رواية أسيرة ظنوني الفصل الثاني بقلم رحمة جمال
رواية أسيرة ظنوني الفصل الثاني
ليان :عاااااااااااااااااه عفريت
كل الناس اللى فى الكافتريا بصولها مرة واحدة باستغراب
ليان اتكسفت من الناس اللى بتبص عليها : اسف يا جماعة على الازعاج
وراحت رجعت الكرسى الوقع مكانه و قعدت عليه تانى و بصت لكارمن بغيظ
كارمن راحت رافعت ايدها كعلامة استسلام :برئ يا بيه
ليان ضحكت على طريقة صاحبتها :مالك قالبتى على عمر ليه انتى كنتى معه صح
كارمن ضاحكه: بصراحة ايوة
ليان: لو جويلية كانت قاعدة كانت قالتلك واو ادائك تحفة ادائك يجنن (وراحت حاطة ايدها على بوئها او فمها زى جويلية)
كارمن ضاحكة :لا لو كانت نورين كانت قالت الله عليك يا وحش ادائك عسل يا مزة (وراحت غمزة فى نهاية الجملة زى نورين)
ليان ضاحكة : عندك حق والله اموت و اعرف الاتنين دول صحاب لدرجة دى ازاى
كارمن ضاحكه: لا والاغرب انهم بيفهموا بعض باشارة و علشان كدا داخلوا مع بعض نفس الكليه علشان يبقوا مع بعض مع ان جويلية كانت عايزة تدخل معهد التمثيل و مع ذلك داخلت معها كليه اعلام
ليان:ايوة بس متنسيش ان بابها برضو ضغط عليها علشان متدخلش معهد التمثيل
كارمن و هى بتفتكر اللى حصل: و وقتها اجتمعنا كلنا و جميلة اقنعتها انها تدخل اعلام مع نورين و تبقى كده داخلت كليه زى ما بابها عايز و فى نفس الوقت تبقى مع صاحبتها و بعدها تدخل معهد التمثيل او تدور على اى ورشة تمثيل
ليان كملت اللى حصل وقتها :و نورين راحت طبطبت على كتفها و مسكت ايدها و قالتلها و انا معاكى حتى لو متقبلتيش فى معهد التمثيل هندور معاكى كلنا على وارش تمثيل و انا هبقى معاكى فى كل خطوة و متقلقيش هتحقيقى حلمك و لما نورين لقت جويلية قاعدة تبكى راحت مسحت دموعها بايدها و قالتلها بطلى تبكى بقى يا بت و بطلى محن
ليان دمعت لما افتكرت : و قتها كلنا ضحكنا على نورين و جويلية راحت ضربتها فى كتفها و بعد كده كلنا قامنا حضنا بعض
كارمن هى التانية دموعها نزلت راحت مسحها بسرعة : يالهوى قعدنا نسترجع الذكريات و نسينا الامتحان و الدكتور الملزق ده شكله هيسقطنا
ليان راحت غمزلتها و ضربت كتفها فى كتف كارمن : متقلقيش انتى بالذات مستحيل يسقطك و هو اصلا معجب بيكى يا جميل
كارمن ضاحكه: مالك قالبتى على عمر ليه كدا
ليان ضاحكه: الله مش بشوفه كتير و باقعد معه لما بروح عندكم
كارمن ضاحكه: ماشى بس خفى من قاعدتك معه بدل ما يخرب اخلاقك و انتى بسكوته و حلوة كده الا قوليلى صح انتى عارفتى من فين ان الدكتور معجب بيا
ليان بستغراب:ايه ده انتى ماختيش بالك من نظراته ليكى ده الدفعة كلها اخدت بالها
كارمن: ما انا اخدت بالى من نظراته ليا بس طنشت المهم سيبك منه ويلا نلحق الامتحان
ليان: ماشى يلا
***
قبل ذلك الوقت عند جميلة بعد ما والدها جمال خلص صلاة راجع و لقى جميلة خلصت صلاة و بتقرا وردها اليومى راح طلع و راح يحضرلها الفطار و تمتم و هو رايح: ربنا يباركلى فيكى يا جميلة يارب
جميلة بعد ما خلصت وردها اليومى راحت المطبخ و لقت والدها قاعد يحضر الفطار و مديها ظهره راحت حضنته من ظهره : ايه الريحة الحلوة دى يا چيمى
