رواية ماذا يسمى هذا العشق الفصل الثاني عشر بقلم رحمة كريم
رواية ماذا يسمى هذا العشق الفصل الثاني عشر
تليفون عشق رن وكان ابوها
عشق وهي ماسكه تليفونها بتترعش وبتعيط :قولي اقوله ايه ولا اعمل ايه دلوقتي
يونس بعصبيه :مين الي بيرن عليكي دلوقتي
عشق بعياط :ابويا بيرن عليا مش عارفه اقوله ايه ولا اعمل ايه
يونس صعبت عليه عشق
يونس وهو بيحاول يطمنها: ردي وافتحي الاسبيكر وانا معاكي
عشق بعياط :انا خايفه
يونس :متخافيش انا معاكي وبطلي عياط
عشق ردت على والدها وهي فاتحه الاسبيكر
عشق :الو يا بابا
عبد الله :انتي فين كل ده يا عشق
عشق بتوتر :بابا انا
عبد الله :انتي ايه
عشق بتوتر :انا اتجوزت
عبد الله :اتجوزتي ازاي وليه ازاي تعملي كده
هند خدت التليفون من عبدالله :انا عارفه من زمان انك واحده رخيصه زيك تعمل كده
يونس اتعصب جدا من كلام هند
وعشق منهاره بالعياط
هاني اخذ التليفون من هند :عملتي كده ليه انا بحبك انتي واحده زباله
عشق :انت واحد حقير انت مفكر اني في يوم اتجوز واحد زيك انت تبقى غلطان
هاني :والله لو شفتك هقتلك في أيدي قولي انتي فين
يونس اتعصب ااوي ومسك تليفون :الو انا ابقى يونس البحراوي جوز عشق وهي دلوقتي مراتي وعمرك ما هتقدر تعمل معاها حاجه فاهم
هاني :هي بتاعتي انا محدش هيقدر ياخدها مني
يونس بعصبيه :يبقى على جثتك الكلام ده لأنها مراتي وحبيبتي فاهم وهي اختارتني انا وسابتك
عبد الله :وانت لو محترم تاخد واحده من ورا أهلها وتتجوزها بدون علمهم
يونس :لما تبقى اب فعلا بجد كنت تحافظ على بنتك كنت جيت عندك و طلبتها وانت كنت هتبيعها وانا بحبها
عبد الله :قولي انتم فين
يونس :لي
عبد الله :هاجي أخدها منك
يونس :قصر البحراوي اكيد تعرفه تعالى لو تقدر تاخدها خدها
عبد الله اتنرفز من جدا وقفل التليفون
عشق كانت واقفه منهاره في العياط
يونس بعصبيه :بتعيطي ليه دلوقتي
عشق بعياط :صعبانه عليا نفسي نفسي ابويا هيجي ويقتلني اهو يريحني من العيشه دي
يونس وجعته الكلمه دي
يونس :محدش عمره يقدر يقربلك أنتي انتي شاكلك ناسيه انتي بقيتي مين انتي مرات يونس البحراوي محدش عمره هيقدر يجي ناحيتك
عشق :شكرا لحضرتك، ممكن تقولي انام فين لاني تعبانه
يونس :هتنامي جمبي
عشق :نعم ازاي يعني
يونس :انتي نسيتي انك مراتي
عشق :مجرد جواز على ورق لوانت ناسي
يونس :انا عارف كويس انه على ورق بس لو مش عايزه تنامي جمبي على السرير عندك الأرض نامي عليها
عشق بقله حيره :حاضر
يونس :حاضر ايه هتنامي جمبي ولا على الأرض
عشق :هنام جمبك
يونس :ماشي، عندك الحمام ادخلي غيري في هدومك
عشق مسك الشنطه إلى هاله ادتهالها
عشق فتحت الشنطه في الحمام
عشق اتصدمت لما شافت أن كل الملابس إلى فى الشنطه عباره عن لانجيري
عشق :انا البس ايه دلوقتي كل البس كده
عشق وهي بدور شافت هوت شورت تايجر ضيق
عشق :انا مش قدامي حل تاني وبعدين هو جوزي يعني مش حرام
عشق لبست الهوت شورت وفردت عليه شعرها
عشق كانت مكسوفه جدا انها تطلع كده
عشق خرجت من الحمام
يونس كان في سرحان في جمال هذه الفتاه انها جميله للغايه
يونس :مش انتي لسه قايله اننا متجوزين على ورق بس اومال ايه الي لبساه ده
عشق :انت عارف اني مكانش معايا هدوم فامدام هاله ادتني شنطه فيها هدوم ولما فتحتها مالقتش حاجه البسها غير ده لأنه محترم شويه لأن الباقي عباره عن لانجيري
يونس في نفسه :كويس انك مالبستهوش
عشق نامت جمب يونس كانت مكسوفه ااوي
تاني يوم
هاله بتخبط على باب عشق ويونس
دق دق دق
يونس صحي من النوم شاف جمبه عشق كانت ماسكه في ايده
يونس كان سرحان في شكل عشق وهي نايمه شبه الملايكه وشعرها الطويل الناعم على وشها
يونس شال شعرها من على وشها
عشق صحيت من النوم
عشق :في حد بيخبط على الباب قوم افتح
يونس :عايز افتح من الصبح بس انتي ماسكه في أيدي كأني ههرب
عشق بكسوف :اسفه بس كنت ممكن تقدر تشيل ايدي عادي
يونس عشان يتهرب من كلامها قام فتح الباب
وعشق دخلت الحمام
هاله :صباح الخير يا عريس
يونس وهو بيبوس رأسها :صباح النور
هاله :اومال فيه العروسه
يونس :في الحمام
هاله :طب أدى دي لعشق
يونس :اي دي
هاله :شنطه فيها هدوم عشان تقدر تخرج بيها وكده
يونس :طب لما دي فيها هدوم محترمه شويه يبقى كان أي لازمتها هدوم بتاعت امبارح
هاله :دي هدوم تنزل بيها تحت معانا اما بتوع امبارح هتقعد بيها معاك هنا
يونس :اه فهمت
هاله :اجهز انت وعشق عشان احنا مستنينكوا تحت عشان نفطر سوا ماتتاخرش
يونس :حاضر
يونس خبطت على باب الحمام
يونس :عشق بتعملي اي كل ده
عشق :عايزه اغير هدومي ومش لاقيه حاجه البسها
يونس :طب هاله جابت ليكي هدوم دلوقتي
عشق :ماشي هفتح أخدهم
عشق غير هدومها وليست بلوزه زيتي وعليها بنطلون اسود وفارده شعرها البنى
يونس بدل ملابسه وقاعد مستني عشق تخلص لبس
عشق خرجت من الحمام وكانت مثل القمر
يونس كان سرحان في عشق وبدا يقرب منها وهي تبعد لحد وقفت ورا حيطه
عشق قلبها كان بيدق بسرعه جدا
يونس حاوطها من خصرها وقربها منه
عشق بتوتر :يونس ابعد
يونس :وابعد لي
عشق بتوتر :لأن أنا.. وانت
يونس همس أمام شفايفها :طلعه زي القمر
يونس كان بيقرب من شفايفها بعد عنها لما سمع صوت زعيق تحت
عشق :اي الصوت ده
يونس :معرفش تعالى ننزل نشوف في اي
عشق ويونس نزلوا واتصدموا لما شافوا
*************
عند رحمه
لؤي :رحمه انتي مش هتروحي الجامعه انهارده
رحمه :مش عارفه بس انا خايفه
لؤي :متخافيش انتي لازم تنسى الماضي وتبدأي حياه جديده
رحمه :هو الي انا شوفته ده حد يقدر ينساه
لؤي :الحياه كلها عباره عن تجارب وامتحانات واحنا عايشين وبنجرب مش من اول موقف يحصل لينا نهرب لازم نواجه اي حاجه
رحمه :وهو إلى بيواجهه ده محتاج حد في ضهره حد بيساعده بيقف جمبه انا بقى ماليش حد
لؤي :لي بتقولي كده انا معاكي وهقف في ضهرك وهساعدك في اي حاجه انتي تحتاجها
رحمه :اول مره في حياتي الاقي حد عايز يساعدني
لؤي :خلاص يبقى تدخلي تلبسي واوصلك تروحي جامعتك
رحمه :حاضر
****************
يونس وعشق نزلوا وشافوا عبد الله وهند وهاني تحت وبيتخانقوا مع عزيز وهاله
هند شافت عشق نازله من على السلم
هند :اهلا يعروسه كنتي عزمتينا على فرحك
عبد الله بعصبيه :اتجوزتي بدون علمنا لي
هاني :لي تتجوزي يا عشق احنا كنا هنتجوز خونتيني لي
هاني رفع ايده ليضرب عشق
بس مسكه يونس وفضل يضرب في بكل عصبيه
يونس بعصبيه :مين سمحلك انك تتكلم مع مراتي كده ولا انك ترفع ايدك عليها
عزيز أنقذ هاني من تحت ايده لأنه كان هيموت في ايده
هند :اخويا كان هيموت بسببك
عشق وقفت ورا يونس لأنها كانت خايفه من أهلها
عبد الله بنرفزه ومسك ايد عشق :امشي معايا حالا
يونس :واخد مراتي ورايح فين ده بيتها
عبد الله :دي بنتي وهاخدها وامشي وهطلقها منك
يونس :لو هي عايزه تطلق تقولها
عشق :انا مش موافقه اني ارجع معاكم انا هعيش هنا مع جوزي وحبيبي
كلمه حبيبي دخلت في قلب يونس
عبد الله :امشي معانا ولا كلمه فاهمه حسابك معانا في البيت
يونس مسك عشق من ايديها وحاوطها من خصرها :من الواضح انك مسمعتش هي قالت اي هي اختارتني انا ومش هتمشي من هنا لأنه بيتها وانتم اطلعوا بره حالا بدلا ما اطلب ليكم البوليس
عبد الله :انتي من دلوقتي ميته بالنسبه ليا
هاني :والله ما هخليك تفرحوا بعض
هند :حسابك معايا لسه ماخلصش
عشق بعد ماسمعت كل ده فضلت منهاره من العياط
وأهلها خرجوا برا القصر والغضب مليهم
يونس بصدمه وخوف :عشق
يتبع الفصل الثالث عشر اضغط هنا
- الفهرس يحتوي على جميع فصول الرواية كاملة :"رواية ماذا يسمى هذا العشق" اضغط على اسم الرواية