رواية اصبحت اسيرته الفصل الثالث - بقلم سمسم

الصفحة الرئيسية

رواية أصبحت أسيرته الفصل الثالث بقلم سمسم الكاتبة سماح نجيب

رواية أصبحت أسيرته كاملة

رواية أصبحت أسيرته الفصل الثالث

چواد...انا مستعد اتنازل عن حبس اخوكى بس بشرط
تالين....شرط ايه
چواد....عايز ابن بدل ابنى اللى مات
تالين.....ابن وانا اجيبه ازاى ده
چواد....انك تتجوزينى
تالين بصدمة.....انت بتقول ايه
چواد......بقولك تتجوزينى وتجبيلى ولد بدل الى مات
تالين.....اكيد انت بتهزر صح
چواد....شيفانى بهزر دلوقتى
تالين.....ما هو اصل حضرتك مش عارف انت بتطلب ايه
چواد.....لاء عارف
تالين.....طب وانا مالى ما تخلى باربى مراتك دى هى اللى تخلفلك ولد
چواد.....باربى مراتى مين
تالين.....مدام ديما
چواد.....ومين قالك ان ديما تبقى مراتى
تالين.....امال مرات الجيران
چواد.....ظريفة اوى قولتلك ديما مش مراتى
تالين.....استغفر الله العظيم انت عايش معاها فى الحرام
چواد.....حرام ايه إيه شغل الافلام الهابطة ده
تالين......امال هى بسلامتها مين
چواد.....تبقى قريبتى
تالين.....امال ام الولد فين
چواد......اتوفت وهى بتولده
تالين.....خلاص اتجوزها هى انا مخطوبة
چواد....عارف مش مروان برضو
تالين....وانت عرفت منين
چواد....انا تقريبا عرفت كل حاجة عنك من يوم ما تولدتى لحد دلوقتى
تالين.....والله كنت عامل عنى تحريات بقى
چواد.....حاجة زى كده ايه رأيك قولتى ايه انتى قصاد حرية اخوكى
تالين.....ده اسمه استغلال وابتزاز
چواد.....سميه زى ما تسميه
تالين.....اسفة مش موافقة انا مخطوبة ومبسوطة مع خطيبى
چواد....خلاص انتى حرة ومترجعيش تندمى
تالين.....انت هتعمل ايه
چواد....خليها مفاجأة يا تالين
وعلشان ما ابقاش ظالمك هديكى فرصة تفكرى
خرجت تالين من عند جواد تشعر انها فى دوامة فماذا ستفعل
...........
فى منزل تالين
بسام.....عملتى ايه
تالين.....عمله اسود ومنيل
بسام....ليه فى ايه
تالين....عايز يتجوزنى واخلفله ولد بدل اللى مات
بسام بفزع.....انتى بتقولى ايه
تالين ....انت سمعتنى كويس
بسام.....باين عليه انسان حقير
تالين.....انا مش عارفة افكر هنعمل ايه ما هو يا اتجوزه يا انت هتروح فى داهية
بسام.....خلاص يا تالين متفكريش يعمل اللى يعمله انا مش هضحى بيكى
تالين.....وانا مش هسمح ان مستقبلك يضيع
بسام...هتعملى ايه
تالين..... هوافق يا بسام
بسام....انتى اتجننتى انتى نسيتى انك مخطوبة وهتقولى لبابا وماما ايه ولا هتقولى ايه لمروان
تالين....هو انت مش كنت كل شوية تحرضنى انى اسيب مروان
بسام....انا مكنش عاجبنى ماشيه ورا كلام امه
تالين.....بسام سيبنى دلوقتى انا عايزة انام
لم تستطيع تالين النوم فظلت تفكر ماذا ستفعل مع خطيبها
تقابلت تالين مع مروان
مروان....تالين ماما شافت اوضة نوم جميلة اوى وعجبتها
تالين.....مروان انا عايزة اقولك حاجة
مروان.....خير فى ايه
تالين...اتفضل دبلتك اهى
مروان.....انتى بتقولى ايه
تالين....احنا مش هننفع نكمل مع بعض انا أسفة
مروان..... جاية تقولى ده دلوقتى
تالين.... معلش سامحنى
مروان....اسامحك عندها حق ماما انها مكنتش موافقة عليكى من الاول
تالين....بلغ تحياتى لامك على بعد نظرها مع السلامة
تركت تالين خطيبها مروان وبررت ذلك لوالديها بانها لاتستطيع العيش معه بسبب شخصيته الضعيفة
اخبرت تالين چواد بانها موافقة على الزواج منه مقابل حرية اخيها
تالين....بابا فى عريس عايز يتقدملى
زينب..... عريس دا انتى لسه سايبه خطيبك مكملتيش اسبوع
تالين....اللى حصل بقى يا ماما
جلال.....مين العريس ده
تالين.....اسمه چواد النصراوى
جلال با استغراب....وانتى تعرفيه منين ده يا تالين
زينب.....هو انت تعرفه يا جلال
جلال......ايوة دا رجل اعمال مشهور جدا
زينب...وانتى عرفتيه منين ده يا تالين
تالين بكذب.....طلع قريب واحدة صاحبتى فى الجامعة وشافنى وطلب منها تكلمنى فى الموضوع
جلال.....انتى متأكدة من الكلام ده يا تالين
تالين.....ايوة طبعا وانا على فكرة موافقة اتجوزه
......
فى قصر چواد النصراوى
چواد..... امى انا قررت اتجوز
كريمة بفرحة.....بجد يا حبيبى هتتجوز
چواد.....ايوة يا امى
كريمة.....اوعى تكون ديما يا چواد
چواد....لاء طبعا دى واحدة هتعجبك
كريمة.....ربنا يتملك على خير
عندما علمت ديما بخبر زواج چواد من واحدة اخرى
ديما.....انت بجد هتتجوز
چواد.....ايوة
ديما.....طب وأنا
چواد....وانتى ايه
ديما.....انا بحبك يا چواد
چواد.....احنا مش هنضحك على بعض كان فين الحب ده زمان لما سيبتينى وروحتى اتجوزتى واحد تانى
ديما.....دى كانت غلطة انت مش قادر تنسى
چواد.....لاء ما انا خلاص نسيت وهتجوز اهو
ديما.....ميبقاش قلبك حجر كده
چواد....انا مبقاش عندى قلب والبركة فيكى
ذهب چواد ووالدته لخطوبة تالين واصرت ديما ان تذهب معهم
......
فى غرفة تالين
بسام.....انتى برضو هتنفذى كلامك
تالين.....مبقاش بايدى ما هو يا اتجوزه يا انت هضيع ومش انت بس انتى ناسى ان بابا عنده القلب وممكن يجراله حاجة لو عرف ان ابنه ممكن يتحبس
بسام.....طب دا انتى هتتجوزيه ازاى دا انتى مشفتهوش غير مرتين
تالين.....بسام بالله عليك سيبنى انا ضاغطة اعصابى ومتامسكة بالعافية
بسام...انا مكدبش عليكى هو شكله حلو وباين عليه راجل كده ومامته برضو تحسيها كويسة بس معاهم واحدة كده الظاهر نسيت تلبس قبل ما تيجى
تالين.....دى تلاقيها باربى هانم
بسام.....باربى مين
تالين.....قصدى ديما قريبته
خرجت تالين من غرفتها لمقابلة چواد ووالدته
لكن عندما نظرت الى ديما
تالين فى سرها..... يخرب بيت اهلك يا شيخة دا لبس
كريمة....بسم الله ماشاء الله زى القمر
تالين....شكرا يا طنط
كريمة....عرفت تختار يا حبيبى
چواد......انتى عارفة ذوق ابنك
كريمة.....قولت ايه يا استاذ جلال احنا جايين نطلب ايد تالين بنتك
جلال.....والله الرأى رأى تالين
ديما....وانتوا مستعجلين على ايه اووووف الجو حر اوى مفيش تكييف
تالين....الجو حر واحنا فى يناير طب ازاى
ديما..... قصدى الجو ساقعة مفيش دفاية
تالين.....ما انتى لو كنتى كملتى لبسك كان زمانك دفيانة
ديما.....لو سمحتى يا طنط ممكن شوية ماية
زينب..... حاضر يا حبيبتى
ديما.....ياريت تكون معدنية علشان معدتى بتوجعنى
چواد....عن اذنكم يا جماعة تعالى يا ديما
ديما.....ايه يا روحى خلاص هنمشى
چواد....انتى عارفة لو مسكتيش انا اللى هنزل اشربك من بنزين العربية يا ديما
ديما....... بموت فى قسوتك يا جيدو
چواد.....لو مبطلتيش عمايلك مش هتعرفى اللى هيجرالك
ديما.....طب احنا هنروح امتى يا روحى
چواد.....لو مضايقة اخلى السواق يروحك
ديما......لا مش قربتوا تخلصوا هنمشى سوا
چواد.... قولتى ايه يا انسة تالين
تالين......انا موافقة على الجواز
كريمة.... خلاص نقرا الفاتحة
چواد......حافظة الفاتحة يا ديما
ارادت تالين الضحك ولكن تمالكت نفسها
تم الاتفاق على الزواج فى اجازة نصف العام
مرت الايام سريعا وجاء ميعاد الزفاف
كانت تالين ترتدى فستان زفافها ولكنها كانت كمن تنساق الى الموت او الى الجحيم وكان تنظر الى چواد بانه سيكون حارس جحيمها
سمر.....زى القمر ولو انى مش فاهمة حاجة
تالين.....كله نصيب يا سمر
سمر .....نصيبك حلو ومز والله
تالين.....اه اخدت بالى
................
بعد انتهاء الزفاف
ذهبت تالين مع زوجها الى بيته وصعدت الى الغرفة قامت بتغيير ملابسها وارتدت اسدال للصلاة
دخل جواد الى الغرفة وكان ينظر اليها نظرات غريبة
چواد.......هو ايه اللي انتى لبساه ده
تالين.....اسدال علشان اصلى
چواد.....تمام يلا نصلى سوا
تالين......هو انت بتصلى
چواد..... حاجة غريبة يعنى انى اكون بصلى
تالين..لاء بس متوقعتش انك بتصلى وخصوصا ديما وهى ماشية كده وبتنسى تلبس بقية هدومها
چواد..... والله هى حرة فى نفسها
تالين ......خلاص يلا نصلى
بعد الانتهاء من الصلاة قامت تالين لتصلى مرة اخرى
چواد......هتصلى ايه تانى
تالين.....اصلى مصليتش طول النهار فهصلى دلوقتى
چواد..... ماشى وانا قاعد مستنيكى لو هتصلى للصبح
استغرقت تالين وقت كثير فى الصلاة فهى تتمنى ان يغلبه النوم وينام ويتركها فى حالها بعد ان انتهت من صلاتها
تالين......انا جعانة وعايزة أكل مكلتش من الصبح
چواد.....مفيش مشكلة الاكل عندك اهو كلى
تالين......وانت مش هتاكل
چواد..... مبحبش اكل باليل علشان اعرف انام
تالين....براحتك
بدأت تالين فى الاكل ببطىء شديد فهى ليست جائعة وانما هذه حجة لابعاده عنها بعض الوقت
چواد......هتفضلى تاكلى طول الليل ولا ايه
تالين......انت هتبصلى فى الاكل كمان
چواد.... خلاص انجزى بسرعة فى ليلتك دى
لا تعرف تالين ماذا تفعل فمن الواضح انه مصر على اتمام الزواج
تالين......هغسل ايدى واجى
چواد بنفاذ صبر......ماشى ومتجيش كمان شوية تقوليلى نسيت اغسل سنانى
تالين...... كويس انك فكرتنى اغسلهم بالمرة
چواد...الصبر من عندك يا رب
بعد انتهاء تالين مما تفعل
چواد..... خلصتى كل حججك ولا فى حاجة تانى
سكتت تالين ولم ترد وعندما حاول الاقتراب منها اغمضت عينها بشدة واتخذت موقف دفاعى
تالين..... اطفى النور
چواد.....يعنى مغمضة عينك وكمان عيزانى اطفى النور ليه ده كله يعنى
تالين...... علشان مش عايزة اشوف وشك
بعد نطقها هذا الكلام ساد الصمت في الغرفة وعندما فتحت عينها وجدت چواد قد ترك الغرفة
تالين.....هو راح فين ده .. يتبع الفصل الرابع اضغط هنا
google-playkhamsatmostaqltradent