رواية أصبحت أسيرته الفصل الرابع عشر 14 بقلم سمسم الكاتبة سماح نجيب
رواية أصبحت أسيرته الفصل الرابع عشر 14
سمعت تالين صوت جرس الباب قامت بفتح الباب
تالين..ايوة مين حضرتك
.. حضرتك مدام تالين
تالين..ايوة انا
..الحاجات دى لحضرتك
تالين.. مين اللى بعتها
..چواد بيه
تالين......ماشى شكراً
اخذ الاغراض وقامت بغلق الباب فتحت الكرتونة وجدت فستان سهرة بمشتملاته ووجدت عليه كارت قرأت تالين ما كان مكتوب عليه
تالين...... إلى ملكة فؤادى اجمل نساء العالم ومليكة روحى
انبهرت تالين بجمال الفستان فقامت بالاتصال على زوجها
تالين بسعادة.......حبيبى
چواد.......عجبتك الحاجة
تالين ......جميلة اوى بس ايه المناسبة
چواد........علشان هنخرج نتعشى برا النهاردة
تالين.......النهاردة
چواد...... أيوة عايزك النهاردة زى القمر
تالين.....بحبك
چواد......مش اكتر منى
تالين......سلام ياروحى
چواد......مع السلامة
كانت تالين تشعر بسعادة بالغة لأن امورها قد تحسنت مع زوجها فهى اصبحت تعشقه ولا تتخيل ان يأتى يوم ولا تراه امام عيناها
............
فى الشارع
كانت تمشى تلك الجميلة بحجابها الذى زاد من جمالها وبيدها كوب من النسكافية وتنظر الى هاتفها ولا تنظر أمامها فاصطدمت باحد المارين وانسكب محتويات الكوب
ديما......اسفة والله اسفة
سليم.....ولا يهمك
ديما باندهاش.....ايه ده دكتور سليم
سليم..... ايه ده النسكافية ده ناقص سكر
ديما باستغراب......بتقول ايه
سليم.....بقول ناقص سكر وانا بحب السكر مزبوط
ابتسمت ديما على كلامه
سليم.....بقى كده سكره مزبوط
ديما...... انت بتعمل ايه هنا
سليم.....شكلى القدر جايبنى هنا علشان اشرب النسكافية بس على هدومى ههههه
ديما.....انا اسفة جدا والله
سليم....دا احلى كوباية نسكفاية دى ولا ايه
شعرت ديما بالخجل فنظراته تجعلها تشعر بالاحراج الشديد
ديما.....طب عن اذنك
سليم.....تعالى اوصلك
ديما......لاء شكرا معايا عربيتى
سليم.....يبقى تمام وصلينى انتى
ديما بابتسامة.... حاضر
سليم.....يحضرلك الخير
ديما.....ههههه انت متأكد انك كنت فى فرنسا
سليم.....اصل واخد الشهادة وانا واقف تحت برج ايفل
...............
فى الشقة
اخذت تالين الفستان وبدأت فى لبسه سمعت صوت باب الشقة يفتح وكان زوجها
چواد....السلام عليكم
تالين......وعليكم السلام حمد الله على السلامة يا حبيبى
چواد.....الله يسلمك ياعمرى هدخل اخد شاور والبس علشان النهاردة عاملك سهرة خاصة
تالين بفرحة.......هنروح فين
چواد.......خليها مفاجأة
تالين.....بموت فى المفاجأت وخصوصاً منك
استعدت تالين واكملت زينتها
چواد.... إيه ده انا هخرج بيكى كده ازاى
تالين....ليه الفستان وحش
چواد....دا انتى جميلة اوى انا اخاف الناس تاكلك بعينها
تالين.....انا جميلة علشان انت شايفنى كده دا انا اللى اخاف حد يعاكسك وانت امور كده
چواد.....هههههه انا عينى متقدرش تشوف حد غيرك
...........
كان يجلس على كرسيه يستمع للمعلومات الذى قام بجمعها احد رجاله عن چواد
.........عرفت ايه عنه
الرجل.......هو رجل اعمال مشهور جدا عنده حوالى 33 سنة ليه نفوذ وكلمه مسموعه برغم صغر سنه وذكى جدا
هو مكنش يعرفها قبل ما يتجوزها انا لحد دلوقتى معرفش ايه سبب جوازهم هى كانت مخطوبة لواحد اسمه مروان بس سابته وبعدها باسبوع اتخطبت لچواد النصراوى واتجوزوا بعدها بفترة قصيرة جدا
.........وانت معرفتش ايه اللى حصل خلاها توافق
الرجل.......ده السبب اللى مقدرتش اعرفه
.............هى حامل بقالها قد ايه
الرجل.......بقالها حوالى 4 شهور
..........وهى فين دلوقتى
الرجل.........هى حاليا قاعدة معاه فى شقة مش فى القصر بتاعة بالرغم من انهم اساسا عايشين فى القصر مش فى الشقة دى وكمان النهاردة جوزها حاجز فى مطعم ليهم هما الاتنين
عند سماعه هذا الكلام تملكته العصبية فكيف لاحد ان يأخذ ماهو حق له
.............. خلى عينك عليهم
الرجل........ اوامرك
بعد انصراف مساعده ظل يفكر في من يبحث. عنها وأخذته ذكراياته الى ذلك اليوم الذى قابلها فيه
فلاش باك
كان مختبأ خلف احد المبانى غارقا فى دماؤه بسبب غدر احد منافسيه ويسمع صوت هؤلاء الرجال وهم يبحثون عنه ولكن ظهرت تلك الملاك مرة واحدة
.............لو سمحتى ساعدينى
تالين بعيون متسعة...... ايه ده مالك فى ايه مين عمل فيك كده
.............لو سمحتى ناولينى المسدس ده
تالين.........انت لازم تروح المستشفى حالا انت بتنزف جامد وكده غلط
............ناولينى المسدس ارجوكى كده حياتنا هتبقى فى خطر
تالين برعب.......حاضر
اخذت المسدس بيد مرتجفة فهى تخشى مثل هذه الأشياء
تالين........... اتفضل بس انت لازم تروح المستشفى انا هطلبلك الاسعاف
............... لاء بلاش بس تليفونى فى رقم اتصلى عليه
اخذت التليفون بيد مرتجفة واعصاب على وشك الانهيار من هذا المنظر وبعدت عنه حتى تستطيع الاتصال بعد ان اخذت التليفون وجدت مسدس مصوبا الى رأسها
الرجل...........انتى بتعملى ايه هنا
تالين بخوف....انا انا
الرجل.........انطقى هو راح فين
تالين..........مش عارفة انت بتتكلم عن إيه
الرجل........بقولك انتى هو مستخبى فين
تالين..........قولتلك معرفش انت بتتكلم عن ايه
الرجل.......كده يبقى انتى الجانية على روحك
سحب زناد المسدس واوشك على التصويب الى رأسها فإذا بطلقة استقرت فى رأس هذا الرجل
...........انا اسف على الموقف اللى عرضتك ليه
كانت تالين تقف بعيون متسعة لا تستوعب ماحدث هل ماحدث حقيقيا ام مجرد حلم مزعج وستفيق منه
تالين برعب....... هو إيه اللى حصل ده
.................. معلش ساعدينى انا بنزف جامد
تالين...........ثوانى هطلبلك الاسعاف
............... بلاش الاسعاف اتصلى بس على التليفون والمساعد بتاعى هييجى
قامت تالين بالاتصال على الرقم واخذ منها التليفون وتحدث مع مساعده وماهى الا دقائق حتى حضر
..............انا اسف يا باشا بس احنا فقدنا الاتصال بيك
.............مش مهم الكلام دلوقتى يلا علشان انا بنزف جامد
المساعد.......هى مين ده
...............دى ساعدتنى متشكر يا آنسة
كانت تالين تقف لاتعى شىء مما يحدث كأنه يتحدث الى شخص اخر
.................
خرج چواد وتالين متجهين الى مطعم راقى جدآ
دخلوا الى قاعة جميلة جدا مزينة بطريقة مبهرة للعين
تالين......الله المكان ده جميل اوى بس ليه مش شايفة ناس هنا
چواد......علشان انا حاجز المطعم كله لينا النهاردة
تالين....لينا احنا بس
چواد.....ايوة علشان مش عايز حد يبص عليكى وانتى جميلة كده
تالين بهمس........للدرجة دى بتغيير
چواد.......طبعا انا مقدرش اشوف حد كده قاعد يبصلك غيرى
تالين......صدقنى لو خيرونى بينك وبين كل رجال العالم مفيش غيرك يملك قلبى ومش هشيل اسم حد غيرك
چواد..... بعشقك يا عمرى
كانت الاجواء رومانسية حالمة اثناء تناولهم العشاء تمنت تالين ان لاتنتهى هذه الليلة ابدا
تالين......شكل ماما بتدعيلى فى الحرم بقلب راضي
چواد......ليه بتقولى كده
تالين......علشان وصيتها تدعيلى بصلاح الحال انا وانت
چواد.......تسلميلى يا حبيبتى
تالين......چواد
چواد......نور عيون چواد
تالين.....عايزة ارقص معاك سلو
چواد.....بس كده ماشى عايزة اغنية ايه
تالين......اغنية انا كلى ملكك
طلب چواد تشغيل الاغنية ورقصوا سويا وضعت رأسها على كتف زوجها وشددت فى ضم ذراعيها حوله فكانت تشعر انها ملكت العالم
چواد...... حبيبتى
تالين بصوت هامس....... نعم
چواد......يلا بينا نروح
تالين......ليه فى حاجة
چواد......علشان عايزك في كلمة سر
فهمت تالين مقصد زوجها من الكلام
تالين......هههههه مينفعش تستنى شوية الكلمة دى
چواد........ لاء مينفعش
تالين....... طب يلا بينا
اثناء عودتهم الى الشقة كانت هناك سيارة تتبع خطواتهم وعند وصولهم حمل چواد تالين كعادته الى الشقة
وكان الليل حاملا معه المزيد من العشق والهيام وعندما كانت بين يديه يردد اسمها بكل ما يحمله قلبه من عشق لصاحبة الاسم كانت أصداء الليل تردد معه
حبيبتى. حبيبتى. حبيبتى
.............
عندما نظر الى صورها هى وزوجها وخصوصا تلك الصورة التى يحملها فيها زوجها وهى متعلقة فى عنقه تنظر اليه بمحبة كان يريد ان يزهق روح من اخذ منه ملاكه واستباح حق كان من المفترض أن يكون له هو
..............
فى الصباح
سمعت تالين صوت رن هاتفها فتأففت فهى لا تريد ترك احضان زوجها الدافئة لتجيب عليه ولكن استمرار رنه ازعجها
تالين بعصبية........الو مين
................انا قدرك يا تالين
تالين...........لا والنبى مصحينى من احلاها نومة علشان تقول انت قدرى انت مين اصلا
.............هيجيلك يوم وتعرفى ازاى تسمحى لنفسك انك تتجوزى حد تانى وان حد يلمسك وياخد حقى انا
تالين.........انت شكلك غلطان فى الرقم مع السلامة
قامت بعمل حظر لهذا الرقم واغلاق الهاتف نهائيا بسبب هذا الاتصال
تالين........قال قدرى قال ما قدرى خلاص عرفته اهو يا سلام هو فى احلى من كده قدر
استفاق زوجها اثناء تحدتها مع نفسها
چواد.....انتى بتكلمى نفسك
تالين......دا فى حد سمج على الصبح مش عارفة عايز ايه
چواد...... ليه ايه اللي حصل
تالين.......قعد يقول كلام غريب اوى شاكله غلطان فى الرقم
چواد.......لو كلمك تانى اعمليله بلوك ومتزعليش نفسك
تالين.....ماهو ده اللى حصل
چواد......طب تعالى هنا
تالين بضحك......فصلنى على الصبح كاته الارف
چواد........خلاص انسى وخليكى معايا
.............
ديما.......هما الاتنين استحلوا القاعدة هناك ولا ايه
كريمة......خليهم علشان يصفوا أمورهم مع بعض
ديما......ربنا يسعدهم
كريمة.......عقبال عندك
ديما.......انا خلاص جربت حظى
كريمة......بلاش عبط مش علشان تجربة وعدت تعقدى نفسك
ديما......... بس دى كانت تجربة قاسية اوى حاسة انها موتت حاجة جوايا
كريمة...... انتى بس اللى لسه ملقتيش الراجل المناسب
اثناء تحدثهم جاء الخادم بيده بوكيه ورد
الخادم ......الورد ده علشانك يا ديما هانم
ديما باستغراب.......ورد من مين ده
قرأت الكارت المرفق معه
تالين......الى احلى كوباية نسكافية شربتها
ابتسمت ديما على الكلام فسليم يحاول جذب اعجابها
كريمة......من مين ده
ديما......ده واحد قريب تالين يبقى ابن خالتها قابلته مرتين
كريمة بلؤم......شكله واقع اوى
ديما.....هاا انا مش عارفة هو عمل ليه كده
كريمة.....بس انا عارفة
ديما باحراج...... عن اذنك
كريمة ......اتفضلى
صعدت إلى غرفتها تحمل بوكيه الورد وتسأل نفسها ماذا يريد سليم منها
...............
تالين........على فكرة يا حبيبى النهاردة هروح البيت عند بابا علشان اشوف بسام لو عايز حاجة
چواد......ماشى يا روحى وانا هبقى اجى اخدك ونرجع القصر علشان أمى وحشتنى
تالين......وانا كمان وتصدق وحشتنى رخامة ديما ووحشنى كمان سلطان
چواد.....سلطان بس
تالين.....وصاحب سلطان كمان ولا تزعل نفسك
چواد......لاء انا زعلت
تالين......طب عايز ايه
چواد.....صالحينى
تالين.....بس كده من عنيا
اقتربت منه ووضعت يدها حول عنقه ونظرت اليه احدى نظراتها التى يعشقها والتى تجعله يشعر بأنه لايستطيع مقاومتها
چواد.....ياربتنى ماكنت قولتلك صالحينى انا كده مش هروح الشغل
تالين......مش انت اللى عامل زعلان
چواد......خلاص مش هعمل زعلان تانى وانا رايح الشغل
..................
فى منزل والد تالين
بسام......وحشتينى يا تالين
تالين.....وانت كمان يا حبيبى ايه ده يا بسام اللى انت عامله فى الشقة ده
بسام......مالها ماهى زى الفل اهى
تالين......دى زى الفل امال لو زى الزفت هتبقى ازاى
دى لو ماما هنا كان زمانها بتجرى وراك بالشبشب
وجدت تالين رسالة من رقم مجهول اخذت فى قرأتها
تالين.....قولتلك انا قدرك وممكن امحى من الوجود اى حد يقرب منك وخصوصا جوزك
شعرت تالين بالخوف الشديد من هذا الكلام فهى كانت تنتظر مجىء زوجها لاخذها معه الى المنزل فقامت بالاتصال به
تالين......حبيبى انت فين
چواد.....خلاص يا عمرى شوية وجاى
تالين .....انت كويس يا چواد
چواد......ايوة يا قلبى فى ايه
تالين......مفيش بس بطمن عليك
اثناء تحدثهم لمح چواد سيارة تسير خلفه واقتربت منه واحدهم اصلق عليه بالرصاص
سمعت تالين صوت اصلاق الرصاص فهربت الدماء من عروقها
تالين......حبيبى فى ايه اللى بيحصل
چواد.....مش عارف فى حد بيضرب عليا نار
وبعد هذا الكلام فقدت تالين الاتصال بزوجها
تالين برعب......چواد رد عليا فى ايه
ولكنها لم تسمع صوت زوجها كل ما تسمعه هو صوت اصلاق الرصاص
اطلقت تالين صرخة مدوية مليئة بالرعب
تالين......چوااااااااااد.. يتبع الفصل الخامس عشر اضغط هنا