جمال ابتسم ليها ولفلها : طب يلا حطى معايا الاكل على السفرة
جميلة: حاضر يا چيمى (بعد ما حطوا الاكل على السفرة و قعدو)
جمال: شكلك مبسوطة يعنى و الضحكة مش مفارقة وشك ايه سر السعادة دى يا جميلة الجميلات
جميلة : عارف يا چيمى انا بحب الاسم ده جدا
جمال بابتسامة : و انا كمان بحب الاسم ده جدا قوليلى بقى ايه سبب السعادة دى
جميلة مبتسمة : هو بصراحة سببين الاول ان امبارح تالين كلمنتى و قالتلى ان هى جاية بكرة و عيزانا نجتمع
جمال: تصدقى البت دى وحشتنى ليكم سنتين ما اجتمعتوش مع بعض باقولك ايه تعالوا اجتمعوا فى المطعم عندى بكرة و انا همشيلكم الجرسونات يعنى مش هيبقى غيركم فى المطعم و انا هعملكم الاكل و انتو هتساعدونى طبعا
جميلة قامت حضنت بابها و باسته ف خده : انت احل اب فى الدنيا
جمال بابتسامة :و انتى احلى بت فى الدنيا قوليلى بقى و السبب التانى
جميلة راحت قاعدت مكانها : السبب التانى بقى يا چيمى ان النهارده هيختاروا مين اللى هيدرب فى شركة السويسى جروب انهاردة و هيبدا تدريب من بعد بكرة انشاء الله و انا متاكدة انى انا و حنين هنبقى منهم
جمال مكملا: لانكم من اوائل الدفعة طبعا
جميلة ضاحكه: برافو عليك يا چيمى ايوة صح
جمال ضاحكا: تصدقى يا جميلة يا بنتى انا احيانا بشك انى صاحبك مش باباكى
جميلة مبتسمة: و ان جيت للصراحة انا بحسك صاحبى مش بابا يعنى عمرى ما خوفت منك زى بنات كتير ما بتخاف من ابهاتهم
جمال : و بصراحة انا بحبك كدا انك بتحكلى على كل حاجة من غير خوف او قلق
جميلة قامت من على السفره و راحت باست بابها فى خده : انا خلصت الحمد الله يلا اروح البس بقى و اروح الجامعة
جمال : ماشى يا حبيبتى انهاردة هخلى الشغالة تيجى تروق الفيلا
جميلة : ماشى يا حبيبى
جميلة راحت اوضتها و لبست و بعد ما خلصت لبس لاقت كالعادة الفون بتاعها بيرن : الو يا حنين
حنين : الو يا جميلة خلصتى
جميلة : ايوة يلا انا نازلة اهو
جميلة نزلت لقت حنين مستنياها فى العربية بتاعتها جميلة راكبت و راحت حنين ماشية بالعربية
جميلة : انا فرحانه انهاردة علشان هيختارونا من ضمن الناس اللى هتدرب فى شركة السويسى جروب
حنين : يا بت والله خايفة ليكونوا مختاروناش
جميلة باستغراب : ليه يعنى ما احنا من اوائل الدافعة
حنين : يعنى مش عارفة ليه علشان احنا ناس نحس
جميلة ضاحكه: بصراحة عندك حق احنا ناس نحس فعلا تصدقى لو كانت تالين كانت قالتلك (جميلة راحت رافعت اصابع السبابة و اقعدت تحركة يمين ويسار تؤ تؤ تؤ احنا مش ناس نحس على فكرة كل لما تقولى على نفسنا كدا كل ما احنا فعلا هنبقى نحس)
حنين مكملة و هى تضحك : و تقعد تتفلسف علشان كدا داخلت اداب علم نفس
جميلة ضاحكة : و الله اكتر حاجة تليق عليها
حنين : تصدقى وحشتنى جدا
جميلة عارفة قد ايه حنين بتحب تالين برغم من اختلاف شخصيتهم بس احيانا بيقى حلو الاختلاف ما بين الاصدقاء زى نورين و جويلية واحدة فى الشرق و التانية فى الغرب احيانا بنبقى حابين الاختلاف ده زى المغناطيس كدا لكن لازم يبقى فى تشبه و احنا التشابه الوحيد فى شلتنا هو الطيبة
حنين قاعدة تنادى على جميلة و جميلة ولا هنا راحت قرصتها فى درعها
جميلة و هى بتدلك فى درعها : اى فى ايه يا بنتى
حنين : ما انا قاعدة انادى عليكى من الصبح و انتى ولا هنا
جميلة :سرحت شوية معلش
حنين و هى بتغمزلها : سرحانه فى حبيب القلب طبعا
جميلة : و هو اللى يبقى فى الشلة دى يبقى فى حبيب قلب ولا غيرهُ المهم تالين جاية بكرة
حنين اول ما سمعت ان تالين جاية بكرة راحت وقفت العربية مرة واحدة
جميلة ولولا حازم الامان كانت اتخبطت : اه فى ايه يا بنتى فى حد يوقف العربية مرة واحدة كدا
حنين لفت لها و ماسكت ايدها : انتى قولتى ايه
جميلة مستغربة على ايدها اللى هى ماسكة : فى ايه حنين مالك
حنين : سيبك من كل ده انتى قولتى ان تالين جاية بكرة من شوية صح
جميلة باستغراب :ايوة ليه
حنين : هاتى حضن يا جميلة
جميلة مصدومة : نعم يا بت انا حاسة انك زبالة من الاول بس دلوقتى اتاكد على فكرة الحاجات دى بتتعلاج دلوقتى عادى
حنين فهمت قصدها و سابت ايدها و قعدت تضحك:هههههههههههههه هههههههههههه
جميلة التانية قاعدت تضحك: ههههههههههه هههههههههههه
حنين : زبالة علشان قولتلك هاتى حضن
جميلة و هى بتضحك : هههههههههههه لا خلاص تعال فى حضن اخوك يا فواز
حنين اقعدت تضحك على جميلة و طريقتها: هههههههههههه (و بعد كدا راحت حضنت صديقتها)
راح واحد شافهم وهم كدا راح قرب منهم و بصلهم باحتقار : و انا قال جاى اعاكس قال و قاعد اسبسب فى شعرى و اظبط فيه و قول اتنين مزز قال و فالاخر تطلعوا زبالة
حنين و جميلة بصوا لبعض و قاعدوا يضحكوا جامد
الشاب بحسرة : اضحكوا اضحكوا ايوة ما انتوا مش خسرنين حاجة انا اللى ضاع منى اتنين مزز اكيد فى حد داعى عليا النهاردة
حنين و هى بتضحك : تصدق صعبت عليا يلا معلش
الشاب بنبرة تشبه النساء : تشكرى يا اختى تشكرى
حنين مشيت بالعربية و هى قاعدة تضحك جامد هى و جميلة لحد ما جنبهم واجعهم راحت حنين واقفت بالعربية على جنب لحد ما يخلصوا نوبة الضحك اللى داخلوا فيها
جميلة و هى ماسكة جنبها: هههههههههههه مش قادرة ابطل ضحك و جنبى واجعنى
حنين : و مين سمعك و انا التانية و الله الوالد صعب عليا
جميلة : بس كان شكله مسخرة
حنين : بس كان امور يخرب بيته شبة الممثلين الاتراك بعيونة الزرقا دى
جميلة : عندك حق ده لو جويلية شافته احتمال كانت هى اللى قالتلوا انا بحبك تعال اتجوزك
حنين : و لو كانت نورين كانت مسحت بكرامة اهلة الارض
جميلة : ده احتمال كانت ضربته اصلا فى الشارع و يلا بسرعة اطلعى علشان نلحق السيكشن علشان المحاضرة الاولى شكلها ضاعت
حنين : ماشى (و انطلقت بالسيارة) تصدقى وحشونى البنات ليان و كارمن و نورين و جويلية و تالين و حشتنى لمتنا
جميلة ابتسمت عند ذكر اصدقائها : بصراحة ايوة ادينا بكرة هنجتمع فى مطعم چيمى
حنين : يا شيخة
جميلة : و كمان هو اللى هيعمل الاكل بنفسه
حنين : و انا هعملوكم التورتة بنفسى
جميلة : ماشى
حنين: بما اننا وصلنا الجامعة تعالى نروح نشوف اختارونا ولا لا
جميلة : ماشى تعالى
وراحوا يشوف و الاتنين اتصداموا من اللى شافوه
يا ترى هيطلع اختارهم فعلا ولا لا..؟
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية أسيرة ظنوني" اضغط على اسم الرواية