رواية فجر جديد الفصل الرابع والعشرون 24 - بقلم إيمــــان

الصفحة الرئيسية

   رواية فجر جديد الفصل الرابع والعشرون 24 - بقلم إيمــــان

رواية فجر جديد  - بقلم إيمــــان

*    رواية فجر جديد الفصل الرابع والعشرون 


رفعت أخبار صحتك ايه يا حبييى 

مين سالى انتى جيتى أمتى

لسه حالا

وجاية لوحدك ولا جوزك معاكى

لا جوزى ايه كل واحد راح لحاله بعد ما بهدلنى فى الغربة

بهدلك ! ازاى؟

دخل كام مشروع خسر فيهم كل فلوسه . وقال ايه كان عاوزنى افضل جانبه واستحمل

وطبعا انتى ما قدرتيش فطلبتى الطلاق

طبعا انا ايه يجبرنى ع العيشه دى

وعمى اخباره ايه

بابا مش فاضى لحد كل يومين يتجوز وحده وعايش حياته ونسى خالص انه له بنت

ثم أكملت والدموع تملاء عينيها وبنعومه

انا مليش غيرك يارفعت توقف جنبى فى محنتى وتساعدنى انا بقيت ست وحدنية فى الدنيا دى كلها وانا عارفة انك طول عمرك شهم وبتساعد الغريب قبل القريب

يعنى ايه المطلوب منى

ممكن اقعد عندك اصل ماليش مكان اروحه الندل حتى الشقة بتاعتنا اللى كانت هنا باعها من ورايا ومعيش ولا مليم انا استلفت حق التذاكر من وحدة صدقتى هناك لولا كده مكنتش عارفة حعمل ايه

اه طب خلاص فهمت على العموم البيت بيتك لحد لما نشوف حترتبى حياتك ازاى

انا متشكرة اوى اوى يا رفعت كنت متأكده ان مفيش حد غيرك حيوقف جنبى فى الظروف دى

طيب يلا روحى شوفى حتعملى ايه

حتى رفعت لا يطيقها وله اسبابه فقد استرجع فور خروجها انه كان فى يوم من الايام قد اعجب بها فسالى منذ نعومه اظافرها تتمتع 


بجمال وجاذبية كبيرة تلفت لها نظر اى رجل . وتصور فى مرحله ما انه مغرم بها الى ان تشجع ذات يوم وصارحها بإعجابه الا انها وبكل صراحه ووضوح قالت له 

بص يارفعت انت شاب محترم ومتفوق وانا عن نفسى متنبأة لك بمستقبل كبير جدا وحياةجميلة لكن اسمح لى يعنى على ما توصل للمستوى اللى انا بحلم بيه والعيشة اللى عوزاها حيكون شبابى راح الافضل نفضل ولاد عم وبس

وقضت سالى على احلامه فى الظفر بها ولكنها اججت بداخلة شعلة الجد والاجتهاد فى العمل ليصل الى ما يريد فى اقصر وقت ممكن ليثبت لها انها كانت مخطئة خصوصا بعد ان تزوجت بعد حديثهم هذا بشهر واحد من صاحب الشركة التى كان يعمل بها والدها ولكنها لم تنل منه ما كانت تصبوا اليه بسبب غيرته الشديدة عليها وفى اقل من عام اصبحت مطلقة لتتوالى بعدها الزيجات والطلاقات علها تجد بغيتها

وتذكر ايضا عندما علمت بوفاة هيام وان والدها قد وهبه نصيبها من ميراثه بالكامل لحبه الشديد له ولعلمه ان ابنته ستكون مرتاحة لهذه الفعله غير انه تنازل له ايضا قبل وفاته عن شركته لعلمه انه اكثر شخص سيحافظ عليها ووجدت ان رفعت قد اصبح الان هو الرجل الذى تحلم به فعادت تتصنع الوقوف بجانبه فى محنته وانها تريد ان تخفف عنه فراق زوجته وفى لحظة خيل لها انها استعادته صارحته بأنها اسفة لرفض حبه لها سابقا فهى كانت وقتها صغيرة السن وليس لها تجارب فى الحياة وانها قد اخطأت والان تريد ان تصلح هذا الخطأ وتوصل ما كان قد انقطع وعاد رفعت من شروده عند هذة اللحظة وقال ضاحكا

