رواية احببت شخصا مجهولا الفصل الخامس عشر 15 - بقلم فرح

الصفحة الرئيسية

رواية احببت شخصا مجهولا الفصل الخامس عشر 15 بقلم  فرح

رواية احببت شخصا مجهولا الفصل الخامس عشر 15

خلصو اكل و فريده قامت عملت شاي بالنعناع 

و قعدو يهزرو و يضحك لحد ما الوقت اتأخر و استأذن محمد انه يمشي 

قامو يوصلوه و فريده استأذنت والدها تنزل معاه تحت 

محمد: اطلعي يا فري يلا 

فريده: حاضر طمني لما توصل 

محمد بحب: حاضر يا حبيبي يلا باي

فريده:  باي

وطلعت و هو مشي 

دخلت اوضتها اتوضت و صلت القيام و قرات وِردها لحد ما هو رن 

محمد: الوو ايوا يا حبيبي انا وصلت 

فريده: ماشي 

محمد: بتعملي حاجه 

فريده: لا كنت بصلي و خلصت 

محمد: حرما يا حبيبي 

فريده بكسوف: جمعا ان شاءلله 

محمد: احم فريده كنت عايز اطلب منك طلب 

فريده: نعم 

محمد: عايز اتفق مع والدك علي معاد الفرح

فريده بتوتر: لا طبعا لسه بدري 

محمد: بدري ليه يا فريده 

فريده بصوت عالي نسيبا: محمد انت عملت كتب الكتاب من غير رأيي انا عايزه اجهز كل حاجتي براحه و علي مهلي 

محمد بحزن بان من صوته: تمام يا فريده انا هقفل تصبحي علي خير 

فريده لسه هتتكلم لقاته قفل 

فريده بضيق: اوف صوتي كان عالي ايه ياربي ده 

و بعدين يقفل في وشي ماشي يا محمد

و بعدين نامت و هي مضايقه قامت الصبح مكنش عندها كليه ملقتوش رن عليها ولا باعت رساله حتي اضايقت انه اتجاهلها قامت اتوضت و صلت و طلعت بره قعدت معاهم كلهم لاحظو انها قاعده سرحانه ف باباها قالها: مالك يا فري في ايه 

مردتش و كانت سرحانه نده عليها تاني 

فريده يا فري 

فريده: نعم يا بابا بتنادي 

باباها: مالك مش معانا خالص 

فريده: لا مفيش حاجه 

سليم: اللي واخد عقلك يتهني بيه 😂

فريده بكسوف: يا بابا خليه يسكت 

باباها بضحك: اسكت يا واد 

سليم بضحك: حاضر يا بابا 

فريده: هقوم احضر الاكل مع معايا 

قامت حضرتك الاكل و كلو 

فريده بغيظ: هو هيبتديها من الاول خصام عاااا منك لله يا محمد 

اليوم خلص و هو مرنش ولا بعت رساله حتي 

باليل باباها خبط 

فريده: اتفضل يا بابا 

باباها:  حبيبتي مالك انتي شكلك مش عاجبني النهارده 

فريده: مفيش حاجه يا بابا 

باباها بحنان: هتخبي عني 

فريده حكت ليه كل حاجه و كلامها مع محمد 

باباها: علي فكره انتي غلطانه هو كان بيتناقش بس و كمان مستنياه هو يرن 

فريده: يا بابا انا مكنش قصدي 

باباها: يبقي ترني عليه انتي و تكلميه انا عارف انك مش بتعتذري بس علي الاقل كلميه 

فريده بتنهيده: حاضر يا بابا 

باباها: يلا انا هطلع و انتي كلميه تصبحي على جنه 

فريده: و انت من اهلها يا حبيبي 

باباها طلع و هي فضلت تفكر ترن تقوله ايه 

رنت كام مره و هو مردش عليها 

فريده في نفسها: اوف تلاقيه مش راضي يرد 

رنت مره كمان مامته هي اللي ردت 

مامت محمد: اذيك يا حبيبتي عامله ايه 

فريده: بخير يا طنط الحمدلله حضرتك عامله اي 

مامته:  بخير الحمدلله يا حبيبتي عايزه محمد؟ 

فريده بكسوف: احم ايوا هو مكلمنيش طول النهار 

مامته: والله يا حبيبتي كان تعبان طول النهار و مراحش الشغل ولا قام من علي السرير 

فريده بخضه: ماله يا طنط

مامته: اهدي يا حبيبتي هو اخد العلاج و كويس شويه 

فريده: معلش يا طنط ينفع اكلمه 

مامته: ايوا يا حبيبتي دقيقه ادخله التليفون 

فريده: ماشي يا طنط

مامته قومته من النوم و اداته الفون 

محمد بتعب: الوو 

فريده بخضه من صوته: مالك في ايه حصل ايه انت كنت كويس امبارح 

محمد: انا كويس متقلقيش 

فريده بحزن: هو ده بسببي بسبب اننا اتخانقنا امبارح 

محمد: لا انا واخد دور برد والله 

فريده بحزن: طيب الف سلامه عليك 

محمد: الله يسلمك يا حبيبتي 

فريده: مش هطول عليك علشان صوتك تعبان 

محمد:لا يا حبيبتي عادي ولا يهمك انا كويس 

فريده: طاب اشرب حاجه سخنه و نام 

محمد: ماشي يا حبيبتي 

فريده: هقفل انا تصبح على جنه 

محمد: وانتي من اهلها يا حبيبي 

وقفلو 

الصبح 

فريده:.. 


رواية احببت شخصا مجهولا الفصل الخامس عشر 15 - بقلم  فرح
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent