رواية حب جامعي الفصل الاول بقلم نوجا وروما
رواية حب جامعي الفصل الاول
بتبدأ روايتنا بالبطله وهي صاحيه متأخره علي الجامعه
زينه. يالهوي هتروح عليا المحاضره الساعه ٨.٣٠ هلحق أعملهم الفطار ولا البس ولا اروح ادور علي مواصله توديني الجامعه يارب ساعدني وبدات تقوم من سريرها تجري
سامر. ابن عم زينه والوحيد اللي بيحبها زي اخته وديما بيساعدها بس مامته ليها رأي تاني هنعرفه بعدين
سامر. أهدي أهدي مالك بتجري لي كدا رايحه الجامعه
زينه . بتتكلم بسرعه لسه هجهز فطار والبس واروح ادور علي مواصله توديني الجامعه
سامر. طب اهدي روحي بس البسي وانا هحضر الفطار واوصلك معايا للجامعه
زينه . بس بس مرات عمي لو صحيت هتبهدلني
سامر. زينه انتي مش خدامه هنا انتي اختنا روحي البسي وانا هجهز الفطار لحد ما تخلصي
زينه . انا مش عارفه اشكرك ازاي ي سامر ربنا يخليك ليا
راح تلبس ولبست فستان بسيط ازرق وعليه خمار ابيض وشوز ابيض قديم الي حد ما وشنطه بيضاء وحطت ملمع شفايف وطلعت تجري وكانت زي القمر في الوقت دا صحيت مرات عمها
هدي. رايحه فين ي شملوله بالشياكه دي لحسن تكوني رايحه تجيبي عريس ولا حاجه اخلعي ياختي ويلا علي المطبخ مفيش خروج
زينه. ي مرات عمي انا رايحه الجامعه الترم بدا من اسبوعين وانتي كل يوم تمنعيني انزل وبدات تعيط زينه في تالته طب بشري
هدي. ومفيش جامعه تاني انتي هتقعدي تخدمينا ولا كمان هنصرف عليكي اخلصي ي بنت انتي هتقعدي تجادلي فيا
سامر. بس ي ماما زينه هتروح الجامعه وانا هوصلها ومش هتمنعيها تاني من جامعتها
هدي. ولاه انت بتكسر كلامي
سامر. اه ياما بكسر كلامك طالما ابويا مش قارد يمنعك من اللي بتعمليه في بنت اخوه اليتيمه
عبد الغفار. سيبي البنت تروح كليتها ي هدي وعدي يومك عشان مخليش يومك مش معدي خد بنت عمك وامشي ي سامر ووصلها كل يوم
سامر. ماشي ي بابا يلا ي زينه وخدي الساندوتش دا عشان انتي مفطرتيش
زينه. بس انا مش جعانه ي سامر ويلا عشان اتاخرت علي المحاضره مشيوا سامر وزينه وسابوا هدي بتغلي
في مكان تاني خالص
بيصحي عمر من النوم علي صوت والده
محمد العدلي اكبر رجل اعمال في الشرق الاوسط وصاحب الجامعه اللي عمر فيها ملتزم جدا بمواعيده وصارم جدا في التعليم بس عمرر ابنه عكسه تماما
احمد صاحب عمر وابن صاحب محمد والد عمر عايش معاهم من ايام ما كان عنده شهر بسبب ان امه وابوه اتوفوا وهما راجعين من شغل ووالده عمر اخدته وربته معاه ومفيش فرق بينه وبين عمر خالص
احمد.. سيبك منه ي بابا انا هطلع اصحيه احنا اتعودنا علي عمر اصل وضحك وسابه وطلع
محمد . ربنا يبارك فيك يابني والله لولاك مكنش عمر اصلا دخل طب ديما تشجعه علي المذاكره وواخد بالك منه زي ما يكون ابنك
احمد. دخل علي عمر لقيه نايم عريان الصدر وفاتح التكييف وحاطط هدفون علي ودانه فبالتالي مكنش سامع صوت والده
احمد. عمرررررررر بعد ما شال الهيد فون
عمر. اي في اي مين مات حد والد اي بيغرق وقام يجري في الاوضه واحمد واقع علي الارض من الضحك
احمد. شكلك مسخره والله وكمل ضحك
عمر. والله ما هسيبك واحمد قام جري وعمر اخدها جري وراه احمد راح استخبي ورا ياسمين اللي هي والده عمر
احمد. ماما بالله تحوشيه عني بابا اللي قال اطلع اصحيه
ياسمين.. إياك ي عمر تقرب من ابني حبيبي واخدت احمد في حضنها واحمد طلع لسانه لعمر
عمر.. بقا كدا ي ست ماما هو ابنك حبيبك وانا ابن الجيران
ياسمين . اخدت الاتنين في حضنها انتوا الاتنين ولادي حبايبي ربنا ما يحرمني منكوا يلا روحوا افطروا والبسوا عشان الجامعه مشوا الاتنين في مناكفات وهزار ولبسوا ونزلوا الجامعه
عند الجامعه نزلت زينه من ورا سامر وطلعت جري عشان تلحق المحاضره بس وهي بتجري كان في عربيه هتخبطها
الشب مش تفتحي ي عميه
ي تري اي هيحصل في حلقه بكرا
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية حب جامعي" اضغط على اسم الرواية