رواية صدفة كاملة جميع الفصول من الفصل الأول للفصل الأخير بقلم الكاتبة المصرية ريماس عبر دليل الروايات
اسكربت صدفة البارت الأول
_ لو سمحت يا استاذ ممكن ثانيه
_ نعم
_ممكن تتجوزنى
_ افندم ؟!
_ انا اسفه انى بطلب منك كده بس انا فعلا محتاجه اتجوز ضرورى
_ لا اله الا الله طب لى بتعملى كده
_ بعمل اى
_ يعنى شكلك بنت ناس وامورة وصغيرة فى السن واى حد يتمناكى لى تقولى كده للناس فى الشارع وتقللى من نفسك
_ معلش باه بس مضطرة والله اصلك متعرفش قصتى ومتحكمش عليا
_ طب قولى وانا هسمعك
_ مقدرش اسفه
ومشيت من غير متقولى حتى اسمها اى او قصتها اى ولى بتعمل كده
_ يا استاذ يا استاذ لو سمحت
_ انا ؟!
_ اه
ممكن تتجوزنى
_ انتى مجنونه يبنتى
_ لى بتقول كده انا مش مجنونه والله
_ لا حول ولا قوة الا بلله انتى واعيه انتى بتقولى اى
_ اه واعيه جدا
_ ربنا يكملك بعقلك بعد اذنك
مشيت وانا زعلانه اوى معقول محدش عاوز يتجوزنى ولا يبصلى طب اعمل اى يربى دلوقتى
اكيد انتو مستغربين ازاى واحده بتعمل كده فى نفسها واى الى يخليها تعمل كده
وتطلب من الشباب الجواز فى الشارع
انا حياه بنت زى اى بنت نفسها تعيش سنها وحياتها ، عندى ٢٦ سنه اه لسه فى شبابى بس للاسف شوفت اسوا ايام حياتى ، محستش بعمرى كلو معرفش حتى يعنى اى حنيه ويعنى اى اهل
انا عايشه مع ماما وبابا واختى او الى كنت مفكراهم كده
لانهم مطلعوش اهلى وطلعوا خاطفينى من اهلى الحقيقين ،طلعت عايشه طول عمرى فى وهم
مشيت من بيتهم وانا عندى ١٥ سنه اول معرفت انى مش بنتهم وحاولت ادور ع اهلى بس للاسف ملقتهمش
دورت كتير اوى لحد مزهقت
قررت ارجع للى ربونى تانى بس كانو ماتو للاسف ، حتى من قبل ما اعرف انا مين واهلى فين
واختى ريم الى كنت مفكراها كده عاملتنى اسوا معامله بعدهم
متوقعتش منها كده ابدا ، ده هى الوحيده الى كنت بحكيلها كل حاجه
وخصوصى بعد ما اتجوزت وانا استحملت كتير اوى منها
اهانات وضرب وخدمه محدش يستحملهم
مكنتش متوقعه ان اختى الى ربيتها تطلع كده ، اول معرفت انى مش من اهلها
للاسف بعد كل الى عملتو فيا معرفتش اكرهها برضو ، اصل ريم انا الى ربتها
لحد ما فى يوم اتحدتنى وقالتلى انك مش هتلاقى حد يتجوزك ، وانى هفضل قاعده معاها ، وانها زهقت منى ومعتش قادرة تعيش وانا فى حياتها
واهو انا بدور من ساعتها فى الشارع ، ونفسى اخرج من الى انا فيه ده باى طريقه
تعبت من كونى عايشه فى وهم وحياه انا مش حباها
متستغربوش اسمى حياه اه بس عمرى محسيت بلحياه بجد ، اسمى مش بيوصفنى خالص
دايما كنت بتهان من كل الناس لان اهلى او الى كنت مفكراهم كده كانو بيعاملونى وحش اوى عمرى مشوفت معنى للحنيه ، كان علطول قسوة وبس ، كنت بستغرب اوى لما يعاملو ريم احسن منى ، بس اهو عرفت السبب اما كبرت
وكانو بيخلونى ابيع لاصحابى اكل و اساور ويلبسونى وحش اوى ، ويشترو لريم كل حاجه حلوة هى عايزاها
تعبت اوى من الى عملوه معايا
ذاكرت جامد فى الثانويه العامه وجبت مجموع عالى اوى بس للاسف مدخلونيش غير معهد وانا كان حلمى كليه طب وجبت مجموعها
بس اتحججوا انهم مش معاهم فلوس
لكن ريم اما نجحت بمجموع مش اوى فرحو وعملولها حفله ، ودخلت كليه طب اسنان خاص ، ادايقت جدا وقتها وفضلت الوحده والعزله عن كل الى حواليا
وحتى ريم عاملتنى معامله وحشه جدا بعد ما اهلها ماتو ، وبدات تدايقنى جامد
روحت البيت وانا مشرده وكل الافكار دى ادامى ......
ريم : اى يهانم اتاخرتى لى كنتى فين
حياه : لا ولا حاجه
ريم : طب تعالى ورايا عشان تاكلى شهد لانها جعانه اوى ومعنتيش تتاخرى تانى والا مش هيحصل طيب
حياه : حاضر يريم
ريم : واعملى حسابك بعد الساعه عشرة تاخدى شهد وتطلعى الاوضه عشان عادل هيجى
حياه : حاضر هطلعلها اهو متقلقيش
وطلعت حياه فوق لشهد .....
حياه : اذيك يشهد
شهد : خالتو بحبك اوى
(شهد كانت بنت ريم و عادل كان عندها ٣ سنين بنوته قمر اوى و شعرها طويل وناعم زى الحرير وعيونها بنى وواسعه و وشها بدر منور )
حياه : عملتلك الاكل الى بتحبيه
شهد بفرحه طفوليه : سكيا يا احلا خالتو فى الدنيا
____
فى مكان تانى على البحر
عمر كان مشغول اوى وبيفكر فيها هى وبس ، مستغرب اوى لى بنت فى جمالها وسنها تعمل كده ، وتقف تطلب الجواز فى الشارع ، رغم ان شكلها محترمه وبنت ناس
ايهاب : اى يبوب اذيك
عمر : .......
ايهاب : اى يعمر شكلك مش معايا خالص
عمر : اى اه
ايهاب : مالك
عمر : مفيش يا ايهاب معلش مش هقدر اخرج معاك مش رايق
ايهاب : مالك يعم بس اعد احكيلى
عمر : مش رايق والله متعوضه مرة تانيه
ومشى عمر وساب ايهاب لوحدو
فى الطريق كان كل الى شاغلو البنت دى ، كان عاوز يعرف حكايتها ، كانت بنت جميله اوى وملامحها هاديه كانت بشرتها بيضه بياض التلج وعيونها بلون الزرع الاخضر كانت رقيقه اوى ومقدرش يشيلها من بالو
طول الطريق
___
فى بيت حياه
ريم : يا حياه حياه انزلى بسرعه
حياه : اى يريم خير
ريم : عاوزاكى تحت يالا بسرعه
واول منزلت حياه اتفاجات من الى شافتو تحت..
البارت الثاني
واول منزلت حياه تحت اتفاجات من الى شافتو
لقت هدومها كلها مرميه ع الارض
ريم بعجرفه : اى ده يا ست حياه الاقى هدومك فى دولاب جوزى
حياه : والله محصل ابدا عمرى معمل كده
ريم : اومال اى ده ها
حياه : مش عارفه والله جم ازاى هنا
ريم : هى الهدوم هتطير يعنى ها اعترفى بينك وبين جوزى اى
حياه : والله مبينا حاجه يا ريم انتى ازاى اصلا تفكرى كدا
عادل جه ولقى صوتهم عالى
عادل : فى اى يريم مالك يحبيتى
ريم بعصبيه : ابعد عنى الوقتى
حياه ببكاء : معقول تفكرى فيا كده يا ريم ازاى
ريم وبصت لعادل : هدومها بتعمل اى فى دولابك
عادل : ازاى انتى بتقولى اى
ريم بعصبيه : بص اهى الهدوم اهى تعالى شوووف
حياه ببكاء : ريم اهدى بس فى حاجه غلط
ريم بعصبيه : فعلا فى حاجه غلط
حياه متاسفه مش هتعدى هنا لحظه تانيه
حياه بصدمه : اى طب وهروح فين يا ريم ده انا مليش غيرك
ريم : اتصرفى
وفتحت الباب لحياه
ريم : اتفضلى برا بيتى
حياه بحزن وهى بتبصلها : ماشى يا يا
اختى
شهد وهى نازله جرى : خالتو ياحه فين يا خالتو
ريم بعصبيه : اطلعى فوق يا شهد
شهد وهى ماسكه ايد حياه : لء مس هطلع خالتو تطلع معايا
حياه : معلش يشهد همشى شويه ومش هتاخر
شهد ببكاء وهى بتهز راسها : تؤ تؤ
ريم ضربت شهد وقالت بعصبيه: اطلعى فوووق يالا
ريم ببكاء : اهء اهء
عادل بعصبيه : فى اى يريم انا ساكت من ساعتها بس كده كتير هتسيبها ازاى فى الشارع الساعه ١٢ بليل
ريم بعصبيه : تتصرف ولو اتكلمت اخرج معاها مهو انتو طلعتو
عادل واتعصب : اخرصى
حياه بحزن : خلاص مفيش داعى انا ماشيه سلام بس قبل ما امشى هقولك يا ريم انى حظرتك كتير من الانسان ده ومسمعتنيش وصدقينى هتندمى لانك بتوثقى فى الشخص الغلط
