رواية أحببته رغم عقله الفصل الخامس بقلم رؤي عمر
رواية أحببته رغم عقله الفصل الخامس
_ ايه!!!!!!!!!
=انا اسف
_ انا قولت انه هيتحسن بالعلاج
=المخ مافيهوش استجابه للعلاج، لازم عملية يا اما هيفضل كدا على طول، هاخد منك الرد خلال الاسبوع دا
_ بعد ازنك
خرجت وانا دموعي في عيوني، اول ماشوفته مسكت ايده ومشيت
_ مريم
=نعم
_ مش هتجيبي المانجا؟
بزعيق=لا وبطل شغل عيال بقا
شد ايده من ايدي وخطوته بقت سريعة عني، وركب العربيه، ركبت وهو كان ساكت على عكس طبيعته، كنت بعيط وامسح دموعي بسرعه، لقيته بيسحب منديل وبيحطه قدامي وهو لسه باصص قدامه ومش بيتكلم، مسكت المنديل ومسحت دموعي ووصلنا البيت وهو طلع قبلي
_ حاج
=كنتي فين يبنتي؟
_ ك كنت عند الدكتور
=وقالك اي؟
_ قالي انه... انه
=في اي يمريم؟
_ ان احمد لازم يعمل عمليه في المخ
=ايه!!!!!
حاولت ابقي قويه ومدمعش_ متخافش دي عمليه بسيطه خالص نسبه النجاح فيها مؤكد واحمد هيرجع بعدها طبيعي
ابتسم=بجد؟
_ ايوا بجد، هروح اعمل عصير لاحمد بعد ازنك
=اتفضلي يبنتي
كان فرحان اوي وانا هموت واعيط، وكاتمه العياط جوايا، دخلت عملت عصير المانجا وطلعت، اول ماشافني لف وشه الناحية التانيه
_ مش عاوز تشرب مانجا؟
=.....
_ ماتزعلش مني دا انا حتي بحبك
=.....
لقيت نفسي بعيط من غير ماحس _ انت زعلان مني؟ متزعلش انا اخر حاجه اقصدها اني ازعلك او ازعقلك والله
لف وشه وجسمه بسرعه وقرب مني ومسك الصينيه حطها الكومو
_ معتيش تعيطي، مبقتش زعلان
=.....
_ خلاص يمريم والله، انا اسف معتيش تعيطي، حضنته وفضل يطبطب عليا، لسه حضنه الحاجه الوحيده اللي بتطمني، بعدت عنه بالتدريج
_ مش هتشرب العصير؟
=ازاي وانتي اللي عملاه، بس معتيش تعيطي، اضحكي ضحكتك حلوا اوي على فكره
ابتسمت _ مش احلي من ضحكتك
مسح دموعي=كدا بقيتي جميله اوي، معتيش تعيطي انا جمبك اهو قوليلي اللي مزعلك على طول وانا على طول معاكي
_ على طول؟
=على طول
شرب العصير وقعد على السرير
_ هعمل غدا
=اجي اساعدك؟
_ انت حرقتلي الفراخ المره اللي فاتت
=مش انتوا طالبينها مشويه؟
_ يجدع
=هنزل معاكي اساعدك
_ تعالي يلا
مش عاوزه يجراله حاجه في العمليه دي، مش هستحمل والله مهستحمل، للدرجادي حبيتك!!، يمكن انت فعلا تتحب، طب فيها اي تفضل كدا، بس مينفعش ابقا انانيه باباه عاوزه يبقي كويس وزي ماكان، مع ان مفيش احسن منه دلوقتي والله، يرب اعدي العمليه على خير
_ خلصنا؟
=خلصنا، هطلع الاكل لباباك وانت طلع الصينيه اوضتنا
_ حاضر
طلعت الاكل للحاج وطلعت اوضتنا
_ حلوا؟
=اه يا احمد تسلم ايدك السلطه تجنن فعلا!!
_ والله لو اتعرض عليا تحكيم لجنه توب شيف ميلزمني
=كنت عارفه ان الغرور هياخدك، كنت عارفة
خلصنا اكل وانزلت الاطباق وطلعت اقعد معاه
_ مريمم
=هاا
_ تعرفي انتي اقرب حد ليا، عمرك مطلبتي مني حاجه، على طول بتعملي اللي يريحني، عاوزاني اضحك على طول، بتكلم معاكي من غير مافكر في الكلام، بقيت احب اشوفك، وقلبي بيوجعني لما تعيطي، عاوزك فرحانه وبتضحكي دايما، عاوزك على طول قدامي، عاوزك على طول تحضنيني وتحسسيني اني مهم عندك، اول مره اكون مهم عند حد من صحابي، بقيتي انتي كل صحابي وعارف اني بعدت عن التانيين ودا لمصلحتي، عاوزك على طول تلعبي معايا وتجبيلي مانجا،عاوزك تتكلمي معايا على طول، عاوزك على طول صاحبتي اللي مليش غيرها، عشان كدا انا بحبك، بحبك اكتر حد في الدنيا
=انا كمان بحبك اوي وعاوزاك جمبي على طول
_ دا انتي عيوطه اوي
=الاه!!
