رواية النصيب الجميل الفصل السادس 6 بقلم فاطمة سعيد

الصفحة الرئيسية

    رواية النصيب الجميل  الفصل السادس بقلم فاطمة سعيد


رواية النصيب الجميل  الفصل السادس 

تمر الشهور والسنين وتصبح عهد ووعد في الصف الثالث الثانوي
وعد : انا خايفه اووي 
عهد : خير باذن الله ربنا هيجبر بخاطرنا واحنا تعبنا السنه دي وبذلنا كل مجهودنا وربنا هيراضينا 
حمزة : عهد كلامها صح اهدي بقا 
وعد :حاضر 
حمزة بصوت عالي : اهو الموقع فتح 
جمال : عهد حطيت رقم الجلوس بتاعك واهو هيظهر 
جماااال بصوت عالي: مبروووك يابشمهندسه
عهد ببكاء :بجد يابابا 
جمال : بجد ياحبيبه بابا جبتي 98.7٪ ماشاء الله عليكي 
وعد : الف مليون مبروك ياعهد 
وعد : ها ياحمزة ظهرت 
حمزة بتمثيل : اخس عليكي ياوعد انا طول عمري ااقول انك مش بتاعت تعليم وفاشله 
وعد ببكاء : والله حليت كويس
حمزة بضحك وفرحه : مبروك ياهبله 98 ٪
وعد ببكاء : حراام عليك وقعت قلبي
عهد قامت بااحتضان وعد : الف مليون مبروك يا رووحي نجحتي وكمان جبتي المجموع اللي نفسك فيه 
جمال : انا مش عارف اوصف الفرحه اللي حاسس بيها قام بااحتضان البنات الف مبروك ياحبايبي انا بجد فخور بيكم 
جمال : طيب ياعهد انتي هتدخلي كليه الهندسه اللي بتحلمي بيها من زمان واكيد باذن الله التخصص قسم ميكانيكا
عهد بفرحه : ايوة يابابا انت عارف بنام واصحي بحلم بيها 
جمال : ربنا يوفقك يا حبيبتي وانتي ياوعد 
وعد : بحماس شرطه يابابا 
حمزة بصلها بضيق وخرج ورزع الباب 
جمال : ليه كده ياوعد انتي عارفه حمزة مش موافق على الموضوع ده
وعد : دي حياتي يابابا وانا حره فيها 
عهد : وعد ماتعمليش كده انتي بكده هتخسري حمزة 
وعد دمعت ودخلت اوضتها 
جمال : انا مش عارف اختك دي طالعه دماغها ناشفه لمين 
عهد تمثل الاستغراب : يعني مش عارف يابابا 
جمال : تمام ليا مبسوطه كده ياست عهد 
عهد : انا هروح اشوف وعد يابابا
             _في الاوضه _
وعد ببكاء : انا مش عارفه مش عايزني ادخل شرطه ليه ده انا حبيتها علشان هو فيها 
عهد : ياحبيبتي هو خايف عليكي
وعد بزعيق : لا انا هعرف ليه انا رايحه اساله 
عهد : استني بس 
وعد : نازله يعني نازله 
عهد : طيب استني هنزل معاكي 
وعد : ياعهد هنزل لوحدي قولت
عهد : بس 
وعد : معلش ياعهد سيببني علي راحتي
عهد : طيب 
               *وعد بتخبط علي باب شقه حمزة 
جميله ايوة جايه : وعد الف مبروك ياحبيبتي انتي وعهد انا لسه كنت طالعه عندكم 
وعد : الله يبارك فيكي ياجميله  
جميله : مالك ياوعد حاسه فيكي حاجه 
وعد : مافيش ياخالتو هو حمزة فين 
جميله : في اوضته ياحبيبتي نزل من عندكم قالي انكم نجحتو وبعدين دخل اوضته علطول
وعد : طيب بعد اذنك ياخالتو ممكن ادخل عنده 
جميله : انتي هتستاذني في بيتكم اخس عليكي يا وعد 
وعد : تسلميلي ياجوجو
             *وعد بتخبط علي باب اوضه حمزة 
حمزة من الداخل : قلت مش عايز حد
وعد : ممكن ادخل 
حمزة ماردش 
وعد دخلت : ولا حتي انا 
حمزة : كنت عارف انك جايه وعلشان تطمني اللي في دماغك مش هيحصل 
وعد  بهدوء عكس اللي بداخلها : طيب ممكن اعرف السبب
حمزة قام بغضب أمامها : انتي عارفه ليه و100 مرة نتكلم في الموضوع ده انتي مابتفهميش مابتحسيش ايه ياشيخه
