رواية دروب الحياه الفصل الرابع بقلم نورهان مسعد
رواية دروب الحياه الفصل الرابع
نور / متقلقش با بابا ان شاء الله جدو هيقوم ويكون كويس
حسن ابو نور / يارب يا نور
نهاد ام نور/ اتصل علي اخوك يقولك بابا عامل اية
هاتف حسن رن وكان المتصل هو الاخوالثالث كمال
كمال/ الوو ازيك يا اخوي اتوحشتك جوي فينك اكده
حسن / وانا كمان اتوحشتكم جوي جوي انا هدخل علي البلد كمان شويه
كمال/ طب خليك عند الموقف انا جيلك
حسن/ مستنيك علشان معرفش فين المستشفي البلد اتغيرت عن زمان
كمال/ كل حاچه اتغيرت يا خوي بس لسه حب ابوك ليك متغيرش واصل
حسن/ ولا حبي ليه اتغير يا كمال
واغلقوا الخط ووصل حسن وعائلته لموقف مشاريع وجاء كمال رحب بهم كثيراا وتحدث مع نور وكان فرحان بها اكثر من اخوه فهو كان علي تواصل مستمر لا ينقطع مع حسن وكان ينقل اخبار والده ووالدته له
كمال/ دي البلده كلتها نورت بوجودك يا نورو بأم نور والله وانت يا حسن كان لازم ابوك يعني يتعب علشان تخطي البلده تاني
ام نور / البلد منورة بأصحابها والله وحسن كان عايز يجي من زمان بس كان متردد من فعل الوالد
حسن/ ما انت عارف يا كمال الحكايه واللي فيها
ابوك اللي مشاني منها ومكنش عايز يشوفني تاني
حتي فرح اختك لما اتصلت بيه استاذنه احضره واكون واقف جنبها. مردش عليا كأنه مش طايقني
كمال/ كان زمان الحديت دا دلوق ابوك محتاجك كان بيكابر زمان دلوق مفيهوش حيل للعناد يا خوي
حسن/ احكيلي ابنك عامل اي وعيال محمود ونورا
يوسف ابني طالع عفريت بس مجدرش اقعد من غيره والله ربنا يباركلي فيه وفي امه
واولاد محمود رجاله يصدوا عين الشمس كل واحد ليه حاله سيف الولد الكبير عصبي جدا اخاف الواد يجيله سكته جلبيه من عصبيته الماسخه بس ماسك مع ابوه املاكنا وكله بيعمله الف حساب
وبكر عاجل وحكيم ويحب الهزار عكس اخوه الكبير واخد صفاتك كلتها حتي هو اجرب ولد لجده وعمر دا بجا مشفتش في تجل دمه علي حد بيجيب حديت ماااسخ والمفترض نتضحك عليه ببجا عايز اجوم اجيبه من جفاه ونورا اول ما عرفت انك جاي اهنه جت عندينا من لليله امبارح علشان تجابلك وعيالها التوأم عسلات سيلا واسيل اسماء بايخه بس جوزها رضا علشان متزعلش واصل هو صاينها امنيح يا خوي عجبال بتك تشوف اللي يصونها كيف اللي يصون جوهرة غاليه
حسن / اللهم امين
وجلسوا يتحدثون عن شتي الامور التي حدثت
حتي وصلت السيارة لباب المنزل فكان حسن مندهش وعلي ملامحه الاستغراب عندما وجد نفسه داخل ووجد محمود وابناءه الثلاثه وزوجه كمال وابنها بجانبها ونورا وزوجها وتوأمها وامه الذي تصعب علي كل من رأها منذ ان علمت بأن ابنها الحبيب الذي حرمت من رؤيته لزمن لا يقل عن ١٥ عام ورأي اباه يجلس علي كرسيه
نظر حسن للكل فرد في العائله وعندما جاء بصره نحووامه هرول اليها كالطفل الفاقد منه الامان ووجده في حضن امه وبكي في حضنها ولكن لايقارن ببكاءها ابدا وعلي شده اشتياقها له. كانت محرومه منه لسبب ما ولكن هذا لا يمنع انه من الخطأ ان نفرق بين الاحباب لأي سبب كان فهذا فعل شنيع
وخرج من حضن والدته وجد اباه ينتظر بأعين دامعه مشتاقه عاتبه ذهب حسن لوالده يقبل يداه ثم ارتمي في حضنه وقال / سامحني يا بوي علي عصياني لكلمتك اتوحشتك جوي يا بوووي الحمد لله انك بخير متعرفش كنت هموت من الخوف عليك ازاي
ابوه اخذه وطبطب عليه وقال كنت عارف وكنت عايز اشوفك وعانق اخته كثيرا وقبل بناتها وسلم علي زوجها وكذالك اخاه الذي اشتاق اليه وندم علي فعلته معه
وسلم علي اولاده وحقا كل من رأي اولاد محمود يعجب بهم من حيث صلابتهم ووقوتهم ومركزهم وحتي انهم كانوا وسيمين ويرجع ذلك لفيروز جدتهم حيث ورث محمود منها عيونها الفيروزيه وورث منه سيف تلك العيون التي ان غضرت تحولت للون المحيط المخيف
وكانت الاعين علي نور من اول ان دخلت هذا البيت
ذهبت الي جدها وقالت / ازيك يا جدو اخبار صحتك اي دلوقتي يارب تكون بخير
الجد/ انا كيف الحصان يا بتي انتي الي كيفك يا حمر انتي
نور/ انا كويسه الحمدلله وبئيت كيف الحصان لما شوفتك يا جدو
ضحك الجميع عليها وهي تقلد اللهجه الصعيديه امامهم
فيروز الجده/ وانا يعني مش هتسلمي عليا دلوق ولا اي خلاص عطيتي الحب كله لجدك وانا لاه
ضحكت نور / هاتي حضن زي ما عطيتي بابا بئا ستو وتعالي نعيط من جديد اي رأيك
فيروز / ربنا ما يجيب بكا ابدا يا عيون ستو
نور/ انا عرفت لي القمر مش طالع انهارده
استغرب الجميع منها
وقالت الجده / لي بجاا
نور / علشان انا حضناه اهوووو يا ستو القمر انتي
ضحك الجميع علي خفه دمها وتلك العيون تراقبها جيدا حيث انها تراقبها منذ خروجها من استوديو اول مره
نورا / طب اروح اني بما ان ست نور نسيتني بجااا
نور/ طيب تعرفي انا عايزة اتعرف عليكي من زمان مفيش سيرة غير عنك لما يقعد معاكي كنت بقوله هي اختك ولا حبيبتك يقولي بنتي اللي ربتها
نورا وعيون مدمعه /. متتصوريش فرحت كيف لما عرفت انكم هتنوروا بلدنا يا حسن والله مافرحت يوم فرحي جد دلوق بشوفتك وطلتك عليا يا خوي.
حسن/ وانا ارتحت لما شوفتكم كلكم بخير وكويسين متتصوروش كنت وحشني اد اي والله
نهاد (ام نور) من الشخصيات الهادئه كانت تراقب بصمت حتي تري الوضع ان كانوا سيتقبلوها ام لا ولكن تشجعت وسلمت عليهم وهم رحبوا بها واحتضنتها فيروز ونورا وعرفتها علي توأمها
الجد/ هملوهم دلوق يرتاحوا وينزلوا يتغدوا
الجد/حسن عايزك بليل نتحدد سوي
حسن ابتسم / حاضر يا بوي
الجد/ ينظر بغموض اتجاهه ويفكر في شئ ما
يا تري اي هووو 😅😅
يتبع الفصل الخامس اضغط هنا
- الفهرس يحتوي على جميع فصول الرواية كاملة :"رواية دروب الحياه" اضغط على اسم الرواية