رواية نور الليل الفصل السابع عشر
ربي انت تعلم كيف حالي. تعلم ما بداخلي . وحدك تعلم ما يؤلمني وأيضاً وحدك تعلم ما يسعدني . ربي انت سبحانك علام الغيوب . فألهم ارحم ضعفي فأنت أرحم الراحمين.
اللهم اني فوض امري اليك يا الله فأحسن تضبيره فانت احسن المدبرين
~~~~~~~~~~~~~~~~~~~~~~~~~~~~~~~~
( في غرفه ياسمين)
كانت تنظر له بصدمه وبعد ثواني اردفت بتوتر: م م ماااالك أنا ..هو انت هنا من أمته؟
لينظر لها مالك لثواني ثم يرسم ابتسامه بسيطه علي وجه ويردف بكذب: انا لسه جاي حالا مالك متوتره كده ليه؟
لتأخذ ياسمين نفسها بأرتياح وسعاده وقد ظنط أنه لم يسمع شئ عن حديثها تبتسم ثم تردف: لا يا حبيبي مش متوتره ولا حاجه أنا بس اتخضيت انت عارف البيت فيه عمال كتير بيجهزو للفرح فاتخضيت بس.. اااه صح انت كنت جاي ليه في حاجه؟
مالك بثبات: لا مفيش كنت بس عايز اخد رأيك في البدله بتاعتي
ياسمين: طيب يا حبيبي وريني هي فين الصور
مالك: لا ما خلاااص بقه
ياسمين: هو ايه الي خلاص بقه
مالك: اصل الفون بتاعي فصل شحن بس مش مشكله أنا كده كده خت رأي البنات تحت خلاص
ياسمين بحب : طيب كويس لما تشحن الفون نبقه نشوف البدله اصلا انت اي حاجه بتبقه حلوه عليك يا مالك
مالك: اممم أن شاء الله يلا أنا نازل... وما أن أنها حديثه ثم ذهب فوراً.... لتحمد ياسمين ربها أنه لم يسمع حديثها مع صديقتها والذي لم يكن حقيقي نعم فياسمين قد تغيرت حقا مع مالك ولم تكن تكذب في اي من تلك المشاعر التي اظهرتها له ولكنها أخطأت اكبر خطأ فهل سيغفر لها ذلك القلب العاشق ام للقدر راي اخر؟؟!...
~~~~~~~~~~~~~~~~~~~~~~~~~~~~~~~~
(بالاسفل)
كان مالك مازال في صدمته ماذا يعني ذلك ايعني أن كل تلك المشاعر لم تكن سوى مشاعر مزيفه أيعقل أن تكون مجرد كذبه ولكن كيف.. كيف وقلبي قد شعر بها ولكن الأهم من كيف هو لماذا ... ماذا فعل قلبي سوى عشقك إذا فالماذا...
كل تلك الأفكار كانت تدور في عقل مالك حتي قطع تفكيره
صوت ساره
ساره بضحك: ايه يا مالك اخترت انهي بدله انت وياسمنتك
مالك بتوهان: هاا .. اخترت نفس البدله الي انتي اخترتيها
ساره: طبعاً مش انا الي اخترتها لازم تبقه حلوه
مالك: طبعاً يا ساره انتي مفيش زايك اصلا
ساره بجديه: مالك انت فيك حاجه صح حساك مش طبيعي
مالك بابتسامه بسيطه: متقلقيش يا ساره أنا تمام يلا أنا همشي بقه علشان نلحق نخلص ترتيبات الفرح.. وبالفعل ذهب لتنظر ساره علي فراغه بشك ثم ذهبت أيضاً...
وعند زين كان يتحدث مع ندي في الهاتف
زين: طيب يا ندي ليه متجيش وتباتي هنا واصلا البنات جايبين ميكب الارتيست حتي يكونوا معاكي ويساعدوكي
ندي: يا حبيبي انت قلقان ليه انا مجهزه كل حاجه والصبح بدري هكون في القصر أن شاء الله ممكن متقلقش
زين: مش فاهم ليه كل ده بس تمام الي يريحك
ندي: ربنا يخليك ليا يا حبيبي
زين: طيب مش عايزه تشوفي القصر والتحضيرات يمكن حاجه متعجبكيش
ندي: لا أنا بثق في ذوقك وبصراحه أنا عايزه اتفاجئ بكره
زين: تمام طيب أنا هقفل علشان ورايا شويه حاجات
ندي: طيب يا حبيبي بااي
~~~~~~~~~~~~~~~~~~~~~~~~~~~~~~~~
ومر اليوم ولم يرتاح أحد منهم فجميعهم منشغلين في الترتيبات نعم فذلك ليس اي حفل زفاف بل زفاف أحد أفراد عيله العامري والذي سيحضره أكبر الرجال المهمين بالبلد
~~~~~~~~~~~~~~~~~~~~~~~~~~~~~~~~
( في صباح يوم جديد وها قد جاء موعد الزفاف)
وفي غرفه الفتيات كان جميعهم منشغلات بالاستعداد لحفل الزفاف
نور: ساره ميكب الارتست وصلت تحت انزلي قبليها والنبي وهاتيها
ساره: طيب اوك بس خلصوا لبس بقه علشان الوقت بيجري
نور: تمام
ياسمين: نور هي فين ملكيه
نور بحزن: في اوضاتها أنا عارفه انها اكيد بتاعني اوي دلوقتي علشان كده مش عايزه اروحلها لان متاكده أنها محتاجه تفضل لوحدها وتقوي نفسها وانا عارفه انها قدها
ياسمين: ربنا يقويها بصراحه..
نور: طيب يلا روحي خلصي باقي لبسك لان مفيش وقت ولسه الميكب كمان
ياسمين: اوك أنا اصلا لبست خلاص ... لتدخل عليهم مليكه بابتسامه بسيطه وتردف: أنا لبست انتو خلصتوا.؟
نور بانبهار: بسم الله ماشاء الله ايه الجمال ده يا مليكه
ياسمين: يا خراابي علي الجمال ده انتي هتبقي احلي واحده النهارده يا مليكه
مليكه بابتسامه: بجد طيب كويس .. امال فين ساره
وقبل أن ترد نور جاء صوت من خلفهم
ساره : ايه ده ايه القمر الي في البيت ده
مليكه بضحك: أنا اصلا طول عمري حلوه
ميكب الارتيست: انتوا كلكوا بسم الله ماشاء الله عليكم اصلا مش محتاجين ميكب جمال طبيعي بصراحه يابخت العريس بيكي
مليكه وقد ظهر عليها الحزن لتردف بابتسامه بسيطه: لا أنا مش العروسه
نور : احم اااه صح هو انتي اسمك ايه بقه
ميكب الارتست: اسمي سلمي
نور : عاشت الاسامي يا سلمي طيب شوفي عايزه تبدتي بمين فينا
سلمي: تمام بس هو لما مش هي العروسه يبقي فين العروسه
نور: لا العروسه قالت إن هي جايبه مكيب ارتيست خاصه بيها
ساره: حقيقي أنا مش فاهمه اي لزمت كل ده وبعدين ازاي عروسه ومجتش لحد الان أنا مش فاهمه حاجه خالص
ياسمين: والله احنا نفس الكلام يلا سيبك منها
وبالفعل بدأت كل منهم في الانتهاء من ارتداء الفساتين ووضع الميك اب
~~~~~~~~~~~~~~~~~~~~~~~~~~~~~~~~
( في غرفه الشباب)
كانو قد استعدوا بالفعل
كريم: ياااا جيه اليوم الي اشوفك فيه عريس يا زين هتوحشني هتوحشني اوي
زين بسخرية: ايه الجو القديم ايه الاڤوره دي ..
مالك: انت ليه محسسني أنه رايح يحارب ده رايح يتجوز لا وهيعيش كمان معانه
كريم بضحك: ايه ده انا اڤورت اوي كده
زين: جدا
كريم: اقتنعت يلا عقبالك يا ليلو
ليل : عارف لو نطقت الاسم ده تاني هخليها خرجتك
كريم: لا وعلي ايه... بس ايه الشياكه دي والنبي احنا خساره في المجتمع
مالك: بلاااش الكلمه دي اخر مره شرين عبدالوهاب قالتها قلبوا عليها البلد
كريم: أنا بسحب كلامي احنا اصلا حساله المجتمع ..
ليل بجديه: طيب يلا يا استاذ انت وهو لان كلها نص ساعه والقصر هيكون مليان ناس .. وانت يا زين هي فين ندي
زين : كلمتها من شويه وقالت إنها في الطريق وبكلمها دلوقتي فونها مقفول
كريم: والله العظيم دي اغرب جوازه تمر عليا فرح من غير عروسه
ليل: طيب حاول تكلمها تاني وانتو يلا بينا ننزل
وبالفعل يذهبون الي الأسفل
~~~~~~~~~~~~~~~~~~~~~~~~~~~~~~~~
( في الأسفل)
كانوا يقفوا الشباب الاربعه يتحدثون حتي ظهر ما جعلهم يتوقفون عن الحديث ويوجهوا نظرهم الي الاعلي حيث كان الفتيات الاربعه جهزوا بالكامل ويستعدون للنزول
لينظروا لهم الشباب بأنبهار شديد نعم فكانت العين تخشي النظر إليهم من شدده الجمال حيث كانت ياسمين ترتدي فستان طويل أحمر اللون وترفع خصلات شعرها بشكل دائري عشوائي مما جعلها مثل اميرات ديزني لاند ....
وكانت نور تردتي فستان طويل اسود اللون به بعض من حلقات الورد فضيه اللون كان رقيق للغايه مثلها تماماً فكانت تسحر عين من يراها ..
أما مليكه فكانت ترتدي فستان طويل أيضاً ابيض اللون ذات القمام الشفافه بعض الشئ كانت حقا تشبيه الملائكه وبالطبع تترك خصلات شعرها البني متحرره مما ذادها جمال...
وأخيراً كانت تلك الجميله ساره التي كانت تردتي فستان طويل منفوش ازرق اللون به شريط اسود يلتف حول وسطها حقا كانت شديدة الجمال
كريم بأنبها: مين دول
ليل: اميرات عائلته العامري
لينظر كريم بانبهار إلي نور وهي تقف أمامه مباشراً مردفاً: ده الي لبس بتاع ملبس ايه الجمال ده يانور وانتي يا ساره ايه الحلاوه دي لا لا حقيقي ابهرتوني وانتي يا ملكيه ده انا شكيت للحظه انك العروسه والله ايه الجمال ده وطبعاً حضرتك يا ياسمين مش محتاجه وصف اسم علي مسمه
ساره : طول عمرنا حلوين يا بابا
كريم: ده احنا ليلتنه لوز النهارده
ساره بأعجاب: بس ايه الشياكه دي كلها
فكان كريم يرتدي بدله روماديه اللون وقميص أبيض جعلته شديد الوسامه
كريم: لا شياكه ايه بقه مفيش شياكه بعد شياكتك يا سوسو
لتضحك ساره علي مغازلته لها
أما نور فكانت تنظر إلي ليل بنفس نظره الانبهار الذي ينظر بها لها نعم فكان ليل يرتدي بدله سوداء اللون وقميص أبيض حيث كانت تظهر عضلاته الضخمه مما أعطاه شكل رجولي جذاب
لتردف نور : البدله جميله جدا عليك
ليل بابتسامه: الاكيد انها مش اجمل منك
لتبتسم نور بخجل: شكراً .. أخيرا نطقت
ليل: متعوتش اشوف حاجه حلوه ومقدرهاش
~~~~~~~~~~~~~~~~~~~~~~~~~~~~~~~~
أما ياسمين فكانت تنظر إلي مالك بأعجاب شديد أيضاً فكان يرتدي بدله سوداء اللون وقميص اسود أيضاً أعطاه شكل رجولي جميل..
كانت تنتظر منه أن يقول رأيه كما يفعل دائماً لتردف بابتسامه: ايه رايك
مالك بأنبهار: رأي طول عمري متغيرش فيكي يا ياسمين هتفضلي اجمل بنت في عيني
ياسمين بحب: وانت هتفضل اجمل واحسن راجل في عيني يا مالك مهما حصل
( نعم مالك يتألم كثير مما فعلته ياسمين ولكن حبه الشديد لها أجبره علي قول تلك الكلمات لها فهي طفلته وليست حبيبته)
~~~~~~~~~~~~~~~~~~~~~~~~~~~~~~~~
وأخيراً زين الذي كان يرتدي بدله بيضاء اللون وقميص أبيض وبيبيونه سودا جعلته حقا عريس وسيم للغايه..
. و الذي ما أن وقع نظره علي مليكه وهو يحاول إقناع نفسه أن تلك الملاك هي مليكه كيف اصبحت بذلك الجمال الشديد ايعقل أنها أصبحت كذلك حديثاً ام أنا الذي كنت اعمى البصر
ليردف زين بأنبهار: انتي شبه القمر يا مليكه بجد
مليكه بابتسامه: وانت كمان يا زين شكلك وانت عريس حلو اوي الف مبروك
ليعود زين الي الواقع: اه الله يبارك فيكي يا مليكه عقبالك
ليقطع حديثهم صوت دخول عاطف: بسم الله ماشاء الله الف الف مبروك يا استاذ زين أن شاء الله هنخليه يوم زاي الفل
مالك: تعاله هنا تعاله مين هنخليه انت ليه مجمع نفسك معانه
عاطف: مش لازم أوجب مع استاذ زين ده انتوا خيركوا عليا
مالك: انت بالذات مش عايزين وجايب منك ونصيحه مني ليك مشفش وشك النهارده في الفرح خاالص خلي اليوم ده يعدي علي خير
ليل: انت كنت جاي ليه يا عاطف
عاطف: أصل المعازيم وصلت برا يا استاذ ليل
ليل: زين هي فين ندي المعازيم وصلت وهي لسه ازاي
زين: هي اكيد هتيجي في اي لحظه اكيد
ليل: طيب تعاله معايه يا كريم انت ومالك علشان نستقبل المعازيم وانت يا زين اتصل بيها تاني
زين :: حاضر
وبعد دقيقة يدخل شخص ما ليردف: حضرتك الاستاذ ليل العامري
ليل: ايوه انا اتفضل
الشخص: أنا الرائد مصطفى الشناوي
ليل: اهلا وسهلا
مصطفي: أنا اسف لو جيت من غير معاد بس الموضوع مهم جدا ويخص استاذ زين العامري ولوله اني عارف ان النهارده فرحه كنت استدعيته عندي في المكتب
زين: يخصني انا خير في ايه
مصطفى: أنا متأسف علي الي هقوله بس العروسه مش هتيجي
زين: يعني ايه مش هتيجي وانت عرفت منين أصلا
مصطفى: مش هتيجي لأنها تم القبض عليها أثناء محولتها الهروب برا مصر
ليقف زين بعصبية: ايه الكلام الفارغ الي انت بتقوله ده
ليل: استنه يا زين ممكن تفهمني ايه الكلام اللي بتقوله ده
مصطفى: انا مقدر موقفكوا بس دي الحقيقه لميس أو زاي ما كانت مفهماكوا أن اسمها ندي دي من أكبر مهربين المخدرات وطول عمرها عايشه بره مصر وشغلها كله برا بس كانت الفتره الي فاتت بتجهز لدخول اكبر شحنة مخدرات داخل مصر وعلشان ده يحصل كان لازم يكون في حلقه وصل ليها في مصر تتيح ليها الفرصه أنها تدخل اي حاجه مصر بسهوله وشركه العامر كانت هي حلقه الوصل دي يعني بوضوح الشركه بتاعتكوا بتستورد جميع معدات البناء والموارد الاساسيه من برا مصر وطبعاً شركتك تعد من أكبر الشركات في مصر والاهم من ده انها مش بتتعرض لتتفتيش الجمركي وده كان الاهم والمطلوب.. ولذلك لميس زورت ورق ليها باسم ندي ودخلت مصر وجت الشركه علي أنها جايه في شغل وبالفعل اتفقت معاكوا وماضيته عقود مزوره برضوا وبكده هي ضمنت انها هتصدرلكوا فعلا المعدات ولكن بداخلها المخدرات
وعلشان تدخل في وسطيكم اكتر وتتابع كل جديد بنفسها قربت من الاستاذ زين ومثلت عليه الحب والنهارده كان معاد التسليم وكانت مجهزه نفسها ان اول ما الحاجه توصل هتخرج هي برا البلد النهارده وفورا ورجالتها هنا هيكملوا وطبعاً احنا ولا كنا هنعرف اي حاجه من المعلومات دي غير لما مسكنا فرد من عصابتها كنا رصدينه بقالنا مده وهو الي قالنا كل ده والحمد لله اننا عرفنا ولحقناها وتم القبض عليها
كان الجميع ينظر له بصدمه ليردف زين: أنا مش مصدق أنا مش مستوعب الكلام الي بتقوله ده انا حاسس اني في كابوس
مصطفى: أنا عزرك طبعاً والمفروض أن استدعيك لان لازم يتم التحقيق مع حضرتك برضوا وأخذ اقوالك ولكن احتراماً للوضع الي حضرتكم فيه أنا هسيبك النهارده وهستنه حضرتك بكره تنورني في مكتبي .. بعد اذنك يا استاذ ليل
ليخرج الظابط ويتركهم جميعهم في صدمتهم
زين بجنون: يعني ايه يا ليل يعني أنا اضحك عليا كل ده كان كذب طيب ازاي ازاي محسناش يعني مليكه كانت صح
ليل: اهدي يا زين ورحمه ابويا لهندمهم كلهم علي اليوم الي فكروا فيه يلعبوا معانا
مالك: أنا مصدوم بجد أنا حاسس ان احنا في فيلم مش في حقيقه
كريم: ايه الي بيحصل ده
لتدخل الفتيات بعد خروج الظابط..
نور: في ايه يا ليل طمنونه
مليكه: ما حد يرد علينا في ايه يا مالك
ليحكي لهم مالك ما حدث
نور بصدمه: انت بتقول ايه أنا مش مصدقه يعني مليكه كانت صح لما شكت فيها
ساره: دي نصيبه
ياسمين: وهنعمل اي دلوقتي في الناس الي تحت دي
مالك: هنتصرف ازاي يا ليل دي كارثه انت عارف يعني ايه ننزل نقولهم مفيش عروسه ومفيش فرح
كريم: دي تبقي فضيحه
ليل بعصبية: بحاول افكر هنعمل اي
كل ذلك تحت انظار مليكه التي وبرغم أن من المفترض أن تكون سعيده لان ظهر الحق وظهرت برائتها إلا أنها كانت حزينه للغايه علي وضع زين الذي كان يجلس لا يتحدث ومازال في صدمته
نور بتردد: أنا عندي حل
لينظر لها الجميع ويردف ليل: حل ايه يا نور
نور وهي تبتلع ريقها: مليكه هتكون هي العروسه
لتنظر لها مليكه بصدمه
ليل: ايه الي بتقوليه ده لا طبعاً
نور: مفيش حل غير ده هينقذنا من الفضيحه الي ممكن تحصل دلوقتي وبعدين الجواز هيكون مؤقت وبعد كام شهر كل واحد منهم يطلق عادي ويكمل حياته
ليل: ولو برضوا انا مقدرش اظلم مليكه أو احكم عليها بحاجه زاي كده
مالك: الموضوع مش بالسهوله دي يا نور
نور: ومين قالك أنك كده هتظلم مليكه بالعكس انت كده هتنقذنا كلنا
ليل: ساكته ليه يا مليكه ما تتكلمي
مليكه بتوتر وهي تنظر إلي زين: أنا موافقه
لينظر لها الجميع بصدمه زين: انتي بتقولي اي لا طبعاً مينفعش تعملي في نفسك كده
مليكه: بقول أن كلام نور صح ومدام ده الحل الوحيد يبقه انا
موافقه
مالك: مليكه يا حبيبتي ده مش قرار عادي لازم تفكري كويس يا حبيبتي
مليكه: عارفه يا مالك وعلشان كده انا بقولك أنا موافقه
نور: اهو مليكه نفسها موافقه ممكن بقه ننزل بسرعه لان المأذون عايز يمشي والمعازيم كلهم بدأو يشكوا أن في حاجه غلط
لينظر ليل الي مليكه:. مليكه فكري
مليكه بابتسامه: صدقني فكرت موافقه لان ده الصح
ليل : ماشي يا مليكه ..