عادل بصلى بصه ليها معنى كبير اوى وابتسم ابتسامه سخريه
ريم : انا بثق فى عادل اكتر من اى حد وانتى بتحاولى تغريه بقالك فترة وهو قالى لو فى حد المفروض مكنتش اثق فيه يبقى انتى اتفضلى براااا بيتى
حياه بحزن : خارجه يخسارة بجد
(اه نسيت اقولكم عادل حاول يقرب منى كتير ، وانا نصحت ريم كتير تبعد عنو بس هى مكنتش بتسمعنى ، صديتو كتير وبعدت عنو كتير ، وكان بيهددنى انو يطردنى برا ، لو مستجبتلوش ، واهو حصل واطردت ، بس انا مش زعلانه لانى خرجت بكرامتى ، انا زعلانه ع ريم الى متعرفش حقيقه جوزها ومفكراه ملاك ، حاولت انصحها كتير ومسمعتش منى ، انا عملت الى عليا ، قولتلها قبل كده انو بيقرب منى ، ووقتها كانت بتهينى جامد اوى وبتقولى انا الى بقرب منو ، بس خلاص انا كده خارجه من البيت و اهو حاولت اقولها تانى ومسمعتش زى كل مرة ، ياربى انا رضيت زمتى )
وخرجت حياه وهى مش عارفه هتروح فين دلوقتى
.........
____
فى مكان تانى
عمر كان بيلف بلعربيه بتاعتو ومش عارف يروح فين كان طول الوقت صورتها فى راسو ومش عارف ينسى ملامحها البريئه ، كان مشغول اوى يعرف السبب الى مخلى بنت قمر زيها تعمل كده
الفون بتاعو رن
عمر : الو
ايهاب : ايوة يعمر انت فين
عمر : فى الشارع
ايهاب : لحد دلوقتى طب مجتش تسهر معانا لى
عمر : انتو فين
ايهاب : فى ملهى ......
عمر : حلضر جايلكو
وانطلق عمر بلعربيه ع المهلى الى قالو عليه ايهاب
___
عمر : اذيكو
ايهاب : ايوا كده يا بوب وحشتنا
صبرى : عمر كنت فين من زمان
عمر : مليش فى جو الديسكو ده والله بس جيت هنا اغير جو
ايهاب : احكيلى باه كان مالك
عمر : لا لا متشغلش بالك يابا نتسلى
صبرى : اشطا اتبسطت اوى انك جيت
ايهاب : تشرب
عمر : مبشربش انا هروح ارقص هناك
صبرى : وانا جاى معاك
بص المزة الى هناك دى متيجى كده نكلمها
عمر : روح انت
صبرى باستغراب : من امته وانت كده يا عمر فى اى
عمر : والله مخنوق
صبرى واخدو من ايدو : طب تعالى بس
هااى يحلوة
صافى : صافى اسمى صافى
صبرى وصفر : صبرى بس اى الجمدان ده
صافى وبصت لعمر : ومين ده
صبرى : ده عمر صاحبى
عمر : اتشرفت بمعرفتك
صافى بدلع : انا اكتر متيجى نرقص
عمر : ارقصى مع صبرى انا خارج اشم هوا
خرج عمر برا الملهى وهو مش عارف مالو ، طب لى مش قادر ينساها واشمعنى دى الى علقت معاه كده
فجاه سمع صوت حد بيصوت
جرى عمر فى اتجاه الصوت لقى بنت بجرى و وراها تلات شباب
عمر جرا وراهم واخد ايد البنت
عمر : امشوا من هنا
وانتى اقفى ورايا
شاب : وانت مين باه
شاب ٢ : ههه شكلو حابب يعمل بطل
عمر : طب تعالى كده واوريك من البطه البلدى
شاب ٣ : ده بيهددنا يلا نروح نوريه مقامو
وحصل صراع جامد مبينهم
عمر ضرب اول واحد جامد والاتنين التانين هربو
بس للاسف واحد فيهم خبطو بلرصاص من بعيد و جت فى دراع عمر
عمر بوجع : اهههه يولاد ال***
وحط ايدو ع الجرح لانو كان بيوجعو جامد والبنت حطت ايدها عليه وطلعت منها شهقه وصرخه اول مهو اتصاب
البنت : انت كويس يا استاذ ممكن تبصلى انت كويس
بص وراه عليها
عمر بدهشه : انتى
حياه بصدمه : انت
يتبع .. الفصل الثالث والأخير اضغط هنا