رواية رنا وسيف (كاملة جميع الفصول) حصريا عبر دليل الروايات بقلم سلمى ايمن
رواية رنا وسيف الفصل الاول 1 - بقلم سلمى ايمن
_لو سمحت... لو سمحت
=نعم حضرتك
_هو انت قاعد لوحدك ولا مستني حد هيجيلك
=لا قاعد لوحدي.. في حاجه عايزني فيها حضرتك
قالت بتوتر
_هو صراحه اهاا يعني.. عاوز اعترفلك بي حاجه
بص ليها بأستغراب بس في كل الاحوال قال
=اتفضلي
_هو انا انا اااا... حسه بحاجه كده ليك
بص ليها من غير فهم فأبتسم ابتسامه بسيطه وقال
=معلش بس.. مفهمتش حاجه وضحي كلامك اكتر
بصت في الارض وهيا بتفرك في ايديها بتوتر وبعديها غمضت عينيها واخذت نفساً عميقا وقالت بسرعه
_انا بصراحه معجبه بيك بقالي كتير
وقامت علي طول تحت نظراته اامستغربه وراحت للطرابيزه اللي وراه اللي فيها صُاحبها وقالت
=يارتني ما لعبت ام لعبه سودا دي اللي كانت هتوديني في ستين داهيه
قالت ليها واحده من صُحابها بحماس
_قوليلنا عملتي اي قولي قولي
بصتلهم وقالت بضيق
=كنت متردده في الاول سالته ان كان في حد قاعد معاك ولا لا قالي لا وبعديها اعترفتله ومشيت
_وبعديها عمل اي او احكيلنا اركشنات وشه كده
قالت وهيا بتحاول تفتكر
=مش فاكره صراحه انا غمضت عيني وقولت بسرعه وجريت
قالت صديقتيها بتذمر
_يوووه ما كنتي استنيتي شويه
صمتت قليلا وبعديها نطقت
_بقولكم اي انا قلقانه اوي كان لازم يعني نلعب حقيقه او جراءه وتخلوني اعمل كده دلوقتي اودي وشي فيني من راجل
=ما انتي كده كده كنت معجبه بيه من الاساس احنا هنهزر علي بعض ولا اي يا رنا
_ماهو برضو مش طريقه يعني اني اروح اقولو انا معجبه بيك مفرود هو اللي يقولها حساها حركه غبيه اوي مني
غمزت ليها واحده من صحابها وهيا بتقول بخبث
_ المهم انك اعترفتي وهنشوف في الاخر الأخينا ده هيعمل اي ولا هيسوي اي
وقالت التانيه وهيا بتبص علي رنا
=ولا مش ممكن ياخدك مننا ويخرجك وهوبه يعترف وهوبه تاني يتقدم وربنا يتمملكو علي خير
قالت الثالثه وهيا تضيف من جمل معاهم
_ولا يتفق مع الجرسون انو هيجيب الخاتم ويجهزلو الصنيه ويجي لحد هنا ويسند علي ارض ويقولك تجوزينيي
ابتسمو جميعاً بخبث فقالت رنا بصوت عالي يتخلل منه توتر
_لا طبعا اي الافكار البلدي دي والقديمه كمان ولا هيعمل اي حاجه من دي هو زمانه اكيد بيقول اي البنت مجنونه دي وكلام اكيد مش لطيف
قالت ليها واحده من اصدقائها بخبث
=ومالو معظم الشباب بتحب البنت المجنونه والهبله والعبيطه مبتقرأيش روايات ولا اي
قالت رنا
_المشكله يابنتي اني مسمعتش اي كلمه منه
=ماهو انتي السبب عشان اتسرعتي ومشيتي علي طول ولا شوفتي هل هو مضايق ولا فرحان ولا مستغرب لا زاي العبيطه جريتي علي طول
_طب اروح اشوف
=هتشوفي اي هيا اركشنات وشه هتكون ثابته لحد دلوقتي مثلا او اقولك ....
