رواية علي واسما البارت الخامس 5 بقلم اشرقت عبدالحكيم
رواية علي واسما الفصل الخامس 5
اسما = ايه اليفطة دي .... احنا مش رايحين القاهرة ي علي !؟
علي = ايوة مش رايحين القاهرة رايحين اسكندرية
اسما = ومقولتليش ليه
علي = واقولك ليه حبيت افاجأك
اسما = برضو ي علي كان لازم تعرفني عشان اجهز نفسي واستعد وكدة
علي = يبنتي اللي انتي محتاجاه اجييهولك عادي فين المشكلة
اسما = لاء يعم علشان كنت اجيب البطة بتاعت إياد والمايوه بتاعة والمايوه بتاعي أنا كمان
علي = نعم يختي
اسما = ف ايه
علي = مايوه ايه يختي
اسما = المايوه بتاعي يعلي
علي = ايوة منا سمعتها مايوه ايه ... مايوه ايه وانتي محجبة اصلا
اسما = وهو البيه مسمعش عن المايوه الإسلامي ولا ايههههه
علي = يعني انتي لو قولتي م الاول كانوا هيقولوا اللي مجلطتش علي اهي اهي
اسما = خلاص خلاااص ما تصدق انت تظيط صح
علي = أنا بظيط ي اسما
اسما = ايوة ي علي بتظيط
علي = أنا بظيط ي اسما
اسما = ما قولتلك ايوة ي علي
علي = الله يسامحك
اسما = علي العيوطة وصل يحاااراااااة
علي = أنا عيوطة ي اسما
اسما = يووه .. خلصنا م أنا بظيط ي اسما بدأنا ف أنا عيوطة ي اسما ..... لاء يكوكو انت قمر وكيوت
علي = كوكو !! انتي بتكلمي إياد ولا ايه
اسما = انتو الاتنين نفس الدماغ يروحي
علي = روحك ... انا روحك
اسما = يبني ده مجازاً يبني ..... قولي بقا هنقعد هناك كام يوم
علي = عادي أنا مش مرتبط باي حاجة او مواعيد مثلا وممكن انقل شغلي اسكندرية كمان
اسما = الااااه ... الااااه
علي = اييههه الاستغراب ده كلههه
اسما = لاء اصل غريبة أنه حد يكون م برة اسكندرية وعنده استعداد يعيش هناك كدة عادي ولا ليه أهل مثلا او قرايب هناك
علي = مبدأياً أنا ولله الحمد ليا ف كل مكان صاحب
اسما = أنا جدع ايوة أنا جدع
علي = ما ف مرة حد مني اتلدع
اسما = لا لساني نطق بكلمة ورجع
علي= واللي يقول غير كدة كدااااااب
اسما = خلاص يفنان ده اولا ... ثانيا بقا
علي = ثانيا أنا بحب اسكندرية جدا ..... دي اول قصة حب تنشأ بين انسان واسكندرية اي والله
اسما = اشمعنا احكيلي
علي = تموتي ف الحكاوي انتي
اسما = ايوة فعلا دي حقيقة ... خش ف الموضوع بقا
علي = زمان جدا بابا اخدنا عشان نصيف وكدة وطبعا اشهر مكان زمان هو اسكندرية م اول ما روحنا هناك وانا حسيت ب دفا غريب وراحة متتوصفش كأن البحر بنفسه بيرحب بيا قعدنا هناك اسبوع ومش هكدب لو قولتلك احلي اسبوع ف حياتي واتعلمت وقتها السباحة بسرعة جدا جدا وف مرة كنت قاعد ع البحر ولقيت حاجة عاملة زي رسالة البحر كدة د.. رسالة جوه قزازة قزاز مكتوب فيها "ابقي زورنا تاني ... ابقي غيب وطل ..... بحر اسكندرية غواك زي ما غواني .... ولا ف مرة منه هتمل"
ووقتها حسيت أن دي إشارة 😂 وكان نفسي اجي هنا كل سنة بس مكنش بينفع ... وكل فترة بدأت بقا المصايف تزيد وواحدة واحدة اسكندرية بدأت أن ناس كتير تنساها عشان بقي فيه دهب والساحل والغردقة وشرم الشيخ و و و و...... بس انا عمري ما احس نفس الاحساس ده ف اي مكان تاني غير اسكندرية بحبها بموت فيها بعشقهااا
اسما = يااااه أما قصة عبرة بصحيح
علي = تصدقي أنا غلطان اني ضيعت وقتي الثمين ف الكلام معاكي ... عيلة فصيلة
اسما = طب مش هنوصل بقا انا تعبت
علي = خلاص كلها نص ساعة ونوصل الفندق
اسما = لاء مبحبش الفنادق ... وبعدين ازاي تبقي بتحب اسكندرية كدة وتقول نقعد ف فندق ... كدة المتعة ناقصة حتة يبني
علي = عندك حق... خلاص نبات انهاردة بس عشان السفر وبكرة نشوف شقة
اسما = اوكاااااي
*بعد نص ساعة ف الفندق*
موظف الاستقبال = اهلا وسهلا ي فندم .... في حجز م قبل كدة ولا هتحجز دلوقتي
علي = اهلا بيك ... لاء ف حجز باسم علي الرفاعي
موظف الاستقبال = حاضر ي فندم ثواني ...... تمام يفندم الاوضة جاهزة لاستقبال حضراتكم ونورتونا
علي = شكرا جدا ... واخد منه مفتاح الاوض ونده ع حد من اللي بيشيلوا الشنط علشان ياخد شنطهم
علي = يلا ي اسما
اسما = يلا
وكانوا واقفين عند الاسانسير مستنيينه ينزل ولما فتح الاسانسير طلعت منه بنت وقالت
البنت = علي .... علي كامل الرفاعي
علي = نعم حضرتك تعرفيني
البنت = طبعا يروحي انت نسيتني ولا ايه
وقف علي مصدوم واسما قالت
اسما = ....
- تابع الفصل التالي عبر الرابط: "رواية علي واسما" اضغط على أسم الرواية