Ads by Google X

رواية قلوب مشتته الفصل الثاني عشر 12 بقلم هدير مصطفى

الصفحة الرئيسية

   رواية قلوب مشتته الفصل الثاني عشر بقلم هدير مصطفى


رواية قلوب مشتته الفصل الثاني عشر 

جني مدت ايدها علي الهديه وبدأت تفتحها واتكلمت مع نفسها )
جني : طبعآ مسمحاك ومن غير اي حاجه لان فعلآ كان لازم اراعي شعورك
(وفتحت العلبه لقت محطوط فوق الهديه كارت فتحته لقت مكتوب فيه )
رامي : مدام فتحتي الهديه تبقي سامحتيني ... انا اصلآ كنت متأكد انك هتسامحيني ... دا انا واد حليوه ولقطه ... المهم بقي .... انا مستنيكي تحت في العربيه .... عايز اشوف الفستان ده عليكي عشان انا عازمك علي العشا ... بسرعه عشا انا جعان ... عارفه لو اتأخرتي عن 5 دقايق ... استناكي كمان 5 هو انا ورايا شغلانه غيرك
(جني كانت بتقرأ الكارت وهي فرحانه جدآ من كلامه وهزاره ... مسكت الفستان وانبهرت بجماله ... كان فستان محجبات طويل وبأكمام وبالطرحه بتاعته ... دخلت غسلت وشها واستأذنت من والدها انها تخرج مع رامي .... ولست وحطت مكياج خفيف جدآ وهادي ... نزلت لرامي اللي انبهر بجمالها اول ما شافها ونزل من العربيه وفتحلها الباب وهو بيبتسم ليها )
رامي : ايه الجمال ده كله ....
(جني اتكثفت و ركبت العربيه ومردتش علي رامي .... رامي اخدها وراحوا مطعم وبدأ يطلب العشا لأنه عارف زوق جني والاكل جه وأتعشوا وكل ده وجني ما بتتكلمش ... هي كانت ساكته بس من جواها كانت مبسوطه من اهتمام رامي بيها وبأنه يصالحها وميخلهاش تنام وهي زعلانه .... وفي وسط ما هي قاعده ومستمتعه بالموسيقي الهاديه اللي بتتعزف اتفجأت بأن رامي بيطلب منها انه يرقص معاها وفعلآ لبت طلبه وبدؤا يرقصوا سوا وبدأت هي تتكلم وهي سانده راسها علي صدره )
جني : انا اللي اسفه يا رامي ... الغلط غلطي لاني حطيتك في الموقف ده ...انا فعلآ مكنتش اعرف انهم رايحين هناك .... بس لما لقيتهم كان لازم اخليك تاخدني ونمشي علي طول... بس صدقني انا كان كل هدفي من استمرار وجودي في المكان هو اني كنت بختبر نفسي ... وبختبر مشاعري ... لكني اكتشفت فعلآ انه كان في حياتي مجرد اعجاب وبس ... او كان فيه فراغ وملل في حياتي ولقيته هو دافع عشان اجدد من روتين حياتي وبس ... اكتشفت ان وجوده معايا في مكان واحد مايفرقش معايا خالص ... لان ربنا عوضني عنه باللي يملا قلبي وعيني
(رامي لما سمع كلام جني فرح جدآ وضمها ليه اكتر وكأنه بيقولها ... انا عمري ما هسمح انك تضيعي مني ابدآ )
رامي : بحبك
جني : وانا كمان بحبك
(جني قالت الكلمه دي وهي مستخبيه بين دراعات رامي لأنه شرعآ جوزها ... ولأنها بجد حست بيها .... رامي كمان حس بأنها بتتكلم من قلبها بجد ومسك ايدها وباسها وقال )
رامي : ربنا يخليكي ليا يا حبيبتي (خلصت الرقصه ورامي دفع الحساب واخدها وركبوا العربيه )
جني : يلا بينا نروح
رامي : لا لسه
جني : لسه ايه بقي
رامي : عاملك مفاجآه
جني: هيييييه .... ايه هي بقي
رامي : هههههه ما انا لو قولت ايه هي مش هتبقي مفاجآه ... استني شويه وهتعرفي
جني : يوووووه بقي يا رامي ... مش بحب الانتظار ... قولي بقي ايه هي .... وحياتي عندك
رامي : بس لو مكنتيش تحلفي ... بصي ياقلبي ... هنروح انا وانتي دلوقتي نعمل جلسة تصوير خاصه
جني : ايه ده بجد .... هييييييييه ... كان نفسي فيها اوي
رامي : بجد الفكره عجبتك
جني :اووووووي
رامي : طب يلا بينا
جني : يلا بينا
(رامي وجني راحوا عملوا جلسة التصوير وخلصوا سهرتهم ورجعوا لبيوتهم والفرحه ماليه قلوبهم بعد يوم مليان احداث فاقت جني تاني يوم الصبح بدري كعادتها ولبست هدومها ونزلت عشان تروح الشغل لقت رامي مستنيها في العربيه )
جني : صباح الخير
رامي : صباحك ورد ياقمر
جني : رايح فين بدري كده
رامي : رايح الشغل وقولت اوصلك في طريقي بدل ما تتبهدلي في المواصلات
جني : اذا كان كده ماشي
(جني ركبت العربيه وفضلت هي ورامي يتكلموا طول الطريق لحد ما وصلت فنسيت شانطتها في العربيه وطلعت علي الشغل .... جني دخلت مكتبها اتفجئت ب أدهم قاعد علي المكتب مستنيها )
جني : خير يا استاذ ادهم فيه حاجه
ادهم : ايوه فيه يا جني .. فيه ان انا بحبك ... ايوه وانتي كمان بتحبيني ... ومعاملتك ليه زمان بتأكد كده ....انا مستعد اسيب جوليا وانتي سيبي خطيبك ونتجوز .... ايوه احنا لازم نتجوز .... لاننا بنحب بعض
جني : انت مجنون صح ... اكيد مجنون .... جاي دلوقتي تحس بحبي ليك ... والمفروض اني اعمل ايه بقي ... اجري عليك واترمي في حضنك ... واقولك ايه ياتري ...( هنا رامي كان هيدخل عشان يعطيها شنطنها لكنه سمعها بتقول ....)
جني : بحبك ..... وحشتني ... ماقدرتش انساك بالرغم من اللي عملته فيه ... انت معاك حق .. تعالا نرمي جوليا ورامي ورا ضهرنا ونسيبهم ونتجوز .... خلينا نستعيد حبنا اللي كان .... خدني في حضنك يا حبيبي وحسسني بالامان
(رامي ما قدرش يستحمل انه يسمع اي كلام بعد كده دخل عليهم المكتب وقال )
رامي : برافوا .... برافوا اوي ياجني ... قدرتي تخدعيني وتستخدميني كوبري عشان يوصلك لحبيب القلب .... بس انا ذنبي ايه .... انا طول عمري بحبك ... عمري ما جرحتك ابدآ ولا اتمنيت في يوم اني اشوفك قدام عيني مكسوره
( ف جني اتصدمت لما شافته فجريت عليه )
جني : رامي ... اسمعني .... انت فاهم غلط ....
(رامي حدف الشنطه علي الارض وقلع الدبله من ايده ورماها في وشها وقال)
رامي :ورقة طلاقك هتوصلك قريب جدآ
(وسابهم ونزل بسرعه جدآ وجني نزلت تجري وراه وهي بتنادي عليه لكنه مش بيرد عليها ..... ركب عربيته وساقها بسرعه جدآ وهي وقفت تاكسي وحاولت انها تلحقه وتحل سؤ التفاهم اللي حصل ولكنها علي ما حصلته كان هو طلع شقته ودخل اوضته وقفل علي نفسه .... فضلت واقفه كتير قدام باب اوضته تخبط وتنادي عليه هي و نواره بس برده مفيش فايده فحكت ل نواره علي كل اللي حصل نواره طلب منها انها تروح وترجع بعد ساعتين يكون رامي بقي هادي شويه ....وفعلآ جني روحت وفضلت تتصل كتير علي رامي لحد ما قفل تليفونه راحت بعد ساعتين عمتها قالت لها انه خرج ورفض يتكلم معاها في اي شئ وحتي مقالش هو رايح فين .... جني سابت عمتها ونزلت تلف في الشوارع ومكنتش عارفه هي رايحه فين او جايه منين ... مكنتش بتفكر في اي شئ غير انها ضيعت من ايديها اكتر انسان حبها من قلبه بجد سبب سوء تفاهم .. فهمت قد ايه هي كانت غبيه لما تجاهلته في اول حياتهم لما ضيعته من ايدها اول مره ..... فهمت انه كان هو الاحق بكل المشاعر اللي عاشتها مع قلوب مزيفه داسوا عليها ... فضلت ماشيه وي مش حاسه بالدنيا ولا اللي بيجرا فيها من حواليها لحد ما فجآه لقت ....)
نلتقي في الحلقه اللي جايه بقي 


يتبع الفصل  الثالث عشر اضغط هنا
google-playkhamsatmostaqltradent