رواية شروقي الفصل الثاني 2 بقلم شروق عادل
رواية شروقي الفصل الثاني
تعالى هنا يا واطية
سيب شعرها يا عم انت
بدأت شروق تعيط وتستخبا ورا تيم
بس يا عيل أنت بت اخوى ويحقلى اخدها
داا عموو الوحش يا تاايم متخلهوش ياخدنى أرجوك والنببى
سحبها من ايديها ولسه هيضرب
لا لاا مش معناه أنك عمها تضربها بعدين واضح كدا إنها مش عاوزة تروح معاك ولا ايه يا شروق
انا عاوزة اقعد معاك
اتحشمى يا قليلة الأدب تقعدى مع مين انتى تعرفيه انا قولت محدش هيجبلنا العار غيرك يا بت ....ولا الكلام مش هيغير حاجة ابوكى مات يلا يا بت معايا على الدار
شدها نحيته بدأت الناس تجتمع حولهم
عيب عليك يا حضرت دى البنت كبيرة برضو متجرهاش بالشكل دا
ملكش صالح انت يا بية
جرا ايه يا خلق تسيبوه ياخدها من وسطينا دى مش جدعنه
صح يابنى احنا نروح القسم ونتحاسب
انا خايفة يا تيم😟
متخافيش كله هيبقا تمام
الظابط=ايه الدوشة دى هدوءء عشان نعرف نتكلم
حضرتك يا باشا دى بت اخويا الصايع دا عاوز يخطفها وهى بعيد عنك اتجننت متعرفش حد من أهلها وزى مانت شايف كدا عيله
لا يا عمو الظابط دا وحش وكان عاوز يضربنى لولا تيم كان ضرب شروق
مين شروق؟
_يووه أنا هى شروق وشروق هى أنا بسيطة
مش قولتلك عيله
فين تيم اللى بتقول عليه دا ؟
أنا يا باشا البطاقة اهى أنا لقتها على البخر عاوزة ترمى نفسها بعدين اكلتها وجه الراجل دا
بطاقتك يا حاج
وبطقتها كمان يا باشا
كله تمام الورق بيثبت انها بنت اخوه فعلا يبقا يحقله ياخدها ويعمل فيها ما بداله
كدا البنت هتبقا فى خطر سعادتك حتى بص هى خايفة منه من كتر ضربه ليها
احنا مش شئون اجتماعية يا حضرت الورق بيثبت كدا
بس
الكلام منتهى قبل ما يبتدى وإلا هعمل محضر ازعاج سلطات
كتر خيرك يا بيه متشكرين قوى قوى
يلا يا بنت اخوى يا حبيبتى
تييم متسبنيش
مش هسيبك
أخذ يوسوس فى اذنيها ويغمس ورقة فى يدها
دا رقمى كلمينى وأنا هجيلك
هتوحش شروق
شروق مش بتعيط بتضحك بس
يلا ياختى هو انتى تعرفيه بلا قله حيا
شروق بنتى حبيبتى انتى كويسة كنتى فين مش عارفة إنى ممكن أموت لو مشوفتكيش عاوزة تقطعى قلبى عليكى
ماما عمو دا كل شوية يضربنى ويزعقلى شروق مش عاوزة تقعد معاه ايه رأيك نروح البحر نقعد هناك ونشرب منه وكمان نستحما
مش بالسهولة دى يا بنتى عمك أى نعم شديد بس نقول ايه فى الاول والآخر معندناش غيره راجل من ساعة ما مات ابوكى كان هو السند لينا من أخواته لكن وقع السند وانكسر الضهر من بعده متوجعيش قلبى انتى التانية بهربك عشان خاطر ماما
متعيطيش طب تاخدى مصاصة
من ساعة ما مشيت شروق وأنا ولا عارف اى حاجة عن حياتها الغامضة هى فعلا مجنونة زى ما بيقول عمها كدا ولاا هى كدا من ساعة متولدت ولاا بتمثل لا لا اكيد مش بتمثل دى فى منتهى البراءة بس عنيده
أخذت الآراء تتأرجح فى ذهنه حتى سماع جرس الهاتف
الوو تييم
شروق انتى فين؟ عاملة ايه ؟عمك ضربك تانى ؟اوعى يكون ضربك اموتهولك والله
بقيت رغاى وانا مبحبش الر الرغ
الرغين
شطور انا مش بحب الناس دى بقا
ما على أساس أنك مش رغايه
ابداا😎
هتقوليلى، عاملة ايه وعمك الوحش دا
يا بنت ال...........
شروق شروق
يُتبع الفصل التالي:اضغط هنا
- الفهرس يحتوي على جميع فصول الرواية كاملة: "رواية شروقي" اضغط على أسم الرواية