رواية احببت طبيبي الفصل الاول 1 بقلم آية هلال
رواية احببت طبيبي الفصل الاول 1 بقلم آية هلال
- لسة فاضل كتير يا ابراهيم خلاص تعبت انهاردة قفل العيادة وامشي
- لسة يا دكتور كريم في واحدة قاعدة برا وجاية من بدري
- لا خلاص مش قادر كنسل المعاد ده واديلها معاد بكرة
-تحت امرك يا دكتور كريم
- تمام اخرج قولها تمشي واديها معاد
- تمام
- لو سمحت عايزة ادخل للدكتور بسرعة انا اتاخرت
ابراهيم : للاسف الدكتور تعبان بكرة ان شاء الله تيجي حضرتك
- بزعيق : ده الي هو ازاي يعني انا هنا من بدري جات عليا والاستاذ تعبان ، ثم اي الهرجلة دي مش في مواعيد تلتزمو بيها
- ابراهيم : انا اسف حضرتك والله هو الي قالي اقول كده
- اه مانا قولت من الاول مكانش لازم اجي لدكتور نفسي ، ودي اشارة ، انا همشي بس بلغ الدكتور ده انه فاااشل
ابراهيم : استني حضرتك اديكي معاد جديد
- اوكي قول
- دخل شاف المواعيد ، فاضية حضرتك بكرة الساعة 5 ؟
- ايوة تمام هاجي بكرة
- ابراهيم : اسف لحضرتك مرة تانية يا استاذة سعاد
- سعاد: لا مفيش مشكلة حصل خير
- ابراهيم : شرفتينا يافندم
- خرجت وانا زعلانة جدا قد اي كنت متحمسة للعلاج النفسي كان نفسي اطلع طاقتي واحكي مشاكلي ، نفسي اتعالج من الازمة النفسية الي عندي ..
- روحت البيت وانا عندي حالة من اللامبالاه
- ايييييي يابنتي ماتفتحي
- سعاد :كارمة انتي هنا مخدتش بالي
- كارمة : الي واخد عقلك
- سعاد : عملت بكلمتك ياختي وروحت لدكتور نفسي
- كارمة : ها واي الي حصل ارتاحتي شوية
- سعاد: لا الدكتور كان خلص وخدت معاد تاني بفكر افكس للموضوع
- كارمة : حببتي انا اكتر واحدة عارفة مشاكلك او تقريبا الوحيدة الي اعرفها وقولتلك حلها العلاج النفسي ، انتي مش مريضة بس روحك محتاجة تجديد وتغير ، فاهمة
- سعاد: فاهمة يا بنتي ، سعاد بدموع : بس انا حاسة اني فاشلة
كارمة : مين الحمار الي قال كده ، انا شايفاكي ناجحة وعديتي كل ده وانتي ناجحة ، دي اوهام يا حب وهتروح ان شاء الله
- سعاد : طيب انا هدخل انام عشان تعبانة شوية
- كارمة : ايوا بس اختي حببتي الناجحة وعدتني انها هتساعدني في مشروع التخرج ، مش كدا
- سعاد : هو انا مش متاكدة من موضوع ناجحة ده بس متقلقيش هساعدك فيه قبل المعاد بس حقيقي انا عايزة انام ، يلا تصبحي علي خير يا قطة
- كارمة : وانتي من اهله يا سوسو
- دخلت انام وانا نفسي انام ماصحاش تاني ابدا
- طلع النهار ويوم جديد
- كارمة : يا حجة سعاد الساعة بقت 5 ده انا روحت الجامعة وجيت وانتي لسة نايمة
- سعاد بنوم وهي بتتاوب : مانتي عارفة اني نومي تقيل و ايييييييييه الساعة 5 ده معاد الدكتور
- كارمة : طب يلا قومي البسي وانا هوصلك
- سعاد: توصليني ازاي انتي حيلتك عربية ؟؟
- لا انا طالبة اوبر و ، انتي هترغي قومي البسي
- سعاد : شكلك عاملة عاملة لما اجي هشوف هببتي اي
- كارمة : تعرفي عني كده !!
- قومت ولبست وجريت علي العيادة
سعاد: انا حقيقي اسفة اسفة جدا علي للتاخير ، الدكتور هنا
- ابراهيم : ايوا حضرتك هنا اتفضلي ، كنت هكنسل المعاد علي فكرة
- سعاد : لا ربنا ميجبش كنسلة خالص ، متشكرة جدا
- دخلت وانا متوترة الحقيقة مش عارفة هقول اي ولا هبدأ ازاي
- كريم : اتفضلي
- سعاد : متشكرة ، انا ...
- كريم : انا طيب هو شكلك متوترة وايدك بتعرق وبتقول اغيوثنا ، فا انا هساعدك وهسالك اسئلة كده في الاول
- سعاد : لا انا مش متوترة ، انا انا بس متوترة شوية
- كريم : اها شكل عندك شيزوفرينا
- سعاد : لا انت هتشخص علي مزاجك ، لا اتفضل اسال
- اسمك اي وسنك وشغلك
- سعاد حسني ، عندي 26 سنة ، كنت خايفة اقول : مش بشتغل
- تمام يا سندريلا ، ممكن اعرف سبب انك متشتغليش ، يعني مثلا مدخلتيش كلية ؟
- سعاد: لاااا طبعا ، انا متخرجة من كلية السن بامتياز وجاتلي منح كتير وفرص شغل كتير
- كريم : قبل اي حاجة الحوار الي بينا لازم يكون هادي اكننا بنفضفض مع بعض يعني اعتبريني مامتك ، ثانيا مش عايزك تخبي حاجة اي تفصيلة في حياتك بتفرق
-سعاد : اه طبعا فاهمة ، انا بس يعني عشان اول مرة
- كريم : اه اكيد طبيعي ، ليه بقا مشتغلتيش رغم تقديرك الكويس
- سعاد : الخوف ، انا مش بعرف اتعامل مع الناس ، يعني مش اجتماعية ، ولا انطوائية ، يعني مثلا لو اتكلمت مع اي حد معرفوش بتوتر وبعرق وبتلخبطت في الكلام
- اه كملي
- انهارت في العياط : انا خطيبي سابني عشان شايفني فاشلة وكسولة ومش بفكر في الي قدامي وعشوائية ، انامش كده ، او يمكن كده لظروف الحقيقة معرفش امال انا جاية هنا ليه
- انا عايز اطمنك مادام جيتي هنا كله هيبقي تمام واكيد كله مش هيتقال من اول مرة
- سعاد : ايوة
- يعني عندك انا مثلا دكتور كريم عندي 27 سنة ، كنت مريض نفسي علي فكرة واتقلبت الاية وبقيت بعالج المرض ده
- سعاد : اه اهلا وسهلا طيب هو انا ممكن امشي
- بس كدا احنا مقعدناش وقت كافي
- ارجوك حاسة بتعب شوية
- كريم : تمام زي ماتحبي ، ده الكارت لو حبة تسالي عن اي حاجة كلميني
- اوكي متشكرة اوي
- خرجت وحاسة بشوية فرح مش عارفة ليه يمكن عشان في امل اني ارجع لنفسي تاني !
- روحت وداخلة من باب الشقة
- سعااد سعااد هي كارمة لسة مرجعتش
- سعاد : ازيك يا كريمة ، مش عارفة لسة هدخل ، ليه في اي
- كريمة : ها ، لا مفيش لما تيجي قوللها تيجي عندي
- سعاد : حاضر متقلقيش مش ناسية موضوع مشروع التخرج
- كريمة : حببتي علي مهلك ، متنسيش تقوللها يلا باي
- سعاد : انا قولت باردو كارمة عاملة عاملة وخبياها ،ربنا يستر
- دخلت البيت ، كااارمة كااارمة ، دي لسة مرجعتش
- دخلت غيرت هدومي وحضرت اكل
- كارمة : هاالو
- سعاد : اي الي اخرك يا ست هانم ، انتي مش عارفة ان احنا عايشين لوحدنا ومينفعش تتاخري برا لوحدك
- كارمة : اسفة يا سوسو ، روحتي عند الدكتور ؟
- سعاد : متغيريش الموضوع ، لو عرفت انك عاملة مصيبة مش هعتقك
- شدت ايدي وقعدتي علي الكنبة
كارمة : ياستي سيبك مني دلوقتي ، ها الدكتور ده عجوز ولا شاب ولا اي
- سعاد : هو ده الي فارقلك
- كارمة : قولي بس
- سعاد : لا ياستي مش عجوز عنده 27 سنة
- كارمة : اوووه حلو ؟
- سعاد : بطلي يابت بقا اه يعني حلو
- واسمه اي
- سعاد : لا بقا شكلك هتسهريني وانا عايزة انام ، عندك الكارت اهو بتاعه ، انا هنام
- ماشي ياستي
- اي ده كرييم !!!!
يتبع الفصل الثاني اضغط هنا
الفهرس يحتوي على جميع فصول الرواية "رواية احببت طبيبي "اضغط على اسم الرواية