قصة زوجاتي كاملة جميع الفصول من الفصل الأول للأخير بقلم بقلم آية عامر، وهي قصة قصيرة باللغة العامية المصرية، وسوف نشاركها معكم كاملة عبر مدونة دليل الروايات للقراءة والتحميل.
قصة زوجاتي الفصل الأول
طارق: ي بابا انا مبحبهاش اتجوزها ازااي بس
بابا: لا ي ابني.. انا اديت كلمه لعمك الله يرحمه.. ان بنته هتكون مراتك.. ده اخر حاجه عندي
طارق: وانا اديت كلمه لابو عيشه.. وانا مرجعش ف كلمتي..
بابا: يعني انا اللي ارجع في كلمتي.. ي زين م ربيت
طارق: لا العفو ي بابامقصدش... بس انا بحب عيشه
بابا: بنات اخر زمن يحبو ويتحبو.. خليك ف اللي هتصونك ي ابني..
طارق: لا ي بابا انا اللي شوفتها وعجبتني وهي لسانها مخاطبش لساني.. احنا رجاله.. انا كلمت ابوهاا..
بابا: خلاص..اتجوزهم الاتنين. ده اخر كلام عندي..
طارق: ي بابا استني اي اللي بتقوله ده
بابا: فكر ف اللي قولته ي ابني...انا هقوم اشوف مصالحي..وانت انشف كده وقوم بدل م انت قاعد زي الولاايا كده ...
... اتجوزهم الاتنين.. اقنعه ازااي..لو قولت لاااا..هيغصبني علي بنت عمي...وانا بحب عيشه..ولو وافقت..عيشه مش هتوافق ابداا..اما منار بنت عمي هي كمان هتنفذ وصيه ابوهاا...
....
بابا: هااا..فكرت..بص ي ابني دي مش وصيه عمك بس ده قرار احنا خدناه وانتو لسه صغيرين...انتو كمان مقري فتحتكم..اخويا ماات..وانا لازم احافظ ع الكلام اللي بينا..
طارق: انا موافق ي بابا...انت اتكلم مع منار وانا هكلم ابو عيشه..
....
ف بيت منار..
امها: زي م بقولك كده ي بنتي..طارق هيتجوزك بس هيتجوزك عيشه بنت محمد..اللي من دور اختك.يعني اصغر بسنتين منك..
منار: هو اللي قال كده
امها: لا ي بنتي..عمك اللي اتصل وقال كده ..
منار: اوعي تكوني هتوافقي علي ده ي ماما
امها: ايوه موافقه..دي وصيه ابوكي..انتو مقري فتحتكم واان الاوان تنفذوها... عهد من سنين بين عمك وابوكي
....
في بيت عيشه..
ابوها: بصي ي بنتي..طارق كلمني وقال انه ابوه حاكم يتجوز بنت عمه..بس هو اتشرط انه يتجوزك..عشان كده هيتجوزكو انتو الاتنين..
عيشه: اي اللي بتقوله ده ي بابا..عايزني اكون ضره..وعلي اي ارفض الجوازه
ابوها: ي بنتي الراجل حالته مرتاحه..واحنا زي م انتي شايفه حالنا يصعب ع الكافر..انا مش هلاقي جوازه احسن من دي ليكي...
عيشه: ي بابا الفلوس مش كل حاجه...
ابوها: يعني تقدري تقولي انك متحبيش طارق..ولا قلبك عايزه
عيشه: بحبه ي بابا..بس..
ابوها: مبسش ي عيشه..الراجل شهم وابن نااس وهيعدل بينكم..
.... ف بيت طارق
بابا: رايح فين ي طارق...
طارق: رايح اشوف شقه ي بابا..ابن عمي معايا هنشوف حاجه كويسه كده..
بابا: لي ي ابني م انت عندك بيتك بمالك الحر..اربع اوض وحمامين وصاله كبيره وواسعه..لي تشتري
طارق: حضرتك عايزني اعيشهم الاتنين ف بيت واحد...
بابا: اي مش هتقدر تخليهم يحترموك..ويحترمو بعضهم
طارق: انا محبش المشاكل ي بابا..
بابا: ربنا م يجيب مشاكل ي ابني..تعال ي ابني اقعد.
طارق: امري لله..
بابا: هاا هتتجوز مين الاول...
طارق: لسه معرفش ي بابا..انا ورايا شغل ي بابا اما نيجي نتكلم...
بابا: تعال بس ي ابني ..اسمع بنت عمك عارفه انك هتتجوز عيشه...وعيشه عارفه انك هتتجوز منار.. يبقي ليه بقي كل شويه نعمل هيصه..وفرح ونوجع دماغناا..
طارق: لاا ي بابا..اوعي تقولها...مش هيحصل ابدااا..
....يوم الفرح...
المأذون: هاا ي عريس هتكتب علي مين الاول
...منار وعيشه كانو قاعدين..بيبصلو نظرات التحذير....باين ي طارق انك هتشوف ايام م يعلم بيها الا ربنا...
طارق: علي منار ي مولانااا
....
طارق: اتفضلو...البيت بيتكو...دي اوضه منار..ودي اوضتك ي عيشه...
هما الاتنين بصلو بقرف وكل واحد رايحه اوضتها..
ضاحي: استني..انتي وهي..تعالو هنا..انا مبحبش النكد..انا مخدتكوش غصب..ولا ضحكت عليكو..وكنتو ف النور م الاول..كل واحده فيكو عارفه انا اتجوزت التانيه لي..فاهمين..
عيشه: فاهمين..
طارق: منار!
منار: انت اتجوزتها عشان بتحبها..انا ي ابن عمي موقفي اي..وجودي هنا معناه اي..
طارق: وجودك هنا مراتي ي منار..ومش معني اني بحبها..اني بكرهك..انتي بنت عمي وبينا كل ود ان شاء الله..تمام
منار: تمام..
طارق: طيب يلا تعالو ناكل..ويبقي بينا عيش وملح..
منار: لا انا مليش نفس..هسيبكو براحتكو تصبحو علي خير..
عيشه: ولا انا....خليك مع مراتك الاولي..تصبح علي خير
طارق: وه..كل واحد دخلت وقفلت عليها...يولاد المجانين
..عند منار
منار: وعلي اي تقول عليا سرقت حبيبها..وهو يقول اني راميه نفسي عليه..
...عند عيشه
عيشه: بيكتب عليها هي الاول عشان ابقي انا خطافه الرجاله..يلا يشبع بيها
عند طارق
بيقول ف نفسه: ده انا شكلي كده هشوف ايام سوده..منك لله ي ابااا..
عيشه صحيت وخرجت لقت طارق نايم علي الكنبه... وبداءت تفكر..
عيشه: نايم هنا.. يعني مكانش معاها وانا اللي منمتش طول الليل م الزهق..
وقربت منه لحد مبقاش في غير مسافه صغيره وهونايم
عيشه: ماشي ي قمر هعديها عشان خاطر مخونتنيش..
لقته مسك ايديها..
طارق: والقمر ده يتخان برده..انتي عارفه اني بحبك ولا اي...
عيشه: وانا كمان بحبك.
طارق: واللي يحب حد يسبه مرمي كده...
عيشه: انت عايزاها تقول عليا خطفتك منها..مش هي الاولي..اشمعنا هي الاول..
طارق: عشان قارين فتحه من قبل حتي انتي متتولدي..
...
خرجت منار ولقتهم وهما قريبين من بعض..صعب عليها نفسها..حست انها هي الدخيله هنا وانها مستحملينها عشان الوصيه وبس..
منار: احم...صباح الخير..
طارق بتوتر: ص...صباح النور.
....
سابتهم منار ورجعت اوضتها تاني..ي هو انا استاهل كده...
بعدين الباب خبط..ودخل طارق من غير م ترد..كانت بشعرها اول مره يشوفها من غير حجاب..
وهي اتكسف ودورت علي طرحتها لحد م مسك ايديها..
طارق: انا جوزك علفكره
منار: انا اسفه
طارق: علي اي...ي منار احنا اللي فضلنا عمرنا مفكرين ان الحكايه هزار وانهم مع الوقت هينسو الموضوع..مفكرتش انهم هيصرو علي جوازنا كده..
منار: يعني انت مجبر عليا
طارق: والله ابداا..هو انا مكانش ممكن اخد عيشه ونسافر من القاهره ونعيش ف اي حته..هو انا مثلا محتاج حد يصرف عليا..انا احترم العهد اللي بين اهلنا
كل اللي احنا محتاجينو ان نخرج من فكره اننا اصحاب وبس ونصدق اننا انكتبنا لبعض خلاص..اوعي تفتكري انا مش بحبك..لا انتي البنت اللي يتمناها اي شب ف الدنيا..مش هقولك اني عمري م اتمنيتك ليا لأن ده حصل..اما عيشه انا لما شوفتها اتشديتلها وهي كمان..وبعدين طلبتها من ابوها من غير م اقول لبابا واعترف اني غلطت اني مقولتلوش انما هي نفسها مكانتش غلطه..صدقيني وبعدين احنا مكانش بينا قصه الحب وكده والجو ده..انتي عارفاني اكتر منها بميت مره...
منار: طب عديني كده اشوف هنفطر اي بقي
طارق: طول عمرك طفسه..بوظتي لحظه رومانسيه
منار: اصل انا جعاانه مكالتش من امبارح..
وبعدين الباب خبط...
عيشه: طارق..اهل منار بره
منار: جايين اهوه ي عيشه
طارق: يلا انا هستناكي بره..
.....
ام منار: لولولولولوي...صباحيه مباركه ي عرسان
ف نفس الوقت جت ام عيشه....
ام عيشه: صباحيه مباركه
ولك ان تتخيل عزيزي القارئ..
عيشه: ماما..ازيك ي حبيبتي اتفضلي
ماما عيشه: الحمد لله..البيت وحش من غيرك
...
منار: اتفضلي ي ماما..اتفضلي
ماما منار: يزيد فضلك ي قلبي..اومال طارق فين
...
طارق كان واقف بعيد بيتفرج عليهم ف باله كلمه واحده...ربنا يسامحك ي بابا
....
طارق: مالك بقي ي عيشه...من ساعه م اهلك مشيو وانتي متضايقه
عيشه:كنت بتقولو اي ده كله ي طارق قبل م اهلنا يجو
طارق فكر كويس قبل م يرد..
طارق: كلام بيني وبين مراتي ي عيشه..انتي ترضي اقول اللي بينا ليها
عيشه: كده ي طارق... اي...خلاص متبصليش كده...معاك حق..
طارق: طيب يلا...افردي وشك وريني الضحكه اللي تخطف...ايوا ايوا هي دي...تعالي بقي ناكل هموووت ي ناس مكلتش من امبارح نكدتو عليا
عيشه: طب خلاص تعالي نشوف ماما باعته اي..
.....
منار: انا جهزت السفره..وحطيت من اكل اهلك ي عيشه عشان لو مش عايزه تاكلي من اكل ماما...
عيشه: ورايحه فين ي منار مش هتاكلي
منار: حبيت اسيبكو براحتكو
عيشه: طب بس تعالي كلنا جعانين يلا هناكل سواا
طارق: علفكره بقي منار طبيخها حلو اوي
عيشه: انا مبعرفش اطبخ
منار: بسيطه...انا هعلمك
طارق: يلا ناكل بقي
وقعدو كلو ف هدوء...وربنا يستر وميكونش الهدوء اللي كلنا عارفينه...
منار: انت هترجع الشغل امتي ي طارق
طارق: بصراحه..الجواز جه فجاءه وملحقتش اظبط الشغل..وطبعا مفيش حاجه هتمشي من غيري
عيشه: اي التواضع ده
طارق: ربنا يخليكي...المهم هنزل بكره هحاول اخلص الدنيا...
منار: ربنا يوفقك..
......
عدي اليوم وكان في هدوء من الطرفين كده وطارق كان مستغرب..وقاعد خايف يلاقيهم مسكو ف بعض..
وانما فكر ان لسه المشاكل هتبدأ...هيروح لمين فيهم!!!
...
منار: طارق...اومال عيشه فين!!!
طارق: ف اوضتها
منار: وانت قاعد كده لي
طارق: اااه عادي يعني مفيش حاجه
منار: طب قوم روحلها
يتبع.. الفصل الثاني والأخير اضغط هنا