Ads by Google X

رواية بنت أصول الفصل الثالث عشر 13 - بقلم ملك محمد

الصفحة الرئيسية

رواية بنت أصول البارت الثالث عشر 13 بقلم ملك محمد

رواية بنت أصول كاملة

رواية بنت أصول الفصل الثالث عشر 13

"نهار يوم جديد"
معاذ قاعد مهموم 
مريم : مالك يامعاذ انت كويس
معاذ : في مشكله صغيره بس مديقاني
مريم : اي هي قول يمكن اقدر اساعدك
معاذ : لا الموضوع صعب شويه
مريم : طب قول طيب في اي 
معاذ : انا بصراحه واقع ف مشكله
مريم : مشكلة اي اتكلم 

معاذ: كنت سالف مبلغ من واحد صاحبي امشي بي نفسي وقت الفرح بس لقيته دلوقتي انه عايزه ضروري وانا بصراحه مش عارف اعمل اي
مريم : طب وليه استلفت مش احنا متفقين ال تقدر عليه تعمله وال متقدرش عليه خلاص مش مشكله
معاذ : مكنش ينفع اقصر ف الفرح كفايه اني مجبتلكيش شبكه
مريم بإبتسامه مدت ايدها وقالتله : امال انا لابسه خاتم ومحبس مين دول
معاذ : وهي دي شبكه يامريم 
مريم : بصراحه دي عندي بالدنيا ومافيها 

معاذ كان مبهور من كلامها وافتكر لما قال لعلا تعالي نتجوز بس هجبلك محبس وخاتم بس لأنه مش معاه وردها عليه كان
( انت بتقول اي انا ميجليش شبكه اقل من بنت خالتي انت عايز تضحك الناس عليا ولا اي )
مريم بتعجب : سرحت ف اي
معاذ افاق من شروده : لا مفيش حاجه بس زي ماقولتلك موضوع صاحبي دا شاغلني شويه 
مريم : اقولك ع حل جميل وتسمع كلامي
معاذ بتعجب : حل اي 
مريم : استغفر ربنا كتير بنية انه يفك كربك 
معاذ بتعجب : ومال الإستغفار ومال ال انا فيه دلوقتي
مريم : قال الله تعالى 
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا {نوح:10-12}.  
وقال تعالى: لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ {النمل:46}.
معاذ بتعجب : اها تمام 
مريم بإبتسامه : هروح انا أحضر الغدا وأنت متفكرش كتير زي ماقولتلك استغفر وبس 
وسابته ومشيت
معاذ وهو قاعد فجأه بتجيله رساله

: ها عرفت تاخد منها اي حاجه
رد بضيق : دي بقولها عليا فلوس وواقع ف مشكله قالتلي استغفر ربنا وسابتني ومشيت 
علا بعتتله: لا بقولك اي انا مستحمله بالعافيه اتصرف 
"ف نفس الوقت مريم كانت ف أوضتها طلعت سلسله من الدهب ال والدها كان جايبهولها هديه وقررت تديها لمعاذ علشان يفك ضيقته هي قالتله يستغفر ربنا بس علشان يتعلم ان قبل مابنطلب الحاجه من حد ونشتكي بنلجأ لربنا الأول علشان هو ال هيحللنا كل مشاكلنا "
بعد مرور الوقت حل المساء 
مريم دخلت الأوضه وطلعت السلسله وجابتها ف ايدها وقعدت جمب معاذ
مريم : ها استغفرت ربنا كتير زي ماقولتلك
معاذ بتردد : اه الحمدلله
مريم فتحت ايدها ومدت السلسله ليه
معاذ بتعجب : اي دي 
مريم : دي سلسله من الدهب ال بابا كان جايبهولي هديه بعها وسدد دينك 
معاذ : لا طبعاً مستحيل والدك يقول اي عليا دلوقتي
مريم : والدي مش هيعرف حاجه اطمن وبعدين انا كان ممكن اروح واقوله ان انت محتاج فلوس مكنش هيتأخر بس انا حابه حياتنا تبقى بعيد عن بابا ونبدأ مع بعض من الصفر 
معاذ كان مذهول من كلامها قالها : طب ليه مجبتيش الخاتم والمحبس ال جبتهملك وخليتي دهبك
مريم بإبتسامه : بصراحه دول غاليين عندي علشان انت ال جايبهم 
معاذ مكنش عارف يرد عليها يقول اي
مريم فتحت ايده وحطت السلسه فيها وقالتله : من هنا ورايح انا وانت واحد ولو في اي مشكله قولي وانا هكون جمبك ع طول 
معاذ : بصراحه مش عارف اقولك اي يامريم
مريم : متقولش حاجه لأني معملتش حاجه انت تشكر ربنا وبس لأنك استغفرته وهو فك كربك ع طول شايف السرعه يابني بعد كدا لما تكون ف كرب الجأله صدقني مش هيرجعك مكسور الخاطر ابدا
معاذ ابتسم ابتسامه حزينه
مريم: يلا قوم مضيعش وقت بعها وادفع ال عليك 
اخد منها السلسله وحطها ف جيبه وفعلاً خرج وراح علشان يبعها ويحط الفلوس ف حساب البنك ال علا عملته 