نظرت لها رنا بأنتباه فاكملت صديقتها بعد تفكير قليلا
_اعملي نفسك راحه تواليت وبصي ناحية وشه وشوفي هل هياخد باله منك وهل لما هيشوفك هيبتسم ولا هيجي عندك ولا هيقولك حاجه وشوفي كده
بصت ليها رنا وبعد تفكير قليلا
=اممممم تمام فكره جميله بس افرد قالي حاجه معجبتنيش
_خلاص يجي بدالو الف الدنيا مبتقفش علي حد وكمان انا حسه انو واقع عليكي انتي مش قليله بردو
غمزت ليها في نهاية الكلام فأبتسمت رنا وقالت وهيا بتقوم
=صح صح وانا حسه بي كده بردو هروح واجي واقولكم نتايج
قامت وهيا بتمشي ببطئ وجات جنب طرابيزه بتاعته وبطئت في خطواتها اكتر ووشها قدام بس عينيها علي جنب عليه فا لقت انه ماسك التلفون بتاعه وفي ايد تانيه ماسك القهوه ومركز في تلفون ومش واخد باله منها فا خبطت بي جزمتها في الارض جامد عشان تعمل صوت وهيا ماشيه ولكن كان زاي ماهو متحركش فا اضيقت ومعرفتش تعمل اي فا راحت ناحية الحمام ودخلت ووقفت دقيقتين وبعديها رجعت تاني وكان قُدمها النادل ماشي فا خطرت ببالها فكره ووقفت قدام طرابيزه الشاب ونادت النادل فقالت
_لو سمحت انا عاوزه اشحن تلفوني اشحنه فين
=في كل ترابيزه فيها بريزة علي جنب هتلاقي عندك حضرتك
كانت سمعه كلامه وهيا بتبص علي جنب ولاقت انو التاني قاعد زاي ماهو وحاطط رجل علي رجل ومش منتبه ليها، فقال ليها نادل بعد ما شافها شارده
_يا انسه
=ايوه ايوه معاك حضرتك تمام شكرا ليك
ومشي نادل وهيا فضلت واقفه زاي ما هيا فاحطت ايديها في بوقها بتفكير ومش عارفه تعمل اي وقبل ما تمشي وترجع مكانها وقفت ثانيه وابتسمت بخبث فا كملت مشيها وقبل ما تخطي الخطوه التانيه وقعت علي ارض بس مسكتها وحده عجوزه وهيا بتقول
_مش تخلي بالك يابنتي كنتي هتقعي
بصت ليها رنا وقالت بصوت واطي
=كان لازم يعني تعملي الخير دلوقتي يا حجه
_بتقولي حاجه يا بنتي
=لا ولا حاجه يا طنط شكرا ليكي.. تعبتي نفسك
بصت للجهه تانيه ليه فقالت بصوت واطي يضيق
_ده لو واحد مات قدامك ولا هتحس اصلا... اي شخص ده
ومشيت وراحت عند صُحابها وقعدت بحنق فقالت ليها صديقتها بحماس
=ها ها قولي اللي حصل.. قولي
وقالت التانيه
_كلمك ولا عمل اي قالك اي
وقالت الثالثه
=وشكله عامل ازاي حلو ولا لا وعمل ايي
بصت رنا ليهم بضيق وقالت
_ولاااا اييي حاجه غير انو حط رجل علي رجل وبس
=مش فاهمه قصدك اي
قالت رنا
_رحت عنده ومشيت جامد عشان اعمل صوت وهو كأن في دبانه ماشيه حوليها ده مرفعش عينيه حته يشوف ده اي وبعديها وانا راجعه ناديت النادل سالته اي سؤال ووقفت قدام طرابيزه بتاعته انو ياخد باله حته محصلش خالص لدرجه اني وقعت نفسي عشان عديم الدم ده ياخد باله ولا هو في الحياه اصلا
قالت صديقتها بضحك
=ممكن كان مركز في تلفون في حاجه شده انتباه
_ده لو معموله سحر في تلفون مش هيكون مش واخد باله كده لدراجتي
وسكتت لثواني وهيا بتبص في الارض بي ضيق فا مسكت شنطتها وقامت وقالت بأنزعاج
=الكافيه ده اصلا خنقني اوي ومش عاجبني فا استأذنكم انا همشي
طلعت بره الكافيه وشافت الدنيا بتمطر فا وقفت في حته تمنع نزول المطر عليها فا مسكت تلفون واتصلت ب اندرايف يجيلها وقفلت تلفون وبعد عشر دقائق جات العربيه قُدامها وركبت
دخلت العربيه وقعدت وره وسندت جنب شباك والعربيه اتحركت وهيا فضلت سرحانه في طريق كله فا حست بخنقه في العربيه فا حاولت تفتح الشباك لقيته مقفول فا قالت
_لو سمحت ينفع تفتحلي شباك من عندك
=الدنيا لسه بتمطر لو فتحت شباك الميه هتدخل
_طب افتحه حته بسيطه حته انا عشان مبقدرش استحمل الخنقه لو سمحت
=مينفعش حضرتك
_هدفعلك زياده يا عم ومتقلقش مش هيحصل حاجه لو فتحت حته صغيره عشان بجد بتخنق
=هشغلك التكييف
_هو اي اللي هشغلك التكييف انا عاوزه الهوا اللي بره ولو علي مطر هخليه تيجي فيا ومش هتلاقي نقطه ميه
=بردو مينفعش انا ناقص يجيلك برد ويحصلك حاجه وتلبسيني مصيبه
بصت للشخص ده بأستغراب اللي كان لابس طقيه مغطيه نص وشه وجاكت جلد كبير فقالت
_وانت مالك انت يجيلي برد يجيلي سخنيه يجيلي مش عارفه اي يخصك في اي اصلا
=مش راكبه في العربيه بتاعتي يبقا يخصني ونص
_يخصني ونص... اي العبط ده انت مين اصلا ويخص مين واي الهبل اللي بتقولو ده وعلي فكره انا هديك تقيم صفر في تطبيق وهكتب انك واحد اا..
صمت بعد ما شافت تلفونها بيرن برقم غريب فا فتحت وسمعت صوت راجل
_ايوه حضرتك انا وصلت في المكان اللي حضرتك فيه انتي واقفه فين.....
•تابع الفصل التالي اضغط هنا