رواية اصبحت اسيرته الفصل السابع 7

الصفحة الرئيسية

رواية أصبحت أسيرته الفصل السابع 7 بقلم سمسم الكاتبة سماح نجيب

رواية أصبحت أسيرته كاملة

رواية أصبحت أسيرته الفصل السابع 7

چواد.. خلاص يا ديما روحى وانا هاجى وراكى
ديما.. لاء هستناك نروح الاسطبل سوا علشان انت عارف الحصان بتاعك غالى عليا اوى
تالين.. خلاص يا چواد روح شوف فى ايه
چواد.. خلاص البسى هدومك وتعالى معايا
تالين.. ثوانى
نزلت تالين مع زوجها الى الاسطبل
.......
فى الاسطبل
السايس......انا أسف يا چواد بيه على قلقك بس انا قولت لديما هانم الموضوع مش مستاهل بس هى اصرت تقول لحضرتك
تالين فى سرها......اه يا بنت ال يعنى عملتى كده علشان تنكدى علينا ربنا يرزقك باللى ينكد على اهلك
چواد.....خلاص مش مشكلة انت جبتله الدكتور
السايس.....ايوة وقال على بكرة هيبقى زى الفل
تالين......هو اسمه ايه
چواد.....اسمه سلطان
تالين.....دا شكله جميل اوى
ديما.....دا من سلالة نادرة بتعرفى فى سلالات الخيل يا تالين
تالين.....لاء بعرف فى سلالات البهايم والحمير
عند سماع چواد كلام تالين ابتسم على خفة دمها
ديما......وانتى بتعرفى بقى تركبى خيل
تالين.....لاء والله مجربتش
ديما.....خسارة فايتك كتير
چواد.....متخافيش انا هعلمها
ديما.....الصراحة مش هتلاقى احسن منك يعلمها اصل انت شاطر اوى فى ترويض الخيل
چواد......والبنى ادمين كمان يا ديما
قام چواد بوضع يد تالين على وجه الحصان واخذت تتحسس وجه الحصان فقد كان يشبه صاحبه فى خطف القلوب
چواد.....كل ما تحسسيه انك بتحبيه هو كمان هيحبك دى مخلوقات حساسة جداً
تالين...... انا فعلا حسيت انى حبيته
چواد.....يلا بينا نطلع علشان الجو هنا برد عليكى
تالين.....تصبحى على خير يا ديما وابقى اتغطى كويس
صعد چواد وتالين الى الغرفة بعد ترك ديما تغلى من الغيظ
........
فى الغرفة
تالين......ديما دى خميرة عكننة
چواد.....عارف بس اعمل ايه لولا ان باباها موصينى عليها كنت خنقتها وارتحت منها من زمان
تالين ......انا عايزة أسألك سؤال
چواد...... سؤال ايه
تالين.....هى ديما عايشة معاكم هنا ليه
چواد.....دى حكاية طويلة
تالين.....احب اسمع
چواد.....ابو تالين عمى حسن كان ابن عم بابا وكانوا اكتر من اخوات وكانوا شركاء في الشغل ولما بابا اتوفى وانا كنت لسه فى الكلية مكنتش اعرف حاجة عن الشغل وقف جمبى وساعدنى لحد ما قدرت اقف على رجلى ولما كان حد بيحاول يأذينى فى شغلى كان هو دايما فى ضهرى لحد معرفت الشغل ماشى ازاى كان بيحبنى زى ابنه طلب منى اتجوز ديما وافقت واتخطبنا بس هى جت قالتلى بتحب واحد تانى وهتجوزه سيبنا بعض بس لما جوزها طلع مش كويس اطلقت بس فى الوقت ده كنت انا اتجوزت وكانت عايشة مع باباها وفى يوم وانا وعمى حسن كنا راجعين من الشركة طلع علينا 2 بلطجية فى طريق مقطوع وانا لما كنت بضرب واحد فيهم التانى طلع مسدس كان هيضربنى بيه بس عمى حسن فدانى بنفسه واخد هو الطلقة بدالى ولما كان فى المستشفى وصانى انى اخد بالى من ديما علشان مالهاش حد بعده ومات وخليت ديما تعيش معانا هنا علشان هى بنت ومينفعش تعيش لوحدها لانى عارف ان ديما هوائية ومش بتسكت فخفت عليها وكان دين باباها فى رقبتى علشان كده مستحمل عمايلها حتى شمس مسلمتش منها
تالين....... شمس مين
چواد....مراتى الله يرحمها
تالين....وهى عملت فيها ايه
چواد....انتى شايفة تصرفاتها دى كانت بتعملها مع شمس بس شمس مستحملتش عمايلها جت فى يوم طلبت منى الطلاق وقالتلى انها مش عايزة تشوف وشى تانى وسابت البيت وماتت وهى زعلانة منى وهى بتولد يوسف
تالين.....انا اسفة ان كنت فكرتك بحاجة ضايقتك
چواد.....لا ابدا من حقك تسألى انا بس ساكت على ديما يمكن ربنا يرزقنى بحد يتجوزها وارتاح من عمايلها
تالين...... خلاص تصبح على خير
چواد.....انتى راحة فين
تالين......هنام هعمل ايه يعنى
چواد بمكر.....احنا لسه مكملناش كلمنا
تالين.... كلام ايه مش فاكرة
چواد...لحقتى نسيتى
تالين.....اصل انت متعرفش ان انا عندى زهايمر هههه
چواد......بقى كده خلاص براحتك روحى نامى
تالين......هو انت ما صدقت
چواد.....طب قولى بقى كنتى بتقولى ايه
تالين.....بقولك انك وحشتنى واشتقتلك
چواد.....ثوانى بس اقفل الباب علشان ملاقيش ديما واقفة على رأسنا
تالين.....اه هادمة اللذات ومفرقة الجماعات
چواد.....قوليلى بقى انتى بعدتى عنى ليه الايام اللى فاتت دى
تالين......علشان وانا بصحيك قولتلى بس بقى يا ديما اسكتى
چواد.... انا قولت كده
تالين بحزن .....ايوة
چواد..... صدقينى يا تالين انا مقصدش حاجة بس ديما كانت عادتها دايما تصحينى من النوم وتطلب طلب سخيف من طلباتها فتلاقينى قولت كده من غير وعى لأن انتى مصحتنيش من النوم قبل كده
تالين.....متعرفش انا حسيت بايه وقتها كان نفسى اهد البيت على دماغك ودماغها
چواد.....سامحينى يا عمرى هى بتطلعى زى عفريت العلبة معرفش منين
تالين ....عارفة والله
چواد.....خلاص متزعليش منى
تالين....خلاص مش زعلانة
چواد.....احنا كنا بنقول ايه بقى
تالين.....كنا بنقول انى بحبك
چواد....انتى قولتى ايه
تالين......قولت انى بحبك ايوة أنا بحبك يا چواد بحبك اوى
چواد.....مش اكتر منى انا من ساعة مشوفتك وانا هموت عليكى وصممت انك تكونى ليا مش لاى حد تانى
تالين....عارف نفسى فى ايه
چواد.....فى ايه يا قلبى
تالين.....نفسى اخلف اولاد كتير ويبقوا كلهم شبهك واحبهم زى ما بحبك
حملها چواد بين ذراعيه ورفعها عن الأرض واحست بان قلبها تتسارع دقاته كأن به عاصفة
چواد..... بحبك
تالين بهمس ......انا اكتر يا حبيبى
.......
فى الصباح
استيقظت تالين على صوت جرس المنبه ثم زحفت بكسل على السرير وكأنها مخدرة كانت أشعة الشمس تسطع فى الغرفة وهى نائمة على جانبها شعرت ان هناك حرارة تنبعث من جميع مسامها فمدت يدها لتتحسس مصدر هذه الحرارة فاصطدمت يدها بيد زوجها فذابت مشاعرها واقتربت منه بسعادة ودفنت وجهها فى صدره وهو كان يطبق ذراعه عليها كأنها شىء ثمين يود الحفاظ عليه
چواد......صباح الخير
تالين.......صباح النور يا حبيبى
چواد....هى الساعة كام دلوقتى
تالين.....الساعة 9 انت اتاخرت على شغلك
چواد.......النهاردة الجمعة انتى ناسية
تالين......انت نسيتنى اسمى مش الايام بس
چواد.....مفيش احلى من كدا صباح لما اصحى واشوف عينيكى
تالين......انت هتعمل ايه النهاردة
چواد......هعلمك ركوب الخيل
تالين بفرحة طفولية......بجد
چواد.....ايوة
ذهبت تالين مع زوجها الى الاسطبل لكى تتعلم ركوب الخيل
چواد للسايس......انا مش عايز حد يبقى موجود هنا خالص طول ما انا موجود
السايس..... أمرك يا چواد بيه
قام العاملين بالاسطبل با خلاؤه بناء على اوامر چواد
تالين.....انت خليتهم يخرجوا ليه
چواد.....علشان عايز اعلمك بمزاج
تالين.....قليل الادب ههههه
چواد.....كده طب تعالى بقى
تالين.....عيب كده احنا مش فى أوضتنا
امتطى چواد حصانه
چواد.....تعالى يا تالين
تالين.....اجى فين
چواد...هتقعدى قدامى
قام جواد برفعها امامه على الحصان وكانت خائفة جداً
تالين......چواد انا خايفة
چواد.....اهدى بس ومتبصيش لتحت بصى قدامك وافردى ظهرك
استمعت تالين لكلامة ولكن ما كانت تشعر به اكثر هو قربه منها وذراعاه حولها
تالين.....مكنتش اعرف ان ركوب الخيل حلو كده
چواد.....صح مش كده
كانت ديما تنظر اليهم بغيظ وهى ترى تالين تجلس امام چواد على حصانه
چواد.....انبسطتى يا روحى
تالين.....اوى يا عمرى
چواد.....شوية شوية وهتعرفى تركبى الحصان لوحدك
تالين.....لو هبقى لوحدى مش عايزة اتعلم
چواد.....امال انتى عايزة ايه
تالين...عايزة افضل تعلمنى كده على طول
چواد....طب يلا نروح ناكل انا جوعت اوى
تالين..... ماشى يلا بينا
......
على السفرة
كريمة......صباح الخير يا حبايبى
چواد.... صباح النور يا امى
ديما.....هو انتوا كنتوا بتعملوا ايه فى الاسطبل
تالين.....عايزة تعرفى ليه
ديما.....عادى بسأل
تالين.......كان چواد بيعلمنى ركوب الخيل ارتاحتى
ديما.....بجد مش كل اللى اتعلم يركب خيل يبقى شاطر
چواد....بس تالين شاطرة اوى وبتتعلم بسرعة
كريمة.....ابقى خلى بالك يا تالين من نفسك
تالين.....متخافيش يا ماما لو حصل حاجة چواد جمبى وهيلحقنى لو حصل حاجة
چواد.....بعد الشر عليكى
........
فى احد الايام قامت والدة تالين بدعوتهم الى الغداء فذهبت برفقة زوجها
تالين......زوزو وحشتينى عملتلنا المحشى يا جميل
زينب.....حبيبتى اه طبعا والملوخية كمان
تالين.....بحبك يا زوزو
جلال.....ازيك يا چواد اخبارك ايه
چواد ......الحمد لله يا عمى
تالين.....بسام فين
زينب......فى اوضته
لاحظ چواد ان بسام عند حضوره يختفى من امامه فقرر ان يتحدث معه فقام بالطرق على باب غرفته
بسام..... ادخلى يا تالين
چواد....انا چواد مش تالين
بسام بتوتر.....اهلا اتفضل
چواد.....هو انت مبتخرجش تقعد معانا ليه
بسام....ها لا ابدا بس عندى مذاكرة
چواد.....بسام لو انت خايف منى متخافش انا عارف انك ملكش ذنب فى موت ابنى
بسام.....عرفت ازاى
چواد.....لما تالين جاتلى وقالتلى انا دورت فى الموضوع وعرفت ان صاحبك السبب وانك اصلا مش بتعرف تسوق
بسام.....امال ليه عرضت تتجوز تالين مقابل انك متحبسنيش
چواد.....علشان انا من اول ما شوفت اختك حبيتها وقولتلها كده علشان ترضى تتجوزنى فانت ملوش لزوم انك كل ما تشوفنى تختفى
بسام......انت ريحتنى بكلامك ده
چواد....انت ممكن تعتبرنى اخوك الكبير ولو محتاج حاجة اطلبها منى حتى لو عايز فى الاجازة تيجى تشتغل فى الشركة مفيش مانع
بسام.....بتتكلم جد
چواد....طبعا انت اخو الغالية
فى السيارة غفت تالين على كتف زوجها وعند وصولهم الى البيت
چواد.....تالين اصحى وصلنا
تالين بنعاس.....شوية بس
چواد....شوية ايه انتى هتنامى فى العربية
تالين.....مش قادرة امشى شيلنى
چواد..... حاضر تعالى
حملها چواد الى الغرفة
چواد.....انتى بقيتى تتدلعى اوى
تالين.....مليش حق ادلع عليك شوية
چواد.....لو الدلع ميلقش بيكى يليق بمين يا عمرى
تالين.....بحبك
..........
فى احد الايام
كانت تالين تجلس فى احضان زوجها فهذه اصبحت عادتها وكان يقوم بتخليص بعض اعماله على اللاب توب ولكنها من حين لاخر تفعل حركة تفقده تركيزه
چواد.....تالين
تالين بصوت ناعم.....نعم يا قلب تالين
چواد....اسكتى
تالين.....هو انا عملت حاجة
چواد.....بسببك انا كتبت نص الفاكس غلط
تالين....ما انا قاعدة ساكتة اهو
چواد....على فكرة يا تالين
تالين.....نعم
چواد....انا مسافر كمان يومين
تالين....مسافر فين
چواد....مسافر المانيا عندى شغل مهم
تالين.....هتغيب كتير
چواد.....احتمال شهر
تالين بصدمة.....بتقول ايه شهر بحاله
google-playkhamsatmostaqltradent