 
بعد مرور عدة أيام انتهت اجازة معاذ وبدأ يرجع الشغل تاني 
وهو ف الشغل جاله اتصال من رنا وهي بتعيط
معاذ بخضه : في اي يارنا انطقي
رنا ببكاء : ماما يامعاذ وقعت من ع السلم ومش عارفه اتصرف
قفل الموبايل بسرعه  طلع يجري ع البيت ونقل والدته ع المستشفى 
الدكاتره قالت ان حصل كسر ف الركبه وشوية خدوش ف جسمها وعايزه رعايه لحد ماترجع كويسه 
ف المستشفى 
: اي ياماما داه مش تخلي بالك وانتي نازله
والدته بتعب : رجلي اتنت تحت مني غصب 
رنا ببكاء : ان شاء الله هتبقى كويسه مش كدا
معاذ : اه بإذن الله اهم حاجه تخلي بالك منها
رنا : انا هاخد اجازه من الدروس وهقعد معاها اطمن
والدتها وهي بتاخد نفسها بالعافيه: لا اجازة اي احنا داخلين ع امتحانات لازم تهتمي بمزاكرتك 
معاذ بتفكير : طب امال مين هيقعد معاكي بس ماهو مروان يدوب بيطلع من جامعته بروح شغله دا حتى لسه معرفش انك ف المستشفى
والدته بحزن: محدش يشيل همي يابني انا هكون كويسه 
معاذ طلع موبايله وقال لقتها خلاص البت علا مورهاش حاجه ومش هتتأخر عنك انا عارف
رن ع علا فعلاً وردت عليه
معاذ : ازيك ياعلا انا كنت عايز منك خدمه 
علا : قولي الأول وديت الفلوس ف الحساب ولا لسه
معاذ : مش وقت الكلام دا دلوقتي انا والدتي وقعت من ع السلم وحصل كسر ف رجلها ولازم حد ياخدوا بالو منها واحنا عايزينك تيجي تقعدي معاها كام يوم بس تاخدي بالك منها وتراعيها 
علا : نعم يااخويا ماعندك رنا انا مالي
معاذ : رنا ف ثانويه عامه ووراها دروس ومذاكره
علا : طب وانا مالي انت من دلوقتي عايز تشغلني خدامه ليها 
معاذ بضيق : خدامة اي وزفت اي بقولك امي تعبانه وعايزك تاخدي بالك منها 
علا : وماتروح تجيب الست هانم بتاعتك تخدمها اشمعنا انا
معاذ : لأني قولت انك اقرب حد لينا وطول عمرك داخله وطالعه ف بيتنا عادي وبعدين انتي مش هتبقي مراتي فيها اي اما تاخدي بالك من امي
علا : هكون مراتك مش خدامة امك ها 
معاذ بعصبيه : اقفلي علشان هقول كلام دلوقتي يزعلك
وراح قافل الفون ف وشها
رنا بحزن : متزعلش نفسك انا طول عمري بقول البنت دي معندهاش ريحة الأصل 
والدته بحزن :
معاذ بتنهيده : مفيش مشكله انا هاخد اجازه تاني من الشغل وهقعد معاكي 
والدته بحزن: لا مينفعش طبعاً قولتلك متشلش همي يابني اسمع الكلام
فجأه بتدخل عليهم مريم بلهفه وهي بتقول
: اي ال حصل ياجماعه طمنوني
معاذ بتعجب : مريم 
مريم راحت بسرعه باست على راس حماتها وقالتلها الف سلامه عليكي ياطنط اي ال عمل فيكي كدا
معاذ بص لرنا 
رنا : متبصليش كدا انا ومريم اكتر من صحاب ومكنش ينفع ماارنش عليها اعرفها 
مريم بحزن: لي هو معاذ زعلان اني جيت معقوله لحد دلوقتي مبتعتبرنيش من العيله
معاذ : لا لا مقصدش بس مكنتش حابب اغلبك معانا 
مريم : غلبة اي بس طمني بس دلوقتي الدكاتره قالوا اي
معاذ : هي كويسه بس حصل كسر ف رجلها وهتقعد فتره مبتتحركش لحد مانفك الجبس 
مريم بصتلها بحزن : ياحبيبتي الف سلامه عليكي ان شاء الله هتكوني كويسه اطمني
والدة معاذ : الله يسلمك يابنتي الحمدلله ع كل شئ 
معاذ : بس هي بس لو تاخد بالها وهي نازله مكنش دا حصل 