اوعى تكونى رجعة ياست سالى عشان تكررى نفس اللعبة تبقى غبية اوى اوى اوى

نزلت سالى لتأخذ شنطها على حجرتها لترتاح من السفر

دادة خالى مسعود ودرويش يطلعوا الشنط على أوضة شهيرة



أوضة شهيرة هانم قاعدة فيها مدام ندى

اه اللى فتحت لى الباب دى

ونظرت سالى لندى والتى كانت جالسه بعيدا ولكنها منتبه تماما للحديث لتعرف وتتعرف على هذه السالى التى يبغضها الجميع

سالى: هى ندى دى شغالة جديدة هنا ولا ممرضة لرفعت ولا ايه بالظبط

سيدة: ندى هانم " وشددت سيدة على هانم لتعرف سالى مقدار ومقام ندى فى هذا البيت ومن اول يوم" موظفة عند رفعت بيه فى الشركة

موظفة فى الشركة امال ايه اللى جابها هنا

نادرة هانم وشهيرة هانم هما اللى اترجوها تقعد جنب رفعت بيه لحد ما يقوم بالسلامة لانها هى اللى كانت بتراعي فى المستشفى وكمان مدام ندى ماهياش غريبة دى قريبة عم شوقى وانتى عارفة بقه عم شوقى غالى عند رفعت اد ايه



سالى: اه اه طيب خليهم يطلعوا الشنط على اوضة نادرة 

حاضر

كل هذا وندى تتابع الموقف لتعرف كيف ستتعامل فى الايام القادمة مع سالى بعد ان تبين لها انها مغرورة قليلة الذوق متكبرة

خرج مسعود من المطبخ ليخبر سيدة انا رفعت يرن لها الجرس فصعدت له على الفور

ايوة يابنى عاوز حاجة

اقفلى الباب يادادة وتعالى

دادة سالى حتقعد هنا فترة اصلها اطلقت ورجعت لاقت جوزها باع شقتها وملهاش مكان تروحه

قالت سيدة بشئ من الضجر :  كده طيب اللى تشوفه يابنى دا بيتك وانت حر فيه

المهم دادة انتى عارفة سالى وأسلوبها فى معاملة الناس . انا مش عوزها تضايق ندى ولو حصل وزعلتها تقوليلى فورا انتى شايفة هى بتخدمنى ازاى ومن غير اى مقابل

ربنا يكرمها يارب ويسعد قلبها

يعنى خلاص اعتمد عليكى فى الموضوع ده

حاضر يابنى

كانت سالى فى غرفتها ترتب اشيائها وتحادث نفسها 



مش ممكن حتفلت منى المرة دى يا رفعت مهما عملت ولما نشوف ايه حكاية الست ندى دى كمان موظفة عنده وقاعدت بيه فى المستشفى ومقعدها بيه فى البيت لا وايه مقعدها فى اوضة حبيبت القلب شهيرة كده مره وحدة بس انا ولا يهمنى لا ندى ولا الف زيها وحطفشهالك يارفعت ومحدش حياخد باله منك غيرى واللى فى بالى وجاية عشانه حيحصل يعنى حيحصل

خرجت سالى من غرفتها واتجهت لغرفة رفعت وعندما دخلت عليه وجدت ندى تعطيه الدواء فقالت على الفور

تسلم إيدك يا مدام ندى شكلك مراعية رفعت تمام بس خلاص بقه من انهاردة انا بقه اولى بخدمته والسهر على راحته

فأجاب رفعت على الفور : مفيش حد بياخد بالوا منى وبيسهر على راحتى غير ندى ومش حستبدلها بأى حد تانى مفهوم

شعرت ندى بالانتصار داخلها حتى انه لاحت ابتسامه خفيفه على ثغرها فشعر رفعت بالراحة لذلك