وعد ببكاء : علشان انت عارف الشرطه دي كان حلمنا سوا مش حلمي لحالي وانت دخلتها وبقيت ظابط طيب وانا مش احقق حلمي انا كمان 
حمزة : الشرطه حلم للراجل مش الست سامعه ياوعد قالها بزعيق
وعد : وانا هدخلها ومش هسيبك تتحكم فيا اكتر من كده 
حمزة بغضب شديد : انا اتحكم فيكي غصب عنك وعن اي حد انتي تستجري تعملي حاجه من غير مااعرف
وعد ببكاء شديد : انت اناني ياحمزة 
حمزة : انا اناني ياوعد 
وعد : ايوة ياحمزة وعلي العموم انا هسيبك تفكر لسه فاضل علي التقديم  20 يوم 
حمزة : ده موضوع منتهي مافيهوش نقاش بالنسبة لي
وعد : بالنسبه لك لكن بالنسبالي لا عن اذنك
وخرجت وقفلت الباب
     _   في الخارج_
محمود تعالي ياوعد اقعدي
وعد اخفت حزنها : ايوة ياحودة
جميله: مش هتكبري ياوعد 
وعد بضحك : غيرانه علي حوده ياجوجو
محمود بضحك : فكرتيني باايام الشباب ياوعد 
وعد : ماانت لسه في عز شبابك ياحودة ده انت اللي يشوفك انت وبابا يقولو اصغر من ابنك الاهبل ده 
حمزه: انا سامع اسمي 
جميله :تعالي ياحمزة 
وعد : اول لما جيه حمزة قامت وكانت ماشيه 
محمود : اقعدي ياوعد رايحه فين 
وعد : معلش ياعمو عايزة اروح انا وعهد نطمن علي حنان اصلها مش بترد علي فونها
حمزة قام بغضب : انتي شاورتي علشان تطلعي
وعد بتحدي : وانا قايله لبابا وكمان عمو محمود قولتله اهو بيقي اشاور مين تاني
حمزه بزعل : عندك حق ياوعد تقدري تطلعي ودخل اوضته 
وعد : حمزة ياحمزة مردش عليها
وعد علي وشك البكاء : عن اذنكم انا طالعه 
ومشيت 
جميله بحزن : ربنا يهديهم 
محمود : يارب ياجميله يارب 
          في الاعلي 
وعد : بقولك ياوعد رني تاني علي حنان شوفيها فتحت فونها ولا لسه
عهد : يابنتي مش احنا قولنا هنروحلها
وعد بتمثل التعب : لا مش قادرة ياعهد حاسه اني مرهقه 
عهد بتريقه : والله 
وعد : اه
عهد : طيب انا هرن عليها دلوقتي
جرس ياوعد 
عهد : السلام عليكم ورحمه الله وبركاته
حنان : وعليكم السلام ورحمه الله وبركاته اذيك ياعهد عامله ايه وحشاني انتي ووعد 
عهد : احنا الحمدلله بخير احنا قلقنا عليكي مش بتردي ليه
حنان : انا كنت نايمه وانتي عارفه اني بقفل الفون لما بنام 
سحبت وعد الفون : ايه يادووج مش هتبطلي الحركه الوحشه دي 
حنان بضحك : انا اسفه يافندم طمنوني عملتو ايه 
وعد : معاكي الظابطه وعد جمال عبد العزيز
والمهندسه عهد جمال عبد العزيز
حنان : مبروك ياعهد ياحبيبتي احلي مهندسه في الدنيا
عهد : تسلميلي يا حنون
حنان :وعد انتي لسه مصممه علي موضوع الشرطه ده
وعد : سيبك نتكلم في الموضوع ده بعدين  طمنينا عملتي ايه
حنان : بما اني كنت ادبي هدخل كليه اثار  جيبت94٪
        *فتحو الاسبيكر 
وعد وعهد : الف مليون مبروك ياحنان فرحنالك اوي يارووحي 
حنان : وانا فرحتي بيكم ماتتوصفش
عهد : تسلمي لنا ياغاليه
 طيب انا هقفل معاكي ياحنون مستنينك لازم تيجي
حنان :  إن شاء الله سلام 
عهد ووعد : مع السلامه
وعد : انا فرحانه اوي لحنان 
عهد:  وانا كمان ربنا يتمم لنا فرحتنا كلنا علي خير يارب

يتبع الفصل السابع  اضغط هنا 
رواية النصيب الجميل الفصل السادس 6 بقلم فاطمة سعيد
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent