رواية المهندسة نور الفصل الثالث عشر 13 - بقلم وفاء الغرباوي

الصفحة الرئيسية

رواية المهندسة نور البارت الثالث عشر 13 بقلم وفاء الغرباوي

رواية المهندسة نور كاملة

رواية المهندسة نور الفصل الثالث عشر 13

لعلك تعرف ان القدر يكون أفضل مما تتمنى، لاتلقى بالا
لأنك ستاخذ مايرضي قلبك ويجعل منك عبدا شكورا.
ولنا في الخيال حياة، ولنا فى الحلم أمنية
اتوق ان ابنى معك درج منزلا عاليا، محاط بحديقة مثل الجنان. أرقص على نغمات سحرية كسندريلا فى ليلتها 
قبل الثانية عشر منتصف الليل.

مشيت ياسمين  بعد ما سابت نور ،مش عارفة تروح فين
تروح الكليه؟
على الاقل هناك بتنسى شويه هى مين،  بتفكر فى دراستها،  وانها ازاى تكون أستاذة فى الجامعة
حلم!!
ولا
ترجع البيت؟
وتشوف المعاناة وحتى الطبطبة مش موجودة

رجليها اخدتها لعند الكليه.. حضرت المحاضرات، خلصت يومها العادى اللى مكنش عادى لانها تعتبر تايهة.. بتفكر فى المستقبلالمجهول، رجعت على البيت
اختها الصغيرة  دعاء فتحت الباب وبتهلل
_العروسة جت..العروسة جت
ابتسمت ياسمين بحزن ، وبصت لمامتها  اللى ساكته تماما.
شدتها اختها 

_تعالى يا ياسمين شوفى العريس جايب اى معاه
حاجات كتير، حلويات، فاكهة ..بصى شوفى
فضلت مكانها  ، هى اصلا مش شايفة حاجة خالص
بص نظرتها لمامتها وفرحة اختها 
عرفت ان الحل فى الجواز فعلا ، راحت مامتها عليها
وطبطت عليها ودى تعتبر من المرات القليلة اللى مامتها عملت كده
_تعالى يابنتى الراجل جوة مستنيكى ، اغسلى حتى وشك قبل ما تدخلى 

ردت عليها بكسرة
_متقلقيش يا ست الكل هو شاف البضاعة من بدرى وعجبته والنهارده جاى يدفع العربون 
مش هتفرق كتير
ردت عليها مامتها
_ياريت كان فى ايدى حاجة يا بنتى اعملها ولا نروح لحد
__خلاص يا ماما اللى ربنا كاتبه هنشوفه
سابتهم وخبطت على الباب،باباها اذن ليها بالدخول
دخلت ياسمين وكانت الكارثة
شافت راجل عجوز
صحيح هى كانت موتقعة كده..بس كان نفسها انها تكون غلطانه فى احساسها.

بعد ساعة واكتر ، فاقت نور لقتها نايمة فى حضن بابها
_انا اسفة خضيتك عليا يا بابا

__انت بتقولى اى يا نور، انت حته منى ، نور عينى
ربنا يخليكي ليا وميحرمنيش منك
بس طمنى قلبى عليكى
فيكى اى؟
سكتت نور شويه، وهى بتكلم نفسها ياريت كان ينفع اقولك واحكي لك يا بابا..انا نفسى مش عارفه فيا اى
وكان باباها حاسس بالحرب اللى جواها، اتكلم هو بحنان
_نور اتكلمى وانا هفهمك ، مش لازم تحكى كل حاجة 
قولى اللى يريحك ، بس المهم تتكلمى 
نور مومنه تماما انها لازم تتكلم والا هيحصل لها حاجة
لازم تفهم فى اى، وفعلا مفيش حد أقرب من بابها، ابتسمت فى وش بابها ودا اكبر امان فعلت
_اوعدك احكيلك كل شى بس نرجع البيت يا بابا، مش وقته دلوقت ..المهم انك خرجت ليا بالسلامة 
اوعى تسيبنى يا بابا 
وقتها الباب خبط 
وأذن باباها للدخول وكان كريم على الباب 
وقتها مسكت ايد باباها جامد،ضغطت عليها، حس بيها وسكت ..
او يمكن هيبدأ يربط شكوك عنده.
اتعدلت نور واتكلم كريم بهدوء طبيعى
_عامله اى يا بشمهندسة ..إن شاء الله تكونى بخير
نور ملحقتش ترد لكن باباها رد عليه
_هى بقت احسن ..وانا كمان الحمد لله ، ومن الافضل نرجع بيتنا دلوقت 
__اه طبعا ،بس حضرتك لازم تاخد بالك من مواعيد العلاج وبلاش الارهاق او الإجهاد تماما
والزعل كمان ولا حد يقولك كلام يستفزك ولا اى رايك  يا بشمهندسة
ردت نور عليه بغضب
_تقصد انى مستفزة وانا الل  بيضايق بابا..لا معلش
انا معنديش أغلى من بابا..وقبل ما تتكلم كلمة
بص الاول شوف والدك عمل اى
واى سبب وجودنا فى المستشفى من إمبارح 
زعل كريم جدا من هجومها المفاجى ورد فعلها  الغير متوقع..معرفش يرد عليها
وقتها اتكلم صلاح بشبه غضب
_اى يا نور مالك ..هو قال اى يعنى 
وبقولك قدامه وقدامك انت كمان
_اللى حصل معايا انا و محمود ، انت ملكيش دعوة بيه 
ولا انت كمان يا كريم ..الموضوع يتقفل تماما 
مفهوم كلامى ؟
ردت نور 
_مفهوم يا بابا
بص صلاح لكريم منتظر رده
شاور بدماغة بالموافقه ورد عليه
_حمد لله على سلامة حضرتك..عن اذنك
وسابهم وخرج .
لقى والده  محمود واقف بره..سأله 
_خلاص ياكريم نور بقت كويسة هى وصلاح 
هيخرجوا؟
طبعا ملامح كريم حزينه جدا جدا 
متكلمش 
شاور بدماغة وخلاص.
_مش كنت بتقول هتوصلهم البيت ، هرجع البيت انا استناك ..متتاخرش عليا 
__لا يابابا ،انا مقولتش لهم حاجة، انا لسه عندى شغل هنا
سأله محمود 
_فى حاجة حصلت يا بنى؟حد قالك حاجة
__لا يابابا مفيش ،انا بس عندى شغل ومش هقدر 
اتردد محمود ان يقول حاجةبس فى الآخر قالها
_خلاص اوصلهم انا لو يوفقوا.
فى الوقت دا خرجت نور وصلاح واتكلم صلاح
_ماشى يا محمود وصلنا ..هنتعبك معانا
وقتها اتكلم كريم 
_عن اذكم
وسابهم ومشى.
وهما كمان مشيوا
بس كل واحد جواه حاجات كتير 
محمود بيسأل نفسه
ياترى صلاح ليه وافق؟
صلاح بيفكر 
ياترى اللى عمله صح؟
هو ممكن يسامح محمود؟ 
هو ممكن يوافق على .....؟
عند النقطة دى ووقف 
نور كانت بتفكر 
هى ليه عملت كده مع كريم؟
طيب ما دى طريقة كلامها مع الكل وكان اللى بيزعل يزعل
هى ليه زعلانه ان كريم زعلان..فضلت متبعاه لحد ما افترق عنهم وهما خرجوا من المستشفى 
فى نفس الوقت كان كريم فى غرفته بتابعهم من شباكها.. 
_ماشى يانور ..من النهاردة فيه معامله تانيه خالص 
