رواية كنت الضحية البارت التاسع 9 بقلم حنان محمد
رواية كنت الضحية الفصل التاسع 9
في قصر ابراهيم المنصوري
روجين ببرود :
هاقولهالكم تاني الاملاك كلها ملكي انا
كلهم اتصدموا ومحمود فقد أعصابه من كلامها.
محمود بعصبية : ازاي ده حصل يعني كل حاجة ضاعت من ايدي.
روجين باستفزاز : يعني انتو بقيتوا علي البلاطة.
فارس : ليه يا روجين تعملي كدة انتي حقك عندي انا مش هما.
سليم بعصبية وغيرة : متوجهش ليه كلام ومالكش دعوة بيها.
روجين بصت ليهم ببرود : تو تو لا يا فارس بيه ده حساب قديم وحق لازم يرجع لأصحابه.
مصطفى : انت قصدك علي ايه يا بنتي.
روجين: مش هينفع الكلام كدة علي الواقف اقعدوا عشان تعرفوا ونعرف نتكلم.
كلهم قعدوا في مكان منهم بيبص بكره وحقد ومنهم مش فاهم حاجة.
روجين : جدو انت زمان ظلمت بابا وماما وعمو احمد وطنط عائشة.
ابراهيم بحزن : عرفت بس متأخر وندمت والله اني متصدقيش محمد.
زينب بحزن : ماتفتحيش في اللي فات يابنتي وخلاص المسامح كريم.
روجين ببرود : لا يا تيتا مش هنسي حزن وقهرة بابا من بعدوا عنكم.
محمود بعصبية : هو اللي غلط زمان واحنا ذنبنا ايه تعملي كدة.
روجين بعصبية : بابا عمره ماغلط ولا عمره يعمل حاجة حرام ولا حتي بص علي مرات اخوه ولا حتي خطفها عشان يحرمها منه لحد ماموته عشان يتجوزها.
احمد بصدمة : انتي بتقولي ايه يا روجين محمد اتقتل طب ازاي ومين عمل كدة .
روجين : اللي حصل زمان هو اللي وصلنا لكدة عشان سكتوا عن حقكم زمان لما اتجوزت طنط عائشة ورفضت تتجوز سميرة وعموا محمود شاف ماما واعجب بيها بس بابا وماما حبوا بعض وجدو غصب علي عموا محمود وعموا مصطفى أنهم يتجوزوا ولاد اخوه إللي هما سميرة ومجيدة عشان بابا وعمو احمد رفضوا يتجوزهم ولما اتجوزوا كلهم وعاشوا في بيت واحد كانوا بيشوفوا معاملتهم مع مراتتهم وعموا محمود كان بيحاول يقرب من ماما بس كانت بتصده وشافوا ترابط بابا وعمو احمد فاوقعوا مابينهم وخدروا طنط عائشة وبابا عشان عمو احمد وماما يفتكروا أنهم بيخونهم مع بعض وماما تطلب الطلاق بس عموا احمد وماما كانوا بيثقوا فيهم ومصدقوش بس كان لازم يبعدوا عن بعض لما جدو غضب علي بابا ومشينا وكنا عايشين مبسوطين لحد ما ماما اتخطفت واختفت وبعدين عرفت تهرب من اللي خطفها.
عائشة: مين اللي خطفها ويخطفها ليه اوعي تقولي ااا .
روجين ببرود ومقاطعها : لسه هاقول ياطنط اصل الحوار كبير شوية ولازم احط النقط على الحروف ولا ايه .
حمزة : انتي عرفتي الكلام ده ازاي ياروجين بابا محكاش ليا غير قبل مايموت.
روجين : كان سايب ليا حجات اخدها لما أتم السن القانوني ده غير اني دورت وعرفت كل حاجة عن العيلة.
أماني بغيظ وغضب : واحنا مالنا بالحدوتة بتاعتك ديه ميجامعنا معاكم ليه ماتغوري من هنا من ساعت ما ظهرتي وانتي قرفانة .
روجين باستفزاز : معلش معطلين حضرتك عن مشوارك بس للاسف مش هتبقى فاضية تروحي عشان هتغوري من هنا انتي واهلك تشوفلكم اي خرابة تقعدوا فيها .
سميرة بغضب وقفت: خرابة يا بنت ..... بتقولي لينا احنا الكلام ده واحنا اشرف من اللي جابته.
روجين بغضب وعيونها لونها غير من الغضب وقفت قصدها وضربتها بالقلم على وشها جرحت جنب شفايفها وشدتها من شعرها كلهم قاموا من مكانهم يحجزوا مابينهم : هقطع لسانك لو جبتي سيرة امي مرة تاني انتي سامعة و مين ديه اللي شريفة انتي اللي مقضيها انتي وبنتك اللي كل يوم مع واحد تاني اوعي تفتكري اني مش عارفه انك اللي خدرتي بابا وطنط عائشة عشان تنتقمي من عموا احمد .
سميرة بعصبية : سيبي شعري بقا أيوة انا اللي عملت كدة وكفاية أني حرقت قلبه لما شافها في حضن اخوه حتي لو مصدقش.
محمود بذهول : انتي يا سميرة تعملي كدة فيهم
روجين ببرود راحت قعدت : مش لوحدها هي وشريكها .
فارس بعصبية: ماتقولي كل حاجة علي بعض متنقطناش بالكلام خلينا نخلص.
روجين : عموا محمود.
محمود بصدمة : والله انا معرفش حاجه ولا عملت كدة.
احمد راح مسكه من رقبته : انت تعمل فينا كدة عشان طمعت في مرات اخوك ياواطي.
روجين ببرود: سيبوا يا عموا مش هو شريكها اللي اتفق معاها و يبقي شريكها هو عموا مصطفى.
صدمة نزلت عليهم كلهم مكنش حد يتوقعها
فارس بصدمة : باااباا
روجين بتكمل : ومكفهوش إللي عمله فيهم خطف ماما و موت بابا وكان عايز يتجوزها بس ماما ضربته وهربت .
مصطفى بغضب : لا برافو عرفتي كل حاجة وقولتيه بس معرفتيش اني اكتر واحد بيحب ايجة انا اول واحد شفتها وحبتها ايجة كانت من حقي انا وابويا في الاخر يغصبني اتجوز مجيدة عشان دلوعة أبوه مش عايزها وكمان اشوف اهتمامها بيه وحبها اللي المفروض يكون ليا انا انا اللي اللي كنت بموت لما كان بيخدها في حضنه ايجة حقي انا وهتجوزها حتى لو اخر يوم في عمري انا عملت حجات كتير عشان اوصل ليها انا اللي سلط فارس أنه ينتقم منك انتي وسليم عشان اتجوزك وحرقتى قلب ابني زي ما ابوكي حرق قلبي وانا اللي كنت هابعت حمزة لابوه انا بكرهك انتي واخوكي عشان من ريحة ابوكي اللي كان بيحرق قلبي واخد مني الإنسانة اللي بعشقها.
روجين بغضب: وانا حقي وحق ابويا وهعرف اخده منك وانا اللي هحرق قلبك علي ابنك .
مصطفى بغضب : اياك تلمسي شعرة من ابني انا ممكن انسفك من علي وش الأرض.
روجين ببرود : مش لما يكون ابنك اصلا.
مصطفى بعصبية : انتي مجنونة فارس ابني الوحيد.
فارس : انتي بتقولي ايه.
روجين ببرود واستفزاز : انا مش مجنونة وفارس مش ابنك اصلا.
زينب بصدمة : ازاي يا روجين فارس مش ابنه وانا كنت مع مجيدة وهي بتولده ده مولود علي ايدي.
روجين : أيوة هو ابن مجيدة بس مش ابن مصطفى .
سميرة بعصبية : انتي تخرسي خالص متجبيش سيرة اختي علي لسانك.
روجين ببرود: ايه ياسميرة الحقيقة وجعتك ولا ايه امال لو قولت على كل حاجة وعلي العموم ده الورق اللي يثبت كلامي.
وأدت لمصطفى الورق وشافه واتصدم أن فعلا فارس مش ابنه وخد فارس منه وشافه واتصدم هو كمان.
فارس بصدمة : يعني أنا فعلا مش ابنه امال انا ابن مين ابوي يبقي مين.
سميرة بتوتر : متصدقهاش يا فارس انت ابن مجيدة ومصطفى .
كلهم كانوا مصدومين معادا ابراهيم المنصوري كان عارف كل حاجة من روجين.
مصطفى بصدمة : يعني مجيدة اللي كنت فاكرها طيبة طلعت خاينة ونسبت ابن عشيقها ليا .
روجين باستفزاز : ههههههههه وعشيقها مش اي حد وحياتك.
فارس بحزن : سامحيني ياروجين وقولي انك بتضحكي علينا وده عقاب لينا.
روجين ببرود : لا ده تصفية حسابات وحق بيرجع لأصحابه وديه حقيقة كانت لازم تبان من زمان.
مصطفى بحزن وكسرة : ده عقاب ربنا ليا علي كل اللي عملته وانا اعيش طول عمري مخدوع في مجيدة والولد اللي طلعت بيه من الدنيا ميكونش ابني.
فارس بحزن: مين هو ابويا ياروجين.
روجين ببرود : ابوك يبقي ..
وسكتت بتبص عليهم كلهم لقتهم فيه منهم مصدوم وفيه منهم مش مستوعب اللي بيحصل بس ركزوا عشان يعرفوا هو ابن مين.
مصطفى بحزن :
والله وعرفتي تحرقي قلبي يابنت محمد قولي مين هو أبوه.
روجين ببرود : فخر ليا اني اكون بنت محمد وحرقت قلبك جزء من اللي عليك اما بقا حكاية أبوه يبقي مين ؟هاقولك عشان اكمل حرقتك قلبك .
ايجة مقاطعة روجين في الكلام : بلاش ياروجين كفاية كدة عشان خاطري.
روجين ببرود متجاهلة كلام ايجة :
يبقي محمود المنصوري.