يلا بقه سبونى ارتاح

فغادر الجميع ومعهم سالى وهى تشعر بالهزيمة فى اول جولاتها وقالت محدثه نفسها : لا كده الموضوع شكله مش وحدة بتمرضه وبس الموضوع شكله اكبر من كده ولازم ينتهى بسرعة والست دى لازم تخرج من البيت بالطريقة اللى تخليها ما ترجعش هنا تانى أبداااااا

فبدءت فى خطتتها على الفور وبمجرد نزولهم توجهت لندى قائله وبكل برود : اعمل لى فنجان قهوة زيادة يا ندى

ذهلت ندى من اسلوبها ولم تدرى بماذا ترد

فتدخلت سيدة على الفور قائلة : حروح اعملهولك انا ياسالى هانم

طب وندى ما تعملوش ليه هى مش المسئولة عن البيت زى ما فهمتينى 

فى هذه الاثناء كانت ندى قد استعادت توازنها فقالت لها على الفور : انا هنا فى خدمة رفعت بيه وبس

سالى: ااه انا أسفة معلش ما اخدتش بالى

ندى: لا ياريت تخدى بالك بعد كده

وفى هذة الاثناء رن جرس الباب ففتحت سيدة لتجد الطبيب الذى يتابع حالة رفعت فستقبلته ندى وصعدت به الى رفعت ومن خلفهم سالى لتفرض نفسها على الموقف

لالا الحمد لله الحالة بتتحسن يوم بعد يوم وبشكل سريع والبركة فى ربنا ومن بعده طبعا مدام ندى اللى  مهتمه بيك وبمواعيد العلاج وبتنفذ تعلماتى بكل دقة

فسأله رفعت : انا ممكن انزل شغلى امتى

لالا لسه شوية مش دلوقت

بصى يا مدام ندى واخذها الطبيب وخرج وهو يملى عليها التعليمات الجديدة ثم تركها ونزل فعادت هى لرفعت لتجد سالى تجلس بجواره ويدها تتحسس صدره وهى تقول وبمنتهى الدلع

الحمد لله يا رفعت انى اطمنت عليك

وبمجرد ان وقع نظره على ندى وهى تنظر للموقف بذهول أمر سالى بالنهوض من جانبه وتركه مع ندى بعض الوقت

فخرجت سالى وهى مهزومه امامها وللمرة الثانية

تعالى يا ندى

ايوة انا غديتك واديتك كمان العلاج عاوز حاجة تانية

عاوز اعرف مالك

مالى انا بخير والحمد لله

لا وشك مش مبسوط والابتسامه اللى دايما بشوفها على وشك مش موجودة انهاردة فى ايه

ابدا بس مرهقه شوية

انا عار ف انى تعبتك معايا

لا ابدا والله ما تقولش كده دا انت جمايلك عليا كتير وكل اللى بعمله ده ولا حاجة جنب وقفتك جانبى فى اصعب وقت كنت بمر بيه فى حياتى ثم أكملت بمشاغبة وبعدين حضرتك المدير بتاعى فى الشغل وممكن بقه ترقينى او تدينى مكافأة وكده يعنى

اه يا مادية

الله مش ادور على اى مصلحة اطلع بيها

دخلت عليهم سيدة وهم يتشاكسون معا فقالت : لا بدام رجعتوا تنقروا فى بعض كده يبقه انت بقيت تمام

تعالى ياسيدة اسمعى الست ندى بتقول ايه

خير يابنى

بتقولى كل اللى بتعمله ده عشان ترقيه

وانت برضو حتصدق الكلام ده

اه اصدق انتى ما تعرفهاش مادية اد ايه

لالا اوعى تقول الكلام ده عن ندوشتى تانى لحسن ازعل

فأحتضنتها ندى وقبلتها من وجنتيها وهى تقول : حببتى انتى يا سوسو ربنا يخليكى ليا



الله الله احضان وبوس عينى عينك كده 

قالت ندى لتغيظة : ايوة هو كده

طيب بس لما اقوم وارجع الشركة ماشى يا ندى

فضحك الجميع وسالى تجلس فى الطابق الاول واصوات ضحكاتهم الواصله لها تزيد من اشتعالها وتوعدها لندى

فى اليوم التالى طلب الجميع من ندى اعداد الغداء فى هذا اليوم وعلمت سالى بذلك 

كان الوقت يقترب على الغروب عندما طلبت سالى من درويش ان يحضر لها الغداء وقبل ان ينصرف تصنعت انها تتذوق الطعام وانه لا يعجبها فأمرت درويش ان يحضر لها مسعود

ايوة ياسالى هانم عم درويش قالى ان حضرتك عوزانى

فقالت وهى تعلم جيدا ان ندى تسمع ما تقوله حرف حرف

ايه ده يا مسعود الاكل وحش اوى اوى انهاردة كده ليه 

بالعكس الاكل انهاردة احلى من اى يوم لان مدام ندى هى اللى عملت الغدا بنفسها انهاردة

ايه ده طب ماهى شغالة اهو زيكم امال دادة سيدة بتقول انها موظفة ومش عارف ايه

اللى قالته دادة سيدة لحضرتك صح مدام ندى موظفة عند رفعت بيه فى الشركة اما هنا بقه فهى صاحبة بيت



وبمجرد ان نطق مسعود بهذه الكلمات شعرت ندى بالامتنان له فى الوقت الذى قامت القيامة بالنسبة لسالى وانفجرت قائله

يعنى ايه صحبة بيت دى . دى مجرد وحدة بتأدى مهمه ورفعت اكيد حيكفأها عليها وحتروح لحالها

فأجابها مسعود بكل هدوء وبمنتهى الادب: دى حاجات بقه تخص رفعت بيه وبس هو اللى يتصرف فيها

فألجمها رد مسعود وعقد لسانها فلم تستطع التفوة بأى شىء

فيما انطلقت ندى صاعدة والدموع تملاء عينيها ومن خلفها سيدة تريد ان تطيب خاطرها : لالا دى زودتها اوى انا لازم اقول لرفعت بيه 

فقالت ندى على الفور من بين دموعها اوعى يادادة تقوليله اى حاجة هو مش ناقص كفاية اللى هو فيه

بس يا بنتى حنسكت على اللى بتعمله ده

اهو عم مسعود كتر خيره رد عليها 

الرد المناسب وخلاص كلها كام يوم وحروح بيتى وهو كمان حيرجع لشغله

فدمعت عينا سيدة وقالت : اه وحرجع انا تانى اقعد لوحدى لا وفوش سالى كمان

فضحكت ندى رغما عنها وقالت: انتى عرفة بيتى ممكن تجى تقعدى معايا زى ما تحبى لكن معلش طول ما اللى اسمها سالى هنا انا مش ممكن حدخل البيت ده

منك لله ياسالى 

سمع الاثنان طرقات على باب الغرفة فقالت ندى : ادخل

فوجدته عم مسعود فظنت انه صعد هو الاخر ليطيب خاطرها ولكنه قال : رفعت بيه عوزك يا مدام ندى

دادة انا مش حقدر ادخله وانا كده روحيلة انتى وقوليلة اى حاجة مثلا عندى صداع وانى نايمه شوية عشان ما يطلبش يشوفنى

حاضر يا بنتى ولو انه بيعرف على طول من وشى ان كنت بقول الصدق ولا ﻹ



معرفش بقه اتصرفى

خرجت سيدة من عندها واتجهت لحجرة رفعت

فيما اخذ عم مسعود يطيب خاطر ندى : معلش يا بنتى فى فى الدنيا ناس كتير كده مش بيراعوا شعور حد

بس انا متشكرة ليك ياعم مسعود جدا على الكلام اللى قولته فى حقى ربنا يخليك

على ايه بس يابنتى انا الحقيقة كان نفسى ارزعها الم بعد الكلام اللى قالته بس مقدرش

فضحكت ندى عن اخرها

ايوة كده يابنتى خلى ضحكتك الحلوة ترجع تملى البيت وانسيها وانا متأكد انها مش حتطول هنا

تطول بقه ولا ما تطولش ياعم مسعود انا كده كده حروح بيتى وربنا يكون فى عونكم بقه الصراحة

