رواية قدري البارت الرابع 4 بقلم اية هلال
رواية قدري الفصل الرابع 4
- اي ده انتي مين وبتعملي اي في قوضتي ؟
= قالت بتردد انا انا انا ممرضة وكنت جاية اخد حاجة من هنا
- ممرضة ازاي يعني انتي مش لابسة لبس الممرضين وشكلك غريب انتي مين لاحسن الم عليكي المستشفي كلها
= ماانا قولت لحضرتك انا ممرضة ولسة جاية من برا وملحقتش اغير يعني
- وانتي يا ممرضة جاية الاوضة بتاعتي في نص الليل وبتتسحبي عشان تعملي اي انا كويسة ولسة الدكتورة سيباني كويسة .. انتي شكلك غريب وانا مش مستريحالك انتي حد زقك علياا ؟!
= يا فندم قولتلك ممرضة عن اذنك بقا
بتقول في سرها :اي الي صحاها دي كماان
- بتنام ليلي وهي تعبانة من الكمياوي ومهدودة حرفياا وسرحانة في الي جاي وهل فعلا هتتعالج والكمياوي الي هدها هيجيب نتيجة ...
قعدت ليلي في المستشفي 4 شهور بالظبط من الالم والتعب والزعل والحزن الشديد
- يلا يالولو انا جهزت شنطتك انا هنزل اوقف تاكسي واطلعلك تاني حمدلله علي السلامة يا قلب ابوكي
= الله يسلمك يا حبيبي
- روحوا هما الاتنين وهيا في التاكسي وباصة علي المستفي وبتدعي متدخلهاش تاني ولا تاخد كيماوي تاني .. بس كانت بتقول في سرها هي مين فعلا البنت الي كانت داخة قوضتي يمكن كانت عايزة تقتلقني او حد باعتها مش عارفة بس الحمدلله خرجت منغير ما يحصلي حاجة
- دخلت ليلي الاوضة بتاعتها عشان ترتاح شوية وباباها خرج عشان يجيب حاجات ناقصة في البيت
- بتلاقي تلفونها بيرن
- الو كده تمشي من المستشفي من غير ما اعرف ؟
= انت ليك عين ترن عليا مش كفاية التهزيق الي اخدته بترن تاااني ليه هاا بتقول بعياط : ارجوك سبني في حالي بقا انا مش حمل مناهدة والله
- انتي هبلة يا ليلي ولا اي انا محمد انتي بتقولي الكلام ده لياا
= اي ده محمد ان اسفة والله افتكرتك خطيبي انا اسفة والله صوتك شبهه اوي
- اه وهو خطيبك منكد عليكي اوي كده ده الموضوع لازمله رغي للصبح
= اها بس انا تعبانة لما ارتاح نبقي نتكلم واسفة تاني علي الي حصل
- لا ولا يهمك اهم حاجة سلامتك
قفلت معاه وراحت ووقفت عند المراية : اي القمر ده يا ليلي الي بيتعبوا بيحلوه ولا اي ...رغم ان شعرها كان واقع ولابسة باروكة شبهه شعرها بالظبط لونه اسود وطويل ..
- قالت في سرها :ياريتو كان احمد الي اتصل كان حتي هكون فارقة معاه لكن هو لايبالي كنت حتة هسامحه لو كان اتصل يلا في داهية اي الشيزوفرنيا دي انا هدخل استريح
- نهار جديد في اوضة ليلي الي غيرتها وملتها الوان مبهجة .. صحيت الصبح وعملت الفطار الي بتحبه وجمبه شاي بلبن اي اورجانيك وملقتش باباها لانه في الشغل بس لقت في التلاجة كيكة معمولة بكل الحب من ايده مكتوب عليها حمدلله علي السلامة يا لولو فرحت اوي وكلتها مع الشاي بلبن واخيييرا قعدت علي الكنبة وشغلت فيلم اشاعة حب لسعاد حسني واخر مزاج ...
بعد اما خلصت لبست هدومها الجميلة اللطيفة ( عبارة عن فستان مشجر رقيق اوي ) وخرجت تتمشي الصبح وهي حاطة الهيد فون بتسمع لام كلثوم .
خلصت مشي وعدت علي بابها في الشغل عشان تروح معاه
- سلام عليكم ازي حضرتك يا استاذ فتحي
= اي ده اهلا يابنتي بسم الله ماشاء الله زي القمر
- تسلم يا عمو امال بابا فين ؟
- مجاش يابنتي انهاردة انتي متعرفيش
= مجاش ازاي هو قاليلي انه رايح الشغل ازاي الكلام ده انت هتقلقني عليه كده
- متقلقليش هو هيروح فين يعني تلاقيه بيتمشي ولا حاجة .. استني اجبلك حاجة تشربيها
= لا شكرا ياعمو مرة تانية عن اذنك
- يووه بقا يتري بابا راح فيين .. تلفونها بيرن
- الو انتي فين وقبل اي حاجة انا محمد عشان متهزقش زي المرة الي فاتت
= الحقني انا مش لاقية بابا ودورت عليه في كل مكان
- مش لاقياه ازاي هو مش في الشغل ؟
= لا انا دورت في كل حتة انت متعرفش هو فين
- لا معرفش متقلقيش اهدي كده وهنلاقيه المهم انتي فين
- انا في الشارع بدور عليه اي الذكاء ده
= طيب انا هاجي ادور معاكي ابعتي اللوكيشن
- ماشي
قعدوا يدورو في كل حتة بيروحها وروحت البيت من كتر التعب
- اي ده انت رايح فين انا مروحة هتيجي معايا ؟
= لا هوصلك بس
- لا ميرسي هروح لوحدي
-روحت ودخلت الشقة وهي خايفة اوي عليه لقيت ايد بتغطي عنيها وبتقول ادخلي يا قلب ابوكي
= ليلي بفرح :بابا انت هنا ولقت بلالين بتنزل من فوقها والكل عمال يسقف حتي محمد لقته هناك
- بابا انت كل ده كنت بتعملي مفاجاه واتفقت مع كل النااس دي انا بحبك اوي اي
- انا معنديش غيرك افرحله يابنتي انتي بطلة بطبة وقدرتي تعدي التعب
= الحمدلله يابابا كله بوقفتك جمبي منغيرك كنت هقع فعلا ومكنتش هقوم
- بيحضنوا بعض بكب حب وحنان
بيدخل عليهم محمد : ايواا بقا ربنا يخليكو لبعض
= لالا انت متتكلمش خالص يعني انت عارفة ان بابا بخير وكمان بيعملي مفاجاه وانت ماشي معايا بندور عليه
- اعمل اي بقا هو الي قالي مقولكيش وكنت بلهيكي عقبال ما يخلص
= بيضحك ابوها ايوا متظلمهيوش انا الي قولتله يعمل كل ده
دخلت ليلي تسلم علي الموجودين .. ليلي بضحك : اي ده حتي انت ياعمو فتحي لا بقا
راحت ليلي عند محمد : علي فكرة الفرحة دي مش هتكمل الا لو انت كمان اخدت خطوة في العلاج
= سبيها علي الله يا ليلي ها قوليلي نتيجة العلاج امتي
- يعني لما الدكتورة تقولي انا خايفة اوي
= متخافيش ابدا خلي عندك يقين بالله ادعي بس وهنفرح كلنا الفرحة الكبيرة ساعتها
- ان شاء الله
لقت احمد خطبيها داخل وشافها وهي بتتكلم مع محمد
- حمدلله علي السلامة ياليلي
= ليلي وهي بتبص بعيد وبكل برود : الله يسلمك يا استاذ احمد
- استاذ احمد !! ومين الاستاذ ده ؟
رد محمد بسرعة : اهلا معاك محمد ورم في المخ
-اتكسف احمد في الارض وقاله الف سلامة عليك ومشي
- لي عملت كده انا اتخضيت انا كمان بص دورك جاي والله وهتتعالج وانا حاسة كده انك هتبقي كويس والله صدقني
= ارجوكي ياليلي متطغطيش عليا . انا همشي بقا حمدلله علي سلامتك
- اوكي هبقي اكلمك
= اوكي
الحفلة خلصت وكله روح
- ليلي : بابااااااااا اسبقني علي الكنية بالفشار وهجيلك بشاي بنعناع يا والدي
= ماشي يالولو يا قلب بابا
- قضوا سهرة سعيدة مليانة بالحب بجد احلي علاقة هي علاقة البنت بابوها ازاي ليلي متفاهمة مع باباها كده وتحسهم اخوات وفاهمين بعض كويس اوي هي مصدر للسعادة ليه وهو مصدر للامان والسند ليها ...
نهار جديد علي ليلي وهي اسعد واحدة في العالم
بتصحي علي رنة التلفون مش فيروز لا .. بتلاقي الدكتورة بتكلمها اتخضت وافتكرت النتيجة طلعت
- ليلي بكل خوف : الو يادكتورة خير في حاجة
= الو يا بطلة مالك صوتك خايف كده ليه متقلقيش التحاليل لسة مطلعتش
- حطت ايديها علي قلبها طب الحمدلله يادكتورة امال في اي ؟
=الحقيقة احنا بنبقي حاطين كاميرات في كل اوضة في المستشفي ده طبعا حاجة روتنية عشان لو حاجة اتسرقت وبعد اي مريض بيخرج بالسلامة بنفحص الكاميرات للتاكيد واكتشفنا حاجة غريبة في الغرفة بتاعتك
- متكمليش يادكتورة لقيتو بنت غريبة دخلت عليا في نص الليل صح ؟
= ايوا بالظبط بس مش دي المشكلة
- طيب يادكتورة انا هجيلك افهم منك احسن
= ماشي يا حببتي تعالي
قامت ليلي لبست وخرجت من اوضتها
- انتي رايحة فين يالولو
= رايحة يابابا المستشفي عايزني هناك
- ابوها بلهفة :النتيجة طلعت
= لا يابوب متقلقش عايزني في حاجة تانية
- ماشي روحي بس متتاخريش
= حاضر ياحبيبي
دخلت المستشفي وبتدور علي الدكتورة
- اهلا يا ليلي ياحبيبتي ادخلي
= قوليلي بقا يادكتورة لقيتو اي
- البنتالي قولتي عليها دخلتلك تاني بعد اما نمتي وحطتلك حاجة في الكمياوي تقريبا سم او حاجة زي كده
=نعم اي ده كانت عايوة تقتلني ! زي ما قولت طب ازاي انا عايشة لغاية دلوقتي
- ما احنا بنراقب الكاميرات بشكل مستمر والممرضة شافتها ودخلت فورا شالتلك المحلول وركبتلك واحد تاني
= ياربي الحمدلله انكو لحقتوني بجد .. ليه مقولتليش الكلام ده من ساعتها
- عشان كنتي بتتعالجي ومش ناقصة اقولك حاجة زي كده المهم احنا معانا شكل وشها من الكاميرات وبلغنا البوليس
= كمان بلغتوه وهيجي امتي
- دخل عليهم الظابط : مساء الخير يادكتورة انا المقدم شريف
= اه اهلا بحضرتك اتفضل .دي ليلي الي حصلتلها الحادثة ولحقناها الحمدلله وطبعا الباقي علي حضراتكم والبنت دي لازم تتجاب فورا ونعرف من الي باعتها
- اه طبعا لاوم نعرف عن اذنكم ي
= رايحة فين ياليلي مش تستني عشان نعرف التفاصيل
- معلش يادكتورة تعبت شوية
شريف : ليه مالك انتي كويسة طيب ؟
= لا تلاقي بس الكمياوي بيسلم عليا انا همشي لو حصل جديد كلميني يا دكتورة سلام..
- سلام ياحببتي
- شريف : لاحول ولاقوة الا بالله منه لله الي حاول يئذيها وقت تعبها
روحت ليلي البيت وبتفكر مين الي عمل فيها كده وليه اصلا
عدا اسبوع وفي خلاله كانت عايشة حياتها بسعادة ومغامرة كل يوم وسفر ..
- الو ايوا ليلي انا جيالك حالا التحاليل طلعت ..
- تابع الفصل التالي عبر الرابط: "رواية قدري كاملة" اضغط على أسم الرواية