هنشوف انا ولا انتى
يا بنت عم صلاح
*****
دخلت ياسمين الغرفة وشافت العجوز ،ابتسم لها بس هى من غير ما تحس الدموع نزلت منها وسط افكارها،مكنش فيه رد فعل تانى خالص، كانها دخلت دوامة تانية 
هى دى فعلا النهاية
عريس يمكن اكبر من والداها
ياترى التضحية تستاهل وأهلها يستحقوا
اتكلم الراجل بس هى مسمعتش حاجة
_عامله اى يا ياسمين ؟
كرر السوال كمان مرة وبرده مسمعتش 
والداها زعق فيها عشان تنتبه
بصت عليهم وانتبهت لوجودهم بس قالت 
_انا عايزة اكمل دراستي
ضحك العجوز 
_هو انا لما أسألك عامله اى يكون دا الرد 
طبعا باباها كان نفسه يخنقها وشخط فيها 
_اتكلمى كويس يا بنت
رد عليه الراجل
_خلاص يا ابو ياسمين سيبها،هى شكلها متفوقة وخايفة على مستقبلها 
وبض لياسمين وكمل كلامه
_ماشى يا بنتى ، مفتكرش عمر ابنى يعارض حاجة زى دى ..عمر انسان متعلم ومتفاهم جدا ومتفاهم جدا 
ياسمين بتكلم نفسها ،هو عمر ابنه ماله ومال تعليمى ولا  حياتى
سمعت الراجل بيقول
_انا عارف انه كان لازم يكون موجود النهاردة،  بس جاله ظرف طارئ واضطر يسافر عشان يخلص شغله، 
بس ان شاءالله هيكون موجود يوم الخميس عشان الفرح يوم الجمعة..انا اتفقت مع بابكى على كده
هو صمم انى اجى ومنلغيش الميعاد ، هو مستعجل على الفرح.
خلاص  كده كل السلوك دخلت فى بعضها ، وياسمين تاهت ،هو عمر دا اى وضعه من الإعراب 
_حمد الله علي سلامته، يرجع بالسلامة ان شاءالله 
بس هو ماله بيا ولا اى داخلى انا بحضوره او عدمه
دى مش هى اللى تاهت ،العجوز كمان 
_ازاى يا بنتى ملوش دخل..دا كل حاجة فى ايده
مش هو العريس
وقفت ياسمين 
_العريس!!!
اومال انت مين؟؟
__انا ابوه..هو انت مشفتيش عمر ولا تعرفيه
هزت ياسمين رأسها 
_لا ولا مرة 
استاذن العجوز انه يمشى،بس عزم انه يفهم من ابنه كل شى 
وساب ياسمين لدوامة التوهة
مين عمر؟
******
دخلت نور البيت وبعدها صلاح ، بس محمود فضل متردد فى الدخول، او يمكن صلاح مستنى يسمع الأذن من صلاح بالدخول، وقف صلاح قدامة 
_اتفضل ادخل يا محمود ، انا عمر ما حد وقف على باب بيتى ورجع..
__هتفضل تعاملني بالكرم دا كتير ، انا عارف انه مش لوم دا كرم وتربية ومعامله حسنة
انت عمرك ما كنت زى
دخلوا جوه البيت وقعدوا شويه من غير كلام ، نادى  صلاح على نور تعمل حاجة يشربوها،اتأكد انها دخلت المطبخ ومش هتسمع حاجة وقفل الباب
ووقف قدامه
_كل اللى حصل فى حياتنا حاجة ونور حاجة تانية يا محمود
انا عندى استعداد اسامحك على اللى حصل زمان 
بس نور ..اموتك فيها
رد محمود وكله ندم 
_يارتنى اقدر اثبتلك حسن نيتى وانى ندمان على اللى حصل زمان 
صلاح بعد  ما قعد عشان يرتاح
_مش مصدق كلامك ،عايزنى اسامحك 
رجع الحقوق لاصحابها ..شوف ظلمت مين وارفع عنه الظلم ، لو هتوهب مالك كله للخير 
مستعد لدا 
محمود بدون تفكير 
_موافق 
رد عليه صلاح مستغرب لسرعة اجابته
_اى اللى يخليك تعمل كده
__كريم 
_حاجة اخيرة يا محمود.. وصيتك نور 
__انت بتقول اى؟
_هتعرف لما اتأكد من حاجة معينه، هقولك عليها
ووقتها كل حاجة هتبان

رواية المهندسة نور الفصل الثالث عشر 13 - بقلم وفاء الغرباوي
روايات حصرية

تعليقات

ليست هناك تعليقات
إرسال تعليق
    google-playkhamsatmostaqltradent