كل يوم كان بيعدي ومش عارفه هقوله امتي على العمليه،كلمت الدكتور
_ ايوه يدكتور،احنا موافقين على عملية احمد
=كويس انك رديتي بسرعه،طب العمليه هتبقي الخميس الجاي
_ بعد بكره!!
=ايوا فيه مشكله
_ لا....، لا لا مفيش مشكله
=ان شاءلله العمليه تنجح
_ يارب
قفلت معاه يعني معدش ورايا غير بكره ولازم اقول لاحمد!!
_ مريمم
=جايه، جايه اهو
دخلت وقعدت جمبه
_ مالك؟
=عاوزة اقولك حاجه
_ قوليلي على حاجه
=انت واثق فيا صح؟
_ اكيد واثق فيكي
=طب ممكن تعمل عملية بعد بكره
_ عمليه!!
=عمليه صغيره عشان تبقي كويس
_ كويس!!هو انا مش كويس؟
=لا كويس، بس عارف العلاج اللي بتاخده المر دا
_ ايوا عارفه اه
=بعد العمليه الصغيره دي مش هتاخده تاني ابدا
_ بجد والله؟
=اه والله
_ يبقي هعملها، مش انتي هتبقي معايا؟
=ايوا هكون معاك
_ يبقي انا مش خايف
فضلنا نتكلم، بقا كلامي ليه جزء مهم من يومي وهو بقي الجزء الاهم في حياتي، يمكن ربنا عمل كدا من الاول عشان عارف اني هحبه في الاخر، عدي اليوم واليوم اللي بعديه عادي و جه "يوم العملية"
_ يلا بينا
=هلبس الكوتشي ثانيه واحده
لبس ونزلنا
_ احنا ماشيين ياحاج
=مش عاوزاني اجي معاكي ليه يابنتي؟
_ دي عمليه بسيطه مش محتاجه يعني وهتابع معاك في الفون وان شالله نرجع وهو كويس
=ربنا يطمننا
ابتسمت وركبت العربيه وروحنا المستشفى، لبس هدوم العمليات وقعد في الاوضه شويه اما الدكتور ييجي
فضل باصصلي وكان خايف،مسكت ايده وابتسمت وبصتله
_ متخافش انا معاك اهو،مش انت بتقولي دايما متخافيش وانا معاكي؟ احنا مع بعض يبقي متخافش من اي حاجه
ابتسم وجمد ايده على ايدي وحضني وهو قاعد وانا قاعدة جمبه،اتمني حضنه يفضل بالبراءه دي،اتمني مفيش حاجه تتغير في احمد اللي حبيته
_ الدكتور وصل،ممكن المريض يقعد عالترولي
=يلا يا احمد اقعد عليها
قعد ومشيت معاه لغايه موصلنا اوضه العمليات
_ مينفعش تدخلي،لازم تستني برا
=حاضر
دخل وساعتها سمحت لعياطي انه يبدا،كنت واقفه قدام الاوضه وايدي مكان لمسته بتترعش،كنت بقرا قرآن وادعيله كتير اوي،مر ساعتين والدكتور طلع
_ دكتور طمني عشان خاطري هاا؟
=مبروك العمليه نجحت
بضحك ممزوج بالعياط_ نجحت،نجحت هو بقا كويس
طلع في اللحظه دي والممرضه واخداه على الاوضه
_ هو كويس صح؟
=ايوا الحمدلله الحاله مستقره والمخ استجاب هو هيفوق في خلال ساعه بالكتير
_ شكرا يا دكتور بجد
=مكنش هيوصل لكدا من غيرك،العمليه كانت صعبه اوي نسبه نجاحها ضعيف ومكنتش عاوز اقولك عشان ماقلقيش بس بفضل ربنا ثم دعواتك ووقفتك جمبه العمليه نجحت
ابتسمت_ الحمدلله
=لو عوزتي اي حاجه انا في مكتبي
_ شكرا يادكتور
بقي كويس!الحمدلله انه محصلوش حاجه،كل الافكار الوحشه كانت في دماغي في الساعتين دول،الحمدلله انه كويس والله
دخلت الاوضه وهو نايم وقعدت على الكرسي جمبه،كان في شاش ملفوف على دماغه رافع شعره لفوق كان شكله في منتهي اللطف،فضلت قاعده جمبه لغايه مفتح عيونه
ابتسمت_ حمدلله على السلامة يا استاذ
=انتي،انتي مين؟
_ ايهه!!!!
يتبع الفصل السادس والأخير اضغط هنا
- الفهرس يحتوي على جميع فصول الرواية كاملة :"رواية أحببته رغم عقله" اضغط على اسم الرواية