رواية خائن أئتمن الفصل الثالث بقلم دعاء زينة
رواية خائن أئتمن الفصل الثالث
بدور: بتعمل ايه هنا
_وحشتينى
بدور بعصبية ملجمة: وحش ام يلهفك ياخويا العيال برة وهما ممكن يرجعوا فى اي لحظة
_بدور بقولك ايه أنا مش عارف اتلايم عليكى من مدة هو فى ايه وكمل بخبث هو انتى مبقتيش تحبينى ولا ايه
بدور باستسلام: مش كده أنت عارف محبتش ادك ولا غيرك بعد اللى شفته هنا من معاملتهم السودة ليا وقسوة قلوبهم عليا وعلى بناتى
(بسس نقف هنا ثانية: وده بيكون مدخل الخيانة والباب الاولى ليها والشماعة اللى بتتعلق عليها الأخطاء ومش بس كده ده الدواء اللى بيسكن الضمير لو فكر بس مجرد تفكير أنه يصحى او يعترض على اللى بيحصل..........)
_عارف وحاسس بيكى اللى شوفتيه يكسر الحجر ده أنتى جبل أنك لسه عايشة لحد دلوقتي، بس عارفة أنتى كان لازم تعيشى ولازم تفضلى عايشة عشان اقبلك وأديكى كل الحب اللى كنت محوشه ليكى من قبل ما عرفك
(ومن تكون الراحة التامة اللى بيتسمع فيها كل المبتغى والمراد، هنا بتكون لحظة السعادة الحقيقية فها هو المخدر الحقيقي والقاضى النهائى للمعاناة والآلم........)
وقبل مايكملوا كلامهم كانوا سمعوا صوت برة خرج بسرعة زى مادخل،وطبعا الست بدور اتوترت ووشها جاب ميت لون وخرجت بسرعة تشوفهم
بدور: لحقتوا
جابر بحدة: أنجرى أعملى شوربة سخنه لحد مافوقلك
سمر: لاااااا لااا ياجبورتى ياتقعد تحط فيها حاجه تانية وأنا معدتى مش مستحملة إنت شايف
جابر: خليها تعملها تانى عشان قسما عظما اقطع من لحمها نساير
عملت الشوربة وعدى اليوم وبعده أيام حركة بدور بقت محدودة بسبب سمر اللى كانت بتعامله زى الخدامين وأقل منهم كمان
..........
سمر: أنتى يابت
بدور: اتبنيتى فى حيطة
سمر: أعدلى كلامك ياجيبك تحت رجلى
بدور: عشان أكون كاسرها قبل ماتفكرى تعمليها
عدلات: فى ايه يامقصوفة الرقبة منك ليها
سمر بتمثيل أتقنته: فى أن الهانم مجرد ماقولت ليها نفسى فى حاجه حادقة فضلت تزعق قال وعاوزة تكسر رجلى
عدلات بفرحة غير مبررة: عشان أكون كاسرة رقبتها ارتاحى ياحبيتى ارتاحى يام الواد
بصت سمر ل بدور بانتصار وقعدت بتوجع مصطنع، رمت بدور اللى فى أيديها ودخلت اوضتها
بتتكلم فى الفون
بدور: أنا تعبت وعاوزة أشوفك
_......
بدور: معرفش أتصرف أنا زهقت ومبقتش قادرة عالعيشة دى أنا هطلب منه الطلاق ونتجوز أنا خلاص مبقتش قادرة على بعدك
(عجبًا يابدور أو من خائن يؤتمن لا ورب محمد........
أنك بلهااااااء.........)
_........
بدور: ايه قولت ايه
*******
عدلات: أنتى يازفتة تعالى شوفى الباب
راحت طبعاً فتحت الباب ووقفت مصدومه
بدور: أنت
جابر: مالك يابت اتلحلحى من قدام الباب كده، أدخل ياعادل بيت أخوك ياحبيبى أتفضل
_.......
*********
من كان أمين مؤتمن......
حتى وإن أهمل لم يخون ولا يغدر........
قليل اللين شديد القسوة........
ينفر فما بال القلوب ف بالله أنها لتتغير........
فأحموا القلوب بطيب الذكر وجبر الخاطر.........
فلا أحد يعلم متى ستُبدلِ.........
كُننا على قدر الإمانة فما خلقنا إلا ودائع.........
فدعونا نرجع لمن أودعنا الروح والأرض برئين من كل إثم يشبه أمر الخيانة.....
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية خائن أئتمن" اضغط على اسم الرواية