مريم : متقولش كدا يامعاذ قول قدر الله وماشاء فعل لأن قضاء ربنا نافذ لا محاله ملوش علاقه تاخد بالك او لا اهم حاجه انك تكون عامل ال عليك وهي اكيد مكنتش تقصد توقع نفسها يعني وإن شاء الله هتكون كويسه قول الحمدلله انها جت ع اد كدا وبطل تذمر من قضاء ربنا
رنا : ياسلام ياريتك جيتي من زمان كلامك بيكون في راحه رهيبه 
معاذ: واضح انكوا فعلاً صحاب جدا 
رنا بإبتسامه : مريم دي اختي ال ربنا عوضني بيها 
مريم قامت وحضنتها وهي بتقول : ياروحي وانا كمان انتي بالنسبالي اختي ال ربنا عوضني بيها 
معاذ : اي جو السهوكه دا يابت منك ليها
رنا بضحك : قول متغاظ علشان معندكش حد يحب فيك 
مريم سابت رنا وراحت ناحية معاذ وهو قاعد وحضنته وطبطبت عليه وهي بتقول 
: لا عنده يابت يارنا متنسيش اني هنا جمبه 
معاذ اتصدم من ردة فعلها وحس بتوتر ومكنش عارف يقول اي 
رنا شدتها ليها وقالتلها
: تعالي هنا متحبيش ف حد غيري وانا موجوده انتي عارفه اني بغير ها 
كلهم فضلوا يضحكوا 
مريم : ها قولولي معاد الخروج امتى 
معاذ : هانت اهيه كلها ساعه بس الدكتور يجي يطمنا عليها ونخرج
مريم : تمام بس حاول تتصل بمروان علشان مش هتقدر تطلعها السلم لوحدك انت عارف اننا ف الرابع بعيد
معاذ بتعجب : رابع اي !
مريم : شقتنا يابني 
معاذ  : ليه هي والدتي هتروح ع شقتنا
مريم : امال انت فاكر هتروح ع فين انت عارف ان رنا ف ثانويه عامه وانا مش هسمح لحاجه تعطلها عن مذاكرتها وانت عندك شغل ومروان كمان وانا كدا كدا فاضيه فهاخد بالي منها انا 
وبعدين بصتلهم وقالت : الا لو انتو مش عايزين تعتبروني واحده منكوا
رنا بصت لمعاذ وقالت بصوت واطي : شايف بنت الأصول 
معاذ بتعجب : يعني انتي عايزه تخدمي امي عادي 
مريم : واي العيب ف كدا ماهي زي امي انا كمان
والدة معاذ : لا يابنتي بلاش علشان متقلش عليكي
مريم : تتقلي اي بس دا من يوم مامعاذ رجع الشغل وانا قاعده لوحدي ع الأقل هنتسلى سوا انا وانتي 
__________
في شقة معاذ
مروان ومعاذ طلعوا والدتهم وبعدها مروان استأذن ومشي علشان شغله وقال انه هيرجع بالليل
مريم :  ارفعي ضهرك بس سنه ياماما احط المخده دي وراكي 
والدة معاذ : يابنتي متتعبيش نفسك انا مرتاحه
مريم : تعب اي بس متقوليش كدا 
رنا : ياماما مريم زي بالظبط متعمليش فرق بينك وبينها
مريم : قوللها يارنا 
فجأه معاذ بيدخل عليهم الأوضه ومعاه شنطة العلاج 
: العلاج اهوه تعالي يامريم اما اعرفك مواعيدوا
مريم قربت منه وبدأت تسمعه وهو بيقولها ع العلاج 
خلصوا ومريم راحت المطبخ تجهز أكل لوالدة معاذ 
ومريم ف المطبخ 
والدة معاذ بهمس: يابني دي طلعت غلبانه اوي البت دي هو في بنت دلوقتي بتعمل كدا دول دلوقتي بيتشرطوا ع العريس انها متخدمش امه 
معاذ : فعلاً عندك حق
رنا : علشان تعرفوا بس ان البنت متستاهلش ال بتعملوا فيها
والدة معاذ: بس يابت انتي اسكتي هي اه كويسه وبنت حلال بس مبتخلفش انتي ناسيه ولا اي وانا عايزه اشوف عيال ابني 
فجأه بتدخل عليهم مريم وف ايدها صنية العصير
مريم بإبتسامه : صبروا نفسكوا بقى بالعصير عما الأكل يجهز 

google-playkhamsatmostaqltradent