمه بسررررررعه
فريده بضحك: اهدي اهدي يا هبله هحكيلك
حكت فريده لِ سلمي كل حاجه
فريده: و بس يا ستي
سلمي: انتي مرتاحه
فريده: جدا جدا جدا يا سلمي
سلمي بهزار: عشت و شوفتك واقع يا معلم 😂
فريده بكسوف: بت اخرسي و يلا هروح انام
سلمي: تنامي برضو 🙂😂
فريده بضحك: ايوا يلا يا هبله سلام
سلمي: سلام
قعدت تفكر قد ايه ربنا رحيم بيها مخلهاش تتعلق بحاجه مش من نصيبها لحد ما نامت
قامت الصبح اتوضت و صلت فرضها و سلمت علي والدتها و نزلت الجامعه قابلتها سلمي و حضنتها و هي فرحانه ليها و فرحانه علي فرحتها و دخلو محاضرتهم و اليوم خلص و و كل واحده راحت علي بيتها
دخلت اوضتها و اتوضت و صلت و خلصت صلاه لقت باباها بيخبط علي اوضتها
فريده: اتفضل يا بابا
باباها: حبيبتي فكرتي في موضوع العريس
فريده بكسوف: ايوا فكرت يا بابا
باباها: و ردك ايه يا حبيبت بابا
فريده بكسوف: اللي حضرتك تشوفه يا بابا
باباها بضحك وحضنها: يبقي علي البركه يا حبيبت قلبي هسيبك بقا علشان تنامي و انا هبلغهم الصبح
فريده: ماشي يا حبيبي تصبح علي جنه
باباها: وانتي من اهلها يا حبيبتي
طلع باباها و نامت فريده
قامت ولقت..
- تابع الفصل التالي عبر الرابط:"رواية احببت شخصا مجهولا"اضغط علي اسم الرواية