رواية علي واسما البارت الثالث 3 بقلم اشرقت عبدالحكيم
رواية علي واسما الفصل الثالث 3
كامل بصوت عالي= جلييييلهههه
جليله = ف ايه ي كامل ..... بقولكوا ايه البت دي مش هتفضل تمشي رأيها علينا واللي أنا أقول عليه هو اللي هيمشي
ردت اسما بصوت عالي وبكاء= لااااء الكلام ده انتهي خلاص .... م دلوقتي اللي أنا اقوله هو اللي هيمشي عاوزة تفرضي عليا ايه تاني ي جليلة غير جوازي بالغصب م واحد اصغر مني اصلا ها احنا هنمشي أنا وعلي وإياد أن شاء الله ع بعد العصر كدة .... ولا بعد العصر ليه هو دلوقتي... وكملت كلامها ل علي ... وانا هطلع دلوقتي الم هدومي أنا وأنت واياد وهنمشي ع طول غير كدة أنا مش عقيل ومش عقيل أن حد تاني يدخل ف حياتي وانا اتجوزت اهو متحلموش كدة اني اسمع كلامكم تااني تمام
واخدت إياد ف ايديها وطلعت اوضتها
جليله = عاجبك اللي حصل ده ي حج
كامل = ما كفاية عاد كلنا سكتنا ومحدش فينا اعترض ولا قال حاجة لازم انتي تتنبضي م وسط الناس وتقولي ي شر أشتر
علي = بصي ي امي انا محبتش ارد عليكي ولا أكون بعصيكي أو برد عليكي رد مش حلو بس لحد كدة وكفاية بجد عشاني أنا وعشانها وعشان إياد كمان واحنا هنمشي وخلاص ده اخر كلام ... عن اذنك ي حج أنا طالع اجهز
طلع علي لأوضته وهو مدايق م اللي حصل وف نفس الوقت حس بانتصار ... حس أنه عمل ل اسما كيان وحب يوصلها أنها م اللحظة دي محدش هيجبرها ع اي حاجة تاني
طلع وفتح الباب لقي اسما بتعيط جامد وقاعدة ع السرير ولسة مجهزتش هدومها أو اي حاجة
علي = اسما .... مالك ف ايه
اسما = مالي .... يعني مشوفتش اللي حصل عشان تعرف مالي
علي = وانا جبتلك حقك ع فكرة وسكتتهم كلهم ومحدش فيهم اتكلم ولا عمل اي حاجة ولا رد اصلا
اسما = أنا عمري ما كان ف بالي انتي اعادي اهلك ولا ارد ع حد فيهم وربنا وحده يعلم اني كنت بعاملهم بما يرضي الله وكنت بحبهم كلهم بس هما جم عليا اوي ي علي
وتلقائي مرة واحدة ميلت ع كتف علي وعيطت وعلي اتصدم بس سابها تعيط وكان بيطبطب ع كتفها وهي كانت منهارة ف العياط وكملت وقالت
اسما = أنا مش عارفة اللي بيحصل معايا ده بيحصل ليه ..... انا عمري ما اذيت حد ولا جيت ع حد وع طول ف حالي
علي = خلاص ي اسما والله أنا رجعتلك حقك وم اللحظة دي محدش هيجبرك ولا هيقدر حتي يقولك تلت التلاته كام
اسما = متشكرة اوي ي علي أنا .... وفجأة فهمت الوضع اللي هي فيه واتحركت بعيد عن علي وقالت = أنا اسفة والله أنا مش عارفة انا عملت كد
وقبل ما تكمل كان علي بيضحك وقال = خلاص يبنتي ف ايه وبعدين جايه تتأسفي بعد ما غرقتيلي التيشيرت دموع ... ينفع كدة 😂
ضحكت وهي بتمسح دموعها وقالت = خلاص يعم هغسلهولك متزعلش
علي = لاء وانتي الصادقة دي الغسالة .... يلا بقا اجهزي علشان نمشي قبل الليل ما يليل علينا
اسما = حاضر متخافش مش هأخرك عيب عليك
*تحت ف البيت عند كامل وجليلة*
جليلة = يا كامل حرام عليك أنا عاوزة إبني يفضل معايا
كامل = يعني ايه ابنك يفضل معاكي دي .... هو طفل صغير وانا مش واخد بالي ولا ايه ده راجل ومتجوز ومن حقه يروح مكان ما هو عاوز
جليلة = لاء هو مش عاوز كدة ... دي اسما هي اللي بتحرضه ع كدة
كامل = طلعي البنت م مخك بقا كل حاجة اسما اسما اسما حرام عليكي ..... احنا عندنا هنا ف البلد الطبيعي أن كل ابن بعد ما بيتجوز بيقعد ف بيت أهله ومن الغريب أن يكون ف حد مسافر بعيد عن أهله بس انا مش هخلي حياة ابني تبقي تعيسة طول العمر بسبب انك مش عاوزاه يسافر مع مراته ..... ولعلمك بقا أنا موافق أن هما يسافروا عشان اسما بس ... عشان يكون ف ذرة مودة بيننا وبين بعض وده اخر كلام عندي ... وع الله ي جليلة تعملي حركة م حركاتك وتسمي بدنهم قبل ما يمشوا
*After 4 hours*
اسما = خلاااص خلصت ي علي
علي = ياااااااشيخة ..... هو ده اللي مش هأخرك عيب عليك ... ده المغرب قرب يأذن
اسما = يعني ده غلطي اني مش عاوزاكوا تمشوا ف الشمس ويجيلنا كلما ضربة شمس ... ايييخصصصصص
علي = لاء طيبه اوي ي بت ما شاء الله .... خلصينا
اسما = بقولك ايه .... نقعد ونمشي بكرة عاااديييييي
علي = لاء وع وع... يلا ي أستاذة اسما خلينا نمشاااااااي
اسما = ايوة كدة ..... اتفضل انت هات الشنط وانا هاخد إياد
علي = وتاعبة نفسك ليه
اسما = ايوة صح عندك حق .... اتفضل إياد بالمرة
طلعوا م الاوضة وهما بيضحكوا ونزل علي الشنط وطلع اخد إياد فعلا ونزلوا يسلموا ع كل الموجودين قبل ما يمشوا
اسما = سلام ي بابا ... هتوحشني جامد
كامل = بالسلامة ي بنتي ... خلي بالك منها ي علي وانتي كمان خلي بالك منه
اسما = ربنا ميحرمناش منك ي بابا
جليلة = اسما ..
- تابع الفصل التالي عبر الرابط: "رواية علي واسما" اضغط على أسم الرواية