وبالفعل نزلوا جميعا الي الأسفل وهم يرسمون ابتسامه علي وجوههم وبدأت المعازيم في التصفيق وتهنئة العرسان وبالطبع معظمهم تفاجئ أن مليكه هي العروسه
وبدأ المأذون في مراسم كتب الكتاب وبالفعل أصبحت ملكيه زوجه زين أمام الله وأمام الجميع
ليردف المأذون: بارك الله لكم وبارك عليكم أن شاء الله
زين بابتسامه بسيطه: شكراً
وبدأ الجميع في الالتفات حول زين ومليكه والمباركة لهم
ومن ضمنهم علي الذي تفاجئ بالطبع بذلك الخبر
علي: الف مبروك يا استاذ زين الف مبروك يا استاذه مليكه
مليكه بحرج: الله يبارك فيك يا علي
ثم تغيرت الموسيقى وجائت فقرت رقصه السلو
ليتجه كل من زين ومليكه للرقص لتنظر مليكه الي زين بخجل وعدم استيعاب لما يحدث ثم تضع يديها حول عنق زين ويقوم هو بالامساك بخصرها ويبدأو بالرقص تحت انظار الجميع المنبهرون بجمالهم
زين: أنا آسف يا مليكه علي كل حاجه علي اني مصدقتكيش يومها وعلي الي حصل النهارده أنا آسف
مليكه: متتأسفش يا زين الي حصل ده احسن لينا كلنا
وها قد مر الوقت ورحلت المعازيم ولم يتبقي سوى أفراد العائله
مليكه: أنا طالعه يا نور ارتاح مش قادره اقف اكتر من كده
نور : لا ده احنا كلنا اصلا هنطلع معاكي مش قادرين وانتي يا ساره أنا ممكن اكلم مامتك وتباتي معانه وتروحي بكره عادي الوقت أتأخر اوي أصلا
ساره : أنا فعلاً مش قادره أتحرك وهموت وانام تعالي نطلع وانا هكلمها
وبالفعل ذهبوا الي الاعلي ليرتاحوا
زين بتعب: وانا كمان مش قادر محتاج ارتاح شويه علشان نفوق للي هيحصل بكره
ليل: كلنا لازم نرتاح
مالك: ده احنا لو محلوف علينا ما تتملنا جوازه مش هيحصل كده
كريم: الحمدلله انها اتحلت يا مالك يلا احنا كمان نطلع بقه ننام
وبالفعل ذهبوا أيضاً للنوم
~~~~~~~~~~~~~~~~~~~~~~~~~~~~~~~~
( في غرفه الفتيات)
مليكه بدموع: أنا بحاول استوعب الي حصل مش عارفه أنا بقيت مرات زين ازاي أنا مش عارفه أنا ازاي عملت كده ازاي وافقت بعد ما كنت خلاص قررت انساه وأكمل حياتي ازاي اعمل كده
نور: انتي عملتي الصح يا مليكه
مليكه: ازاي بس يا نور ازاي
نور: فاكره لما قولتلك أن كل حاجه نصيب وقولتلك زين لو من نصيبك وخير ليكي مكنش ربنا علقه بندي وبعده عنك
مليكه: طبعاً فكره
نور بابتسامه: طيب ودلوقتي بقولك نفس الشيء لو مكنش زين من نصيبك ولا خير ليكي مكنتيش دلوقتي مراته
مليكه: انتي بتقولي ايه يا نور بس طيب ولو كلامك صح كان ايه لزمت الي حصل ده كله ما كان حبني علي طول بدل كل ده
نور: يا مليكه يا حبيبتي ده تدبير ربنا الي مفيش احسن منه ليه متبوصليهاش صح يعني لو كان زين صدقك يومها وحبك انتي واتجوزك زاي ما كنتي عايزه تفتكري كانت جوازتكوا هتكمل لا طبعاً عارفه ليه لانك كنتي هتفضلي مليكه الي معندهاش ثقه بنفسها ولا بتقدر نفسها وكنتي دايمن هتحسي انك أقل منه انما من رحمه ربنا أراد أن كل ده يحصل علشان تدركي أن تفكيرك كان غلط اتجاه نفسك وتبتدي تحسني من نفسك وتثقي في نفسك وفي لحظه اصبحتي مرات زين
ربنا جميل اوي يا مليكه صدقيني ليه حكمه في كل الي بيحصل ده
ساره: أنا مع نور في كل كلمه قالتها بصراحه
ياسمين: وانا كمان لان استحاله ربنا يكون عايز يضرك أبدا اكيد ده الخير ليكي
مليكه: ونعم بالله بس طيب ما احنا برضوا هنطلق كمان كام شهر
نور: ممكن تسبيها بظروفها وتبطلي تفكير
مليكه: ماشي بس انا برضوا لسه زعلانه منه مش هقدر اتعامل عادي هو جرحني
نور: ومين قالك أنك هتغيري حاجه انتي هتتعامل كامليكه الجديدة الي عارفه قيمت نفسها كويس اوي وسيبي الباقي علي ربنا
مليكه: انتو شايفين كده
ساره: طبعاً ولازم تحمدي ربنا أنه فوقك من تفكيرك الغلط اتجاه نفسك وأنه كمان جمعك بزين
مليكه بشرود: الحمدلله.. الحمدلله
ثم ذهب كل منهم الي النوم فاليوم كان صعب عليهم جميعاً بكل أحداثه
يتبع الفصل التالي اضغط هنا
- الفهرس يحتوي على جميع فصول الرواية كاملة: "رواية نور الليل" اضغط على أسم الرواية