رواية قلوب مشتته الفصل الرابع والأخير عشر بقلم هدير مصطفى
رواية قلوب مشتته الفصل الرابع عشر والأخير
(الشاب والبنت نزلوا من العربيه وراحوا عند كريم و.... )
الولد : كريم ازيك
كريم : يحي حبيبي عامل ايه .... وايه اخبار اونكل آدم وطنط هناء
يحي : الحمدلله بخير .... بيسلموا عليك كتير
كريم : طب ادخلوا يلا
يحي : انت خارج ولا ايه .... دا انا وليالي جايين عشان نعزمكم لحفلة عيد ميلادنا
كريم : ايه ده .... هو امتي
(ليالي زعلت جدآ عشان هو ناسي يوم عيد ميلادها )
ليالي : معقول انت ناسي
كريم : لا .... اصل ...ااااا
ليالي : خلاص مش مهم ... المم انه بكرا
كريم : كل سنه وانتم طيبين وعقبال 100000 سنه هنا وفرح وسعاده
يحي : وانت طيب ياغالي
ليالي : انا هستناك تيجي
(وفي اللحظه دي كانت جني خرجت من الفيلا وراحت عندهم وبصت ل كريم وقالتله ...)
جني : يلا بينا
(ليالي بصت لجني واتضايقت جدآ منها و سابتهم ودخلت الفيلا وكريم سلم علي يحي وركب هو وجني العربيه ومشوا .... كريم وصلها وهي طلعت شقتها واول ما دخلت لقت اهلها قلقانين عليها جدآ وكانوا يدوروا عليها و من ساعة ما خرجت وهما بيدوروا عليها ... قعدت حكتلهم عن اللي حصلها ولما سألت عن رامي نواره قالتلها انه لسه مظهرش ..... رامي كان ماشي في الشارع وشاف جني وهي نازله من عربية كريم ..... هو ماشفش كريم فاتهيأله انها كانت مع ادهم .... طلع علي شقته وجهز شنطة هدومه وكتب جواب وسابه ومشي .... جني لما عرفت ان هو لسه ما رجعش )
جني : طب تعالي معايا يا عمتي ندور في اوضته يمكن نلاقي اي حاجه تعرفنا مكانه
نواراه : تعالي يا بنتي يمكن ربنا يعترنا في حاجه توصلنا ليه
(وخرجوا من شقة جني وراحوا لشقة رامي وفضلوا يدوروا لحد ما جني لقت الجواب وفتحته وقرأته بينها وبين نفسها وكان مكتوب فيه )
رامي : ماما انا قررت اسافر .... هرجع استراليا تاني .... انا كنت عامل مفاجأه ل جني ومجهز تذاكر السفر ليه انا وهي عشان شهر العسل .... بس اكتشفت حاجات كتير قوي جرحتلي قلبي .... انا اتوجعت اوي .... اتوجعت لدرجة اني قررت ابعد ... مش قادر اشوفها تاني خلاص .... في كل مره بشوفها فيها بتجرحني ... وجودها في حياتي صبح هلاك ليا .... عشان كده قدمت معاد سفري وهستناكي تحصليني .... ماتتأخريش عليا يا أمي لاني هحتاجك جمبي هناك ..... في الدولاب بتاعي هتلاقي فستان الفرح ... اعطيه هديه مني ل جني وقوليلها اني بتمني ليها الخير حتي لو مع حد غيري .... انا هبعتلها ورقة طلاقها قريب .... قوليلها ما تقلقش .... سلام
(جني قرأت كلامه وعرفت قد ايه هو مجروح .... نزلت دمعه من عيونها وعطت الجواب لعمتها وبدأت نواره تقرأه بصوت عالي وجني فتحت الدولاب بتاع رامي واخدت منه علبة الفستان ...... واتصلت بشركة الطيران وعرفة ان طيارة رامي لسه فاضل علي معادها ساعتين .... طلبت منهم يحجزولها مكان هلي نفس الطياره هي كمان .... بصت لاهلها وقالتلهم )
جني : بابا .... مش هسيبه يضيع مني المره دي .... مستحيل ... انا بجد بحبه ومش هستحمل اني اخسره مره تانيه
(مجدي بصلها وابتسملها وقال )
مجدي :روحي لجوزك يا بنتي ..... ماتضيعهوش عشان هو بجد بيحبك ومش هتلاقي حد في الدنيا يحبك قده (جني فرحت جدآ بسبب كلام ابوها وراحت حضنته هو وامها وعمتها ) جني :طب مش هتلبسوني بقي فستان فرحي
نواره :دا يوم الهنا اللي ازوق فيه مرات ابني
جني :طب يلا بسرعه يا حماتي يا عسل انتي..... وانتي يا ماما يلا بسرعه
(ودخلت جني هي وعمتها وامها ولبست الفستان و حطولها مكياج هادي وبسيط وطلعت مع اهلها ووصلوها المطار وخلصولها الاجراءات بسرعه وركبت الطياره اكتشفت ان مكانها بعيد عن مكان رامي فطلبت من البنت اللي جمبه انهم يبدلوا الاماكن والبنت وافقت لما جني قالتلها انها عامله مفاجأه لعريسها ..... رامي كان قاعد في قاعة الانتظار وسرحان وفاق علي صوت بيقول النداء الاخير للركاب وبعد دقايق وصل رامي وقعد في مكانه .... كان مهموم لدرجة انا ما فكرش حتي يبص علي اللي قاعد جمبه ..... لكنه اتفاجأ لما سمع صوتها خصوصآ انها كانت مغطيه وشها بطرحة الفستان )
جني :معقول كنت عايز تسافر وتسيبني
رامي :جني !!!
جني :ايوه جني .... جني اللي عرفت معني الحب معاك .... جني اللي انت نسيتها كل اللي عاشته قبلك .....جني اللي عندها استعداد تضحي بحياتها مقابل انها تقضي كام ساعه معاك
(رامي مكنش مستوعب الكلام اللي جني بتقوله ... قلبه كان مصدقها وفرحان ... لكن عقله كان رافض يصدقها )
رامي :وأدهم
جني : ادهم صفحه واتقفلت خلاص ..... اللي كان في قلبي لأدهم مكنش اكتر من اعجاب .... فراغ في حياتي وكان هو مجرد تجربه جديده .... دخل حياتي في وقت كنت فيه لوحدي .... كنت عايزه اعيش احساس جديد ... كنت انا اللي بهتم وانا اللي بسأل وانا اللي بطمن وانا اللي بعمل كل حاجه وكنت فاكره ان ده حب .... بس بعد كده .... لما انت دخلت حياتي ... عرفت ان الحب مشاركه واتحاد ومبادله .... الحب ان انا وانت نحس ببعض ونفهم بعض ...ونهتم ببعض ... مش كل واحد فينا في وادي
رامي :جني انا
(جني رفعت الطرحه عن وشها وهي بتقاطع كلامه وبتقول ....)
جني : بحبك
(رامي ضحك لما شاف جمالها وهي متزينه ليه بالفستان الابيض اللي هو اختاره ليها ومسك وشها بين ايديه وباس راسها وهو بيقول
رامي :وانا بعشقك
(ودخلت المضيفه عليهم وهي بتسحب عربية الاكل وعليها تورته صغيره مكتوب عليه كلمة مبروك وبدأ الركاب يغنولهم بفرح وسعاده ودخلت السعاده قلوبهم
تمت رواية كاملة عبر مدونة دليل الروايات
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية