رواية أحببت غروره الفصل التاسع بقلم نور عبد القادر
رواية أحببت غروره الفصل التاسع
عِشق بألم:ااه مش تفتح!
نظر لها برفع حاجب:وانتي ماشيه مش شايفه قدامك!
نظرت له بغضب:طب م تقول الكلام ده لنفسك وانت عامل زي الحيطه.
نظر لخمِراها الجميل الأبيض على وجهها القمحي
رفع حاجب واردف بضحكه مستفزه:مش عيب على لبسك الحلو ده يبقى نبرة صوتك عاليه كده!
نظرت له بضيق وهمّت لتصفعه بالقلم ولكن يديهُ اوقفتها !
نظر لها بغضب:انتي اتجننتي انتي عايزه تضربيني بالقلم!
عشق بغضب:ايوه اضربك انت مالك اصلا بلبسي ومركز في لبسي ليه مش فاهمه انا ! ربنا أمر بغض البصر يمحترم!
نظر لها ببرود:وربنا أمر بردو ان صوت المرأه عوره..
تركها وصار لسيارته ببرود
ظلت تنظر له بغيظ لفترة ولكن اوقف تفكيرها نعمة!
روايه احببت غروره بقلم Nour Abdelkader..💛
في شركة جاسر وتحديدّا مكتب خالد. .
كان ينهمك في اوراق عملهُ ولكن اوقف تركيزهُ طرق الباب ..
خالد وهو ينظر للورق:ادخل..
دخلت فتاة ترتدي مايشبه لقميص النوم يظهر اكتر مايخفي..سارت إلى مكتبهُ بخطوات بطيئة..
دنيا بدلع:عامل ايه ياخالد. .
نظر لها ولنظراتها واردف بإقتضاب..
كويس..
نظرت له بسهوكه واردفت بضيق مصطنع..
ايه الجمود ده بس يخالد لا لا زعلانه منك اووي!
نظر لها ورفع حاجب
ايه خالد دي! انتي نسيتي نفسك !
دنيا بغضب:في ايه مالك!
ببرود:ماليش واتفضلي قولي كنتي داخله ليه وانجزي ..
نظرت له بإستغراب من تغيرهُ التام !
دنيا بضيق:لا كنت داخله اصبّح عليك مش اكتر بس الواضح أنك نسيتني خالص!
خالد ببرود:اديكي صبحتي عليا يلا اتفضلي تخرجي عشان ورايا شغل ..
رمقتهُ بحنق وسارت إلى الباب وصفعته خلفها..
نظر إلى الباب بقرف وعاد ينظر إلى عملهُ مرةً أخرى بتركيز..
روايه احببت غروره بقلم Nour Abdelkader..💛
طرقت عِشق باب الفيلا بإبتسامه..
فُتحت الباب من قِبل نعمة..
نعمه بإبتسامه:حبيبتي اتفضلي.
دخلت عِشق بإبتسامه وهيا تتأمل الفيلا بعيون منبهره..
نعمه بإبتسامه:تشربي ايه يحبيبتي ..؟
نظرت لها بإبتسامه جميله:لا شكرا حضرتك مش عاوزه
نعمه بإلحاح:لا طبعا ازاي اول مره تشرفينا ومتشربيش حاجه!
عشق بهدوء:خلاص يبقى عصير ليمون..
اومأت برأسها وسارت لمطبخها تعد لها العصير ..
كانت تنظر من فوق رزان لعشق بإبستغراب..
رزان:انتي مين!!
نظرت لها بخضه واردفت في نفسها
جت منين دي !
وقبل أن تردف لرزان اردفت نعمة ببرود
مربية لسيلي يرزان..
نظرت لهم بتكبر واردفت..
اممم..نظرت لعشق:نورتي يااا..مربية سيلي..
نظرت لها عشق بعدم ارتياح واومأت برأسها بإيجاب..
سارت رزان لغرفتها تحت انظار نعمة الباردة ..
نظرت لعشق بإبتسامه:اتفضلي الليمون يقمر .
اومأت برأسها بإيجاب واخذتهُ من يديها..
نعمه بجديه:طيب اول حاجه مواعيدك هنا هتبقى مختلفه تماماً عن مواعيد شغلك عشان ميكونش بسببي سيبتي شغلك يعني انتي بتخرجي من شغلك الساعه كام؟!
عشق بهدوء:انا شغلي بيبقى من ١٠ ل ١٢ او ١ مثلا..
نعمة بهدوء:تمام واكيد سيلي هتبقى بتروح بنفس خروجك ولا ايه؟!
عشق بتفكير:الأولاد بيخرجو قبلنا بشويه وبعدين احنا بنخرج عشان بيبقى مثلا لو المديره عايزانا او فيه تعليم واجب او الحاجات دي..
اومأت برأسها بتفهم:تمام انا فاهمه كل ده..كل اللي عليكي هنا انك تبقي مسؤوله عن رعاية سيلين رعاية كامله يعني اكلها..شربها..لغايت نومها فاهماني؟
اومأت بإيجاب:فاهمه اكيد..
تابعت بتساؤل:طيب هيكون الشغل هنا من كام ل كام؟
نعمه بجديه:هيبقى من خروجك من الشغل لغايت معاد نوم سيلين..معاد نوم سيلين بيبقى ٨ او لما يتأخر بيبقى ٩ لكن مش بيكتر عن كده..
عشق بإبتسامه:تمام ..هبدأ من بكره؟
نعمه:امم ..انتي اتفقتي مع عيلتك صح؟
عشق بإبتسامه:اه اتفقت مع اختي ..
نعمه بإبتسامه:طيب يقمر هستناكي بكره..
نظرت لها بإبتسامه:اتشرفت ب حضرتك..
نعمة بحنان:حبيبتي ربنا يخليكي ..
نظرت لها بإبتسامه واستأذنت للخروج..
خرجت عشق من الفيلا وهيا تفكر.
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية أحببت غروره" اضغط على اسم الرواية