برضو قلبى بيقولى انها مش حطول

ندى فين يا دادة

ندى ندى ندى كل حاجة ندى ايه نسيت خالص سيدة ولا استغنيت عنى

لا ابدا يادادة ازاى بس كان فى معاد علاج باخده دلوقت وهى ما جتش عشان تدهونى اول مرة يحصل كده



فتفاجأت سيدة بها تقول : انا اسفة اتاخرت عليك فى معاد العلاج انهاردة

كنتى فين

حاولت ان تدارى ما بها وقالت له على الفور : دخلت ارتاح شوية ايه فيها حاجة دى يلا يلا عشان تاخد العلاج

واعطته له وسحبت سيدة من يدها واخذتها وانصرفت على الفور من امامه قبل ان يسأل ايا منهما اى سؤال

شكلكم كده مش طبيعى يا ندى انتى وسيدة وانا متأكد ان الزفته سالى هى السبب على العموم هانت خلاص

فى الوقت التى كانت تحادث سالى نفسها: ماشى عديتى منها برضو المرادى بس ولا يهمك يا ندى انا حطيتك فى دماغى واللى كان كان

بمجرد خروجهم من عند رفعت قالت سيدة لندى انها ستذهب لتستريح قليلا فى غرفتها ونصحتها ان تدخل هى الاخرى لترتاح فنصاعت لامرها فهى لا تريد رؤية سالى مرة اخرى هذا اليوم

وبمجرد دخول سيدة لغرفتها اخرجت هاتفها واتصلت بنادرة 

ازيك يا دادة ايه رفعت فيه حاجة ولا ايه

لا ابدا رفعت تمام 



امال فى ايه مش متعودة انك تتصلى بيا

اصل انتى وشهيرة ماجتوش بألكم يومين ومش عارفة بقه ان كنتم تعرفوا ان سالى بنت عمكم وصلت مصر  وايه جت تقعد هنا لمدة الله وحدة اعلم بيها

ايه سالى رجعت وايه اللى مقعدها عندك

اتطلقت من جوزها وملقتش غير رفعت تلجأ ليه

اااه قولتيلى

مش ده المهم دلوقتى

امال ايه المهم

اصل هى من ساعة ما جت وهى كده ومن غير سبب حطه ندى فى دمغها وعماله تضايق فيها

ايه هى عوزة تطفشها ولا ايه

الظاهر كده يابنتى

لااااااا الا ندى اقفلى انتى يادادة وماتشليش هم وانا وشهيرة حنكون عندك من النجمه ان شاء الله لما نشوف ايه حكايتها الست سالى دى

طب يا بنتى سلام

اتصلت نادرة بشهيرة على الفور

ايوة يا شوشو بقولك ايه بكرة الصبح حعدى عليكى واخدك انتى والولاد ونروح نقضى اليوم عند رفعت

اشمعنى



سالى بنت عمك رجعت وحقولك ع الباقى بالتفصيل بكرة المهم انها عمالة بتضايق فى ندى ولازم نروح نوقفها عند حدها ونخليها تحترم نفسها

ايه ندى لاااااااااا دا احنا مصدقنا ان رفعت قلبه رق اخيرا دى وقعتها سودة

ايوة بالظبط كده عوزاكى بقه تفكريها بشهيرة بتاعت زمان ماشى

ايوة سبحان الله طول عمرى مش بطقها من وحنا صغيرين

ايوة بكرة بقه تفكريها بالايام دى وتظبطيها ع الاخر

بس الولاد حيكونوا معانا

انا قاصده نخدهم عشان نسهى ندى معاهم ونستفرض احنا بالحلوة سالى 

ماشى يا ريا ااقصد يا نادرة

بقه انا ريا يا سكينة

* يتـبـــــــــــــــــــــــع الفصل الخامس والعشرون اضغــــــــط هنا

* الفهرس يحتوي على جميع فصول الرواية " رواية فجر جديد " اضغط على اسم الرواية


author-img
DoOoBy

تعليقات

ليست هناك تعليقات
إرسال تعليق
    google-playkhamsatmostaqltradent